Cartoon Beruma – Poor Burmese people can only keep their misery as their luxury
September 29th 2008
checkFull("post-" + "7013873135092086882");
သွေး ချွေး မျက်ရည် တော်လှန်ရေး
အာကာ
၂၀၀၇ သြဂုတ် ၂၇၊ ဗကသ ပြန်လည်ဖွဲ့စည်းခြင်း နှစ်ပတ်လည် အမှတ်တရ ကဗျာ
စက်တင်ဘာ ၂၉၊ ၂၀၀၈
အကျပ်ကိုင်ခံရလွန်းလို့
ဇောချွေးစီးကြောင်း
ဆူပွက်ပွက်ထဲ
ဒီတစ္ဆေခရီးကို
ဘယ်သူမှ ဆက်သည်းမခံနိုင်တော့ဘူး။
လက်ဖျံရိုး နှစ်ချောင်းနဲ့
အရိုးခေါင်း အလံနက်ကို
မီး တိုက် …
အဆိပ်ကုန်သည် သဘောင်္ကြီး
လောင်မြိုက် ပေါက်ကွဲရေး
ကြာပွတ်ဖျားမှာ သွေးစက်တိုင်း
သတိပေးနေရတယ်။
ဝတ်ကျေတန်းကျေ ရာသီဥတုထဲ
စိန်ပန်းပြာတွေ မရှိ
ခုံပြာတန်း မရှိ
တိုက်ရာပါ ပညာရေးသာ
နင်းမိုင်း ကြွမိုင်းတွေကြား
တလမ်းသွား ပြေးဆွဲနေရဲ့။
ကံကော်အို ဟာ
မျက်ရည်စို ဖျန်းရုံနဲ့
မလန်းဆန်းတော့တာမို့
တခြိမ့်ခြိမ့်မိုးကြီးအောက်
ဒေါင်း တသင်း ရောင်းရင်းဖွဲ့ဖို့
ကျောင်းဝင်းထဲကို ရောက်ခဲ့ပြီ။ ။
checkFull("post-" + "7112282798989852765");
ဦးဝင်းတင်လွတ်မြောက်လာသည့်အတွ
ညွန့်ထွေး
စက်တင်ဘာ ၂၉၊ ၂၀၀၈
သာမန်ပြည်သူလူထုကြားထဲတွင် သတင်းစာဆရာကြီး ဦးဝင်းတင် လွတ်မြောက်လာသည့်အတွက် စိတ်အား တက်ကြွနေကြပုံရသည်ကို တွေ့မြင်ရသည်။ နေ့စဉ် အထွေအထွေ စားဝတ်နေရေး အကြပ်အတည်းများတွင် ရုန်းကန်နေရသူ သာမန်ပြည်သူ အများစုမှာ နိုင်ငံရေးသတင်းများကို စိတ်ဝင်စားခြင်း မရှိကြသည်မှာ ကြာပြီဖြစ်သော်လည်း ယခု ဦးဝင်းတင် ပြန်လည် လွတ်မြောက်လာသည်ကို ကြားရသည်နှင့် ၀မ်းသာအားရ ဖြစ်ကြရသည်ဟု ဆိုပါသည်။
“ကျနော်တို့ ပျော်တယ်။ ဘာကြောင့်မှန်းမသိဘူး။ ဆရာကြီးကိုလည်း မတွေ့ဖူးပါဘူး။ ဒါပေမယ့် ကိုယ့်အဖေ ထောင်ကလွတ်လာသလိုမျိုး ခံစားရတယ်။ တိုင်းပြည်အတွက်လည်း အားတက်မိတယ် …” ဟု ၁၀ တန်း ကျောင်းသားတဦးက ပြောပြသည်။
အင်းစိန်လမ်းဆုံတွင် ကုန်စိမ်း ဈေးရောင်းသူ အမျိုးသမီးတဦးကမူ အခြားဈေးသည်များနှင့်အတူ စုဝေးပြီး ဆရာကြီးလွတ်သည့်နေ့က ရောက်ရှိနေသည့် နေအိမ်ရှေ့သို့ သွားမျှော်ကြည့်ခဲ့ကြသည်ဟု ပြောပြခဲ့သည်။
“ကျမတို့ အဲဒီနေ့က သွားကြည့်ကြတယ်။ နှုတ်ဆက်ခွင့်တော့ မရခဲ့ဘူးပေါ့. ပြန်လွှတ်လိုက်ပြီ ကြားတော့ ပျော်တာပဲ။ တခြားနိုင်ငံရေးလုပ်တဲ့သူတွေကို သိပ်လည်း မသိပါဘူး။ စားဝတ်နေရေးအတွက် တနေ့လုပ်မှ တနေ့စားရတာကိုး ကျမတို့မှာက။ ဒါပေမယ့် ဆရာကြီးလွတ်တယ်ဆိုတော့ ကျန်တဲ့ ကျမရဲ့ ဈေးအတူရောင်းသူတွေကတော့ ပြောနေကြတယ်။ ဆရာကြီးလွတ်လာရင် တို့တွေ အဆင်ပြေလာမှာ … တဲ့။ အဲသလိုမျိုး ကျမတို့က ပျော်တယ်။ တကယ်ပါရှင် …” ဟု သူမက ပြောသည်။
ဆရာကြီးကို ပြည်သူလူထုကြီး တရပ်လုံးက စိတ်ဝင်စားကြကြောင်း၊ ဆရာကြီးအိမ်ကို နေ့စဉ်လာပြီး နှုတ်ဆက်နေကြသူတွေထဲတွင် နိုင်ငံရေးလောကမှ လူတွေတင်သာမက အရပ်သူ အရပ်သားတွေ၊ လူငယ်တွေ၊ ကျောင်းသားတွေ၊ ရဟန်းတွေ၊ အဖိုးကြီးတွေ အဖွားကြီးတွေတောင် လာရောက်ကြသည်ကို တွေ့နေရကြောင်း ဦးဝင်းတင်ဆီသို့ သွားခဲ့သူတိုင်းက တညီတညွတ်တည်း ဆိုကြသည်။
“ဒါဟာ ဆရာကြီးကိုချစ်ခင်တယ်၊ အားကိုးတယ်။ ပြီးတော့ သူတို့တတွေ အင်မတန်ကို ယုံကြည်တယ်ဆိုတာ ပြတာပါပဲ …” ဟု ပြည်တွင်းစာရေးဆရာတဦးကပြောပါ
စာနယ်ဇင်းသမား အများစုက ဆရာကြီး ပြည်တွင်း စာနယ်ဇင်းများတွင် စာရေးသားခွင့်ရှိ မရှိကို သိချင်နေကြသည်။
ဆရာကြီးသာ စာရေးခွင့်ရမည်ဆိုလျင် ပြည်သူတွေအတွက် တကယ် အကျိုးရှိမည်၊ မြန်မာပြည်တ၀ှမ်းလုံးက ဆရာကြီး၏ အာဘော်များကို ဖတ်ရှုနာယူခွင့်ရကြမည်။ လက်ဆင့်ကမ်း ဖြန့်ဝေခွင့်ရကြမည် ဖြစ်သည်ဟု လူငယ် သတင်းထောက်တဦးက ထုတ်ဖော်ပြောဆိုသည်။
ထင်ရှားသည့် စာရေးဆရာ သတင်းစာဆရာကြီးတဦးက “ ဒါဟာ ဆရာကြီး ဆက်လက် တိုက်ပွဲဝင်ရမယ့် အရာတွေထဲက တခုပဲ ..” ဟု မှတ်ချက်ပေးခဲ့သည်။
“ဆရာကြီးရဲ့ ရေဒီယို အင်တာဗျူးတွေကို နားထောင်ပြီး စိတ်ဓာတ်တက်ကြွနေတဲ့ ပြည်သူတွေကို စစ်အာဏာပိုင်များက မျက်လုံးဒေါက်ထောက်ကြည့်နေတော့
ဟု သတင်းထောက်တယောက်က ပြောပြသည်။
“ကျနော် စိတ်ထဲမှာ တုန်လှုပ်သွားတယ်။ ကြောက်တာမျိုး မဟုတ်ဘူးနော်။ တရားမဲ့နေတာ၊ တရားလက်လွတ်ဖြစ်နေတာကို တွေးမိလိုက်လို့။ ဆရာကြီး ပြန်လွတ်လာတော့ လူတွေကို လှုပ်နှိုးလိုက်သလို ဖြစ်သွားတယ်။ အားလုံးက နိုးကြားသွားကြတယ်။ ပြတ်သားတဲ့ ခေါင်းဆောင်ကို တိုင်းပြည်က လိုနေတာပါ …”ဟု ထိုသတင်းထောက်က သူ့ခံစားချက်ကို ထုတ်ဖော်သည်။
ဆရာကြီး ဦးဝင်းတင် အင်န်အယ်ဒီပါတီ အနှစ် ၂၀ နေ့ကို သွားရောက်ခဲ့သည့်အတွက် ပါတီတွင်း လူငယ်များ၊ ခေါင်းဆောင်များအားလုံးက သောင်းသောင်းဖျဖျ ကြိုဆိုခဲ့ကြသည်ကို တွေ့ရသည်။
တစည ပါတီက သက်ကြီးရွယ်အိုတဦးကမူ “ ဘာ ၀င်းတင်လဲ။ အလကား တယူသန်သမား …” ဟု တုန့်ပြန်သည်ကို ကြားကြောင်း မျက်မြင်တဦးက သတင်းပေးသည်။
အနှစ်၂၀ နီးပါး လူထုရှေ့မှောက်က ပျောက်ကွယ်နေပြီး အချုပ်အနှောင်တွင်း ကြံ့ကြံ့ခံနေခဲ့သော ဆရာဦးဝင်းတင်ကို လူထုကြီးက မေ့မသွားဘဲ ထောက်ခံ ကြိုဆို မျှော်လင့်လျက် ရှိသည်ကတော့ အထင်အရှားပင် ဖြစ်သည်ဟု မှတ်ချက်ပေးကြသည်ကို တွေ့ရသည်။
“ဆရာကြီး ထောင်ကထွက်တော့ - ဟေ့ ငါတော့ အပြင်ထွက်လိုက်အုံးမယ်ဟေ့ ဆိုပြီး လက်ဝှေ့ယမ်းပြီး နှုတ်ဆက်ပြီး ထွက်သွားတာဗျ။ ကျနော်တို့တတွေက ထောင်ထဲမှာ ကျန်ရစ်နေသေးပေမယ့် တိုင်းပြည်အတွက်၊ အပြင်က ပြည်သူတွေအတွက် ကျနော်တို့က မျှော်လင့်တယ်။ ၀မ်းသာတယ်။ အားရှိတယ်။ ဆရာကြီးကို ထောင်ထဲက ကျနော်တို့တွေတင်သာမကပါဘူး ဆရာကြီး ကျွေးမွေးစောင့်ရှောက်ခဲ့တဲ့ တိရစ္ဆာန်တွေကတောင် သတိရပြီး ကျန်ရစ်ခဲ့ကြတာပါဗျာ …” ဟု နိုင်ငံရေးအကျဉ်းသားတဦးက သတင်းစကားပါးလိုက်သည်။
No comments:
Post a Comment