10.15.2008

မိခင်စိတ်ရှိသူ(သို့)ဒေါ်အောင်ဆန်းစုကြည် (သမိုင်းဖြစ်ရပ်မှန်)သက်ဦး(သုံးရောင်ချယ်)

သူတို့အတွေးသူတို့အမြင်ကဏ္ဍ

မိခင်စိတ်ရှိသူ(သို့)ဒေါ်အောင်ဆန်းစုကြည် (သမိုင်းဖြစ်ရပ်မှန်)

၁၉၈၈ ခုနှစ်အရေးတော်ပုံကာလအတွင်းဒေါ်အောင်ဆန်းစုကြည်၏နေအိမ်
တွင်ကျွန်တော်တို့သုံးရောင်ခြယ်အဖွဲ့ဒေါ်အောင်ဆန်းစုကြည်၏လုံခြုံရေး
နှင့်နိုင့်ငံရေးပါတွဲလုပ်ကိုင်စဉ်ကဖြစ်ပါတယ်။

၁၉၈၉-ခုနှစ်ဧပြီလမှာအမျိုးသားဒီမိုကရေစီအဖွဲ့ချုပ်ရုံးမှာသင်္ကြန်သံချပ်ပြိုင်ပွဲ
ကျင်းပခဲ့ပါတယ်။သံချပ်ပြိုင်ပွဲကော်မတီဖွဲ့စည်းအပြီးအမြို့မြို့အနယ်နယ်မှ
သံချပ်ပြိုင်အဖွဲ့ဝင်တွေကိုလက်ခံပြီးသံချပ်ပြိုင်ပွဲကိုကျင်းပခဲ့ပါတယ်။သံချပ်
ပြိုင်ပွဲကျင်းပရေးကော်မတီကိုအဖွဲ့ဝင်(၁၀)ဦးနဲ့ဖွဲ့စည်းခဲ့ပါတယ်။ဦးသော်က
(ဗိုလ်မှုးသော်က၊ထောင်တွင်းကျဆုံး)ဦးမြင့်ဆွေ(တက္ကသိုလ်များစာကြည့်တိုက်
မှုး)စသူတို့ပါဝင်တာကိုပဲမှတ်မိပါတယ်။

ဒေါ်အောင်ဆန်းစုကြည်နှင့်ကျွန်တော်တို့ကျောင်းသားအဖွဲ့ကသင်္ကြန်နား
ကပ်မှဧရာဝတီတိုင်းစည်းရုံးရေးခရီးစဉ်မှပြန်လာပြီးဒေါ်အောင်ဆန်းစုကြည်
ဟာအနည်းငယ်နေမကောင်းဖြစ်ပါတယ်။အနည်းငယ်နေထိုင်မကောင်းတ
ဲ့ကြားထဲကပဲအကြိုနေ့ကသံချပ်ပြိုင်ပွဲဖွင့်ပွဲကိုကျင်းပပေးခဲ့ပါတယ်။နောက်ရက်
တွေမှာနဲနဲအနားယူပါတယ်။မှတ်မှတ်ရရပဲအင်္ကြန်အကြတ်နေ့မှာတော့
နေကောင်းသွားပြီးကျွန်တော်တို့ကျောင်းသားအဖွဲ့ကိုသူကိုယ်တိုင်လုပ်ထား
တဲ့ရွှေရင်အေး(မုန့်လက်ဆောင်း)ကိုကျွေးပါတယ်။မုန့်လက်ဆောင်းသောက်ရင်း
နဲ့ကျွန်တော်တို့နဲ့ဒေါ်အောင်ဆန်းစုကြည်စကားတွေပြောကြပါတယ်။

ဒီလိုစကားပြောနေရင်းဒေါ်အောင်ဆန်းစုကြည်ကရုတ်တရက် “အော် ၊ဒါနဲ့သံချပ်
တွေစီစစ်ရေး(ဆင်ဆာ)မလုပ်တော့တပ်မတော်အပေါ်ကိုတော်တော်များထိခိုက်
နစ်နာကုန်ပြီလားမသိဘူး”လို့ပြောတဲ့အခါမှာကျွန်တော့်မှာဒေါ်အောင်ဆန်း
စုကြည်ကိုကြည့်ပြီးမျက်ရည်ဝဲမိပါတယ်။

တပ်မတော်ဖခင်ကြီးဗိုလ်ချုပ်အောင်ဆန်းရဲ့သမီး၊တပ်မတော်သားတွေရဲ့
လက်ပေါ်မှာကြီးပြင်းခဲ့ရတဲ့သူမရဲ့ဒီလိုစိတ်ထားမျိုးနဲ့ပြောတဲ့စကားကိုကြားရ
တော့ဒေါ်အောင်ဆန်းစုကြည်ရဲ့သဘောထားကြီးစိတ်၊ခွင့်လွတ်နိုင်စိတ်ကို
တွေ့ရတော့ကျွန်တော့်မှာမျက်ရည်မဝဲပဲမနေနိုင်ပါဘူး။

အဲဒီအချိန်တုန်းကကျွန်တော်တို့ကတော့လူငယ်စိတ်နဲ့အဲဒီ(၈၈) အရေးတော်
ပုံကာလအတွင်းစစ်တပ်ကပစ်တာ၊ခတ်တာတွေကိုကိုယ်တွေ့ကြုံရတော့ရင်ထဲ
မှာအစိုင်အခဲကြီးတွေရှိနေတာတော့အမှန်ပါပဲ။

အဲဒီအချိန်အတွင်းမှာလည်းသတင်းစာဆောင်းပါး၊ရေဒီယို၊ရုပ်မြင်သံကြားတို့က
နေပြီးတော့ဒေါ်အောင်ဆန်းစုကြည်ကိုအပုပ်ချသတင်းတွေ၊မကောင်းသတင်းတွေ
ကို န ဝ တကထုတ်လွင့်နေတဲ့အချိန်ဖြစ်ပါတယ်။

အဲဒါတွေကိုကျွန်တော်တို့ကကြားပြီးဒေါသထွက်ပေမယ့်ဒေါ်အောင်ဆန်းစုကြည်
ကတော့သူမရဲ့ဖခင်ကြီးတည်ထောင်ခဲ့တဲ့တပ်မတော်ကြီးကိုသံယောဇဉ်စိတ်နဲ့
နစ်နာသွားမှာကိုမလိုလားတာတွေ့ရတော့ဒေါ်အောင်ဆန်းစုကြည်ရဲ့သဘော
ထားကြီးမှု၊အမျှော်အမြင်ရှိမှု၊ခေါင်းဆောင်ပီသမှုတွေကိုအတုယူစရာဖြစ်ခဲ့ရပါ
တယ်။

မုန့်လက်ဆောင်းသောက်ပြီးတဲ့နောက်ဒေါ်အောင်ဆန်းစုကြည်ဟာအပေါ်ထပ်
ကိုတဒုန်းဒုန်းနဲ့ပြေးတက်သွားပြီးငွေဖလားကြီးတလုံးယူချလာပြီးကျွန်တော်တို့
အားလုံးကိုရေလောင်းပါတော့တယ်။အဲဒီလိုကျပြန်တော့လည်းသူမကိုကြည့်ရ
တာဆယ်ကျော်သက်အရွယ်လေးလိုပါပဲ။ကျွန်တော်တို့အားလုံးကလည်း
ဒေါ်အောင်ဆန်းစုကြည်ကိုရေပြန်လောင်းကြပါတယ်။ပျော်စရာကြီးပါပဲဗျာ။

ကဲ-နအဖ စစ်ခေါင်းဆောင်ဗိုလ်ချုပ်မှုးကြီးသန်းရွှေနဲ့အဖွဲ့ဝင်များခင်ဗျား၊

ဒီလိုသဘောထားကြီးပြီးရှေ့ရေးကိုအမျှော်အမြင်ရှိတဲ့ဒေါ်အောင်ဆန်းစ
ုကြည်လိုပြည်သူတင်မြှောက်တဲ့ခေါင်းဆောင်တယောက်မျိုးနဲ့တွေ့ဆုံမ
ဆွေးနွေးရင်၊ဘယ်လိုလူမျိုးနဲ့တွေ့ဆုံဆွေးနွေးမှာလဲ?
အိုစမာဘင်လာဒင်လိုလူမျိုးနဲ့ကျမှဆွေးနွေးမှာလား?
စဉ်းစားကြပါဗိုလ်ချုပ်ကြီးများခင်ဗျား-

နောက်တခုက (၁၃၀၀)ပြည့်ရေနံချောင်းသပိတ်မှောက်ဆန္ဒပြပွဲကြီးကိုသမိုင်း
ပညာရှင်များက(၁၃၀၀)ပြည့်အရေးတော်ပုံကြီးလို့သတ်မှတ်ရေးသားကြတာ
တွေ့ရပါတယ်။အခု(၈၈)ပြည်လုံးကျွတ်ဆန္ဒပြပွဲကြီးကို(၈၈)အရေးတော်ပုံကြီး
လို့အားလုံးကိုရေးသားခေါ်တွင်သုံးစွဲစေချင်တဲ့ဆန္ဒကျွန်တော့်မှာရှိပါတယ်။
(၈၈)အရေးအခင်းလို့မသုံးစေချင်ပါ။(၈၈)အရေးတော်ပုံဟာအဆမတန်ကြီး
ကျယ်တယ်လို့ကျွန်တော်ယူဆပါတယ်။
ကျွန်တော်မှားရင်ခွင့်လွတ်ပါ။

(သက်ဦး)
သုံးရောင်ခြယ်

No comments:

Post a Comment