မစ္စတာဂမ်ဘာရီရဲ့ မြန်မာနိုင်ငံခရီးစဉ်နဲ့ ပတ်သက်လို့ မစ္စတာဂမ်ဘာရီဟာ သူတကယ်
လုပ်ရမယ့် ကုလသမဂ္ဂတာဝန်ပိုင်း၊ ကုလသမဂ္ဂရဲ့ ရပ်တည်မှုကနေ သွေဖည်နေပြီ၊
လမ်းလွဲနေပြီလို့ အမေရိကန်အခြေစိုက် မြန်မာ့အရေးလှုပ်ရှားမှုအဖွဲ့ US Campaign for
Burma ကနေ ထုတ်ပြန်ဝေဖန်လိုက်ပါတယ်။
ကုလသမဂ္ဂ အထူးကိုယ်စားလှယ်ဟာ အမျိုးသားဒီမိုကရေစီအဖွဲ့ချုပ်ကလွဲလို့ ကျန်တဲ့
ဒီမိုကရေစီရေး အင်အားစုတွေ၊ နိုင်ငံရေးပါတီတွေ၊ လူထုအခြေပြု အဖွဲ့အစည်းအမှန်
တွေကို မတွေ့ဘဲ စစ်အစိုးရက စီစဉ်ပေးတဲ့အတိုင်းပဲ စစ်အစိုးရထောက်ခံသူတွေကိုပဲ
တွေ့ဆုံနေတဲ့အပေါ် USCB လို့ခေါ်တဲ့ အမေရိကန်အခြေစိုက် မြန်မာ့အရေးလှုပ်ရှားမှု
အဖွဲ့က ဝေဖန်လိုက်ပါတယ်။
"ဂမ်ဘာရီရဲ့ အဓိကတာဝန်က ဒီအဖွဲ့အစည်းတွေကြားထဲမှာ လွန်းပြန်တွေ့ဆုံပြီး
သုံးဘက်ပါဝင်တဲ့ ဆွေးနွေးပွဲတွေ ပေါ်ပေါက်လာဖို့၊ အဲဒီဆွေးနွေးပွဲတွေ မစနိုင်ခင်မှာ
တောင် ဒီသုံးဘက်ကြားမှာ အပြန်အလှန် နားလည်မှုတွေရအောင် ဆောင်ကြဉ်းဖို့ ဒါ
သူ့ရဲ့ အဓိကတာဝန်ပါ။ ဒါပေမယ့် မနေ့က သူ အမျိုးသားဒီမိုကရေစီအဖွဲ့ချုပ်
ခေါင်းဆောင်များနဲ့ တွေ့တဲ့အချိန်မှာ သူ့ဘက်က ပြောခဲ့တာကတော့ ၂၀၁၀
ရွေးကောက်ပွဲကို ဦးစားပေးပြီး ဒီရွေးကောက်ပွဲကို နအဖက သန့်သန့်ရှင်းရှင်းလုပ်ဖို့
သူတို့က တိုက်တွန်းမယ်။ တဖက်ကလည်း အမျိုးသားဒီမိုကရေစီအဖွဲ့ချုပ်က ပါဝင်ဖို့
တိုက်တွန်းတာမျိုး လုပ်တယ်ဆိုတော့ သူ့ရဲ့လမ်းကြောင်းနဲ့ သူ့ရဲ့ ဆောင်ရွက်မှုတွေက
သူ့ကိုပေးအပ်ထားတဲ့ မူလတာဝန် ၀တ္တရားတွေကနေ လွဲမှားနေတယ်လို့ တွေ့ရတယ်။
ဒါကြောင့် အခုလို ဝေဖန်တာပါ။
"ပြီးတော့ မြန်မာနိုင်ငံမှာရောက်တာ ဒီနေ့ဆိုရင် ၄ ရက်ရှိသွားပြီ။ အဓိက ဒီမိုကရေစီ
အင်အားစုတွေနဲ့တွေ့ဆုံတာ၊ အမျိုးသားဒီမိုကရေစီအဖွဲ့ချုပ် ခေါင်းဆောင်များနဲ့
တွေ့ဆုံတာ မိနစ် ၂၀ ပဲရှိတယ်။ ကျန်တဲ့အချိန်တွေမှာ နအဖရဲ့ ကိုယ်စားလှယ်တွေ၊
နအဖရဲ့ အဆင့်နိမ့်အရာရှိတွေ၊ နအဖက တွေ့ခွင့်ပေးတဲ့ နအဖကိုထောက်ခံတဲ့ အဖွဲ့
အစည်းများနဲ့ တွေ့ဆုံတာလောက်ပဲ ရှိတယ်။"
ဒေါ်အောင်ဆန်းစုကြည်ဟာ အင်မတန်မှ တာဝန်သိတဲ့ အမျိုးသမီး
ခေါင်းဆောင်တယောက်ပါ။ ဂမ်ဘာရီနဲ့ တွေ့ဆုံရမယ့်ကိစ္စ အရေးကြီးတယ်လို့ သူ
နားလည်တယ်ဆိုရင် ဘယ်လောက်ပဲ ကျန်းမာရေး ချို့တဲ့နေပါစေ၊ သူ တွေ့ကိုတွေ့မှာ
ပါ။ သူ မတွေ့ဘူးဆိုရင်တော့ သူကိုယ်၌ကိုယ်က မစ္စတာဂမ်ဘာရီကို မတွေ့ချင်လို့။
"မတွေ့ချင်တဲ့ဟာမှာလည်း ဖြစ်နိုင်ချေက မစ္စတာဂမ်ဘာရီရဲ့ ဆောင်ရွက်ချက်တွေ
အပေါ်မှာ သူကိုယ်၌က သဘောမကျတာမျိုး ရှိနိုင်တယ်။ နောက်တခုက ကျနော်တို့
နားလည်သလောက် အမြဲတမ်း သူတောင်းဆိုခဲ့တာရှိတယ်၊ မစ္စတာဂမ်ဘာရီကို
တွေ့တဲ့အချိန်မှာ အမျိုးသားဒီမိုကရေစီအဖွဲ့ချုပ် စီအီးစီခေါင်းဆောင်များနဲ့ သူနဲ့ အတူ
တကွ တွေ့ဖို့၊ အဲလိုမှမဟုတ်ဘဲ စီအီးစီက သတ်သတ်တွေ့၊ သူက သတ်သတ်တွေ့ဆိုရင်
တော့ သူတို့ တဖွဲ့တစည်းတည်း ဖြစ်လင့်ကစား တိကျတဲ့၊ တူညီတဲ့အသံ ပေးနိုင်မှာ
မဟုတ်ဘူး။ အခုတခေါက်မှာတော့ အဲဒီလို အတူတကွတွေ့ခွင့်ရဖို့ တောင်းဆိုတာကို
နအဖက လက်မခံတဲ့အတွက် ဆန္ဒပြတဲ့အနေနဲ့ မတွေ့တာလည်း ဖြစ်နိုင်ပါတယ်။"
မစ္စတာဂမ်ဘာရီ မြန်မာပြည်ကိုလာတာ ၆ ခေါက်ရှိသွားပြီ။ ကိုဖီအန်နန်
လက်ထက်မှာ Under Secretary General ရာထူးနဲ့ ၂ ခေါက်ရောက်ခဲ့တယ်၊ မစ္စတာ
ရာဇာလီ ထွက်ပြီးခါစ။ အဲဒီနောက် ဘန်ကီမွန်းက ဆက်ပြီးတာဝန်ပေးတဲ့အတွက်
မြန်မာနိုင်ငံဆိုင်ရာ အထူးကိုယ်စားလှယ်အဖြစ်နဲ့ နောက်ထပ် ၄ ခေါက်၊ စုစုပေါင်း
၆ ခေါက်ရှိသွားပြီ။
"အဲဒီ ၆ ခေါက်စလုံးမှာ သူ့ရဲ့ လှုပ်ရှားမှုတွေက နအဖ စီစဉ်ညွှန်ကြားတဲ့အတိုင်းပဲ ဖြစ်နေ
ပြီးတော့ သူပြောသလိုဆိုရင် သူတွေ့ချင်တဲ့လူတွေနဲ့ မတွေ့ရဘူး။ သူ မတွေ့ချင်တဲ့
လူတွေနဲ့ တွေ့ရတယ်။ ကျနော်တို့မြင်တာကတော့ တွေ့ချင်တဲ့လူတွေနဲ့ တွေ့ခွင့်မရဖို့
နအဖက ဟန့်တားထားတယ်ဆိုရင် နအဖရဲ့ အပြစ်ပေါ့။ သို့သော်လည်း သူ့မှာ သူ
မတွေ့ချင်တဲ့လူကို မတွေ့ခွင့်တော့ ရှိမယ်ထင်ပါတယ်။ မတွေ့ချင်တဲ့လူကို မတွေ့ဖို့
ငြင်းဆန်ခွင့် သူ့မှာရှိလိမ့်မယ်လို့ ထင်ပါတယ်။ အခုလို သူ မတွေ့ချင်တဲ့လူတွေကို
တွေ့ပြီးတော့ အဲဒါကိုပဲ မြန်မာနိုင်ငံက လူထုလူတန်းစား အဖွဲ့အစည်းများနဲ့ တွေ့ပါတယ်
လို့ ကမ္ဘာကိုကြေညာတာကြတော့ အင်မတန်မှ လှည့်ဖျားရာရောက်ပါတယ်။"
"အထူးသဖြင့် မစ္စတာဘန်ကီမွန်းရဲ့ ရုံးကို လှုပ်ရှားဆောင်ရွက်မှုတွေနဲ့ ပတ်သက်ပြီး
မှန်မှန်ကန်ကန် ပြန်လည်သုံးသပ်ဖို့နဲ့ တကယ်လုပ်ရမယ့်အလုပ်၊ တကယ်ရွေ့ရှားရမယ့်
လှုပ်ရှားမှုတွေကို ပြတ်ပြတ်သားသား၊ မှန်မှန်ကန်ကန် ဆောင်ရွက်နိုင်ဖို့ ကျနော်တို့
ဆက်ပြီးတော့ ဖိအားပေးမှာပါ။ မူလ လမ်းကြောင်းမှန်ကို ပြန်ရောက်လာဖို့ ကျနော်တို့
ဝိုင်းဝန်းဖိအားပေးမှာပါ။"
USCB အဖွဲ့က အမှုဆောင်ညွှန်ကြားရေးမှူး ကိုအောင်ဒင် ရှင်းပြသွားတာ ဖြစ်ပါတယ်။
