တရားဝင်နေထိုင် အလုပ်လုပ်ကိုင်ခွင့်(ဘတ်) အသစ်ယနေ့ စတင် လုပ်ဆောင်ပြီ

ဇွန်လ ၁၅

ယနေ့နံနက်ပိုင်းက ဘန်ကောက်မြို့အနီးရှိ မဟာချိုင်အလုပ်သမားရုံးတွင် ရွှေ့ပြောင်းအလုပ်သမားများ တရားဝင် နေထိုင်အလုပ်လုပ်ကိုင်ခွင့် (ဘတ်)အသစ် လုပ်ကိုင်ခြင်းကို စတင်ပြီး၊ ထိုင်းအလုပ်သမား ၀န်ကြီး နှင့် မြန်မာနိုင်ငံခြားရေး ဒုဝန်ကြီး ဦးမောင်မြင့်တို့ သတင်းစာရှင်းပွဲတစ်ရပ် ပြုလုပ်ခဲ့သည်။

မဟာချိုင် အလုပ်သမားရုံးတွင် One Stop Service တစ်နေရာတည်းတွင် ဘတ်နှင့် ပါတ်သက်သည့် လုပ်ငန်းအားလုံး စီစဉ်ဆောင်ရွက်သည့် ၀န်ဆောင်မှုကို ပေးနိုင်ရန် စီစဉ်ထားသည်။

ထိုင်းအလုပ်သမား ၀န်ကြီးဌာန ၀န်ကြီး ချလုံချိုင်းစီရီအွန် က“ မြန်မာ ကမ္ဘောဒီိယားနဲ့ လာအိုနိုင်ငံက တရားမ၀င် ရောက်ရှိနေကြတဲ့ ရွှေ့ပြောင်း အလုပ်သမားတွေကို ဒီနေ့ ကစပြီးတော့ လုပ်ပေးမှာ ဖြစ်ပါတယ်။

လုပ်ငန်း ထိရောက်မြန်ဆန်ဖို့ အတွက် တစ်နေရာတည်းမှာ လုပ်ပေးဖို့ အတွက် ထိုင်းတစ်နိုင်ငံလုံးမှာ စီစဉ် ထားတယ်၊ တရားဝင် အလုပ်သမားများ ဖြစ်လာလို့ရှိရင် အားလုံးအတွက် အကျိုးရှိမှာဖြစ်တယ်” ဟု ပြောဆို သွားသည်။

အဆိုပါ သတင်းစာရှင်းလင်းပွဲသို့ မြန်မာသံရုံးဝန်ထမ်းအချို့ အပါအ၀င် ထိုင်းအလုပ်သမား ၀န်ကြီးဌာန စီမံခန့်ခွဲရေး မန်နေဂျာနှင့် နိုင်ငံခြား အလုပ်သမားရေးရာဌာနက တာဝန်ရှိသူများနှင့် မဟာချိုင်က ဌာနဆိုင်ရာ တာဝန်ရှိသူများ တက်ရောက်ခဲ့ကြသည်။

မြန်မာ နိုင်ငံခြားရေး ဒုဝန်ကြီးဦးမောင်မြင့်က “ ဘန်ကောက်က သံရုံးမှာထားတဲ့ ၀န်ထမ်းဟာ ကျနော်တို့ ဆင်းရဲတဲ့ နိုင်ငံနဲ့တောင် မတူဘူး။ အစိုးရက နိုင်ငံတကာမှာထားတဲ့ ၀န်ထမ်းတွေထက် အရေအတွက် ပိုများပါတယ်။ နိုင်ငံခြားမှာရှိတဲ့ အလုပ်သမားတွေအတွက် လိုအပ်လို့ရှိရင် လူအင်အား ငွေအင်အားသုံးဖို့ အဆင်သင့်ပါ။ ထိုင်းမှာ အလုပ်သမားတွေ တစ်ခုခုဖြစ်ရင် သိရှိနိုင်အောင် ကျနော်တို့မှာ ပြင်ဆင်ထားတာ မရှိပေမယ့် သတင်းမီဒီယာခေတ်မှာ သတင်းတွေမှာ တွေ့လာလို့ရှိရင် ကျနော်တို့ ချက်ခြင်းဆောင်ရွက်မှာပါ။ မြန်မာ အလုပ်သမားတွေ အနေနဲ့လည်း ကိုယ်တိုင်ဆက်သွယ် အကူအညီတောင်းခံနိုင်ပါတယ်” ဟု ပြောဆိုသွားသည်။

မြန်မာဒုဝန်ကြီးက ယမန်နှစ်က ဘတ်လုပ်ရာသီတွင် အချိန် တစ်လတိုးပေးရန် ထိုင်းအစိုးရကို တောင်းဆိုခဲ့ သကဲ့သို့  မြန်မာအလုပ်သမားများ အနေဖြင့် တရားဝင်လမ်းကြောင်းကို ရောက်ရှိလာသဖြင့် ရသင့်ရ ထိုက်သည့် အခွင့်အရေးများကို အပြည့်အ၀ ရရှိကြမည်ဖြစ်ကြောင်း ထပ်လောင်း ပြောဆိုသွားသည်။

မဲဆောက်မြို့အခြေစိုက် မြန်မာပြည်သားများအရေး ပူးတွဲလှုပ်ရှားမှု ကော်မတီဥက္ကဌ ဦးမိုးကြိုးက“ မဲဆောက်နဲ့ တာ့ခ်ရိုင်အတွင်းက အလုပ်သမားတွေက ဒီ(ဘတ်)ကိုလုပ်ချင်ပေမယ့် ရတဲ့ငွေက အလွန်နည်းနေတာကြောင့် မလုပ်နိုင်ကြဘူးဗျ။ မဲဆောက်နဲ့ တာ့ခ်ခရိုင်အတွင်းမှာ မြန်မာအလုပ်သမား လေးသိန်းလောက် ရှိပေမယ့် စက်ရုံအလုပ်သမားက တစ်သိန်းအောက်ပဲ ရှိပါလိမ့်မယ်။ ကျန်အလုပ်သမား တွေက စိုက်ပျိုးရေးနဲ့ ကျဘမ်း အလုပ်သမားတွေဖြစ်တယ်။ ဒီအလုပ်သမားတွေကို ဘယ်လုပ်ငန်းရှင်ကမှ ဘတ်လုပ်ပေးမှာ မဟုတ်ဘူးဗျ။” ဟု ပြောဆိုသွားသည်။

တရားဝင် မှတ်တင်ထားသည့် စက်ရုံအလုပ်ရုံများ အနေဖြင့် လုပ်ပေးနိုင်ခြေ ရှိသော်လည်း တရားမ၀င် လုပ်ကိုင်နေကြသည့် အိမ်တွင်းမှုလုပ်ငန်းနှင့် တောင်ယာစိုက်ပျိုးရေး လုပ်ငန်း၊ ကျဘမ်း အလုပ်သမားများမှာ ဘတ်လုပ်လိုပါက အငှါးသူဌေးခ ဘတ် ၁၀၀၀ ပေးရကြောင်း ၄င်းက ဆက်ပြောသည်။

ရွှေ့ပြောင်း အလုပ်သမားများ အချိန်ကုန် လူပမ်းမဖြစ်စေရန်နှင့် စရိတ်စက ကုန်ကျသက်သာစေရန်

One Stop Service တစ်နေရာတည်းတွင် လုပ်ကိုင်ပေးရန် စီစဉ်ဖြစ်ကြောင်း ထိုင်းအလုပ်သမားဝန်ကြီးက ပြောဆို သွားသော်လည်း မဲဆောက်မြို့တွင် မရှိသေးကြောင်း ဦးမိုးကြိုးကပြောသည်။ ဘန်ကောက်နှင့် ထိုင်းနိုင်ငံ တောင်ပိုင်းတို့ တွင်လည်း ယနေ့တွင် One Stop Service လုပ်သည့်နေရာ မရှိသေးကြောင်း အငှါးသူဌေး လုပ်ငန်းလုပ်ကိုင်နေကြသည့် မြန်မာများကပြောသည်။ ထိုင်းအစိုးရက (ဘတ်) လုပ်ခ တရားဝင် ၃၈၀၀ ဘတ်သတ်မှတ်ထားသော်လည်း ဘန်ကောက်၊ မဟာချိုင်၊ ခြုံဖွန် ဖူးခက်၊ ရနောင်းနှင့် အခြားနေရာများတွင် ဘတ် ၅၅၀၀ မှ ဘတ်၆၀၀၀ အထိ အပြင်ပေါက်ဈေးဖြစ်နေသည်။ ထိုင်းအစိုးရ ဘတ် ၂၉၀၀ သတ်မှတ်ထားသည့် မဲဆောက်မြို့တွင် ဘတ်၄၀၀၀ကျော်ခန့် ကုန်ကျမည် ဖြစ်ကြောင်း အလုပ်သမားအရေး ဆောင်ရွက်နေသူများက ပြောသည်။

မည်သိုပင်ဖြစ်စေ ယနေ့ ထိုင်းနိုင်ငံ အနှံအပြားတွင် တရားဝင်နေထိုင် အလုပ်လုပ်ကိုင်ခွင့် (ဘတ်) လုပ်ငန်းအား စတင် လုပ်ကိုင်နေပြီ ဖြစ်သဖြင့် (ဘတ်)မရှိသည့် အလုပ်သမား ပျော်ရွှင်နေကြကြောင်းလည်း သိရှိရသည်။

ကိုကျော်သောင်းမှ ပေးပို့ပါသည်။ 

မြန်မာအလုပ်သမားများ တင်ပို့သည့် ထိုင်းရဲကားအား နယ်ခြားစောင့်တပ်က စစ်ဆေးရေးဂိတ်တွင်ဖမ်းဆီး

မေလ ၂၂

ထိုင်းဘာသာပြန် ကိုတီး (ရခိုင့်တံခွန်ဂျာနယ်)

ယမန်နေ့ ညနေပိုင်းက ဘန်ကောက်မြို့သို့ တရားမ၀င်မြန်မာအလုပ်သမား ၁၀ဦး တင်ဆောင်လာသည့် အချုပ်ကားအမှတ် ၄၇၄၊ကားနံပါတ်၃၁-၈၇၅၆ကို တာ့ခ်ခရိုင်နယ်ခြားစောင့် စစ်ဆေးရေးဂိတ် Ban Huai Hin တွင် နယ်ခြားစောင့်တပ်ဖွဲ့ဝင်များက ဖမ်းဆီးလိုက်သည်။

ဖမ်းဆီးရမိသည့် တရားမ၀င် မြန်မာအလုပ်သမား အမျိုးသမီး၎ဦးနှင့် အမျိုးသား၆ဦးတို့မှာ အသက် ၁၇နှင့် ၂၀နှစ် အတွင်းရှိကြသူများဖြစ်သည်။ ကားခေါင်းခန်းအား ဆက်လက်ရှာဖွေရာ ဘတ်ငွေ ၃၄၂၀၀ ကိုလည်း တွေ့ ရှိ သိမ်းဆည်းလိုက်ကြသည်။

လူကုန်ကူးသူများနှင့်အတူ ထိုင်းရဲအရာရှိများ ကိုယ်တိုင် အချုပ်ကားဖြင့် တရားမ၀င် အလုပ်သမားများ ဘန်ကောက်မြို့သို့ တင်ပို့နေကြောင်း သတင်းအရ တာဝန်ရှိသူများက တာ့ခ်ခရိုင်၊ မဲဆောက်မြို့ မယ်ပရပ်ကွက် အနီးတွင်ရှိသော အဆိုပါ စစ်ဆေးရေးဂိတ်တွင် စောင့်ဆိုင်းနေခဲ့ကြသည်။ နံနက် ၉နာရီခန့် က အချုပ်ကားတစ်စီး စစ်ဆေးရေးစခန်း အား ဖြတ်သန်းစဉ် စစ်ဆေးရန် တားဆီးခဲ့သော်လည်း စစ်ဆေးမခံပဲ မောင်းပြေး လွတ်မြောက်သွားခဲ့သည်။ ညနေ၅နာရီတွင် အလားတူ ကားတစ်စီး စစ်ဆေးမခံပဲ မောင်းပြေး လွတ်မြောက်သွားခဲ့ပြန်သည်။

  ထို့ကြောင့် တာဝန်ရှိသူများက လိုက်လံဖမ်းဆီးနိုင်ရန် ကားနှင့်ဆိုင်ကယ်တို့အား အဆင်သင့်ပြင်ဆင်ပြီး စောင့် ဆိုင်းနေခဲ့ကြသည်။ ညနေ၇နာရီတွင် အလားတူကားတစ်စီး မောင်းပြေးသွားပြန်သည်။ ညနေ၇နာရီ၂၀မိနစ်တွင် မောင်းလာသည့်ကားလည်း ထွက်ပြေးပြန်သည်။ တာဝန်ရှိသူများ လိုက်လံပြီး ဖမ်းဆီးနိုင်ခဲ့ခြင်းဖြစ်သည်။ ဖမ်းဆီးရမိသည့် ကားမောင်းသူမှာ ရိုးရိုးသာမန်ရဲသား ဗွီလာဆ၀န်ဆိုသူ ဖြစ်သည်။ မနေ့က သူတို့ မြန်မာအလုပ်သမား ၇၁ဦး ကို ခွဲပြီးသယ်ဆောင်ခဲ့ကြောင်း ထွက်ဆိုသွားခဲ့သည်။ ဖမ်းဆီရမိသည့် ကားမောင်းသူ ထိုင်းရဲသားနှင့် လူကုန်ကူး ခံရသူများအား ထိုင်းလူကုန်ကူးမှု ဥပဒေအရ ဆက်လက် အရေးယူဆောင်ရွက်သွားမည် ဖြစ်ကြောင်း သတင်းစာတွင် ရေးသားဖေါ်ပြထားသည်။

ငါးဖမ်းလှေ အနံ့ဆိုးကြောင့် မြန်မာအလုပ်သမား၂ဦးချက်ခြင်းသေ တစ်ဦးဆေးရုံတင်ရ

မေလ ၂၁

ထိုင်းဘာသာပြန် ကိုတီး (ရခိုင့်တံခွန်ဂျာနယ်)

ထိုင်းနိုင်ငံတောင်ပိုင်း ရေလယ်ကျွန်းတစ်ခုဖြစ်သော ကော့စမီကျွန်းလှေဆိပ်မှ ကိုကက နာဝီအမှတ်(၂) ငါးဖမ်းလှေမှ မြန်မာအလုပ်သမား၂ဦး ငါးအပုပ်နံကြောင့် ရုတ်တရက်သေဆုံးသွားပြီး တစ်ဦးကို ကော့စမီဆေးရုံသို့ အရေးပေါ် ပို့ဆောင်ပေးခဲ့ရကြောင်း ယနေ့ထုတ် ထိုင်းရပ်သတင်းစာတွင် ဖေါ်ပြထားသည်။

ပုံမှန်ကမ်းကပ်နေကျ နေ့ ရက်ဖြစ်သော မေလ ၁၉ ရက်နေ့ ညနေတွင် မှောင်နေသဖြင့် ၂၀ ရက်နေ့ မှ ဆိပ်ကမ်းသို့ ငါးများချရန် ဆိုက်ကပ်ခဲ့သည်။ အသက် ၁၉နှစ်အရွယ် မြန်မာအလုပ်သမား ကိုအငယ်က ငါးပါကင် အဖုံးအား ဖွင့်လိုက်စဉ် ငါးအပုပ်နံ့ ပြင်းပြင်းအား ရှုရိုက်ရသဖြင့် မူးလဲသေဆုံးသွားခဲသည်။ ကိုအငယ် ဆိုသူက ယခုကဲ့သို့ လဲကျသွားသည်ကို မြင်တွေ့ရသော အသက်၁၈ နှစ်အရွယ် မောင်မိုး ဆိုသူက သွားရောက်ဆွဲယူရာ မောင်မိုးပါ ချက်ခြင်းသေဆုံးသွားခဲ့ရသည်။ တပြိုင်တည်းတွင် အသက် ၁၈ နှစ်အရွယ် မောင်ဇော်ဆိုသူမှာ အသက်ဆုံးရှုံးမှု မရှိသော်လည်း အရေးပေါ်ဆေးရုံသို့ ပို့ ဆောင်ပေးခဲ့ရသည်။

အဆိုပါ ၀ါးတန်းလှေများတွင် ရက်ပေါင်းရှည်ကြာ ဖမ်းမိသောငါးများအား ငါးဖမ်းလှေ ၀မ်းဗိုက် အအေးခန်းတွင် သိုလှောင်ထားသည်။ ဖမ်းဆီးရမိသော ငါးမျိုးစုံတို့အား ရေခဲများဖြင့် သိုလှောင်ထားသည့် အအေးခန်း စနစ်ဖြစ်သည်။ ထို့ကြောင့် ရေခဲများ ကုန်ဆုံးသွားလျှင်ဖြစ်စေ၊ ရေခဲနည်းလျှင်ဖြစ်စေ အောက်စီဂျင် ကုန်ဆုံးသွားပြီး အပုပ်နံ့ပြင်းပြင်း (ဂက်စ်)များဖြစ်၍ အအေးခန်း အဖုံးများကိုဖွင့်သည့် အလုပ်သမားများ မကြာခဏ သေဆုံးလေ့ရှိသည်။

လှေပိုင်ရှင်နှင့် လှေပေါ်ကြီးကြပ်သူတို့အား ဥပဒေအရ အရေးယူ ဆောင်ရွက်သွားမည်ဖြစ်ကြောင်း သတင်းစာတွင် ရေးသားဖေါ်ပြထားသည်။ အဆိုပါလှေပေါ်တွင် မြန်မာလှေအလုပ်သမားပေါင်း ၃၄ ဦးရှိသည်။

အခန်းပိတ်လှောင်အလုပ်လုပ်ရသည့် မြန်မာအလုပ်သမား၃၉ဦး လွတ်မြောက်

ဧပြီ ၂၀

ယမန်နေ့က ဘန်ကောက်မြို့လယ် (အနုဆ၀ါလီ) လွတ်လပ်ရေးကျောက်တိုင် အနီးရှိ ရာချဒါလမ်းမ တုစ၀ါ လမ်းသွယ်ရှိ အိမ်တွင်းစက်ချုပ်အလုပ်ရုံ ၄ရုံမှ အခန်းပိတ်လှောင် အလုပ်ခိုင်းစေ ခံနေရသည့် မြန်မာအလုပ်သမား ၃၉ဦးတို့ အား ကယ်ဆယ်ရေးအဖွဲ့၂ခုက ကယ်တင်နိုင်လိုက်သည်။ ထိုင်းအစိုးရ၏ Anti-Human Trafficking Division လူကုန်ကူးမှုတိုက်ဖျက်ရေး အထူးရဲတပ်ဖွဲ့နှင့် ဘန်ကောက်

အခြေစိုက် ထိုင်းနိုင်ငံရောက် မြန်မာနိုင်ငံသားများအဖွဲ့ BAT တို့ ပူးပေါင်း ကယ်တင်နိုင်ခဲ့ခြင်းဖြစ်သည်။ လုပ်ငန်းရှင်အမျိုးသမီးမှာမြန်မာနိုင်ငံ ရှမ်းတရုတ်လူမျိုးဖြစ်ပြီး ခင်ပွန်းဖြစ်သူမှာ တရုတ်နိုင်ငံသားဖြစ်သည်။ နေ့စဉ် နံနက် ၈နာရီမှ နောက်နေ့ နံနက် ၃နာရီကျော် ၄နာရီအထိ ပုံမှနာရီ၂၀ခန့် အလုပ်လုပ်ကိုင်ရပြီး နားရက် မရှိ လုပ်ကိုင်နေကြရသဖြင့် အလုပ်သမားများ ကျမ္မာရေးချို့တဲ့လာကြသည်။ အပြင်သို့လုံးဝထွက်ခွင့်မရှိပဲ အလုပ်သမားများ ထွက်ပြေးသွားသည့် အလုပ်ရုံများမှ အလုပ်သမများ ပိုင်ဆိုင်သည့်ဖုန်းများကို လုပ်ငန်းရှင်အမျိုးသမီးက သိမ်းဆည်းထားသည်။

AHTD အထူးရဲတပ်ဖွဲ့ဝင်များသည် လုပ်ငန်းရှင်ဇနီးမောင်နှံတို့အား ဦးစွာပထမ ဖမ်းဆီးပြီး ပိတ်လှောင်ထား သည့် အခန်းများအား ကပ်ကြေးကြီးများဖြင့် ညှပ်ခြင်း။ အချို့အခန်းများကို လှေကားများဖြင့် ကျော်တက်ပြီး

အလုပ်သမားများအား ကယ်ထုတ်ခြင်းများပြုလုပ်ကြရသည်။

ကော့ကရိတ်မြို့သူ မသွယ်က “ကျမအယင်လက ထွက်ပြေးတယ်။ ခန္ဓာကိုယ် ချိနေလို့ ပြေးမရောက်ဘူး၊ လဲကျတယ်။ နောက်တစ်ကြိမ် ထွက်ပြေးတော့လွတ်တယ်။ ပုလိပ်ပြန်ဖမ်းခိုင်းတယ်။ သူဌေးမကို ပုလိပ်ခဆိုပြီး ဘတ်၅၀၀၀ ထပ်တိုးဆပ်ရတယ်။ ကျမ ရောက်တာ ကုန်ခဲ့တဲ့နှစ် ၈လပိုင်းကတည်းကပါ။ ကိုယ်လုပ်တဲ့ပိုက်ဆံ တပြားမှ မကိုင်ရဘူးရှင့်။ ခုလိုလွတ်လပ် တဲ့ လေကိုရှုရှိုက်ရတာ၊ ကိုယ့်တိုင်းပြည် ကိုပြန်ရမှာမို့ ပျော်လွန်းလို့ ထမင်းလာကျွေးတာတောင် စားမရဖြစ် နေတယ်။ BAT က အဘတို့ကိုလည်း အထူးကျေးဇူးတင်ပါတယ်”ဟု ပြောသည်။

မသွယ်ဟူသည့် ကော့ကရိတ်မှ အလုပ်သမက မတ်လ ၂၈ ရက်နေ့က BAT သို့ စတင်၍ သတင်းပို့လာခဲ့သည်။ မသွယ်ပြောပြသည့် လမ်းအား BAT အဖွဲ့ က သွားရောက်ရှာဖွေခဲ့သော်လည်း လိပ်စာမတိကျသဖြင့် မတွေ့ရှိခဲ့ရပေ။ အချက်အလက်များ ထပ်မံစုဆောင်းနေစဉ်အတွင်း ညီညီတင်နှင့် ဖြိုးဝေဦးတို့ နှစ်ဦး ဧပြီ ၄ရက်နေ့ က အမှိုက်ပစ်စဉ် ထွက်ပြေးလာခဲ့ပြီး BAT သို့ ရောက်ရှိခဲ့သည်။ ဧပြီ၁၁ရက်နေ့တွင် ဖြိုးဝေဦး အကူအညီဖြင့် AHTD အဖွဲ့ မှ ရဲအရာရှိတို့နှင့်အတူ BAT အဖွဲ့ တို့  စက်ချုပ်ရုံ၎ရုံတို့ အား သွားရောက် မှတ်တမ်းတင်နိုင်ခဲ့ကြသည်။

ဧပြီလ ၁၂ ရက်နေ့ တွင် အထူးမှုခင်း စုံစမ်းဖေါ်ထုတ်ရေးတပ်ဖွဲ့ ရုံးသို့  ဖြိုးဝေဦး၏ ပွဲစားနှင့် လုပ်ငန်းရှင် ထွက်ဆို ချက်များအား ကွန်ပျူတာ ပန်းချီပုံများ ရေးဆွဲခဲ့ကြသည်။ ထို့နောက် သင်္ကြန်ရုံးပိတ်ရက်ဖြစ်သဖြင့် လုပ်ငန်းစဉ်ကို စောင့်ဆိုင်းခဲ့ရသည်။ သင်္ကြန်ပြီးနောက် ဧပြီ၁၈ ရက်နေ့ တွင် တရားရုံးတွင် ဖမ်းဝရမ်းရယူခဲ့ကြပြီး ယမန်နေ့ ၁၂ နာရီခွဲက တင်ကယ်တင်နိုင်ခဲ့ကြခြင်းဖြစ်သည်။

BAT တာဝန်ခံဦးကျော်သောင်းက “ပိတ်လှောင်ခံနေရာတဲ့ အလုပ်သမတွေက အပြင်ကို တစ်ခါမှ မထွက်ရဘူး ဆိုတော့ လိပ်စာကိုမပြောနိုင်ဘူး၊ ကျနော်တို့အဖွဲ့ သက်သက် ပထမ တစ်ခေါက် နေရာသွားရှာတယ်။ မတွေ့ ခဲ့ ဘူး။ ဖြိုးဝေဦး ရောက်လာမှ လိပ်စာအတိအကျ သိရတော့တယ်။ ဒီလိုလူကုန်ကူးခံရပြီး မတရားပိတ်လှောင် ခိုင်းစေခံရတဲ့လူတွေက မလွတ်ခင်တော့ လွတ်ချင်ကြတယ်။ လွတ်လာပြန်တော့ အိမ်က အခက်အခဲတွေကြောင့် မပြန်ပါရစေနဲ့ လို့ တောင်းပန်ကြတယ်။ အဆိုးဆုံးက မြ၀တီဘက်မှာရှိတဲ့ ဂိတ်တွေမှာ ဘတ် ၂၀၀၀ ထက် မနည်းတဲ့ ငွေနဲ့ ရွေးရမယ့် သူတို့ ရဲ့နောက်ဆုံးအခြေအနေကို စိုးရိမ်နေကြတာကိုဖြင့် ကျနော် စိတ်အထိခိုက် ဆုံးဖြစ်ပါတယ်” ဟု ပြောသည်။

ပိတ်လှောင်ခံထားရာမှ ကယ်ထုတ်လာသည့် အလုပ်သမ ၃၉ဦးအနက် လပိုင်း ရက်ပိုင်းသာရှိသေးသည့် အလုပ်

သမများမှာ လုပ်ငန်းရှင်၏ မတရားခေါင်းပုံဖြတ်ခြင်းကို မသိရှိသေးဖြစ်ကြောင်း ကောင်းမွန်ကြောင်း ထွက်ဆိုသူ ၂၀ဦးတို့ အား ဒိမ်းဒန်ရဲစခန်းသို့ ပြောင်းရွှေ့လိုက်သည်။ အချိန်ကြာမြင့်စွာလုပ်ကိုင်နေရပြီး လုပ်ငန်းရှင်၏ ဖိနှိပ်မှုမျိုးစုံကို ခံစားဖူးသည့် အလုပ်သမား၁၄ဦးက မတရားမှုများကို ထွက်ဆိုကြသည်။ အဆိုပါ ၁၄ဦးအနက် အမျိုးသမီး၉ဦးကို နွန်ဌဘူရီ အမျိုးသမီး ကယ်ဆယ်ရေးစခန်းသို့ ပို့ဆောင်လိုက်သည်။ ပထုံဌာနီ ကယ်ဆယ်ရေးစခန်းသို့ ဇနီးမောင်နှံနှစ်ဦးနှင့် အမျိုးသမီး ၃ဦး ပေါင်း ၅ဦးတို့ ကိုပို့ ဆောင်သည်။ အလုပ်ရှင်ဘက်မှ ရပ်တည်သည့် ၀ဏ္ဏ ၅ဦးနှင့် လုပ်ငန်းရှင် တရုတ်အမျိုးသားကိုမူ AHTD အထူးရဲတပ်ဖွဲ့တွင်ဖမ်းဆီးချုပ်နှောင်ထားပြီး စစ်ဆေးလျှက်ရှိသည်။

အထူးရဲတပ်ဖွဲ့ သို့ အလုပ်သမားများအား ခေါ်ဆောင်လာခဲ့ပြီးနောက် ဝေါဗီရှင်းနှင့် အမျိုးသမီးများနှင့် ကလေး သူငယ်များ ကာကွယ်စောင့်ရှောက်ရေး အဖွဲ့ တို့က လာရောက်ပြီး ဘာသာပြန်ပေးခြင်း၊ အစားအစာများ၊ သွားတိုက်ဆေးနှင့် သွားပွတ်တံများ လာရောက်ကူညီပေးခဲ့ကြသည်။

အလုပ်သမားများ အေးချမ်းစွာပြန်လည်ပို့ ဆောင်နိုင်ရေးနှင့် ကယ်ဆယ်ရေးစခန်းအတွင်းမှ အလုပ်သမားများ၏ အခြေအနေများကို BAT , ဝေါဗီရှင်းနှင့် ဖန်ငအခြေစိုက် FED အဖွဲ့ တို့ က စဉ်ဆက်မပြတ် စောင့်ကြည့်နေကြဆဲဖြစ်သည်။

ဘန်ကောက်နှင့် အခြားမြို့ကြီးအချို့တို့တွင် လုပ်အားခမရသည့် အလားတူ မြန်မာအလုပ်သများစွာ ရှိသည်။ မဟာချိုင် ပင်လယ်အစားအစာထုတ်လုပ်သည့် အလုပ်ရုံများနှင့် ငါးဖမ်း လုပ်ငန်းများတွင် မြန်မာများ ရောင်းစားခံရသည့် မြန်မာအလုပ်သမား အမြောက်အများရှိကြောင်း သိရှိရသည်။

ထိုင်းနိုင်ငံတောင်ပိုင်း မြန်မာအလုပ်သားအချို့ရေဘေးကြုံ

ဧပြီ ၁
ထိုင်းနိုင်ငံတောင်ပိုင်း စူရပ်ဌာနီ စူရပ်မြို့ ဘန့်နော်ရပ်ကွက် ဖတနာ ဘုန်းတော်ကြီးကျောင်းမှ မြန်မာအလုပ်သမား ရေဘေးဒုက္ခသည် ၁၄၀ တို့အား စူရဌာနီ မရမ်မြို့ ဖချလ တီတီယာဖါ အမှတ်(၃) ကျောင်းဝင်းထဲသို့ ထိုင်းအာဏာပိုင်များက ယနေ့ နေ့လည်က ပို့ ဆောင်လိုက်ပြီးဖြစ်သည်။
ယမန်နေ့ က အဆိုပါဘုန်းတော်ကြီးကျောင်းတွင် မှီခိုနေထိုင်၍ ရရှိခဲ့သော်လည်း ယနေ့ နံနက်ပိုင်းတွင် ရေပြည့်
လာသဖြင့် ဘေးလွတ်ရာသို့ ပြောင်းရွှ့ခဲ့ကြရသည်။ ရေဘေးဒုက္ခသည် မငယ်က “လောလောဆယ်တော့ အဆင်ပြေသွားပါပြီ သမီးတို့ အလုပ်ရုံက ထမင်းလာပို့တယ်။ သမီးတို့မှာ ကျန်နေခဲ့တဲ့ အ၀တ်တွေလာပို့ တယ်။ နေမကောင်းတဲ့ လူတွေအတွက်တော့ ကူညီနိုင်ရင် ကူညီ ပေးပါ”ဟု ပြောသည်။
စာသင်ကျောင်းထဲသို့ ရောက်ရှိနေသည့် မြန်မာအလုပ်သမားများမှာ အမျိုးသား ၆၀ ယောက်ဖြစ်ပြီး အမျိုးသမီး၈၀ ဖြစ်ကြသည်။
စေတနာ့ဝန်ထမ်း ထိုင်းအမျိုးသမီးတစ်ဦးက ကိုယ်ဝန် ၅လရှိသည့် အမျိုးသမီးတစ်ဦးရှိပြီး ကလေးငယ်များ မပါရှိကြောင်း မိုးရေကြောင့် ဖျားနာသူ ၄၀ခန့်ရှိကြောင်း၊ နှာစေး၊ အအေးမိတဲ့ ဆေးဝါးတွေလိုအပ်နေကြောင်း
ပြောဆိုသွားသည်။
နံနက်စောစောပိုင်းက အစားအစာရေနှင့် အ၀တ်အထည်ကအစ လိုအပ်နေကြောင်း ဘုန်းတော်ကြီးကျောင်းသို့ ရေများတိုးဝင်လာသဖြင့် မည်သည့်နေရာသို့ ပြောင်းရွှေ့ရမည်မသိကြောင်း ဘန်ကောက်အခြေစိုက် ထိုင်းနိုင်ငံ ရောက် မြန်မာနိုင်ငံသားများအသင်း BAT သို့ ပထမသတင်းပို့ ခဲ့သည့်။ BAT က အလုပ်သမားကွန်ယက်များနှင့် အကူအညီပေးနိုင်သည့် အဖွဲ့အစည်းများသို့ အရေးပေါ် အကြောင်းကြားခဲ့ကြောင်း သိရှိရသည်။

နာနတ်သီး စည်သွတ်စက်ရုံ ပုလိပ်ဝင်ဖမ်းသဖြင့် ကုန်ထုတ်လုပ်မှု လုံးဝရပ်ဆိုင်း

မတ်လ ၂၅

ဘန်ကောက်မြို့ အနောက်ဖက် ကီလိုမီတာ၁၀၀ ခန့်အကွာ ရတ်ချဘူရီးပြည်နယ် ဘန့်ခါမြို့နယ် ရှိV&K နာနတ်သီး စည်သွတ်စက်ရုံတွင် ယနေ့နံနက်ပိုင်းက ဘန်ကောက်မြို့မှ လ၀ကများ ၀င်ရောက်ဖမ်းဆီးသဖြင့်

အလုပ်ရုံမှာ လုံးဝရပ်နားခဲ့ရကြောင်း အလုပ်သမားခေါင်းဆောင် တစ်ဦးက ပြောသည်။

နံနက်၅နာရီခန့်က ၀င်ရောက် ဖမ်းဆီးခဲ့ခြင်းဖြစ်ပြီး ဆယ်ဘီးကားဖြင့်၂စီး၊ ခြောက်ဘီးကားဖြင့်၂စီး ဟိုင်းလတ်ကားဖြင့် ၂စီး စုစုပေါင်းအလုပ်သမား ၅၀၀ ထက်မနည်း ဖမ်းဆီးသွားသည်။ နေထိုင် အလုပ် လုပ်ကိုင်ခွင့် ဘတ်ရှိသည့် အလုပ်သမား ၁၀၀ ခန့် သာ ကျန်နေခဲ့သည်ဟု သူက ဆိုသည်။

စက်ရုံ အလုပ်သမားခေါင်းဆောင် ကိုခိုင်ဇော်နိုင်က “ အလုပ်သမားတွေဆီက ၁၅ ရက်တစ်ပတ်ကို ပုလိပ်ကြေး ဘတ်၂၀၀စီ ဖြတ်ပါတယ်။ တစ်လကို ဘတ်၄၀၀စီ ဖြတ်ပါတယ်။ ဒီလိုပေးနေတာ အယင်တုန်းက အေးဆေးပါ၊ ခု အာဏာပိုင်တွေနဲ့ အလုပ်ရုံနဲ့ အဆင်ပြေပုံမရဘူး။ ပြီးခဲ့တဲ့ ၁၅ ရက်နေ့ က ၂၁၆ ယောက် ပုလိပ်ဖမ်းသွားပါတယ်။ ဒီနေ့လည်း ငါးရာကျော်လောက် ရှိမယ်ထင်တယ်၊ အ လုပ်သမားတွေ ကုန်ပြီး၊ စက်ရုံပါ ပိတ်လိုက်ရပြီ ” ဟု ပြောသည်။

ပြီးခဲ့သည့် ၁၅ ရက်နေ့ က ပုလိပ်ဝင်ဖမ်းမည်ဟု သတင်းကြားသဖြင့် အလုပ်ရုံမှ ကားကြီးများဖြင့် ဘုန်းကြီး

ကျောင်းတစ်ကျောင်းသို့ ပို့ဆောင်ထားစဉ် အဖမ်းခံခဲ့ရခြင်းဖြစ်သည်။ အဆိုပါ အလုပ်ရုံတွင် မြန်မာ အလုပ်သမား ၁၀၀၀ ခန့် လုပ်ကိုင်နေကြသည်။ ပြီးခဲ့သည့် ဇန်န၀ါရီလ ၂၄ ရက်နေ့ က အလုပ်ရုံတွင်

အလုပ်သမား အခွင့်အရေး ချိုးဖေါက်မှုများအား အလုပ်သမားများ အလုပ်မဆင်းပဲ တောင်းဆို ဆန္ဒပြခဲ့သဖြင့် အလုပ်သမားများ တောင်းဆိုချက်များအား အလုပ်ရုံမှ လိုက်လျှောခဲ့သည်။

၂၀၁၁ခုနှစ်ရွေ့ ပြောင်း မြန်မာအလုပ်သမားများ အခွင့်အရေးတောင်းဆိုမှု ပွဲဦးထွက်အောင်ပွဲဆင်

ဇန္န၀ါရီလ ၃

ဘန်ကောက်မြို့ ဖလန်းဆောင်၊ ထပ်ခမ်း(၈)လမ်းရှိ S.Y.K.Auto Parts Import-Export,Co,ltd မော်တော် ဆိုင်ကယ် ဦးထုတ်စက်ရုံ အလုပ်သမား သုံးရာကျော်ခန့်တို့ အလုပ်သမားအခွင့်အရေး ချိုးဖေါက်ခံ နေရမှုများကို ဆန္ဒပြ တောင်းဆိုခဲ့ကြရာ အောင်ပွဲဆင်နိုင်ခဲ့သည်။

အလုပ်ရုံမှ အလုပ်သမားခေါင်းဆောင် ကိုအောင်က အောက်ပါအချက်များကို ထိုင်းမြန်မာ နှစ်ဘာသာဖြင့် ရေးသားပြီး အလုပ်ရုံသို့ ပေးအပ်ခဲ့ကြောင်း ပြောပြသည်။

(၁)ရက်မှန်ကြေးရရှိရေး၊ ထိုင်းနိုင်ငံ အလုပ်ပိတ်ရက်များတွင် အလုပ်ပိတ်ရေး (၂)နေမကောင်းခြင်းနှင့် လုပ်ငန်းခွင် ထိခိုက်ဒဏ်ရာ ရရှိခြင်းများကြောင့် ဆေးရုံဆေးခန်းတို့မှ သတ်မှတ်ပေးသော ဆေးကုသရက်နှင့် နားရက်တို့အား ထိုင်းအလုပ်သမား ဥပဒေအတိုင်း လုပ်အားခရရှိရေး။( ၃)အလုပ်ဝင်သည်နှင့် တပြိုင်တည်း ကွန်ပျူတာတွင် လက်ဗွေနှိပ်ရသည့်အခါ လက်ဗွေမပေါ်ပါက ချက်ခြင်းပြန်လည် နှိပ်ခိုင်းခြင်းမျိုး မရှိပဲ နေ့လည် ၁၁နာရီမှ ပြောသဖြင့် ၁၂နာရီမှ လက်ဗွေပြန်နှိပ်သည့်အခါ နံနက်ပိုင်း အလုပ်လုပ်ခအား ဖြတ်တောက်ခံရခြင်းတို့ ရှိနေသဖြင့် အချိန်မီသတင်းပို့ရေး။ (၄)အလုပ်ရုံမှ ယာယီပတ်စပို့ကို လုပ်ကိုင်ပေးခြင်း မရှိသဖြင့် မိမိတို့ အစီအစဉ်ဖြင့် အပြင်ပွဲစားဖြင့် လုပ်ကိုင်ပြီးစီးထားသော အလုပ်သမားများ အားလုံးအတွက် work permit လုပ်ကိုင်ရန် အလုပ်ရှင်မှ လိုအပ်သော စာရွက် စာတမ်းများပေါ်တွင် လက်မှတ်ရှောရှုရှု ထိုးပေးရေး။ (၅)ပတ်စပို့ ၊ ဗီဇာနှင့် work permit များ

အပြည့်အစုံ လုပ်ကိုင်ပြီးစီးသူများ နေရပ်ရင်းသို့ ခဏအလည် ပြန်လည်သွားချင်ပါက ယခင်က ၁၅ ရက် ကြိုတင် လျှောက်လွှာတင်ခဲ့ရသော်လည်း ယခုအခါ တစ်လကြိုတင် လျှောက်ထားရခြင်း။ (၆)စက်ရုံက အလုပ်သမားများထံမှ ဖြတ်ယူထားသော ပကာ(ခေါ်) အာမခံကြေး ၁၀၀၀ဘတ် တို့အား အိမ်ကိုပြန်မည့် အလုပ်သမားများအား မှန်မှန်ကန်ကန် ပြန်လည် ပေးအပ်စေရေး။ (၇)လုပ်အားခငွေများ ရှင်းပေသည့်အခါ လုပ်အားခက မည်မျှရရှိပြီး ဖြတ်တောက် ထားသည့် ငွေများအတွက် ဘာအတွက် ဘယ်လောက် ဖြတ်ကြောင်း ဘောင်ချာပေါ်တွင် ရှင်းရှင်းလင်းလင်း ရေးပေးရန် စသည့် အချက်များပါဝင်သည်။

အလုပ်သမ ခေါင်းဆောင် မသန်းအေးက“ ကျမတို့ အမာခံ ၁၀ဦး ခေါင်းဆောင်တယ်။ ဒီလူတွေကို အလုပ်ထုတ်မယ်ဆိုရင် အလုပ်သမား အကုန်လုံး အလုပ်ထွက်မယ်။ အားလုံး ညီညီညွတ်ညွတ် ရင်ဆိုင်သွားကြမယ်ရှင့်”ဟု ပြောသည်။

အလုပ်သမားများ ဆန္ဒပြနေရာသို့ ဘန်ကောက်အခြေစိုက် ထိုင်းနိုင်ငံရောက် မြန်မာနိုင်ငံသားများ အဖွဲ့နှင့် ရောင်ခြည်ဦး အလုပ်သမားများအဖွဲ့ တို့ က အနီးကပ်စောင့်ကြပ် ကူညီပေးခဲ့ကြသည်။ နံနက်(၈)နာရီတွင် အလုပ်သမားများက အလုပ်ရုံသို့ မ၀င်ပဲ အထက်ပါ အချက်အလက်ပါ စာရွက်များအား မန်နေဂျာထံသို့ ပေး

အပ်၍ ဆန္ဒပြနေခဲ့ကြသည်။ ၉နာရီကျော်ခန့် အချိန်တွင် ထပ်ခမ်းမြို့နယ် ရဲမှူးကြီး ကိုယ်တိုင်ရောက်လာပြီး

အလုပ်သမားများ တောင်းဆိုချက်များအား ၀င်ရောက်ညှိနှိုင်းပေးသည်။ အလုပ်သမားများ တောင်းဆိုချက်များ အနက် လုပ်အားခရငွေနှင့် ဖြတ်ငွေများကို လူအရေတွက်များသဖြင့် လုပ်မပေးနိုင်ကြောင်းနှင့် အကယ်၍ မရှင်းလင်းပါက တစ်ဦးချင်း လာရောက်မေးမြန်းနိုင်ကြောင်း အလုပ်ရုံမှ ပြောဆိုသည်။ အဆိုပါ အချက်မှလွဲ၍ ကျန်အလုပ်သမားများ တောင်းဆိုချက်များ အားလုံး အောင်မြင်ခဲ့သည်။ မွန်းလွဲ၂နာရီကျော်တွင် ပြီးဆုံးခဲ့ပြီး ၂၀၁၁ခုနှစ်အတွက် ပွဲဦးထွက် အလုပ်သမားများ စုပေါင်း အောင်မြင်မှုဖြစ်ကြောင်း အလုပ်သမားများက ပြောကြသည်။

အချိန်မီကယ်တင်နိုင်ခဲ့လို့ ဈေးအလုပ်သမားတစ်ယောက် ရဲစခန်းမှ ပြန်လည်လွတ်မြောက်

ဒီဇင်ဘာ ၂၉
နယ်ကျော်ပြီး စာရွက်စာတမ်း မပြည့်စုံဆိုသည့် အကြောင်းပြချက်ဖြင့် ဘန်ကောက်မြို့  ပခေါင်တလာ ဈေးအမည်ရှိ ပန်းဈေးကြီးအတွင်း ပန်းစည်းများတွန်းလှည်းဖြင့် တွန်းပို့ နေသော မြန်မာအလုပ်သမား ကိုလင်းလင်းအား အနီးအနားရှိ ရဲစခန်းမှ ဖမ်းဆီးချုပ်နှောင်ခြင်းကို ခံခဲ့ရသည်။
ဒီဇင်ဘာလ၂ရ ရက်နေ့ ညနေ ၆နာရီခန့် က အဆိုပါဈေးအတွင်း ပန်းစည်းခြင်းများအား ပို့ ဆောင်နေစဉ်အတွင်း ဆိုင်ကယ်စီး ထိုင်းရဲတစ်ဦးက ဖမ်းဆီးပြီး စာရွက်စာတမ်းများ အပြည့်အစုံပါရှိသော်လည်း နယ်ကျော်သည်ဆိုသော အကြောင်းပြချက်ဖြင့် ဖမ်းဆီးခံခဲ့ရသည်။ ကိုလင်းလင်းတွင် ဘတ်ငွေ ၁၂၅၀ ပါရှိသည့်အနက် ဘတ်ငွေ၁၀၀၀ ကို အဆိုပါ ထိုင်းရဲကယူငင်သွားပြီးနောက် အဆိုပါ ရဲစခန်းအချုပ်ခန်းတွင်တစ်ညဖမ်းချုပ်ထားခဲ့သည်။
ကိုလင်းလင်းက“ ကျနော် ထိုင်းစကား ကောင်းကောင်းတတ်ပါတယ်။ ဘတ်နဲ့ ပတ်သက်တဲ့ စာရွက်စာတမ်းတွေ ကျနော်မှာရှိပါတယ်။ ကျနော့်မှာစုထားတဲ့ ငွေကိုလည်းယူတယ်။ အချုပ်ထဲမှာလည်း တစ်ညအိပ်လိုက်ရတယ်။ အလုပ်လည်း ၂ရက်ပျက်တယ်။ ကျနော်အလွန်ပဲ နစ်နာဆုံးရှုံးပါတယ်။ ကျနော်တို့မှာ ဘတ်လုပ်ထားတာ အလကားဖြစ်သွားတာပေါ့၊ ကျနော်တို့ကို သက်သက် အနိုင်ကျင့်တာဖြစ်တယ်” ဟု ပြောသည်။
ညဥ့် ၈နာရီခန့် တွင် ကိုလင်းလင်းက ထိုင်းနိုင်ငံရောက်မြန်မာနိုင်ငံသားများအဖွဲ့ B.A.Tသို့ ဖုန်းဖြင့်ဆက်သွယ် အကူအညီ တောင်းခံလာခဲ့သည်။ B.A.T အလုပ်သမားများအဖွဲ့  ချက်ခြင်း ရဲစခန်းသို့ လိုက်သွားခဲ့သော်လည်း ညဥ့်နက်နေပြီး ဖြစ်သဖြင့် တာဝန်ကျရဲက မနက်မှ လာရောက်ခဲ့ရန် ပြောဆိုလိုက်သည်။
သွားရောက် ဖြေရှင်းခဲ့သူ တစ်ဦးအပါအ၀င်ဖြစ်သော B.A.T အဖွဲ့ ဘာသာပြန် ကိုနေလင်းအောင်က “ဒီဈေးအလုပ်သမား ကိုလင်းလင်းမှာ လိုအပ်နေတဲ့ ၁၉၀၀ စာရွက်ကို အယင်သူဌေးကဆီကနေ ယူလာခဲ့ကြတယ်။ ထိုင်းပုလိပ် ညစ်ပတ်တာပါ၊ တရားဝင်နေထိုင် အလုပ်လုပ်ကိုင်ခွင့် စာရွက်စာတမ်းလည်းရှိတယ်၊ အလုပ်သမားဆီက ဘတ်ငွေလည်း ၁၀၀၀ ယူတယ်။ ပြီးတော့ အချုပ်ခန်းထဲမှာ တစ်ညဖမ်းချုပ်ထားတယ်။ ကျနော်တို့ သွားထုတ်တဲ့အခါမှာ ဘတ်၂၀၀ပဲပေးခဲ့ရတယ်။ ပိုက်ဆံများများ မတောင်းတာနဲ့၊ နယ်စပ်ကိုမပို့ တာကိုပဲ ကျေးဇူးတင်ပါတယ်” ဟု ပြောသည်။
ထိုင်းနိုင်ငံအစိုးရ သည် မြန်မာရွေ့ပြောင်း အလုပ်သမားများအတွက် (ဘတ်)လုပ်ကိုင်ပေးသည့် လုပ်ငန်းစဉ်၌ဖြစ်စေ၊ ယခုလက်ရှိ အကောင်အထည်ဖေါ်နေသော ယာယီပတ်စပို့ လုပ်ငန်းစဉ်၌ဖြစ်စေ ထိုင်းလုပ်ငန်းရှင်းနှင့် ထိုင်းရဲများအတွက် အထူးအခွင့်အရေး ပေးထားပြီး ငွေကုန်ကြေးကျများစွာဖြင့် လုပ်ကိုင်ထားရသည့် မြန်မာအလုပ်သမားများ အတွက်မူ အခွင့်အရေး အထူးနည်းပါးပါသည်။
(ဘတ်)လုပ်ကိုင်ထားသည့် မြန်မာအလုပ်သမားတစ်ဦး သတ်မှတ်ထားသည့် နယ်မြေအား သွားလာခွင့်မပြုသလို အကယ်၍ နယ်ကျော်ခဲ့ပါက ဒဏ်ကြေးငွေ၅၀၀ ပေးလျှော်ရမည်ဟု အလုပ်သမားဥပဒေတွင် ပြဌာန်းထားသော်လည်း ထိုင်းရဲများက အဆိုပါ အလုပ်သမား အမျိုးအစားများအား တွေ့ ရှိပါက အလုပ်သမားတွင် ပါသည့် ရွှေ/ငွေနှင့် လက်ကိုင်ဖုန်းများကိုပင် မရှောင် သိမ်းယူလေ့ရှိပါသည်။ သွားလာခွင့်ရသည့် သတ်မှတ်နယ်မြေအတွင်း၌ ဖမ်းမိလျှင်လည်း ဘတ်အမာပါလား၊ ထော်ရော်၃၈/၁ စာရွက်ပါသလား၊ ၁၉၀၀ ပေးချေပြီးကြောင်း စာရွက်ပါသလား၊ ဘတ်မှာ ပါသည့်အလုပ်နှင့် ယခုလုပ်နေသည့်အလုပ်ဟုတ်ရဲ့ လား စသည့် အပြစ်တစ်ခုခု၊ ယမယ်ရှာပြီး အလုပ်သမားများထံမှ ငွေကြေးများကို မတရားရယူလေ့ရှိသည်။
ယာယီပတ်စပို့ လုပ်ကိုင်ထားသူများ နယ်မြေအတော်များများသို့ သွားလာခွင့်ရနေသည်မှာ မှန်ကန်သည်ဟု ဆိုနိုင်သော်လည်း Work Permit မပါခြင်း၊ ၃လတုံးမထုခြင်း စသည့်အနေအထားမျိုး တစ်ခုခုကို တွေ့ရှိပါကလည်း ဖမ်းဆီးထောင်ချခြင်း၊ ငွေကြေးတောင်းခံခြင်းများ ရှိနေပါသည်။
ပြီးခဲ့သည့် ဒီဇင်ဘာလ၂၂ ရက်နေ့ က ဘန်ကောက်မြို့ စမူပါကန် ပါနန်းအရပ်ရှိ ဒိုင်းမွန်းဆိုဖါအလုပ်ရုံတွင် အလုပ်လုပ်ကိုင် နေကြသည့် မြန်မာအလုပ်သများအား နယ်ကျော်မှုနှင့် work permit မရှိ ဟူသော အချက်များဖြင့် ဖမ်းဆီးပြီးတစ်နေ့ တည်း တရားရုံးတင်ကာ ထောင်ဒဏ် ၄၈ ရက်ချမှတ်လိုက်သည်။
ဒီဇင်ဘာ ၁၀ ရက်နေ့ က ဘန်ဘူထောင်အရပ်တွင် ယာယီပတ်စပို့ ရှိသော ကိုမင်းမင်းလှိုင်နှင့် ဇနီး မခိုင်ခင်ဦးတို့အား နယ်ကျော်ပြီး အလုပ်လုပ်နေသည်ဟု ဆိုကာ ဖမ်းဆီးချုပ်နှောင်ပြီး ငွေတောင်းခံခြင်း ခံခဲ့ရသည်။
မြန်မာအလုပ်သမားများမှာ (ဘတ်)ပဲလုပ်လုပ်၊ ယာယီပတ်စပို့ ပဲလုပ်လုပ်၊ ထိုင်းပုလိပ်များ၏  မတရားဖမ်းဆီး ငွေညှစ်နေခြင်းကို ခံစားနေရဆဲဖြစ်သည်။ မြန်မာရွေ့ ပြောင်းအလုပ်သမားများမှာ ထိုင်းရဲများအတွက် ဖမ်းစားရသည့် အစာအာဟာတစ်ခုအဖြစ် သတ်မှတ်ထားဟန်တူကြောင်း နှင့် မြန်မာအလုပ်သမားများအတွက် ထိထိရောက်ရာက် ကာကွယ်စောင့်ရှောက်မှု ပေးနိုင်သော အဖွဲ့အစည်းတစ်ခု (သို့မဟုတ်) အစိုးရတစ်ရပ် မရှိသရွေ့ ယခုကဲ့သို့ ထိုင်းအစိုးရ၊ ထိုင်းလုပ်ငန်းရှင်နှင့် ထိုင်းပုလိပ်များထံတွင် ဆက်လက်နှိပ်ကွပ် ခံနေရဦးမည်ဖြစ်ကြောင်း မတရားဖမ်းဆီးချုပ်နှောင် ၊ငွေညှစ်ခံဖူးသည့် ကိုမင်းမင်းလှိုင်က နာနာကျည်းကျည်း ပြောဆိုသွားသည်။

ကိုကျော်သောင်းမှ ပေးပို့ပါသည်။

ခေါင်ကယ်ပြန် အလုပ်သမားများ စာရွက်စာတမ်းပြည့်စုံဖို့အတွက် အခက်အခဲကြုံဆဲ

ဒီဇင်ဘာ ၂၉

ထေချာဖန်းနစ်စက်ရုံမှ ယာယီပတ်စပို့ ရရှိလာခဲ့ကြသည့် ရာပေါင်းများစွာသော မြန်မာအလုပ်သမားများ အလုပ်အပြောင်းအရွေ့နှင့် အလုပ်အကိုင်ရှာဖွေရေးတို့တွင် စာရွက်စာတမ်းများ မှန်မှန်ကန်ကန် မရရှိနိုင်သေးသဖြင့် အခက်အခဲရှိနေကြောင်း ထိုင်းနိုင်ငံရောက် မြန်မာနိုင်ငံသားများအဖွဲ့က ပြောသည်။

ဘန်ကောက်မြို့ စမူပါကန်နှင့် မဟာချိုင်နယ်မြေ အုန်းနွဲ့  အပိုင်တို့မှ မြန်မာအလုပ်သမား ၆၈ ဦးတို့ အလုပ်အပြောင်းအရွေ့ ခက်ခဲနေကြောင်း ဘန်ကောက်အခြေစိုက် ထိုင်းနိုင်ငံရောက် မြန်မာနိုင်ငံသားများ အဖွဲ့သို့ အကူအညီ တောင်းခံလာခဲ့သည်။

အုန်းနွဲ့ (ကလေးစားစရာ ဂျယ်လီစက်ရုံ) မှ အလုပ်သမား ကိုအေးကိုက “ကျနော်တို့ကို ခေါင်ကယ်ကို လာပြီးခေါ်တော့ စက်ရုံကိုယ်စားလှယ်လို့ ပြောတယ်။ ဒီရောက်တော့ စက်ရုံက အလုပ်သမား ရှာဖွေရေးအတွက် လွှဲအပ်ထားတဲ့ ပွဲစားဖြစ်နေတယ်။ ခု ကျနော်တို့ ပတ်စပို့တွေ အဲဒီပွဲစား လက်ထဲမှာ ထားရတယ်။ လူတစ်ယောက်ကို တစ်နေ့ ဘတ်၂၀စီ ဖြတ်ခံရတယ်။ အခြားဘာမှန်းမသိတဲ့ ခေါင်းစဉ်တွေနဲ့ အလုပ်သမားတစ်ယောက်ကို ၁၅၀၀ ဘတ်နဲ့ ၁၈၀၀ဘတ်အကြားမှာ ဖြတ်တောက်ခံရပါတယ်။ ဒေချာဖန်းနစ် စက်ရုံတုန်းကလိုပဲ ပြန်ဖြစ်နေတယ်” ဟု ပြောသည်။

ဒေချာဖန်းနစ် (ခေါင်ကယ်)ပြန် အလုပ်သမားများ အခြားအလုပ်ရုံများသို့ ပြောင်းရွေ့ရန်အတွက် ယာယီပတ်စပို့ တစ်ခုမှလွဲ၍ မည်သည့် စာရွက်စာတမ်းမှ မရှိသဖြင့် အခက်အခဲ ကြုံနေရသည်ကို ထိုင်းနိုင်ငံရောက် မြန်မာနိုင်ငံသားများအဖွဲ့ B.A.T သည် ယမန်နေက ထိုင်းရှေ့နေများကောင်စီ အကြံပေးချက်အရ-

(၁) ဘန်ကောက်မြို့ ဘန်ဘော်နယ်မြေရှိ၊ (ပကန်ဆန်ခွန်း) အလုပ်သမား လူမှုဖူလုံရေး နယ်မြေ အမှတ်(၇)ရုံး။

(၂)ဖလန်ဆောင် BIC ကုန်တိုက်အနီးရှိ(ဆ၀ါဒီကန် ခုန်ခေါ်လိုင်ငန်) အလုပ်သမား ကာကွယ် စောင့်ရှောက်ရေးရုံးနှင့်

(၃)(ကုန်လိုင်ငန် ကျဟာငန်း) အလုပ်အကိုင်ရှာဖွေရေးနှင့် အလုပ်သမားမှတ်ပုံတင်ရုံး၊ ၃ရုံးသို့ အလုပ်သမား ၆၈ ဦးနှင့် အတူ သွားရောက်ခဲ့ကြသည်။

တစ်ရုံးမှတစ်ရုံးသို့ လမ်းညွှန်သည့်အတိုင်း အလုပ်သမားများနှင့် B.A.T အဖွဲ့တို့ သွားရောက်ခဲ့ကြသည်။ နောက်ဆုံးရောက်ရှိခဲ့သည့် စူစ၀ပ်/၃၃လမ်းရုံးမှ အရာရှိအမျိုးသမီးက အထက်ပါ အလုပ်သမားများ မူရင်း အလုပ်ပြောင်းလာသည့် ခေါင်ကယ်မြို့သို့ အလုပ်သမားများ ကိုယ်တိုင်သွားရောက် ထုတ်ယူမှ စာရွက်၊ စာတမ်းများ ရရှိနိုင်မည်ဖြစ်ကြောင်း ပြောဆိုလမ်းညွှန်ပြီး ခေါင်ကယ်မှ ကျဟာငန်း (အလုပ်သမား အခွင့်အရေးဆိုင်ရာရုံး) ဖုန်းနံပါတ်ကို ပေးခဲ့သည်။

B.A.T အဖွဲ့မှ ထိုင်းဘာသာပြန် ကိုနေလင်းအောင်က “ အလုပ်သမားတွေ ရောက်ရှိနေတဲ့မြို့နယ် ကျဟာငန်းမှာ မိမိတို့ရဲ့ ယာယီပတ်စပို့ နံပတ်ကို ကွန်ပျူတာမှာနှိပ်ကြည့်ပြီးတော့ အလုပ်ပြောင်းပြီးပြီလား၊ ကြည့်လို့ရပါတယ်။ အဲဒီရုံးမှာပဲ စာရွက်စာတမ်းတွေကို ထုတ်ယူလို့ ရတယ်လို့ ပြောတယ် ခေါင်ကယ်ကို လာစရာမလိုဘူးလို့ ပြောတယ်” ဟု ခေါင်ကယ် ကျဟာငန်း မှ တာဝန်ရှိသူများ ပြောဆိုမှုများကို ပြောပြသည်။

အလုပ်သမား ၆၈ဦးတို့မှာ မိမိတို့စာရွက်စာတမ်းများကို ရလိုသည့်မျှော်လင့်ချက်ဖြင့် တစ်နေကုန်တစ်နေခန်း မိမိစရိတ်ဖြင့် သွားလာခဲ့ကြရသည်။

B.A.T အဖွဲ့မှ အမျိုးသမီးရေးရာနှင့် စည်းရုံးရေးမှူး ဒေါ်သက်သက်ဦးက “ပြီးခဲ့တဲ့ အောက်တိုဘာ လလယ်ကတည်းက အလုပ်ထွက်လာခဲ့တဲ့ အလုပ်သမားတွေဟာ ခုဒီဇင်ဘာလကုန်သွားပြီ၊ ဘယ်အလုပ်ရှင်မှ Work Parmitကို တရားဝင် လုပ်ကိုင်နိုင်ခြင်း မရှိသေးဘူး။ ဒီအခြေအနေကြားမှာ ဖမ်းဆီးခံရပြီး ထောင်ချခံထားရတာတွေ ရှိခဲ့ပြီ။ ဒါကြောင့်မို့ ဒီအလုပ်သမားတွေ Work Parmit ရရှိရေး အတွက် လိုအပ်တဲ့ စာရွက်စာတမ်းတွေကို တမြို့နယ်က အစိုးရ အလုပ်သမားရုံးတွေက အချိပ်အဆက်မိမိ ထိထိရောက်ရောက် လုပ်နိုင်ဖို့ အရေးကြီးပါတယ်။ တစ်ရုံးနဲ့ တစ်ရုံး တာဝန်လွှဲချနေရုံနဲ့ အလုပ်မဖြစ်နိုင်ဘူး”ဟု ပြောဆိုသွားသည်။

၂၀၁၀ခုနှစ် စက်တင်ဘာ ၁၀ ရက်နေ့တွင် ထိုင်းလာအိုနယ်စပ် ခေါင်ကယ်မြို့ ဒေချာဖန်းနစ် ငါးဖမ်းပိုက် စက်ရုံမှ အလုပ်သမား တစ်ထောင်နီးပါးတို့ ယာယီပတ်စပို့ ကိုင်ဆောင်ခွင့်ရရှိရေးအတွက် တောင်းဆို ဆန္ဒပြမှုတစ်ခု ဖြစ်ပေါ်ခဲ့သည်။ အဆိုပါ အလုပ်သမားများ၏ အခက်အခဲများအား၊ ထိုင်းရှေ့နေများကောင်စီ၊ MAP ဖေါင်ဒေးရှင်း၊ HRDF နှင့် ထိုင်းနိုင်ငံရောက် မြန်မာနိုင်ငံသားများအဖွဲ့ B.A.T အဖွဲ့တို့ သွားရောက်ဖြေရှင်း ကူညီပေးခဲ့ကြသည်။ စာရွက်စာတမ်း အပြည့်အစုံ ရရှိနိုင်ရေးအတွက် အလုပ်သမား ၃၀၀ကျော်တို့ မဲဆောက်မြိုသို့ အဖွဲ့ အစည်းများ အကူအညီဖြင့် ဆင်းသွားခဲ့ကြသည်။

ဖြေရှင်းကြရာတွင် အလုပ်သမားများ၏ အဓိက တောင်းဆိုချက်များဖြစ်သော ယာယီပတ်စပို့ ကိုင်ဆောင်ခွင့်ရရှိရေးနှင့် တရားဝင် အလုပ်သမားအဖြစ်မှ ရပ်စဲထားခြင်းအား ပယ်ဖျက်ထားခြင်းတို့ကို အဓိက ဆောင်ရွက်ပေးခဲ့ကြသည်။ အဆိုပါ ပိုက်စက်ရုံမှာ ထိုနယ်မြေအတွင်း အကြီးဆုံး စက်ရုံအဆင့်တွင် ရှိခြင်း၊ ပမာဏ တစ်ထောင်ခန့်ရှိသော အလုပ်သမားများ လုံခြုံရေးနှင့် တရားဝင်ဖြစ်ရေး ကိစ္စတို့ အတွက် အလုပ်သမား များအတွက် လိုအပ်သော စာရွက်စာတမ်းများကို ပြည့်ပြည့်စုံစုံရရှိအောင် အချိန်ယူ မဆောင်ရွက်ခဲ့ကြပေ။ အဆိုပါ ခေတ္တတည်းခို နေထိုင်ကြသည့် ဘုန်းတော်ကြီးကျောင်းဝင်းအတွင်းမှ လူစုလူဝေး ခွဲပေးရန်သာ အဓိက စေ့ဆော်မှုများ ရှိနေခဲ့ကြသည်။ ထို့အပြင် မဲဆောက်တွင် အဖွဲ့အစည်း များသဖြင့် အလုပ်သမားများ၏ လိုအပ်ချက်များအား ၀ိုင်းဝန်း လုပ်ဆောင်နိုင်မည်ဟု ပြောဆိုခဲ့ကြပြန်သည်။

ပြီးခဲ့သည့် အပတ်က ဘန်ကောက်မြို့ ဘန်ပို အရပ်ရှိ စိန်ဆိုဖါ အလုပ်ရုံတွင် အလုပ်လုပ်က်ိုင်နေကြသော ခေါင်ကယ်ပြန် အလုပ်သမား ၃၀ဦး တို့မှာ Work permit မလုပ်သေးခြင်းနှင့် ဘတ်ရှိသည့် အလုပ်သမား၃ဦးတို့အား နယ်ကျော်မှုဆိုသည့် အကြောင်းပြချက်ဖြင့် ထောင်ဒဏ် ၄၈ ရက် ချမှတ်ခဲ့သည်။ အလုပ်သမား အတော်များများတို့မှာ အလုပ်အကိုင်အတည်တကျ မဖြစ်နိုင်သေးခြင်းနှင့် လုပ်ငန်းရှင်တို့က အရေးတယူ လုပ်ကိုင်ဆောင်ရွက်ပေးခြင်း မရှိခြင်းတို့ကြောင့် မြန်မာ အလုပ်သမားများမှာ တရားဝင် ဖြစ်ခြင်း နည်းပါးနေပြန်ပါသည်။

အလုပ်ရုံမှ ကိုယ်စားလှယ်အမည်ခံ (ပွဲစား)များနှင့် အလုပ်ရှင်အတော်များများတို့မှာ အလုပ်သမားများ၏ စာရွက်စာတမ်း မပြည့်စုံမှုများကို အခွင့်ကောင်းယူလျှက် အလုပ်သမားများအား နည်းမျိုးစုံဖြင့် ခေါင်းပုံဖြတ် နေကြဆဲဖြစ်သည်။

Work pamit မရှိသဖြင့် အလုပ်သမား ၃၃ဦးအား ၄၈ ရက်ထောင်ချ

ဒီဇင်ဘာ ၂၂

ဘန်ကောက်မြို့ စမူပါကန် ပါနန်းအရပ်ရှိ ဒိုင်းမွန်း ဆိုဖါ အလုပ်ရုံတွင် အလုပ်လုပ်ကိုင်နေကြသည့် မြန်မာ အလုပ်သမားများအား နယ်ကျော်မှုနှင့် work pamit မရှိ ဟူသော အချက်များဖြင့် ဖမ်းဆီးပြီး တစ်နေ့တည်း တရားရုံးတင်ကာ ထောင်ဒဏ် ၄၈ ရက် ချမှတ်လိုက်သည်။

ခေါင်ကယ်ပိုက်စက်ရုံမှ ပြောင်းရွေ့ လာခဲ့ပြီးနောက် ထောင်ချီရှိသော မြန်မာ အလုပ်သမားများမှာ ယာယီပတ်စပို့ကို လက်ဝယ်ကိုင်ဆောင်ခွင့် ရရှိခဲ့ကြသော်လည်း work permit ကိုမူ ရယူနိုင်ခြင်းမရှိခဲ့ပါ။ အဆိုပါ အလုပ်သမားများမှာ အလုပ်အကိုင် အတည်တကျမဖြစ်နိုင်ပဲ ဟိုပြောင်းဒီရွေ့ဖြင့် work pamit ကိုလည်း အသစ် လျှောက်ထားနိုင်ခြင်း မရှိကြသေးပေ။

ဖမ်းဆီးထောင်ချခြင်း ခံလိုက်ရပြီး ဖြစ်သော မဖြိုးနှင့် မလွင်လွင်ကြူ တို့က “ ကျမတို့ကို ဒီမနက် အလုပ်ထဲမှာ လာဖမ်းတာပါ။ work permit လုပ်မထားလို့ လို့ပြောပါတယ်။ သူဌေးဆီကလည်း လုပ်အားခမရသေးဘူး။ ထောင် ၄၈ ရက်ချခံရတယ်။ ပြီးတော့ ဘာဖြစ်အုံးမလဲ မသိဘူးရှင်” ဟု ပြောပြ သွားသည်။

အဆိုပါ အလုပ်သမားများ ယနေ့ နေ့လည်ပိုင်းက (ထိုင်းနိုင်ငံရောက် မြန်မာနိုင်ငံသားများအဖွဲ့ ) BAT သို့ 

သတင်းပို့ ပြီး အကူအညီ တောင်းခံခဲ့သည်။ BAT ကလည်း မိတ်ဆွေလုပ်ဖေါ်ကိုင်ဘက် ထိုင်းအင်ဂျီအိုအဖွဲ့ 

တစ်ခုနှင့် ဆယ်သွယ် ကူညီရန် ပြင်ဆင်ခဲ့သည်။

ထိုင်းအင်ဂျီအိုမှ မြန်မာဘာသာပြန်နှင့် ထိုင်းရှေ့နေတို့ နှစ်ဦး အဆိုပါ အလုပ်သမားများ ပေးထားသည့် ဖုန်းများကို ဆက်သွယ်ပြီး ၄င်းတို့ ညွှန်ပြသည့် ရဲစခန်းသို့ လာရောက်ခဲ့သော်လည်း ရှာဖွေ မတွေ့ရှိခဲ့ပေ။ ဖုန်းများကိုလည်း မည်သို့ မှ ဆက်သွယ်၍ မရရှိခဲ့ပေ။

ညနေ ၄နာရီခန့်တွင်မှ မဖြိုးတို့ က ဖုန်းကို ထိုင်းရဲများကသိမ်းလိုက်ကြောင်း၊ တစ်လုံးကို ဖွက်ထားပြီး အိမ်သာထဲတွင် ထည့်ထားကြောင်း အဆိုပါဖုန်းဖြင့် ဆက်သွယ်လာခဲ့သဖြင့် အလုပ်သမားများအား ထောင်ချလိုက်ကြောင်း သိရှိခဲ့ရခြင်းဖြစ်သည်။ အဆိုပါ အလုပ်သမား ၃၃ဦးအနက်၊ မိန်းကလေး ၁၄ဦး ဖြစ်သည်။

ထို ၃၃ဦးထဲတွင် လူ၃၀မှာ ယာယီပတ်စပို့ ရှိသူများဖြစ်ပြီး ၃ဦးမှာ ဘန်ကောက်မြို့ ဝိုင်းဝိုင်းယဉ် အရပ်မှ ဖြစ်

သဖြင့် (ဘတ်) နယ်ကျော်သည်ဟု ဆိုခါ တခါတည်း ထောင်ဒဏ် ချမှတ်လိုက်ခြင်း ဖြစ်ကြောင်းသိရှိရသည်။ ထိုင်းအလုပ်သမား ဥပဒေအရ တရားဝင်နေထိုင် အလုပ်လုပ်ကိုင်ခွင့် ဘတ်ရှိသူများအနေဖြင့် သတ်မှတ် ထားသော မြို့နယ်အား ကျော်လွန်ပြီးအလုပ်လုပ်ကိုင် သွားလာပါက ဒဏ်ငွေ ဘတ်၅၀၀ ပေးဆောင်ရမည် ဖြစ်သည်။ ယာယီပတ်စပို့ လုပ်ကိုင်ထားသူများ အနေဖြင့် ပတ်စပို့လုပ်ပြီး တစ်လအတွင်း work pamit လျှောက်ထားရမည် ဖြစ်သည်။

ရက်ပေါင်း ၉၀ ပြည့်သည့် အခါ လူဝင်မှုကြီးကြပ်ရေး ရုံးတွင် တံဆိပ်တုံး ထုရမည်ဖြစ်သည်။ ယာယီပတ်စပို့ မှာ ထိုင်းနိုင်ငံအတွင်း လွတ်လပ်စွာ ခရီးသွားလာခွင့်ရှိသည်။ work pamit မရှိပဲ ထိုင်းနိုင်ငံအတွင်း အလုပ်လုပ်ကိုင်ခွင့် မရှိပေ။ ပြစ်ဒဏ်အဖြစ် ဒဏ်ငွေချမှတ်ပြီး နယ်စပ်သို့ ပြန်လည် ပို့ဆောင်ရမည် ဖြစ်ကြောင်းလည်း သိရှိရသည်။
(ကိုကျော်သောင်းမှ ပေးပို့ပါသည်။) 

ပတ်စပို့ရှိသည့် အလုပ်သမကြီးတစ်ဦး မဲဆောက်မှာ နာရီပိုင်းအတွင်း၂ကြိမ်အဖမ်းခံရ

နိုဝင်ဘာ ၂၉

ယာယီပတ်စပို့ ကိုင်ဆောင်ထားသည့် အသက်၅၀အရွယ် မြန်မာအလုပ်သမ ဒေါ်ဌေးသည် မိခင်ကွယ်လွန် ကြောင်း ကြားသိရသဖြင့် အလောင်းသဂြိုဟ်အမီ အပြင်းလာခဲ့စဉ်၊မဲဆောက်ကိုရောက်မှ ထိုင်းပုလိပ် ဖမ်းဆီးခြင်းကို နာရီပိုင်းအတွင်း ၂ကြိမ်ခံရသဖြင့် ဘတ်၉၀၀ ကုန်ကျခဲ့သည်။

ယမန်နေ့ စောစောပိုင်းက မဲဆောက်မြို့ ကို ရောက်ရှိပြီးနောက် မယ်တော်ဆေးခန်းအနီး အရောက်တွင် ထိုင်းပုလိပ် ဖမ်းဆီးခံရသဖြင့် ဘတ်၄၀၀ ပေးခဲ့ရသည်။ ထို့ နောက် လ၀ကရုံးသို့  ပြန်လည်ပြည်ဝင်ခွင့် ဗီဇာ

Re-entry သတင်း စုံစမ်းရန်လာစဉ် နောက်တစ်ကြိမ် ဖမ်းဆီးခံရသဖြင့် ၂ထပ်အချုပ်ခန်းသို့ ရောက်ရှိ သွားခဲ့သည်။

ဒေါ်ဌေးသည် ထိုင်းလာအိုနယ်နယ်စပ် ခေါင်ကယ်၊ ဒေချာဖန်းနစ် ငါးဖမ်းပိုက်ကွန်စက်ရုံတွင် ယာယီပတ်စပို့ 

ဖြင့် အလုပ်လုပ်နေရာမှ နေရပ်ရင်းကို ခေတ္တပြန်လာသည့် မြန်မာအလုပ်သမားဖြစ်သည်။ ဒေါ်ဌေးက“ အမေ ဆုံးတယ်လို့ ကြားလို့  ကျမ ချက်ချင်း ဆင်းလာခဲ့ပါတယ်။ တစ်လမ်းလုံး ချောချောမောမောပါပဲ။ မဲဆောက် အ၀င်မှာလည်း ဘာမှမဖြစ်ပါဘူး။ မဲဆောက်မြို့ ထဲမှာ အလုပ်လုပ်နေတဲ့ ကျမ အမျိုးသားရဲ့ ညီတော်စပ်သူ အခန်းကို လာတဲ့အခါ ပုလိပ်ဖမ်းတာပါ။ ကျမ ယာယီပတ်စပို့ ကို ထုတ်ပြပါတယ်။

ဝပ်ပါမစ် Work Parmit မပါလို့ ဖမ်းတာတဲ့ ကျမ ဘတ်၄၀၀ပေးလိုက်ရတယ်။ နောက် ကျမ တောမောရုံး ကို လာတော့ ကားပေါ်က ဆွဲချခံရပြန်တယ်။ ဘယ်လိုမှ ပြောလို့မရဘူး။ ကျမကို နှစ်ထပ်အချုပ်ခန်းကို ခေါ်သွားပါတယ်” ဟု ပြောသည်။

ဒေါ်ဌေးသည် မွန်ပြည်နယ် ဘီလင်းမြို့ နယ်၊ ဆွေလှေရွာမှဖြစ်ပြီး ထိုင်းတွင်တရားဝင်နေထိုင် အလုပ်လုပ်ကိုင်ခွင့် ယာယီပတ်စပို့ ကိုင်ဆောင်ထားသူ တစ်ဦးဖြစ်သည်။

“ ကျမလည်း ထူပူသွားတာပေါ့နှော်၊ အယင်လက ကျမတို့စက်ရုံမှာ ပတ်စပို့ကိစ္စ ပြဿနာတွေ အကြီး အကျယ်ဖြစ်လို့ ဘန်ကောက်က လာရောက်ဖြေရှင်းတဲ့ အဖွဲ့တစ်ခုဖြစ်တဲ့ ထိုင်းနိုင်ငံရောက် မြန်မာ နိုင်ငံသားများ အဖွဲ့က ဖုန်းနံပါတ်ရှိတယ်။ ကျမဖုန်းဆက်ပြီး အကူအညီတောင်းလိုက်ပါတယ်။ ခဏနေတော့ မဲဆောက်က ရခိုင်အလုပ်သမား လှုပ်ရှားမှုအဖွဲ့က တာဝန်ခံ ကိုထက်ခေါင် ရောက်လာခဲ့ပါတယ်။ ကျမ မဲဆောက်အချုပ်မှာ ဘတ် ၅၀၀ ပေးခဲ့ရပါတယ်။ မရှိတဲ့အထဲက ကျမလာခဲ့တာပါ။ မဲဆောက်မှာ ပုလိပ်ကို ဘတ် ၉၀၀ ပေးလိုက်ရတာပေါ့နော်။ ကူညီပေးသူအားလုံးကို ကျေးဇူးတင်ပါတယ်” ဟု ဆက်လက် ပြောပြသည်။

သွားရောက် ကူညီပေးသည့် ကိုထက်ခေါင်က “ ကျနော့်ကို အတူလက်တွဲလုပ်နေကျဖြစ်တဲ့ ဘန်ကောက်က

BAT အဖွဲ့က ဦးကျော်သောင်းက ဖုန်းဆက်လာပါတယ်။ ကျနော်လည်း ချက်ခြင်းထသွားလိုက်တယ်။ တော်တော် စိတ်ဆင်းရဲစရာပါ။ ယာယီပတ်စပို့ လုပ်ထားပေမယ့် ကျနော်တို့ အလုပ်သမားတွေကို ထိုင်းအာဏာပိုင်တွေက ဒီအတိုင်း လုပ်ချင်သလို လုပ်နေတာတွေကို ရပ်သင့်ပြီးလို့ ကျနော်ပြောချင်ပါ တယ်။ အလုပ်သမားတွေကို အလုပ်သမားတွေ အဖြစ်မမြင်ပဲ၊ ထိုင်းပုလိပ်တွေအမြင်မှာ ဖမ်းစားလို့ အရသာရှိတဲ့ သတ္တ၀ါတစ်မျိုးလို့များ မြင်နေလား မသိပါဘူးဗျာ။” ဟု ပြောဆိုသွားသည်။

နှစ်နိုင်ငံ အစိုးရတို့ လက်ရှိလုပ်ကိုင်ပေးနေသည့် ယာယီပတ်စပို့မှာ ထိုင်းနိုင်ငံအတွင်း လွတ်လပ်စွာသွားလာ

ခွင့်ရှိကြောင်း တရားဝင် ပြောထားပြီးဖြစ်သည်။ Work Parmit မှာ အလုပ်လုပ်ကိုင်ခွင့်ဖြစ်ပြီး၊ ယခင် (ဘတ်) ကဲ့သို့ပင် ချုပ်နှောင်ထားဆဲဖြစ်သည်။ ယာယီပတ်စပို့လုပ်ပြီး ၁လအတွင်း Work Parmit လျှောက်ထား ရမည်ဖြစ်ပြီး ရက်ပေါင်း ၉၀ ပြည့်တိုင်း နီးစပ်ရာ လ၀က ရုံးတို့တွင် ဧည့်စာရင်း တိုင်ကြားရမည် (အသိပေးရမည်) ဖြစ်သည်။ ထိုင်းနိုင်ငံအနှံ့အပြားတွင် ယာယီပတ်စပို့ လုပ်ကိုင်ပြီးသည့် အလုပ် သမားများမှာ Work Parmit လျှောက်ထားခ အတွက် အစိုးရကို ၂နှစ်စာအတွက်၃၈၀၀ ပေးသွင်း ရသော်လည်း ပွဲစားခ ဘတ် ၃၀၀၀ မှ ၃၅၀၀ အထိ ပွဲစားနှင့် အငှားလုပ်ငန်းရှင်များအား ပေးဆောင် နေရသည်။ မသိနားမလည်သော မြန်မာအလုပ်သမားများအား လိမ်လည် လှည့်ဖြားသည့် ပြစ်မှုများလည်း နေရာတိုင်းတွင် ပေါ်ပေါက်နေကြောင်းသိရှိရသည်။

ရွေ့ ပြောင်း အလုပ်သမားများထံမှ နိုင်ငံပြန်လည်ပို့ ဆောင်ရေး ခရီးစရိတ်ဟူသည့် နာမည်ဖြင့် လာမည့်ဒီဇင် ဘာလကုန်မှ စတင်၍ အလုပ်သမားတစ်ဦးအား တစ်လကို ဘတ်၄၀၀နှုန်းဖြင့် ၆လတိုင်တိုင် ဖြတ်တောက်ရန် ထိုင်းအလုပ်သမား ၀န်ကြီးဌာနမှ လုပ်ငန်းရှင်များထံသို့ တရားဝင်စာပို့ ထားပြီး ဖြစ်ပါသည်။

ထိုင်းနိုင်ငံရောက် မြန်မာအလုပ်သမားများမှာ ယာယီပတ်စပို့ လုပ်ပြီးမှ ယခင်ကထက်ပင် အခက်အခဲ ကြုံတွေ့ နေရကြောင်း အလုပ်သမားများ ပြောပြချက်အရ သိရှိရသည်။

တရားမ၀င် အလုပ်သမားများ ဖမ်းဆီးနှိမ်နင်းရေး တာဝန်ပေးအပ်

ဘီဘီစီ အောက်တိုဘာ ၂၇

ထိုင်းနိုင်ငံအတွင်း တရားမ၀င် အလုပ်သမားများအား ဖမ်းဆီးနှိမ်နင်း အရေးယူနိုင်ရေးအတွက် ထိုင်းစစ်တပ်၊ ထိုင်းရဲနှင့် ဌာဆိုင်ရာ တာဝန်ရှိသူတို့အား တာဝန်ပေးအပ်ပွဲကို ယမန်နေ့က ဘန်ကောက်မြို့ရှိ အလုပ်သမား ၀န်ကြီးဌာနတွင်ကျင်းပခဲ့သည်။

ယခင်နှစ်က မြန်မာ၊ ကမ္ဘောဒီယားနှင့် လောနိုင်ငံသား၊ တရားဝင်နိုင်ငံခြားသား အလုပ်သမား ပေါင်း ၁၄သိန်းကျော် ရှိခဲ့သော်လည်း၂၀၁၀နှစ်အတွက် အလုပ်သမား သက်တမ်းတိုးသည့်အခါ စုစုပေါင်းအလုပ်သ မား ၅သိန်းကျော် လျော့နည်းနေခဲ့သည်။

အလုပ်သမားဝန်ကြီးဌာနမှ ညွှန်ကြားရေးမှုးထနွန်နွိုင် က “ မှတ်ပုံတင်သက်တမ်း လာမတိုးတဲ့ ဒီအလုပ်သမား ၅သိန်းကျော်ဟာ ထိုင်းနိင်ငံအတွင်းမှာ အလုပ်လုပ်နေတုန်းပဲလား၊ ဒါမှမဟုတ် နေရပ်ရင်းကို ပြန်သွားကြပြီလား၊ ဒါကိုအတိအကျသိနိုင်ဖို့အတွက် ရဲ၊စစ်တပ်နဲ့ ဌာနဆိုင်ရာတွေကို တာဝန်ပေးရတာ ဖြစ်ပါတယ၊် ဒါမှ တရားမ၀င် အလုပ်သမားတွေကိုရော၊ တရားမ၀င် အလုပ်သမားတွေကို ငှါးရမ်းတဲ့ သူဌေးတွေကိုပါ အရေးယူနိုင်မှာဖြစ်ပါတယ်” ဟု ဘီဘီစီကို ပြောသည်။

လာမည့် ဇန္န၀ါရီလ၁ရက်နေ့တွင် စတင်မည့် အလုပ်သမား သက်တမ်းတစ်နှစ် ထပ်တိုးပေးအတွက် ဖိအားပေးဆောင်ရွက်ခြင်းလည်း ဖြစ်ကြောင်း၊ အလုပ်သမားအသစ်များအတွက် တရားဝင် ကဒ်ပြားထုတ်ပေးရေးကို အလုပ်သမားဝန်ကြီးဌာန အနေဖြင့် စတင်ဆောင်ရွက်နေပြီ ဖြစ်သော်လည်း အစိုးရ၀န်ကြီးများက အတည်ပြုပေးရန် လိုအပ်နေသေးသည်။

အလုပ်သမားဝန်ကြီးဌာနမှ ချမှတ်ထားသော နေရပ်ရင်းပြန်ပို့ စရိတ် ဘတ်၂၄၀၀ ကို ဒီဇင်ဘာလမှစတင် ကောက်ခံတော့မည်ဖြစ်သည်။ တစ်လလျှင် ဘတ်ငွေ၄၀၀နှုန်းဖြင့် ၆လ ကောက်ခံသွားမည်ဖြစ်သည်။

တရားဝင် အလုပ်လုပ်နေသော မြန်မာအလုပ်သမား ၃သိန်းကျော်တို့အား ယာယီပတ်စပို့  ထုတ်ပေးနိုင်ခဲ့ပြီး ဖြစ်ကြောင်း ညွှန်ကြားရေမှူးကပြောသည်။

ကိုကျော်သောင်းမှ ပေးပို့ပါသည်။ 

“ထိုင်းမှာအနိုင်ကျင့် ဖမ်းစားခံနေရတဲ့ မြန်မာအလုပ်သမားများအတွက် စကားတစ်ခွန်းပြောပေးပါ”

ထိုင်းနိုင်ငံအတွင်းမှာ နေထိုင် အလုပ်လုပ်ကိုင်ကြသူတွေ အားလုံး ယာယီပတ်စပို့ မလုပ်မနေရ လုပ်နေရပြီ ဖြစ်တယ်။ ထိုင်းနဲ့မြန်မာအစိုးရက သတ်မှတ်သလို မလုပ်ရင်နေလို့ မရအောင် ထိုင်းရဲတွေက ဖမ်းဆီးတယ်။ တပြိုင်တည်းမှာပဲ ထိုင်းလုပ်ငန်းရှင်တွေကလည်း ယာယီပတ်စပို့ မရှိရင် အလုပ်သမား မငှားရမ်းဘူး။ ဟိုဟိုဒီဒီလည်း သွားလို့မရဘူး။ ထိုင်းကုမ္ပဏီမှာလုပ်ကိုင်ကြတဲ့ ထိုင်းစကားတတ်တဲ့ မြန်မာ ဘော်လံတီယာ တွေရဲ့ မြှောက်ချီတစ်ခါ၊ ခြောက်ချီ တလှည့်တွေကြောင့်ပါ မြန်မာအလုပ်သမားတွေ မလုပ်မနေရ လုပ်ကို လုပ်ကြရမယ့် အနေအထားကို ရောက်လာပါတယ်။ လုပ်လည်းလုပ်လာကြပါတယ်။

ဒီယာယီပတ်စပို့ ဆိုတဲ့ စီမံကိန်းကြီးကို ထိုင်းနဲ့ မြန်မာနှစ်နိုင်ငံ အစိုးရတို့ ၂၀၀၆လောက်ကတည်းက စတင် အကောင်အထည်ဖေါ် လာခဲ့ပေမယ့် ၂၀၀၉နဲ့ ၂၀၁၀မှာမှ မြန်မာအလုပ်သမားတွေ ခပ်စိပ်စိပ် လုပ်ကိုင် လာကြတာဖြစ်ပါတယ်။

အစတုန်းက ကော့သောင်း/ရနောင်း၊ မြ၀တီ/မဲဆောက်နဲ့ မယ်ဆိုင်နဲ့တာချီလိတ် ဆိုတဲ့ နယ်စပ်စခန်း ၃နေ ရာတို့မှာ လုပ်ကိုင်ခဲ့ပါတယ်။ မြ၀တီ/မဲဆောက် နယ်စပ်စခန်းကိုတော့ ပြီးခဲ့တဲ့ ၅လလောက် ကတည်းက မြန်မာအစိုးရဘက်က ပိတ်ပစ်ခဲ့တာကြောင့် ယာယီပတ်စပို့ လုပ်တဲ့နေရာ ၂ခုပဲကျန်ပါတော့တယ်။

တကယ့် အဖြစ်အပျက်တွေကို နှစ်နိုင်ငံအစိုးရတို့ သတင်းအချက်အလက် အပြည့်အစုံမရတာလား၊ ဒါမှမဟုတ် မသိချင်ယောင် ဆောင်တာလားဆိုတာတော့ သူတို့သာ သိပါလိမ့်မယ်။ သေချာတာ တစ်ခုကတော့ သတင်းလွတ်လပ်ခွင့်နဲ့ လူထုအခြေပြု လူ့အဖွဲ့အစည်းတွေ အားကောင်းမောင်းသန် လည်ပတ်နေတဲ့ ထိုင်းလိုနိုင်ငံမှာ အစိုးရက မျက်စိမှိတ်ထားတာသာ ဖြစ်ပါမယ်။ မသိတာတော့ မဟုတ်ပါဘူး။

မြန်မာအစိုးရကတော့ တကယ့်အဖြစ်မှန်ကို မသိလို့ ထင်ပါတယ်။ ကိုယ့်နိုင်ငံက အလုပ်သမားတွေ(၀ါ) မြန်မာကျွန်တွေ ကို ထိုင်းအစိုးရက လုပ်ချင်တိုင်းလုပ်နေတာ၊ ထိုင်းလုပ်ငန်းရှင် တွေက ချယ်လှယ်ချင်တိုင်း ချယ်လှယ်နေတာ၊ ခေါင်းပုံဖြတ် အမြတ်ကြီးစားနေတဲ့ ထိုင်းပွဲစားကုမ္ပဏီတွေ ဂုတ်သွေးစုတ် နေတာတွေကို အနည်းနဲ့အများတော့ သိမယ်လို့ ယူဆပါတယ်။ ဒီဆောင်းပါးကို ရေးရခြင်း ရည်ရွယ်ချက်က မြန်မာစစ်အစိုးရတို့ ဖြစ်ရပ်မှန်တွေကို သိရှိသွားပြီးတော့၊ “ထိုင်းမှာ အနိုင်ကျင့် ဖမ်းစားခံနေရတဲ့ မြန်မာ အလုပ်သမားများအတွက် စကားတစ်ခွန်းပြောပေးပါ” ဆိုပြီး ထိုင်းနိုင်ငံရောက် ရွေ့ပြောင်းမြန်မာ အလုပ်သမားများ ကိုယ်စား ဒီစာကို ရေးသားတင်ပြလိုက်ရခြင်း ဖြစ်ပါတယ်။

ကုန်ခဲ့တဲ့နှစ် ၂၀၀၈ အကုန် ၂၀၀၉ အကူးမှာထိုင်းအစိုးရက ယခင်အလုပ်သမားတွေကို ထုတ်ပေးထားတဲ့ (ဘတ်)ကို အပူတပြင်း လုပ်ကိုင်ပါတယ်။ ယခင်နှစ်တွေတုန်းက ၁၂လ ကာလ( ၁နှစ်)အတွက်မှ တရားဝင် ဘတ်ငွေ ၃၈၀၀ ကုန်ကျပါတယ်။ ၂၀၀၉ ခုနှစ်မှာ ရှစ်လတာ နေထိုင်ခွင့်အတွက် တစ်နှစ်စာ ယူလိုက်ပါတယ်။ ဒါကြောင့် မြန်မာ အလုပ်သမား၃သိန်းမှာ ၁သိန်းဖိုးကို ထိုင်းအစိုးရက မတရား ဖြတ်ယူလိုက်တာဖြစ်ပါတယ်။

ဒီနေထိုင် အလုပ်လုပ်ကိုင်ခွင့်(ဘတ်)လုပ်ပြီးတာနဲ့ တပြိုင်တည်း ၂၀၀၉ ခုစက်တင်ဘာလမှာ ယာယီပတ်စပို့ 

မလုပ်မနေရတဲ့ အနေအထားအထိ ထိုင်းအစိုးရ၊ ထိုင်းရဲ၊ ထိုင်းလုပ်ငန်းရှင်တွေက ကြပ်လာတာကြောင့် ယာယီ ပတ်စပို့လုပ်ဖို့ အလုပ်သမားတွေ လျှောက်ထားကြရပါတယ်။ တဆက်တည်း လုပ်ရသလို ဖြစ်သွား တာကြောင့် မြန်မာအလုပ်သမားတွေ နေရပ်ရင်းကို ငွေမပို့ နိုင်အောင် အကြွေးတွေ တင်သွားခဲ့ကြရပါတယ်။

ယာယီပတ်စပို့ လုပ်ငန်းစဉ်အတွင်း မြန်မာအစိုးရဘက်က နားလည်ထားတာက ဒီပုံတွေအတိုင်းပါ။ ဒီရေးထားတဲ့ စာတွေအတိုင်းဆိုရင် မြန်မာအစိုးရက မေတ္တာ ဂရုဏာကြီးစွာထားပြီးတော့ လုပ်ပေးတာလို့ဆို နိုင်ပါတယ်။ ဒါပေမယ့် မြန်မာအလုပ်သမား ခံနေရတာတွေကတော့ မသက်သာပါဗျာ။ ယာယီပတ်စပို့ လုပ်ခ ဘတ်ငွေ ၆၀၀၀ ကျော်ကနေ တစ်သောင်းကျော်အထိ ကုန်ကျပါတယ်။ ဒါ့အပြင် အလုပ်လုပ်ကိုင်ခွင့်(ခေါ်) Work permit ၂နှစ်စာ ၃၈၀၀ ဘတ်နဲ့  ကျမ္မာရေး သွေးစစ်ခ ဆေးရုံသို့ ပေးသွင်းရငွေ ဘတ်၁၈၀၀ ကုန်ကျပါတယ်။ Work permit လျှောက်တဲ့ ထိုင်းအလုပ်သမားဝန်ကြီးရုံး အောက်မှာ ဘတ် ၃၀၀/၅၀၀ ပေးရတဲ့ ပွဲစားတွေက လုပ်စားလို့ ရှိပါသေးတယ်။ အားလုံးပေါင်းလိုက်ရင် ဒီယာယီပတ်စပို့ အတွက် အရပ်ရပ် ကုန်ကျငွေပေါင်း ဘတ်နှစ်သောင်းဝန်းကျင် ဖြစ်ပါတယ်။

မြန်မာပြည်ကို ပြန်ရင်လည်း အလုပ်ကမရှိ၊ ရှိတဲ့အလုပ်ကလည်း ထမင်းဝအောင် မရပြန်၊ အခြားသော အထွေထွေ အကြပ်အတည်းတွေက များတာနဲ့ ထိုင်းမှာပဲ ကုတ်ကပ်နေကြတော့တယ်။ မြန်မာ အလုပ်သမား တွေထဲမှာ ရုံးတွေကို မသွားတတ်သူတွေနဲ့ စာမတတ်သူတွေ အများကြီးရှိပါတယ်။

မြန်မာတွေကို ဘယ်လိုပဲ နှိပ်ကွပ်နှိပ်ကွပ် ခေါင်းငုံ့ခံပြီး နေတာကိုလည်း ထိုင်းတွေက သိတယ်။ ဘယ်သူကမှ ထိထိရောက်ရောက် အကာအကွယ် မပေးနိုင်တာကိုလည်း ထိုင်းတွေကသိတယ်။ ဒါကြောင့် လုပ်ချင်သလို လုပ်နေကြတာဖြစ်တယ်။

ယာယီပတ်စပို့ လုပ်ဖို့အတွက် မြန်မာအလုပ်သမားတွေ အချင်းချင်း အတိုးနဲ့ ချေးငှားရတာ ရှိသလို နေရပ်ရင်းကို ပြန်မှာရတာလည်း ရှိပါတယ်။ မြန်မာအစိုးရအနေနဲ့ ဘယ်သို့သော အကျိုးအမြတ် ရရှိသလဲ ဆိုတာကို ကျနော်တို့ အလုပ်သမားတွေ မသိရှိရပေမယ့် ဒီထိုင်းဘက်အခြမ်းမှာတော့ ထိုင်းကုမ္ပဏီတွေနဲ့ ထိုင်းအစိုးတွေ အကျိုးကျေးဇူး ရှိနေတာတော့ သေချာနေပါတယ်။ အနိမ့်ဆုံးအဆင့် ယာယီပတ်စပို့ လုပ်တဲ့ နေရာတွေနားမှာ အစားအစာ တစ်ခုခုရောင်းတဲ့ ဈေးဆိုင်တစ်ဆိုင်လောက်ကို မေးကြည့်ရင်သိနိုင်ပါတယ်။

ယာယီပတ်စပို့ လုပ်ပြီးတဲ့ နောက်မှာ မြန်မာအစိုးရက အလုပ်သမားတွေကို ပြောထားသလို အကာအကွယ် တွေ မရရှိကြပါဘူး။ ထိုင်းလုပ်ငန်းရှင်တွေနဲ့ ထိုင်းအာဏာပိုင်တွေဟာ မြန်မာအလုပ်သမားတွေမှာ ယာယီ ပတ်စပို့ မကလို့ သံတမန်ပတ်စပို့ ရှိရင်တောင် ဖမ်းစားနေကျမို့ ဖမ်းစားတုန်းပဲဖြစ်ပါတယ်။ ဒေါက်တာ မတင်ဝင်းပြောသလို ထိုင်းဆိုတာ ငယ်နိုင်…ပါတဲ့။ အဲဒါကိုပြောင်းပြန်လှန်လိုက်တော့ ဖမာ့ဆိုတာ ကြီးနိုင်ပေါ့။ နှစ်ပေါင်း၂၀ ကျော်လောက် ထိုင်းတွေဆီမှာ ဗမာတွေကျွန်လာလုပ်နေခဲ့ရပြီ။

ဒီအောက်မှာပြထားတဲ့ပုံကတော့ ပြီးခဲ့တဲ့နိုဝင်ဘာလ ၁၅ ရက်နေ့ က အယ်ကရှိုင်လမ်းမှာရှိတဲ့ ဘန်ကောက် ၈ ဆေးရုံအနီး ကန်ချနလမ်းမ ကားဂိတ်မှာကားစောင့်ရင်း၊ လုယက်ရိုက်နှက်ခံခဲ့ရသူပါ။ ယာယီပတ်စပို့  ရှိတဲ့ အသက် ၁၉နှစ်အရွယ် မောင်လုံဆိုတဲ့ ကရင်အလုပ်သမားတစ်ယောက်ပါ။ သူဟာ ပတ်စပို့ကို ထုတ်ပြပေမယ့် ထိုင်းပုလိပ်က သေနတ်နဲ့ ချိန်တယ်။ လက်ထိပ်ခတ်ပြီး လက်နှိပ်ဓါတ်မီးနဲ့ ဆယ်ချက်ထက် မက ရိုက်နှက်ပါတယ်။ ဆေးရုံကိုသွား လိုက်ရပါတယ်။ ဒါ့အပြင် ဘတ်ငွေ ၆၃၀၀ ကိုလည်း လုယက်ယူငင် သွားခဲ့ပါတယ်။ ဘယ်လိုလုပ်ရပ်လဲလို့ မေးရပါမယ်။ ဒီကိစ္စနယ်မြေရဲစခန်းမှာ အမှုဖွင့်တိုင်တန်းထားပါတယ်။

ယာယီပတ်စပို့ လုပ်ထားတဲ့ မြန်မာအလုပ်သမားတွေရဲ့ ရပိုင်ခွင့်တွေနဲ့ အကာအကွယ်ကိုတော့ နှစ်နိုင်ငံ အစိုးရတို့က လျှစ်လျှူရှုထားကြတယ်လို့ ပြောရင်ရမယ်ထင်ပါတယ်။ မိမိပိုက်ဆံနဲ့ အကုန်အကျခံပြီး လုပ်ထားတဲ့ အလုပ်သမားတွေကို ၂နှစ်ပြည့်မှ ပေးမယ်လို့ ဒီလိုစာကပ်ထားတဲ့ အလုပ်ရုံတွေရှိသလို စကားဖြင့်သာပြောပြီး ပတ်စပို့တွေကို သိမ်းထားတဲ့ စက်ရုံတွေလည်း အထူးများပြားနေပါတယ်။ ပတ်စပို့ လုပ်ထားတာကြောင့် ထိုင်းနိုင်ငံအနှံ့ ကိုသွားရတယ်ဆိုပေမယ့် အလုပ်အကိုင် အပြောင်းအရွေ့ ကိစ္စတွေ၊ ကျမ္မာရေး ၀န်ဆောင်မှုတွေက ယခင် (ဘတ်)နဲ့ အတူတူ ကုန်ကျပါသေးတယ်။ ဒီယာယီပတ်စပို့ လုပ်လိုက်တာကို ခြုံပြောရရင် အလုပ်သမားတွေအတွက် ၂ဆကနေ ၄ဆအတွင်း ကုန်ကျသွားတာပဲ အဖတ်တင်ပါတယ်။ ထိုင်းလုပ်ငန်းတွေနဲ့ ထိုင်းပုလိပ်တွေ ဥပဒေကို ချိုးဖေါက်နေတာကို သိရှိပေမယ့် ထိရောက်တဲ့ အရေးယူဆောင်ရွက်မှု မရှိလေတော့ မြန်မာ အလုပ်သမားများခမျာ ပုလိပ်စားပြီး ကျန်တာကိုပဲ စားရပါတော့တယ်။ မဟာချိုင်မှာများဆိုရင် စာရွက်မှာ ကဏန်းရေးပြီး ဖမ်းစား နေကျဖြစ်တယ်။ ထိုင်းလုပ်ငန်းရှင်တွေကလည်း ဖိနှိပ်ချင်သလို ဖိနှိပ်ဆဲဖြစ်ပါတယ်။

ထိုင်းအစိုးရ၊ ထိုင်းလုပ်ငန်းရှင်နဲ့ ထိုင်းပုလိပ်တွေဟာ ယာယီပတ်စပို့ လုပ်ထားတဲ့ မြန်မာ အလုပ်သမား တစ်ယောက်ကို ဆက်ဆံတဲ့နေရာမှာ ယခင်အတိုင်းပါပဲ။ မြန်မာအစိုးရ၊ ထိုင်းအစိုးရနဲ့ ထိုင်း အင်ဂျီအို အချို့တွေကတော့ ယာယီ ပတ်စပို့လုပ်တာ အလုပ်သမားတွေအတွက် အခွင့်အရေး အပြည့်ရမယ်။ နိုင်ငံတော် လုံခြုံရေး ဘာညာပြောခဲ့ကြတယ်။ ခုလည်း ပြောကြတုန်းပဲဖြစ်တယ်။ အတိုင်းအတာ တစ်ခု အထိတော့ မှန်ပါလိမ့်မယ်။ မြန်မာအလုပ်သမား အတော်များများကတော့ နေရပ်ရင်းက လိပ်စာ အမှန်၊ မိဘအမည် အမှန်အကန်တွေကို အသိပေး လိုက်ရတော့တယ်။ မတရားငွေကောက်ခံဖို့ အခွင့်အလမ်း သာသွားတယ်။ ခုထိုင်းအစိုးရက စပြီးဖြတ်တော့မယ်လေ။ လိုသလိုလုပ်လို့ ရသွားတယ်။ မြန်မာပြည်မှာ မြန်မာအစိုးရက နောင်တစ်ချိန် မကောက်လာဘူးလို့ဘယ်သူအာမခံမလဲ။ ဒီယာယီပတ်စပို့ လုပ်လိုက်တဲ့ အတွက် မြန်မာအလုပ်သမားတွေမှာတော့ တစ်နှစ် အနည်းဆုံး အကြွေးဆပ်ရမယ်။ ရသင့်ရထိုက်တဲ့ အခွင့်အရေးတွေတော့ မရရှိဘူး။

ဒီယာယီ ပတ်စပို့ ဆိုတာ အမှန်က သန်းချီရှိနေတဲ့ မြန်မာ အလုပ်သမားတွေ အတွက် လုပ်ပေးသင့်တဲ့ အရာမဟုတ်ဘူး။ ထိုင်းမှာရှိတဲ့ အောက်ခြေ အလုပ်သမားတွေနဲ့ တန်လည်းမတန်ဘူး။ မတန်ဘူးဆိုတာ ပတ်စပို့ လုပ်ငန်းစဉ်၊ ပတ်စပို့ ကိုင်ဆောင်ထားသူ လိုက်နာ ဆောင်ရွက်ရမယ့် ကိစ္စတွေက ဘာလဲဆိုတာ ကိုယ်တိုင် မသိသူများကြတာကြောင့် ဖြစ်တယ်။ work permit ကိစ္စတို့ ၊ ရက်ပေါင်း ၉၀ တစ်ကြိမ် လ၀က ရုံးကို သွားရောက်ကြမှာဆိုတော့ (၁)အချိန်ကုန်တယ်။ (၂)လမ်းစရိတ်ကုန်တယ်။ (၃)အလုပ်ခွင့်မရတာရှိ

တယ်။ (၄)အလုပ်သမားရော၊ လုပ်ငန်းရှင်ကိုယ်တိုင်ကပါ တရားဝင်ဖြစ်အောင် လုပ်ရမယ့် အစီအစဉ်တွေကို မသိဖြစ်နေတယ်။ (၅)လုပ်ငန်းရှင်က ပတ်စပို့ကို သက်တမ်းတိုး မထားတဲ့အတွက်၊ ပတ်စပို့ လုပ်ထားပြီး သေနေတဲ့ အလုပ်သမားတွေ ရှိနေတယ်။( ၆)ထိုင်းလုပ်ငန်းရှင်က ထိုင်းပုလိပ်ကို ခေါ်ပြီး ဖမ်းဆီးလို့ ရ ဆဲပဲဖြစ်တယ်။ မြန်မာအလုပ်သမားမှာ ကာကွယ်ပေးမယ့် သူမရှိပါ။ (၇)ကိုယ်ပိုက်ဆံနဲ့ ကိုယ် လုပ်ထားပေမယ့် လုပ်ငန်းရှင်က ၂နှစ်ပြည့်မှ အလုပ်သမားတွေကို ယာယီပတ်စပို့ ပေးမယ်လို့  ဒီလို စာရေး ထားတာတောင်ရှိပါ့ဗျာ။

မြန်မာအစိုးက အဖမ်းအဆီးမရှိ၊ စစ်ဆေးခြင်းမရှိ၊ အခွန် ကောက်ခြင်း မရှိ၊ ထိုင်းအလုပ်သမားနဲ့ တန်းတူအခွင့် အရေးရရှိရေးလို့ ရေးထားပါတယ်။ ဒါပေမယ့် ယာယီပတ်စပို့ လုပ်ပြီးတဲ့ အလုပ်သမား ထက်ဝက်လောက်ရဲ့ ယာယီပတ်စပို့တွေကို လုပ်ငန်းရှင်တွေ သိမ်းထားဆဲဖြစ်ပါတယ်။ ခုနောက်ဆုံး ဘယ်လောက်ထိ မြန်မာ အလုပ်သမားတွေဆီကနေ အကျိုးအမြတ်တွေကို တရားသဖြင့်ရော၊ မတရား သဖြင့်ပါ ရယူဖို့ ထိုင်းအစိုးရ ပြင်ဆင်လာပါသလဲ။ ဘယ်လောက်ထိ ရက်စက်သလဲ၊ ကျနော်တို့ လုပ်အားခ တွေကို ၀ါးမြိုလိုသလဲ။ ခေါင်းပုံဖြတ်ချင်သလဲ။

လာအိုနဲ့ မြန်မာ အလုပ်သမားတွေအတွက် အယင် နေထိုင်ခွင့် (ဘတ်)ရှိသူရော ခုလုပ်နေကြတဲ့ ယာယီ ပတ်စပို့ လုပ်ထားသူတွေကိုပါ လာမယ့် ၂၀၁၁ ခုဇန္န၀ါရီလကနေ လစဉ် အလုပ်သမားတစ်ဦး ဘတ် ၄၀၀ နှုန်းနဲ့ ၆ လတိုင်တိုင် စုစုပေါင်း ၂၄၀၀ဘတ်စီ၊ ဖြတ်တောက်ခံရတော့မှာ ဖြစ်ပါတယ်။ ကမ္ဘောဒီယား အလုပ်သမားတွေ အတွက်တော့ တစ်လကိုဘတ် ၃၅၀နှုန်းနဲ့ ၆လ၊ စုစုပေါင်း ဘတ်ငွေ ၂၁၀၀ စီ ဖြတ်တောက်မှာ ဖြစ်တယ်လို့ ထိုင်းအလုပ်သမား ၀န်ကြီးအမိန့် ထုတ်ထားပြီး ဖြစ်ပါတယ်။ ဒီဖြတ်တောက်မယ့် ငွေကို ပေးသွင်းဖို့ ပျက်ကွက်ခဲ့ပါလျှင် လစဉ်ပေးသွင်းရမယ့် ငွေရဲ့၂ ရာခိုင်နှုန်း အပိုပေးဆောင်ရမယ်။ ထိုင်းအလုပ်သမား မှတ်ပုံတင်ဌာနမှာ ပေးသွင်းရမယ်လို့ လည်း ဆိုပါတယ်။

ဒီငွေတွေကို ဖြတ်တောက်ရတာနဲ့ ပတ်သက်ပြီး ထိုင်းအစိုးရက ရွေ့ပြောင်း အလုပ်သမားတွေအနေနဲ့ မူရင်းနိုင်ငံကို ပြန်သွားမယ်ဆိုရင် ပြန်လည်ထုတ်ယူနိုင်လို့  ပြောဆိုထားပါတယ်။ ပြန်ထုတ်မသွားခဲ့ရင်လည်း၊ နောက်တစ်ကြိမ် အလုပ်ပြန်လာလုပ်ရင် ထပ်ပြီးတော့ မဖြတ်တောက်တော့ဘူးလို့ ပြောထားပါတယ်။

ပြီးခဲ့တဲ့နှစ်က ထိုင်းနိုင်ငံအတွင်းမှာ ထိုင်းလူဝင်မှုကြီးကြပ်ရေး (လ၀က)က ၂၇၀၀၀၊ ထိုင်း စစ်တပ်က ဖမ်းဆီးခဲ့တာက ၆၄၀၀၀ဦး၊ ထိုင်းရေတပ်က ၂၈၀၀ တို့ကို ဖမ်းဆီးခဲ့ပြီးတော့ မြန်မာ အလုပ်သမားပေါင်း ၂သိန်းခွဲလောက်ကို မူရင်းနိုင်ငံသို့ ပို့ ဆောင်ခဲ့တယ်လို့ ဆိုပါတယ်။

မြန်မာအလုပ်သမား တစ်ယောက်ဆီက ဘတ်ငွေ ၂၄၀၀ နုန်းနဲ့ မြန်မာအလုပ်သမား တစ်သိန်းအတွက်နဲ့ပဲ တွက်ကြည့်၊ ဘတ်သိန်းပေါင်း ၂၄၀၀ (ဘတ် ၂ ဒဿမ၄ဘီလျံ) ထိုင်းအစိုးရက မြန်မာ အလုပ်သမားတွေ ချွေးနဲစာက အလကား ယူလိုက်တာဖြစ်ပါတယ်။

ဘယ်အလုပ်သမားက မြန်မာပြည်ကို ပြန်မယ်ဆိုပြီး တောင်းယူရရှိနိုင်မလဲ။ အလုပ်သမား သေသွား ရင်ကော။ ထိုင်းအစိုးရက ဒီသန်းပေါင်းများစွာသော ငွေကို မတရား ယူထားပဲမဟုတ်လား။ အလွန် ရယ်စရာကောင်းတဲ့ လုပ်ရပ်နဲ့ စကားဖြစ်ပါတယ်။ ကမ္ဘာကျော်မယ့် ပျက်လုံးလဲဖြစ်ပါတယ်။

ယာယီပတ်စပို့ကို မြန်မာအလုပ်သမားတွေ ယုံယုံကြည်ကြည်နဲ့ မဖြစ်မနေ လုပ်နေကြပေမယ့် ထိုင်းနဲ့ မြန်မာအစိုးရတို့ ကတော့ အလုပ်သမားတွေရဲ့ အခွင့်အရေးတွေကို ဥပဒေအတိုင်း အကာအကွယ်မပေး နိုင်တာကတော့ အသေအချာပါ။ ထိုင်းပုလိပ်တွေက မြန်မာအလုပ်သမားတွေကို တွေ့တာနဲ့ ဘတ်ပါပါ မပါပါ။ ယာယီပတ်စပို့ ပါပါ မပါပါ ကားပေါ် တင်ခေါ်သွားလိုက်တာပါပဲ။ နေ့တိုင်းလို စိတ်မချမ်းသာစရာ မြင်တွေ့ နေရဆဲပါ။

ထိုင်းလုပ်ငန်းရှင်တွေဟာ မြန်မာအစိုးရက တရားဝင်လုပ်ပေးလိုက်တဲ့ စာရွက်စာတမ်းကို ဒီလိုမတရားလဲ

လုပ်လိုက်တာ ရှိသေးတယ်။

ထိုင်းနိုင်ငံမှာ သန်းချီရှိတဲ့ မြန်မာအလုပ်သမားတွေဟာ မြန်မာပြည်အတွက် အတိုင်းအတာတစ်ခုအထိ ငွေတွေရှာပြီး ပို့နေကြသူတွေပါ။ ဒီသန်းချီရှိတဲ့ အလုပ်သမားတွေကို ထိုင်းမှာ ဘယ်အဖွဲ့အစည်းကမှ လုံလောက်တဲ့ အကာအကွယ်၊ အကူညီကိုလည်း မပေးစွမ်းနိုင်ပါ။ မြန်မာအစိုးရအနေနဲ့ တရားဝင် နေထိုင်ခွင့် လုပ်ထားတဲ့ မြန်မာအလုပ်သမားတွေကို မိမိတိုင်းပြည်ကို နိုင်ငံခြားငွေရှာပေးသူတွေ၊ တိုင်းပြည်ရဲ့ လူသားရင်းမြစ် လုပ်အားရှင်တွေအဖြစ် အသိအမှတ်ပြုမယ်ဆိုရင်။ အနည်းဆုံးအဆင့် မိမိနိုင်ငံသား အလုပ်သမားတွေအဖြစ် သနားစိတ်ကလေးထားပြီးတော့ ထိုင်းပုလိပ်နဲ့ ထိုင်းအစိုးရကို (မင်းတို့တွေ တရားဝင် မြန်မာအလုပ်သမားတွေကို မတရားမလုပ်ကြနဲ့ လုပ်တယ်လို့ ငါတို့ကိုယ်တိုင် ကြားလာရင်တော့ ငါတို့အစိုးရအနေနဲ့ အရေးယူ ဆောင်ရွက်ရလိမ့်မယ်) ဆိုတဲ့ စကားလေးတစ်ခွန်း၊ မြန်မာ အလုပ်သမားတွေရှေ့က ကြိုပြောထားရင် ဖမ်းစားနေကျ ထိုင်းပုလိပ်တွေ ဖမ်းချင်းတိုင်းဖမ်း၊ နှိပ်ကွပ်နေတဲ့ လုပ်ငန်းရှင်တွေ ရမ်းချင်တိုင်း ရမ်းတော့မှာ မဟုတ်ပါဘူး။

စကားချပ်/ဥပမာ။ ။မြ၀တီနယ်စပ်ကို မြန်မာအစိုးရကလအနည်းငယ်ပိတ်လိုက်တာ ထိုင်းစီးပွားရေး အတော်ထိခိုက်တယ် ဆိုပဲ။ ကျနော်တို့ အလုပ်သမားအဆင့်တွေ မသိတဲ့ ငယ်နိုင် အချက်တွေ အများကြီး ရှိမှာပါဗျာ။

ခု ထိုင်းမှာဖြစ်နေတာက မြန်မာတွေကို သတ်သတ်၊ သေသေ၊ လုပ်အားခပေးချင်ပေး၊ မပေးချင်နေ၊ မတော်မတရား ပြုကျင့် ချင်သလောက်ကျင့် ဘာဆိုဘာမျှ အပြစ်ပေး အရေးယူနိုင်တာ မရှိတာကြောင့် မြန်မာတွေ့လိုက်တာနဲ့ လိုချင်တာ တစ်ခုခုကို ရပြီဆိုပြီး ထိုင်းတွေ လက်ရဲဇက်ရဲ လုပ်ကြဆဲပါ။ ထိုင်းမှာခွေးကို ဂဲနဲ့ ပစ်လို့ မရပေမယ့် မြန်မာဆိုတဲ့ ဖမာ့ တစ်ယောက်လောက်ကိုတော့ ပုရွက်ဆိတ် တစ်ကောင်ကို သတ်ပစ်လိုက်သလို ဘာမှ မဖြစ်တဲ့ အနေအထားပါဆိုတဲ့ အကြောင်း နေပြည်တော်က မြန်မာမင်းများကို သိစေကြောင်းပါခင်ဗျာ။

ကျော်သောင်း

ရနောင်းယာယီပတ်စပို့ လုပ်ငန်းခွင်တွင် စိတ်ညစ်ရကြောင်း မြန်မာအလုပ်သမားများပြောဆို

နိုဝင်ဘာ ၁၆

ထိုင်းမြန်မာနယ်စပ် ရနောင်းတွင်ဖွှုင့်လှစ်ထားသော ယာယီပတ်စပို့ လုပ်ငန်းခွင်အတွင်း အထူး စိတ်ညစ်စရာများ ရှိကြောင်း မြန်မာအလုပ်သမားများက ပြောသည်။

ရနောင်စခန်းတွင် ယခင်မြ၀တီ မဲဆောက်တံတားဖွင့်စဉ်တုန်းက တစ်နေပကို လူပေါင်း၁၅၀၀ ၀န်းကျင်ခန့်သာ လုပ်ကိုင်ပြီးစီးခဲ့သော်လည်း ယခုနိုဝင်ဘာလဆန်း ၆ရက်နေ့တစ်နေ့တည်းတွင် ရနောင်းစခန်း၌ လူပေါင်း ၃၀၄၄ဦး လုပ်ကိုင်ပြီးစီးခဲ့သည်။ ယာယီပတ်စပို့ လုပ်ငန်းခွင် အတွေ့အကြုံအား အဆိုပါနေ့ရက်က သွားရောက် လုပ်ကိုင်ခဲ့သူ ထိုင်းနိုင်ငံတောင်ပိုင်း ဖန်ငအခြေစိုက် ပညာရေးနှင့် ဖွံ့ဖြိုးတိုးတက်ရေး ဖေါင်ဒေးရှင်းမှ ပညာရေးတာဝန်ခံ ဦးမင်းသိန်းကျော်က ပြောပြသည်။

“ရနောင်စခန်းမှာ မြန်မာဘက်က အထူးရဲSPနှင့် လူဝင်မှုကြီးကြပ်ရေး၊ စာရေးအားလုံး ၁၈ဦးလောက်ပဲရှိတယ်။ လာလုပ်တဲ့ အလုပ်သမားနဲပ ရုံးဝန်ထမ်းက ဘယ်လိုမှ မမျှဘူး။ တစ်ယောက်ချင်းစီကို စစ်ဆေးပြီးမှ လုပ်ရတာဖြစ်လေတော့ တစ်နေကုန်တစ်နေခန်း မတ်တပ်ရပ်ပြီး တန်းစီစောင့်ရတာ၊ စိတ်ညစ်ဖို့အကောင်းဆုံးကတော့ အစိုးရ၀န်ထမ်းတော့ ဟုတ်ဟန်မတူဘူး၊ နေ့စားတွေနဲ့ တူပါတယ်။ အော်တာတွေ၊ ငေါက်တာတွေ တူအရွယ်၊ သားအရွယ်လောက်ပါပဲ၊ တော်တော်ရိုင်းရိုင်းစိုင်းစိုင်း ဆက်ဆံတာကိုတော့ ခံရခက်တယ်ဗျ” ဟု ပြောသည်။

မှတ်ပုံတင် ပျောက်ဆုံးသူများရော၊ မှတ်ပုံတင်မရှိသူများ အပါအ၀င် မြန်မာနိုင်ငံတွင် နိုင်ငံသားအဖြစ် အသိမှတ်ပြုခြင်း မခံရသော ကုလား လူမျိုးများကိုပင်လျှင် လုပ်ပေးနေသဖြင့် ၀မ်းသာဖွယ်ရာ ရှိကြောင်းပြောပြသည်။

အလားတူ ရွေ့ပြောင်းအလုပ်သမားများ ဖွံ့ဖြိုးရေးဌာနမှ မမိစိန်းကလည်း ယာယီပတ်စပို့ လုပ်ငန်းနှင့် ပါတ်သက်ပြီး သူ့ ခံစားချက်ကို ပြောပြသည်။

“ဒီယာယီပတ်စပို့ အလုပ်က ငွေကုန်ကြေးကျများလွန်းတယ်။ ပြီးတော့ ကျမတို့ရဲ့ ပြည်တွင်း/ပြည်ပနေရပ် တွေကို သိရှိသွားပြီးဖြစ်တဲ့အတွက် အာဏာပိုင်တွေ အချိန်မရွေး ဖမ်းဆီးပြန်ပို့နိုင်တယ်လို့ ခံစားမိတယ်။ နောက်တစ်ခုက ဘတ်တစ်သောင်းကျော် အနည်းဆုံးကုန်ကျတာကြောင့် နေရပ်ရင်းမှာရှိတဲ့ သားသမီးနဲ့ မိဘတွေကို ပိုက်ဆံပြန်မပို့ နိုင်တော့ဘူး၊ ပြီးတော့ Work permit လုပ်ခအတွက်လည်း ကုန်အုံးမယ် ဆိုတော့ ကျမတို့ တစ်နှစ်စာ လုပ်အားခတွေ ကုန်သွားပြီ၊ ၃လတစ်ကြိမ် လ၀က ရုံးကိုသွားပြီးတော့ တုံးထုရအုံးမယ် ဆိုတော့ အလုပ်သမားတွေနဲ့ မတန်မရာအလုပ်လို့ ကျမမြင်တယ်ရှင့်”ဟု ပြောသည်။

ရနောင်း ယာယီပတ်စပို့ လုပ်ငန်းခွင်အတွင်း လူထောင်ချီ လုပ်ကိုင်နေသော်လည်း လူအများအား တန်းစီခိုင်းသည့် အခါဖြစ်စေ၊ ဓါတ်ပုံရိုက်ရန် ခေါ်သည့်အခါတွင်ဖြစ်စေ မကြားမိပါက အော်ဟစ်ဆဲဆိုခြင်း ခံရကြောင်း၊ လူ့အခွင့်အရေး သင်တန်းများနှင့် ထိစပ်လုပ်ကိုင်နေရသော မိမိတို့အနေဖြင့် အထူးခံရခက်ကြောင်း မမိစိန်က ပြောပြသည်။

ထို့အပြင် အချို့ မှာ ညဥ့် ၁၂နာရီမှ စတင်၍ တန်းစီထားသော်လည်း နောက်ကျမှရောက်လာသည့် ကုမ္ပဏီအချို့တို့ကို မျက်စိမှိတ် လျှာထုတ်ဖြင့် စီနီယာ ကျော်တက်ခြင်းများလည်းရှိသည်။ အချို့ပွဲစားများမှာ ရောက်လျှင်ရောက်ခြင်း အထက်ပါ နေ့ စား ရုံးအလုပ်သမားများနှင့် နှစ်ကိုယ်ကြား လုပ်သွားလေ့ရှိကြသည်။ လူအရေအတွက် အမြောက်အများတို့အား အော်ဟစ်ရန် စပီကာငယ်များ ဆောင်ထားသင့်ကြောင်း အလုပ်သမားများက ပြောသည်။ တူသားအရွယ် တပည့်အရွယ်များက ယခုကဲ့သို့ အော်ဟစ်ကြိမ်းမောင်း ခံရခြင်းကိုလည်း ပတ်စပို့မျက်နှာဖြင့် သည်းခံရခြင်းဖြစ်ကြောင်း အလုပ်သမားများက ပြောသည်။

ထိုင်းနှင့်မြန်မာအစိုးရတို့ နှစ်နိုင်ငံချစ်ကြည်ရေး သဘောတူညီချက်အရ လုပ်ကိုင်အကောင်အထည် ဖေါ်နေသော ယာယီစပို့ လုပ်ငန်းမှာ တစ်နှစ်တာကာလအတွင်း မြန်မာအလုပ်သမား နှစ်သိန်းဝန်းကျင်သာ လုပ်ကိုင်ပြီးစီးသေးသည်။ ထိုင်းနိုင်ငံအတွင်း ရွေ့ပြောင်းအလုပ်သမား ၃သန်းဝန်းကျင်ခန့်ရှိကြောင်း နိုင်ငံတကာ အဖွဲ့အစည်းများက ခန့်မှန်းထားကြသည်။

နှစ်နိုင်ငံအစိုးရတို့ ချမှတ်ချက်အရ မြန်မာအလုပ်သမားများမှာ မဖြစ်မနေ လုပ်ကိုင်နေကြရသဖြင့် ဘတ်ငွေ သောင်းချီ ကုန်ကျနေသည်။ သို့ရာတွင် ထိုင်းရဲများ၊ ထိုင်းလုပ်ငန်းရှင်များက ယခင်ဥပဒေများအတိုင်း /ယခင် အမူအကျင့်များအတိုင်း တရားဝင် ယာယီပတ်စပို့ ကိုင်ဆောင်ထားသော အလုပ်သမားများကို အနိုင်ကျင့်မြဲဖြစ်သည်။

ယာယီပတ်စပို့ ကိုင်ဆောင်ထားသော အလုပ်သမားဖြစ်သော်လည်း အလုပ်သမားများထံတွင် ပါလာသော ဖုန်းနှင့် ငွေများကို လုယက်ယူငင်ဆဲဖြစ်သည်။

ယခုအခါ ထိုင်းအစိုးရက လာမည့်ဒီဇင်ဘာလမှစတင်၍ ယာယီပတ်စပို့ လုပ်ထားသောအလုပ်သမာများထံမှ

တိုင်းပြည်ပြန်ပို့ စရိတ်ဟု အကြောင်းပြလျှက် တစ်လကို ဘတ်ငွေ ၄၀၀နုန်းဖြင့် ၆လတိုင်တိုင် ဖြတ်တောက်မည်ဖြစ်ကြောင်း ကြေညာ ထားပြီးဖြစ်သည်။

အလုပ်သမားအခွင့်အရေးဆိုင်ရာများကို လုပ်ကိုင်ကြသောအဖွဲ့ အစည်းပေါင်းစုံတို့ က ကန့် ကွက်ခဲ့ကြသော်လည်း ထိုင်းအစိုးရက အဆိုပါ ၄၀၀ ဘတ်စီ ၆လ ဖြတ်တောက်မည့် ပြန်လည်ပို့ဆောင်ရေး စရိတ်ဥပဒေကို ပြီးခဲ့သည့်လက၊ တရားဝင် ပြဌာန်းကြေညာခဲ့သည်။

ယာယီပတ်စပို့သည် မြန်မာအလုပ်သမားများအတွက် လောလောဆယ်တွင် အကျိုးကျေးဇူး ခံစားရခြင်းမရှိပဲ

တစ်ခုပြီးတစ်ခု အကြပ်ရိုက်လာသည်။ ယာယီပတ်စပို့ လုပ်ငန်းစဉ်ကြောင့် ထိုင်းအစိုးနှင့် ထိုင်းပွဲစား ကုမ္ပဏီတို့ အကြီးအကျယ် အမြတ်အစွန်းရရှိကြသော်လည်း ယာယီပတ်စပို့ လုပ်ထားသော အလုပ်သမားများအတွက် ဥပဒေဘောင်အတွင်းမှ အကာအကွယ်၊ အခွင့်အလမ်းများ လုံးဝကင်းမဲ့နေသဖြင့် ယာယီပတ်စပို့ လုပ်ငန်းအပေါ်ရွေ့ပြောင်း မြန်မာအလုပ်သမားများ ပို၍ သံသယရှိလာကြကြောင်း သိရှိရသည်။
ကိုကျော်သောင်းမှ ပေးပို့ပါသည်။ 

ယာယီပတ်စပို့ လုပ်ခ ၄၅၀၀ ထက်ပိုယူပါက တိုင်ကြားရန် ထိုင်းအလုပ်သမားဝန်ကြီးပြောဆို

အောက်တိုဘာ ၁

ကိုတီး။ ထိုင်းဘာသာပြန်(ရခိုင့်တံခွန်ဂျာနယ်)

ယာယီပတ်စပို့ လုပ်ခ ၄၅၀၀ ဘတ်ထက်ပိုယူပါက ဖုန်းနံပါတ် ၁၅၀၆ သို့ တိုင်ကြားနိုင်ကြောင်း ထိုင်း အလုပ်သမား ၀န်းကြီး စလုန်ချိုင်း chlermchai က ၀န်ကြီးဌာန ဆွမ်းကျွေးပွဲနှင့် ဆုချီးမြှင့်ပွဲ အခမ်းအနား တွင် ပြောကြားလိုက်သည်။

ထိုင်းနိုင်ငံအတွင်း စာရွက်စာတမ်းမပြည့်စုံသော ရွေ့ ပြောင်းအလုပ်သမား နှစ်သန်းကျော်တို့အား တရားဝင် ပြုလုပ်ပေးတော့မည်ဖြစ်ကြောင်း အလုပ်သမားဝန်ကြီးဌာန၏ ၁၇နှစ်မြောက်ဆွမ်းကျွေးပွဲနေ့နှင့် ၀န်ထမ်း ကောင်းများ ဆုချီးမြှင့်သည့် အခမ်းအနားတွင် အလုပ်သမားဝန်ကြီးအသစ်က ပြောဆိုလိုက်ခြင်း ဖြစ်သည်။

တစ်နေ့ ကိုယာယီပတ်စပို့ ၂၀၀၊၃၀၀ခန့် သာပြီးစီးနေခြင်းကိုလည်း တစ်နေ့ အနည်းဆုံး၁၀၀၀ ပြီးစီးအောင် မြှင့်တင် လုပ်ဆောင်သွားမည် ဖြစ်ကြောင်း ၀န်ကြီးက ပြောဆိုသည်။

အလုပ်သမားဝန်ကြီးဌာနမှ လုပ်ကိုင်ဆောင်ရွက်လိုက်သဖြင့် နိုင်ငံခြားသို့ ထွက်ခွာပြီး အလုပ်လုပ် ကိုင်ကြသည့် ထိုင်းလူမျိုးများအတွက် စရိတ်စက အထူးသက်သာ ချောင်ချိသွားပြီးဖြစ်သည်။ ယခင်က ဘတ်သိန်းချီပေးရသည့် နိုင်ငံခြားထွက် အလုပ်လုပ်ကိုင်သည့် ကိစ္စရပ်အတွက် ဘတ်ငွေနှစ်သောင်းမှ သုံးသောင်းအထိသာ ကုန်ကျပါတော့သည်။ တရားမ၀င် အလုပ်သမားများ ပို့ဆောင်ပေးနေသော ကုမ္ပဏီ ၅ခုတို့ အားလည်း အပြစ်ပေး အရေးယူနေဆဲဖြစ်သည်။

ထိုင်းနိုင်ငံသားများလည်း အခြားနိုင်ငံများသို့ ထွက်ခွာ အလုပ်လုပ်ကိုင်နေသကဲ့သို့ အခြားနိုင်ငံကလည်း ထိုင်းနိုင်ငံ အတွင်းသို့ လာရောက် အလုပ်လုပ်ကိုင်နေကြဆဲ ဖြစ်သဖြင့် ကိုယ်ချင်းစာကြောင်း ၀န်ကြီးက ပြောဆိုသည်။

ပြီးခဲ့ ၂၆ ရက်ထုတ် ဒေလီးနယူးသတင်းစာတွင်ရေးသားဖေါ်ပြထားသော သတင်း ဖြစ်ပါသည်။

တစ်ပတ်ကြာဆန္ဒပြ ပိုက်စက်ရုံသို့ မြန်မာသံရုံး တာဝန်ရှိသူများရောက်ရှိ

မြန်မာသံရုံးမှ လာရောက်စဉ်

ဆဝါဒီကန်မှ ကိုယ်စားလှယ်များလာရောက်စဉ်

စက်တင်ဘာ ၁၆

ထိုင်းနိုင်ငံ ဘန်ကောက်အခြေစိုက် မြန်မာသံရုံးတာဝန်ရှိသူ ဦးဝင်းဇေယျာထွန်းနှင့် အခြား ထိုင်းအစိုးရ အဖွဲ့ ၀င်များ ယမန်နေ့ ညနေပိုင်းက တစ်ပတ်ကြာ ဆန္ဒပြမှုဖြစ်ပွားခဲ့သော ခေါင်ကယ်ပိုက်စက်ရုံသို့ သွားရောက်ခဲ့

ကြောင်း ဆန္ဒပြအလုပ်သမား ခေါင်းဆောင် ကိုသီဟက ပြောသည်။

“မနေ့က ညနေ၄နာရီခွဲလောက်မှာ မြန်မာသံရုံးက ဗိုလ်မှူးဝင်းဇေယျာထွန်းနဲ့ ဘာသာပြန်တွေ ထိုင်းတွေ၊ အယင်နေ့က လာခဲ့တဲ့ ခေါင်ကယ်က အလုပ်သမားရုံးက လူကြီးတွေ ရောက်လာပါတယ်၊ ထိုင်းအလုပ်သမား ဥပဒေအတိုင်း လေးစားလိုက်နာကြပြီးတော့ အေးအေးချမ်းချမ်း နေထိုင်လုပ်ကိုင်ကြဖို့ မှာကြားပါတယ်၊ ဗမာ အုပ်ချုပ်ရေး အဖွဲ့ဝင်တွေကလည်း ကိုယ့်နိုင်ငံသားများ အချင်းချင်း ကိုယ်လူမျိုး အချင်းချင်း ချစ်ချစ်ခင်ခင် နေကြဖို့ အာဏာရှိတယ်ဆိုပြီး အောက်လက်ငယ်သား အလုပ်သမားတွေကို ရိုက်နှက်တာတွေ မလုပ်ဖို့ မှာသွားပါတယ်”ဟု ပြောသည်။

ပြင်ပသတင်းဌာများတွင် ရေးသားထားသည့် သတင်းများအားလည်း မေးမြန်းခဲ့သည်။ သံရုံးတာဝန်ရှိသူအား ကိုသီဟက ဆက်လက်တင်ပြရာတွင်။

“ကျနော် ဒီဆန္ဒပြပွဲ မတိုင်ခင်ကတည်းက ဒီမှာ အခွင့်အရေး ချိုးဖေါက်နေတာတွေ၊ မတရားတာတွေကို ဖုန်းနဲ့ ဓါတ်ပုံရိုက်၊ ဖုန်းနဲ့ ဆက်ပြီးတော့မှ ဘန်ကောက်က ထိုင်းနိုင်ငံရောက် မြန်မာနိုင်ငံသားများ အသင်းကို နေ့တိုင်း အချက်အလက်တွေ ပေးပို့နေခဲ့တာပါ။ စက်တင်ဘာ၇ရက် ညနေ၅နာရီမှာ ကျနော်တို့ ၆ယောက်ကို ထွက်သွားရမယ် ဆိုတာကို၊ ထွက်မသွားရအောင်နဲ့ ခုလို အောင်မြင်မှုရအောင် သူတို့လည်း တတတ်တအား ကူညီပေးခဲ့တာပါ။ အချို့သတင်းတွေမှာ ကျနော်တို့ အလုပ်ထုတ်ခံရသူတွေ မဲဆောက်ကို ပြန်လာရာမှာ ပုလိပ်ကစစ်ဆေးလို့ ဒီပြဿနာ ပေါ်လာတယ်လို့ ရေးထားတာတွေ၊ ကျနော်တို့ စာအုပ်မှာ cancelလို့သာ ရေးထားတာပါ။ အဲဒါကို canceledဆိုပြီး ရေးထားတာလည်း တွေ့ရတယ်။ လူအရေတွက် တစ်ထောင်တွေ ရေးလိုက်၊ ၁၅၀၀တွေရေးလိုက်၊ ဘာမှမမှန်ဘူးခင်ဗျ။ ရက်သတ္တတစ်ပတ်လုံး တစ်ရက်မှ တစ်ထောင်မပြည့်ခဲ့ပါဘူး၊ အယင်၆ရက်လုံးမှာ လူအရေတွက် ၅၀၀ ၀န်းကျင်ထက် မပိုခဲ့ပါဘူး။ နောက်ဆုံး စက်တင်ဘာ၁၄ ရက်နေ့မှာ စာရင်းအတိအကျ လိုက်ကောက်တာ ၉၄၈ ယောက်ပဲရှိပါတယ်”ဟု သတင်း မီဒီယာများ၏ လွဲချော်မှုများကို အသေးစိတ် တင်ပြလိုက်ကြောင်း အလုပ်ထုတ်ခံရသူ ၆ဦးအထဲမှ ကိုသီဟက ပြောသည်။ အဆိုပါကိုသီဟမှာ စီပွားရေးတက္ကသိုလ် ဒုတိယနှစ်ထိ တက်ရောက်သင်ကြားခဲ့သူ ဖြစ်ပြီး အင်တာနက်လည်း အသုံးပြုတတ်သူဖြစ်ကြောင်း သိရှိရသည်။

မြန်မာသံရုံး တာဝန်ရှိသူများက အလုပ်သမားများ အနေအထားများအား မေးမြန်းပြီးနောက် အလုပ်ရုံ တာဝန်ရှိသူများနှင့် တွေဆုံပြီး ပြန်လည်ထွက်ခွာသွားခဲ့ကြသည်။ တစ်ပတ်အကြာ ဆန္ဒပြနေခဲ့သည့် မြန်မာအလုပ်သမားများ ယမန်နေ့က အလုပ်ပြန်ဆင်းခဲ့ရာ ထိုင်းလူမျိုး ရုံးဝန်ထမ်းများက အလုပ်သမားများ၏ စာရွက်စာတမ်းများ (တစ်နေတာ အလုပ်တာတန်ပြ စာရွက်)များ နံပတ်များအား ပစ်ချ ဆဲဆိုခဲ့သည်။ ထိုင်းလူမျိုးအားလုံးနီးပါး အလုပ်မလုပ်ပဲ ထိုင်နေခဲ့ကြသည်။ ညနေ၅နာရီမတိုင်ခင် ထိုင်းလူမျိုး ရုံးဝန်ထမ်းများနှင့် လုပ်ငန်းခွင်အတွင်း မြန်မာများကို ကြီးကြပ်ရသော ထိုင်း(၀ဏ္ဏ)များ အလုပ်ကို ရပ်နားပြီး ကြိုတင် အလုပ်ဆင်းသွားကြသည်။ မြန်မာအလုပ်သမားများနှင့် တန်းတူ အခွင့်အရေးပေးခြင်းကို မလိုလားကြကြောင်း အနုနည်းဖြင့် ဆန္ဒပြကြခြင်းဖြစ်ကြောင်း မြန်မာအလုပ်သမားများက ပြောသည်။

ယနေ့ လုပ်ငန်းခွင် အခြေအနေမှာ ထိုင်းတစ်ဦး မြန်မာတစ်ဦး မောင်းနှင်ရသည့် ပိုက်ရက်စက်များကို ထိုင်းအလုပ်သမားများ သက်သက်သာ မောင်းနှင်သည်။ အလုပ်ကြီးကြပ်သူများက ပိုနေသော စက်များကို မြန်မာအလုပ်သမားများအား သီသန့် မောင်းနှင်စေသည်။ မြန်မာအလုပ်သမားများက မည်သို့မှ ပြဿနာ မပေါ်စေလိုသဖြင့် အတတ်နိုင်ဆုံး သည်းခံပြီး လုပ်ကိုင်နေကြကြောင်း ဖုန်းကင်မရာဖြင့် စဉ်ဆက်မပြတ် မှတ်တမ်းတင်လေ့ရှိသည့် ဓါတ်ပုံဆရာ ကိုသူရိန်က ပြောသည်။

နှစ်ပေါင်းများစွာ လုပ်ငန်းရှင်ကိုယ်တိုင် ကိုးကွယ်ပူဇော်ခဲ့သည့် သစ်ပင်နှင့် နတ်ကွန်းမှာ မိုးမရွာလေမတိုက်ပဲ

လဲပြိုသွားသဖြင့် စက်ရုံပိုင်ရှင်သူဌေးမှာ စိတ်ထိခိုက်နေကြောင်းလည်း အလုပ်သမားအချို့က ပြောသည်။

ယနေ့မွန်းလွဲ ၃နာရီခန့်တွင် အလုပ်ရုံ အခန်းအမှတ်(၃)တွင် မီတာပုံးတစ်ခု ၀ါယာရှော့ဖြစ်ပြီး ပေါက်ကွဲမှုဖြစ်

ပွားခဲ့သော်လည်း အလုပ်သမားများ ထိခိုက်မှုမရှိခဲ့ကြောင်း သိရှိရသည်။ ထိုင်းအလုပ်ကြီးကြပ်သူများက ထိုင်းအယူအဆအရ ကံဆိုးနိုင်ကြောင်း ပြောဆိုကြသည်။ မြန်မာအလုပ်သမားများမှာ လုပ်ငန်းရှင်နှင့် သဘောတူညီ ထားချက်များအား ဖေါက်ဖျက်မှုတစ်စုံတစ်ရာ မပြုလုပ်မိရန် အထူးဂရုစိုက် လုပ်ဆောင် နေကြသည်။ မြန်မာသံရုံးမှ လာရောက်သည်ကို အထူး ကျေးဇူးတင်သော်လည်း မိုးထဲလေထဲ အပြင်းအထန် ရင်ဆိုင်နေကြရစဉ် လာရောက်ကူညီ ဖြေရှင်းပေးခြင်းမျိုး မဟုတ်ပဲ၊ မြန်မာဗီဒီယို ဇာတ်ကားများမှာကဲ့သို့ ဇာတ်ကားပြီးလျှင် ရဲများရောက်လာသည်နှင့် တူကြောင်း ဆန္ဒပြခေါင်းဆောင် ကိုယ်စားလှယ်များက ပြောကြသည်။

ကိုကျော်သောင်းမှ ပေးပို့ပါသည်။ 

မဲဆောက်မြို့မှ အထည်ဖြတ်ညှပ် အလုပ်ရုံတစ်ခု မီးလောင်ကျွမ်း

စက်တင်ဘာလ

၁၂

ထိုင်းမြန်မာနယ်စပ် မဲဆောက်မြို့ အနောက်မြောက်ဖက်၊ ဘန့်ဆောင်ခွဲအရပ်ရှိ အထည်ညှပ်စက်ရုံအား ယနေ့မိုးလင်းခါနီး အချိန်တွင် ၀ါယာရှော့ခ် ဖြစ်ရာမှ မီးလောင်မှုဖြစ်ပွားခဲ့ကြောင်း စက်ရုံအလုပ်ကြပ်က ပြောသည်။

မီးလောင်နေရာသို့ ရောက်ရှိနေသည့် အလုပ်သမားအခွင့်အရေး ကာကွယ်မြှင့်တင်သူများ ကွန်ယက် L.P.P.N.G တာဝန်ခံ ကိုဇော်ထွန်းက“ အထည်တွေနဲ့ အထဲမှာပဲ မီးက လှိုက်လောင်နေတာ၊ မီးလောင်တာကို သိသိချင်း စက်ရုံအနားမှာရှိတဲ့ အလုပ်သမား ၅၀လောက်က မီးသတ်ဗူးတွေနဲ့ ၀ိုင်းငြိမ်း ကြသေးတယ်။ မရဘူး။ မီးက ပြင်းသထက် ပြင်းလာနေတယ်။ အတွင်းထဲမှာ ပိတ်မိနေတဲ့ လူတွေတော့ မရှိဘူး။ မီးသတ်ကား ၁၀စီးလောက်ရောက်နေတယ်။ အတွင်းကို မ၀င်နိုင်ဖြစ်နေတယ်။ မီးက တအားပြင်နေတယ်” ဟု မီးလောင်နေရာမှ ပြောပြသည်။

မြန်မာအလုပ်သမားပေါင်း ၈၀၀ ခန့် အလုပ်လုပ်နေကြသည့် အဆိုပါ အလုပ်ရုံတွင် ပုတ်ပြတ်လုပ်ရသဖြင့် အလုပ်သမားများ အတော်အသင့် အဆင်ပြေကြသည်။ အထည်ညှပ်သမားများ နံနက်၈နာရီမှ ညနေ ၅နာရီအထိ တစ်နေ့ကို လုပ်အားခ၁၂၀ ဘတ်ရရှိကြသည်။

အထည်ညှပ်သမားများ အလုပ်ကြပ်၊ ကိုတေဇာက“ ကျနော် ဒီနေရာကို ၄နာရီခွဲမှာရောက်တယ်။ မီးက၄နာရီလောက်က လောင်တာထင်တယ်။ ကျနော်ဒီမှာလုပ်တာ ၃နှစ်ကျော်ပြီး အသင့်အတင့် အဆင်ပြေတယ်လို့ ပြောလို့ ရတယ်ဗျ၊ ခုတော့ ကျနော့်မိသားစု ရပ်တည်ရေး ခက်တော့မယ် ထင်တယ်။ ပြီးတော့ ကျနော်တို့ အပြစ် တခုခုဖြစ်မှာလည်း စိုးတယ်လေ” ဟု စိုးရိမ်ထိတ်လန့်စွာ ပြောဆိုသွားသည်။

မီးလောင်မှုမှာ အလွန်ပြင်းထန်သဖြင့် နံနက်၈နာရီခန့်မှ မီးညွန့် ကျိုးသွားခဲ့သည်။ အဆိုပါ အလုပ်ရုံတွင် အလုပ် လုပ်နေကြသည့် မြန်မာအလုပ်သမားများမှာ ပြီးခဲ့သည့်အပတ်က မဲဆောက်မြို့ ပုလိပ် ဖမ်းပွဲအတွင်း ကံကောင်းထောက်မစွာ ရှောင်တိမ်းနိုင်ခဲ့ကြသော်လည်း ရန်သူမျိုးငါးပါး မီးဘေးအန္တရာယ် ကျရောက်သည့် အခါ အလုပ်လက်မဲ့ ဖြစ်ကြရတော့မည်ဟု အလုပ်ကြပ် ကိုတေဇ က ပြောဆိုသွားသည်။

ခေါင်ကယ်ပိုက်စက်ရုံ အလုပ်သမားများ ယာယီပတ်စပို့နှင့် Work Permit အခွင့်အရေးတောင်းဆို

စက်တင်ဘာ ၉

ထိုင်း/လာအို နယ်စပ်တွင်ရှိသော ရေလုပ်ငန်းသုံး ပိုက်စက်ရုံတွင် မြန်မာအလုပ်သမား ၆ဦးအား အလုပ် ထုတ်ပယ်ရာမှ ရာချီသော အလုပ်သမားများ မိမိအခွင့်အရေးအတွက် တောင်းဆန္ဒပြမှု ၂ရက် ဆက်တိုက် ဖြစ်ပေါ်နေသည်။

DECHAPANICH FISHING NET FACTORY LTD PART အမည်ရှိစက်ရုံတွင် ယမန်နေ့က အမျိုးသမီး ၂ယောက်နှင့် အမျိုးသား၎ဦးတို့အား ၇.၉.၂၀၁၀နေ့ နေ့လည်၁၂နာရီခန့်တွင် အလုပ်ထုတ်ပယ်ကြောင်း အလုပ်သမားနံပါတ်၊ အမည်၊ အခန်းနံပါတ်တို့အား ရေးပြီး အလုပ်ရုံ ရုံးခန်းတွင် မြန်မာစာဖြင့် ရေးကပ်ထားသည်။ အဆိုပါ အလုပ်ထုတ်ပယ်ကြောင်း ရေးထားသည့် စာရွက်တွင် ညနေ၅ရီတွင် အလုပ်ရုံ အတွင်းမှ ထုတ်ပယ်ထားသည့် အလုပ်သမားများ ထွက်ခွာသွားရမည်ဖြစ်ကြောင်း ရေးသားထားသည်။

အလုပ်ထုတ်ခံရသည့် အလုပ်သမားများ

အလုပ်သမား ခေါင်းဆောင် ကိုသီဟ က “ ကျနော်တို့ လက်ထဲမှာ တစ်ပြားမှမရှိဘူး။ လမ်းစရိတ်လည်း မရှိ ဘူး၊ အလုပ်ထုတ်မယ် ဆိုတာကို ကြိုသိရင်လည်း တစ်မျိုးပေါ့နော်။ ခုဟာက နေ့လည် ၁၂နာရီ ထမင်း စားချိန်မှာ စာကပ်တယ်။ ညနေ၅နာရီမှာ စက်ရုံက အပြီးထွက်ခွာပေးရမယ် ဆိုတော့ ကျနော်တို့လည်း တော်တော်အခက်ကြုံ သွားတာပေါ့နော်။ ကျနော့်လည်း အဆင့်ဆင့် စုံစမ်းတော့ ဘန်ကောက်က အလုပ် သမားအရေး လုပ်နေတယ်ဆိုတဲ့ ဦးကျော်သောင်းဆိုသူကို အကူအညီတောင်းတယ်၊ အဲဒီဦးလေးလည်း ချက်ချင်းဆိုသလို ကူညီဆောင်ရွက်လိုက်တာ ညနေ၄နာရီမှာ ကျနော်တို့ လုပ်အားခ ကျန်ငွေတွေ အားလုံးကို ရတယ်။ ဆ၀ါဒီကန်ရုံးက လာရောက်ပြီးတော့ အလုပ်ရုံကလူကြီးကို ကျနော်တို့ အတွက် ပတ်စပို့ တွေကို ပေးဖို့ လာရောက် ပြောကြားသွားခဲ့တယ်” ဟု ပြောသည်။

နံနက် ၈နာရီကျော်တွင် စက်ရုံတာဝန်ရှိသူများက အလုပ်ထုတ်လိုက်သည့် အလုပ်သမားများအတွက် ယာယီ

ပတ်စပို့နှင့် Work Permit တို့ကို ပေးအပ်ခဲ့သည်။ ယာယီပတ်စပို့တွင် အပြာရောင်မင်ဖြင့် Cencel ဟုရေး

ထိုးထားသည်။ Work Permit တွင်မူ နာမည်နှင့် လူမှာ တခြားစီဖြစ်နေသည်ကို တွေ့ရှိခဲ့ရသည်။ ထိုင်း နိုင်ငံရောက် မြန်မာနိုင်ငံသားများ အသင်းက အလုပ်သမားများထံမှ လိုအပ်သော သတင်း အချက်အလက် အထောက်အထားများကို ဖုန်းကင်မရာဖြင့် ရယူခဲ့ပြီးနောက် ဆက်သွယ် ဆောင်ရွက်နေသော ဖန်င အခြေစိုက် FED ၊ ချင်းမိုင်အခြေစိုက် MAPနှင့် ခေါင်ကယ် အခြေစိုက် အလုပ်သမား အရေး ဆောင်ရွက် သည့် အဖွဲ့တစ်ခုမှ တာဝန်ရှိသူတစ်ဦးနှင့် ဆာဝဒီကန်မှ တာဝန်ရှိသူတို့ ညှိနှိုင်းခဲ့ကြသည်။

နာမည်နှင့်လူ အလွဲလွဲအမှားမှား ဖြစ်နေပြီး Cancel ဟု မှင်ဖြင့်အရေးခံရသည့် အလုပ်သမားလက်မှတ်များ

ထိုင်းနိုင်ငံရောက် မြန်မာနိုင်ငံသားများ အသင်းမှ စည်းရုံးရေးနှင့် အမျိုးသမီးရေးရာ ဌာနမှူး ဒေါ်သက်သက်ဦးက “ကျမတို့ ဒီစက်ရုံက ကိစ္စကို စနစ်တကျဖြစ်အောင် စီစဉ်ပြင်ဆင်နေတာ လပေါင်း အတော်ကြာပြီ။ ရှင်းရှင်း ပြောရရင် အောက်တိုဘာလ ၁၀ရက်နေ့မှာ တနှစ်ပြည့်မယ့် အလုပ်သမား၂၀၀ ကိစ္စကို ယာယီပတ်စပို့ ကိုင်ဆောင်ရေးအတွက် ဥပဒေဘောင်အတွင်းက လုပ်ဖို့အတွက် ANM လို့ခေါ်တဲ့ အလုပ်သမား ကွန်ယက်မှာ တင်ပြပြီးဖြစ်ပါတယ်။ ဒီလိုစီစဉ်နေတုန်းမှာပြီးခဲ့တဲ့ ၇ ရက်နေ့က ကိုသီဟတို့ ၆ယောက် အုပ်စုကို အလုပ်ထုတ်လိုက်တော့ မမျှော်လင့်ပဲ အရေးပေါ် ဖြစ်သွားတယ်။ စက်ရုံက လုပ်ပုံက အယင်တုန်းကလို လုပ်ချင်သလို လုပ်လို့ရမယ်ထင်လို့ လုပ်လိုက်တာ၊ ကျမတို့အဖွဲ့က ပြင်ဆင် စောင့်ဆိုင်း နေပြီး ဖြစ်တော့ သူတို့ပေးလာတဲ့ ယာယီပတ်စပို့ စာအုပ်မှာ အလုပ်ရုံက cancel ဆိုပြီး ရေးထားတယ်။ ထိုင်း နိုင်ငံမှာ အလုပ်ကိုင်ခွင့်ကဒ်မှာ ဓါတ်ပုံတခြား ကဒ်မှာပါတဲ့ နာမည်က တခြား ဖြစ်နေတယ်”ဟု ပြောသည်။

အလုပ်သမားများအား ထိုင်းနိုင်ငံရောက် မြန်မာနိုင်ငံသားများအသင်း BATသို့ ဓါတ်ပုံများပေးပို့ခဲ့ပြီး အတု အစစ်ကို ခွဲခြားပြီး ပြန်လည်ပြီး လိုအပ်သည်သည်များကို ဆက်လက်ညွှန်ကြားခဲ့သည်။

၈ရက်နေ့ ညဥ့်၁၁နာရီခန့်တွင် စက်ရုံအတွင်း ထိုင်းရဲများ လာရောက်ဖမ်းဆီးမည် ဆိုသောကြောင့် မြန်မာ အလုပ်သမားများမှာ မအိပ်ရဲ ဖြစ်နေကြသဖြင့် BAT အဖွဲ့မှ ဖုန်းကွန်ဖရင့်လုပ်ပြီး အလုပ်သမားအား အလုပ် ပြန်ဆင်းရန်၊ မစိုးရိမ်ရန်၊ စက်ရုံအတွင်းတွင် စုစုစည်းစည်း နေထိုင်ရန်နှင့် လိုအပ်သည်များကို ပြောဆို ခဲ့သည်။ သို့ရာတွင် အလုပ်သမားများမှာ ယာယီပတ်စပို့ ကိုင်ဆောင်ခွင့်မရရှိခြင်း၊ ရပြန်တော့လည်း နဂိုအတိုင်း ရရှိခြင်းမရှိ ဖြစ်နေခြင်းတို့ကြောင့် အလုပ်ကို ဆက်လက်လုပ်ကိုင်လိုစိတ် မရှိကြတော့ပေ။

ယနေ့ နံနက်ပိုင်းက ချင်းမိုင်အခြေစိုက် MAP ဖေါင်းဒေးရှင်းမှ တာဝန်ရှိသည့် မြန်မာဝန်ထမ်း တစ်ဦးနှင့် ထိုင်းဝန်ထမ်း တစ်ဦးတို့က သွားရောက်ခဲ့သည်။ အလားတူ ခေါင်ကယ် ကျမ္မာရေး အင်ဂျီအိုမှ အရာရှိနှင့် BAT အဖွဲ့သား၃ဦးတို့ တွေ့ဆုံပြီး လိုအပ်သည်များကို စက်ရုံအလုပ်သမားများနှင့် ဆာဝါဒီကန် (အလုပ် သမား လူမှုဖုံလုံရေးဌာန)မှ အရာရှိတို့အား အပြန်အလှန် တင်ပြ အကူအညီ တောင်းခံနေခဲ့သည်။ တချိန်တည်းတွင် MAP အဖွဲ့မှ တာဝန်ရှိသူများက အလုပ်ရုံမှ တာဝန်ရှိသူများနှင့် တွေ့ ဆုံခြင်း၊ အလုပ်မဆင်းပဲ ဆန္ဒပြနေသော အလုပ်သမားများအား မေးမြန်းမှတ်သားခြင်းများကို လုပ်ဆောင်နေသည်။

ယနေ့ညနေ ၆နာရီ သတင်းရေးသားနေချိန်အထိ အဆိုပါ စက်ရုံအတွင်းမှ ပြဿနာများမှာ လိပ်ခဲတင်းတင်း

ဖြစ်ဆဲရှိသည်။

ဆန္ဒပြနေသော အလုပ်သမားများအား ထိုင်းအလုပ်သမား  ဥပဒေအရ ၃ရက်ဆက်တိုက် အလုပ်မဆင်းပါက

အလုပ်မှ ထုတ်ပယ်မည်ဖြစ်ကြောင်း စာကပ်ထားသည်။ အဆိုပါ အလုပ်ရုံတွင် စက်ရုံမှ တရားဝင် ထုတ်ပြန်သော စာရင်းအရ မြန်မာအလုပ်သမား၂၀၁၀ဦးရှိသည်။ ယခင်က ရာပေါင်းများစွာသော အလုပ်သမားများအား မလုပ်လိုလျှင် ထွက်သွား မည်သို့သော အထောက်အထားမှ မရရှိပဲ ထွက်သွားရသည် ချည်းဖြစ်သည်။ စက်ရုံ အလုပ်သမားကဒ်ပြား အမှတ် ၀၀၀ ၀၀၇ စိုးပိုင်ဦးဆိုသည့် အလုပ်သမားအား မတရား ဖိနှိပ်ခံနေရသူများအား စုစည်းခေါင်းဆောင်နေကြောင်း အပြစ်ရှာခဲ့သည်။ ပြီးခဲ့သည့် ၂၀၁၀ နှစ်ကုန်ပိုင်းက လက်ထိပ်ခတ်ပြီး ခေါင်းကို အ၀တ်အိပ်ဖြင့်စွပ်ကာ ကြောက်လန့်အောင် ရိုက်နှက်မောင်း ထုတ်ခဲ့သည်။ ထိုသူမှာ အသက်မသေပဲ ထွက်ပြေးလွတ်မြောက်လာပြီး ယခုအခါ မဟာချိုင်တွင် အလုပ် လုပ်ကိုင်နေပြီဖြစ်သည်။

ယခု အလုပ်သမားများ ကြုံတွေ့နေရသည့် ခေါင်ကယ် ပိုက်စက်ရုံနှင့်၊ ထိုင်း/မလေးရှားနယ်စပ် ဟတ်ယိုင်မြို့ CMC ငါးသေတ္တာရုံတို့အပြင် လဘူရီနှင့် ထိုင်းနိုင်ငံ အခြားနေရာများသို့ သောင်းပေါင်း များစွာ သော လူများကို ယာယီပတ်စပို့ လုပ်ပေးလျှက် အလုပ်သမားများအား ပို့ဆောင်ပေးနေသူမှာ မဲဆောက်မြို့မှ အဘိုင်ကြီးဆိုသည့် အကြီးစား လူကုန်ကူးသူဖြစ်ကြောင်း အလုပ်သမားများ ပြောပြချက်အရ သိရှိရသည်။

ယခုကဲ့သိုပသော အလားတူ ဖြစ်ရပ်ပေါင်းများစွာ ပေါ်ပေါက်နေသော်လည်း ယာယီပတ်စပိုပ လုပ်ငန်းစဉ် မသမာမှုအတွင်း တိုက်ရိုက်ပါဝင် ပတ်သက်နေသူများအား ထိုင်းနှင့် မြန်မာအစိုးရတို့က ထိရောက်စွာ အရေးယူနိုင်ခြင်း မရှိသေးချေ။ ယာယီပတ်စပို့ လုပ်ငန်းစဉ်များအတွင်း မသာမာမှုနှင့် လိမ်လည်မှုတို့အား တိုင်းကြားရန် ဌာနတစ်ခု ဖွင့်လှစ်ပေးဖို့  ထိုင်းအခြေစိုက် လူထုအခြေပြု လူ့အဖွဲ့ အစည်းများက တောင်းဆို တင်ပြ ထားသော်လည်း ထိုင်းအစိုးရက ယနေတိုင် ဖွင့်လှစ်ထားခြင်းမရှိသေးပေ။ ထိုင်းနိုင်ငံတွင် မြန်မာအလုပ်သမားများ သုံးသန်းဝန်းကျင်ရှိကြောင်း အလုပ်သမားအရေး လုပ်ကိုင်သူများက ခန့်မှန်း ထားကြသော်လည်း ယာယီပတ်စပို့ လုပ်ကိုင်သူများ သိန်းကဏန်းသာ ရှိသေးသည်။ ထိုင်းအစိုးရသည် ယာယီ ပတ်စပို့ လုပ်ကိုင်မှု နည်းပါးသည်ကို အပြစ်တစ်ခုအဖြစ် ထင်မြင်ယူဆပြီး တရားဝင် နေထိုင် အလုပ်လုပ်ကိုင်ခွင့် စာရွက်စာတမ်း မပြည်စုံသူများကို ဖမ်းဆီးပြန်ပို့ရန် အထူးစီမံချက်ချ ဖမ်းဆီး နေဆဲဖြစ်သည်။ ယာယီပတ်စပို့ လုပ်ငန်းစဉ်အတွင်း အားနည်းချက် အားသာချက်များအား ထိုင်းအစိုးရ တာဝန်ရှိသူများအား ထိုင်းအခြေစိုက် အဖွဲ့အစည်း ပေါင်းစုံတို့က ထောက်ပြပြောဆိုသည်ကို လျှစ်လျှူရှုဆဲ ဖြစ်သည်။

ကိုကျော်သောင်းမှ ပေးပို့လာပါသည်။ 

မဲဆောက်တွင်အလုပ်သမားထောင်ချီ ဖမ်းဆီးခံရ အချို့ထွက်ပြေးတိမ်းရှောင်နေ

စက်တင်ဘာ ၃

ထိုင်းမြန်မာနယ်စပ် မဲဆောက်မြို့တွင် ပြီးခဲ့သည့်ညကတည်းက မြန်မာအလုပ်သမားများ ထွက်ပြေး တိမ်းရှောင်နေခဲ့သော်လည်း ထိုင်းရဲနှင့် လူဝင်မှုကြီးကြပ်ရေးတို့က၊ ယနေ့တနေကုန် ပိုက်စိုက်တိုက် ရှာဖွေ ဖမ်းဆီးမှုများကြောင့် ရွေ့ ပြောင်းအလုပ်သမားများ ထောင်ချီပြီး ဖမ်းဆီးခံခဲ့ရကြောင်း သိရှိရသည်။

ဘန်ကောက်မှ ထိုင်းရဲနှင့် လူဝင်မှုကြီးကြပ်ရေးအဖွဲ့တို့ လာရောက်ဖမ်းဆီးမည်ကို ကြားသိရသဖြင့် ထိုင်းလုပ်ငန်းရှင်များ ကိုယ်တိုင်ဖွက်ထားပေးခဲ့သည်။ ထောင်ချီရှိသည့် မြန်မာအလုပ်သမားများကို အလုပ်သမားအရေး ဆောင်ရွက်သူများက နေရာထိုင်ခင်းများ ပြင်ဆင်ပြီး ရှောင်တိမ်းနေစေခဲ့သည်။

ရခိုင်အလုပ်သမား လှုပ်ရှားမှုအဖွဲ့က တာဝန်ခံ ကိုထက်ခေါင်က “ညဥ့်က ကျနော်တို့ရုံးမှာ အလုပ်သမား ငါးဆယ်ကျော်တယ် လာအိပ်ကြတာ။ ဒီနေ့ နေ့လည်ပိုင်းမှာတော့ အခြားလုံခြုံတဲ့ နေရာတွေကို ပို့ပေးထားတယ်။ ဒီနေ့ မဲဆောက်မြင်ကွင်း ကိုပြောရရင် စစ်ဖြစ်နေတဲ့မြို့ တစ်မြို့လိုပဲ။ အလုပ်သမားတွေ ခမျာ ဟိုဘက်ပြေးလည်း မလုံခြုံ ဒီဘက်ပြန်ပြေးလည်း မလုံခြုံ၊ ဟိုပြေးဒီပြေးဗျာ။ ကျနော်တို့လည်း တစ်နေကုန်ပဲ လိုက်ပြီးတော့ အလုပ်သမားတွေ ကိုကူညီနေတာ။ ခုထိ ပြေးကြတုန်းပဲဟု ” သတင်း ရေးသားချိန် ညနေ၆နာရီကျော်တွင် ပြောသည်။

ယခုကဲ့သို့ အထိတ်တလန့်ဖြစ်လောက်အောင် လိုက်လံရှာဖွေ ဖမ်းဆီးခြင်းမှာ ထိုင်းဝန်ကြီးချုပ် အဘီဆေစ်၏

နိုင်ငံခြားသား အလုပ်သမားများ ရှာဖွေဖမ်းဆီးထောင်ချရေးကို အကောင်အထည် ဖေါ်ခြင်းဖြစ်ကြောင်း JACBA ဥက္ကဌ ဦးမိုးကြိုးကဆိုသည်။

“ထိုင်းတွေက ကိုယ့်လက်ကို ကိုယ်ရိုက်ချိုးတာပဲဗျ။ နိုင်ငံတကာ လုပ်ငန်းရှင်တွေကရော ထိုင်း လုပ်ငန်းရှင်တွေကရော မြန်မာ အလုပ်သမားတွေဟာ ဈေးပေါတယ်။ အလုပ်ကောင်းတယ်။ အကြမ်းခံတယ်။ အန္တရာယ်များတဲ့ အလုပ်တွေမှာလည်း လုပ်ရဲတယ်ဆိုပြီး ပြောကြတယ်။ အဓိကပြောချင်တာက အလုပ် သမားတွေကို ဘတ်မရှိလို့ဖမ်းရင် ဘတ်လုပ်မပေးတဲ့ သူဌေးကိုလည်းဖမ်းလေ။ အလုပ်သမားတွေကိုရှာပြီး ဖမ်းသလို အလုပ်ရှင်ကိုလည်း ရှာဖမ်းလေ။ ဒါမှ တရားမျှတမမှု ရှိတော့မှာပေါ့” ဟု ဖွင့်ဆိုသည်။

ယခုအကြိမ်အတွင်း ထိုင်းလုပ်ငန်းရှင် အချို့တို့က သူတို့အလုပ်သမားများအား ဆန်များ၊ ကြက်ဥများ၊ မာမား

ခေါက်ဆွဲခြောက် ထုတ်များ လာရောက် ပေးကြသည်ဟု သိရှိရသည်။ မဲဆောက်အခြေစိုက် ကူညီေ၇းအဖွဲ့ တို့ကမြန်မာနိုင်ငံရေး အကျဉ်းသားများ သမဂ္ဂအဖွဲ့ဝင် ကိုမြတ်မင်းတို့ ကူညီပေးထားသည့် နေရာဖက်သို့ မည်သူမျှ မရောက်ရှိကြောင်းပြောသည်။

“ကျနော်တို့ အနီးအနားက ဘုန်းကြီးကျောင်းဝင်းထဲမှာ လူ၁၆၀၀လောက် ရှိမယ်ထင်တယ်၊ ဒီတခါ ထိုင်းလုပ်ငန်းရှင်တွေ ကောင်းတယ်လို့ ပြောလို့ရတယ်။ ကျနော့်အထင် ပြောရရင်၊ မြန်မာပြည်မှာ ရွေးကောက်ပွဲအတွက် မဲဆန္ဒရှင်တွေလိုလို့ ဖမ်းပို့သလား။ ယာယီပတ်စပို့ မလုပ်လို့ကြလို့ ဆိုရင် ဘာကြောင့် မလုပ်ကြသလဲဆိုတဲ့ အနေအထားမှန်ကို သိအောင်မကြိုးစားကြပဲ မလုပ်ကောင်းရလားဆိုပြီး ဖမ်းတာ နည်းမှန်လမ်းမှန် မဟုတ်ဘူးလေ။ အဖြေမှန်မဟုတ်ဘူး။ ဒီဘက်ကိုရောက်နေတဲ့ ဗမာတွေအထဲ မြန်မာပြည်မှာ မှတ်ပုံတင် မလုပ်ဖူးတဲ့ လူတွေအများကြီးပဲ”ဟု ထောက်ပြပြောဆိုသည်။

စက်ရုံအလုပ်ရုံပေါင်း လေးရာကျော်ခန့် ရှိပြီး၊ မဲဆောက်နယ်မြေအတွင်း မြန်မာအလုပ်သမားပေါင်း သိန်းချီရှိကြောင်း အလုပ်သမားအရေး ဆောင်ရွက်သူများက ပြောသည်။ အချို့ ကမူ စက်တင်ဘာလ ၅ ရက်နေ့အထိ လူဖမ်းပွဲကြီးရှိနေမည်ဟု ပြောကြသည်။

ယမန်နေ့က ချင်းမိုင်မြို့နယ်၊ အလုပ်သမား ကြီးကြပ်ရေးရုံးမှ နဖ၀ဒီဖိနန် ဆိုသူနှင့် နယ်ခြားစောင့်တပ် အမှတ် ၃၃တို့ ပူးပေါင်း၍ ဆီဖုန်းရပ်ကွက် အာစထော်လမ်းရှိ လုပ်ငန်းခွင်ကို ၀င်ရောက် ဖမ်းဆီးလိုက်သည်။

ယမန်နေ့ နေ့လည်ပိုင်းက စစ်သားအင်အား၅၀ ကျော်ခန့်ဖြင့် စီးနင်းဝင်ရောက်ဖမ်းဆီးရာ မြန်မာ အလုပ်သမား ၂၀၀ကျော် ဖမ်းဆီးခံခဲ့ရသည်။ထိုအထဲတွင် နေထိုင် အလုပ်လုပ်ကိုင်ခွင့် စာရွက်စာတမ်း မရှိသည့် အလုပ်သမား ၃၀ကျော်ကိုမူ နယ်စပ်သို့ ပြန်လည်ပို့ဆောင်မည် ဖြစ်ကြောင်း ဒေလီနယူး သတင်းစာတွင် ရေးသားဖေါ်ပြထားသည်။ 

ထိုင်းနိုင်ငံအတွင်း သန်းချီရှိသည့် မြန်မာအလုပ်သမားများတွင် တရားဝင်နေထိုင် အလုပ်လုပ်ကိုင်ခွင့် မရှိသူ များသဖြင့်၊ ထိုင်းအာဏာပိုင်များ၏ ဖမ်းဆီးပြန်ပို့ခြင်း၊ ငွေညှစ်ခြင်းကို နေ့စဉ် ခံနေရဆဲဖြစ်သည်။ ဖမ်းလိုက်၊ ပြေးလိုက်၊ ထိုင်းနိုင်ငံအတွင်း ပြန်လာလိုက် သံသရာမှာ နှစ်ပေါင်း မည်မျှကြာမည် မသိနိုင်သေးကြောင်း မဲဆောက်မှ အလုပ်သမားအရေး လုပ်သူများက သုံးသပ် ပြောဆိုနေကြသည်။
ကိုကျော်သောင်း မှပေးပို့ပါသည်။ 

အိမ်ဖေါ်အမျိုးသမီးက အိမ်ရှင်ထိုင်းအမျိုးသမီးကြီးအားသတ်ပြီး ထွက်ပြေးဟု ထိုင်းရဲကစွတ်စွဲ

သြဂုတ် ၂၂

ထိုင်းဘာသာပြန်။ ကိုတီး (ရခိုင့်တံခွန်ဂျာနယ်)

ဘန်ကောက်မြို့ ဖနခေါနယ်မြေ၊ ဘူဖာအဖိလုမ်းရပ်ကွက်၊ ကျလွန်ကုန်လမ်း၊ ၃ထပ်၊ အိမ်အမှတ် ၂၁ /၄တွင် နေထိုင်သည့် အသက် ၇၂ နှစ်အရွယ် မာလီ ဆိုသည့် ထိုင်းအဖွားကြီးအား ခြေလက်တို့ကို ကြိုးတုတ်ပြီး အသက်ရှု မွန်းကြပ်မှုဖြင့် သေဆုံးနေခြင်းမှာ မြန်မာအိမ်ဖေါ်အလုပ်သမ မရီ၏ လက်ချက်ကြောင့် ဖြစ်နိုင်ကြောင်း ယမန်နေ့ ညနေပိုင်းထုတ် ထိုင်းသတင်းစာများတွင် ရေးသားထားသည်။

အသက်၇၂ အရွယ် ထိုင်းအမျိုးကြီးအား လုပ်ကြံပြီး ပစ္စည်းအချို့ လုယူထွက်ပြေးသွားသည်ဟု စွတ်စွဲ ခံရသည့် မြန်မာအိမ်ဖေါ် အလုပ်သမ အသက်၂၃နှစ်အရွယ်ရှိ အရီမှာ ထွက်ပြေးနေကြောင်း ဖလချဝမ် ရဲစခန်း တာဝန်ရှိသူများက ပြောသည်။ ထိုင်းအိမ်ရှင်အမျိုးသမီးကြီးမှာ ၂၁ ရက်နေ့ နံနက်ပိုင်းက သေဆုံးနေပြီး ရဲများမရောက်ခင် ၆နာရီခန့် အကွာက သေဆုံးနေကြောင်း ရေးသားထားသည်။

INN၊ ခေါင်လတ်နှင့် ထိုင်းရပ်သတင်းစာ ၃စောင်တို့တွင် သေဆုံးနေသည့် အလောင်းတွင် ရိုက်နှက် ထုထောင်းထားသည့် ဒဏ်ရာတစ်ခုမှမရှိသဖြင့် အသက်ရှုမွန်းကြပ် သေဆုံးခြင်းဖြစ်နိုင်ကြောင်း ခန့်မှန်း ရေးသား ဖေါ်ပြထားသည်။

ထိုင်းနိုင်ငံအတွင်း မြန်မာအလုပ်သမများ အိမ်ဖေါ်လုပ်ငန်းတွင် အမြောက်အများ လုပ်ကိုင်လျှက်ရှိကြသည်။

ထိုင်းအိမ်ရှင်အချို့က အိမ်ဖေါ် အလုပ်သမငယ်များအား သေနတ်ဖြင့် ပစ်သတ်ခြင်း၊ လည်ပင်း ညှစ်သတ်ခြင်း၊ အဆိပ်ခပ်သတ်ခြင်း၊ မီးရှို့သတ်ဖြတ်ခြင်း၊ လုပ်အားခမပေးပဲ ထားခြင်းနှင့် အဓ္ဓမ ပြုကျင့်ခြင်းများ ရှိကြသည်။ အလားတူ အချို့ အိမ်ဖေါ်အလုပ်သမ အချို့လည်း အိမ်ရှင်၏ ပစ္စည်းများကို လုယက်ခိုးယူ ထွက်ပြေးခြင်း၊ သတ်ဖြတ်ပြီး ထွက်ပြေးခြင်းမျိုးလည်း ရှိတတ်သည်။