နေအိမ် အကျယ်ချုပ် ကျနေသည့် အမျိုးသား ဒီမိုကရေစီ အဖွဲ့ချုပ် (NLD) ဒုဥက္ကဋ္ဌ ဦးတင်ဦးကို အာဏာပိုင်တို့က ယနေ့ညနေပိုင်းတွင် ပြန်လွှတ်ပေးလိုက်သည်။
ဦးတင်ဦးသည် ၂၀၀၃ ခုနှစ် မေလ ၃၀ ရက်တွင် ဖြစ်ပွားခဲ့သော ဒီပဲယင်း လူသတ်ပွဲအပြီး ဒေါ်အောင်ဆန်းစုကြည်နှင့်အတူ ဖမ်း ဆီးခံခဲ့ရခြင်းဖြစ်သည်။
၎င်းအား စတင် ဖမ်းဆီးစဉ်က ပုဒ်မ ၁၀ (က) ဖြင့် စစ်ကိုင်းတိုင်း ကလေးမြို့အကျဉ်းထောင်တွင် ချုပ်နှောင်ခဲ့ပြီး ၂၀၀၄ ခုနှစ် ဖေဖော်ဝါရီလ၌ ပုဒ်မ ၁၀ (ခ) ဖြင့် နေအိမ်အကျယ်ချုပ်သို့ ပြောင်းလဲ၍ အစိုးရအာဏာပိုင်များက နှစ်စဉ် သက်တမ်းတိုး၍ ဆက် လက်ထိန်းသိမ်းခဲ့သည်။
လွန်ခဲ့သည့် ဇန်န၀ါရီလ ၂၁ ရက်နေ့က ဦးတင်ဦးကို ဖေဖော်ဝါရီလထဲတွင် လွှတ်မည်ဖြစ်ကြောင်း၊ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကိုလာမည့် နိုဝင်ဘာလတွင် လွှတ်ပေးမည်ဖြစ်ကြောင်း ပြည်ထဲရေးဝန်ကြီး ဗိုလ်ချုပ်မောင်ဦးက ပြောကြား ထားသည်။
ဗိုလ်ချုပ်မောင်ဦးက မန္တလေးတိုင်း ကျောက်ပန်းတောင်းမြို့ မြို့တော်ခန်းမတွင် ကျင်းပသည့် ၀န်ထမ်းများ၊ ကြံ့ခိုင်ရေးနှင့် ဖွံ့ဖြိုးရေး အသင်းဝင်များနှင့် တွေ့ဆုံခဲ့စဉ် ယင်းကဲ့သို့ ပြောဆိုခဲ့ခြင်းဖြစ်သည်။
အမေရိကန် နိုင်ငံ အခြေစိုက် လူ့အခွင့်အရေး စောင့်ကြည့် လေ့လာရေး အဖွဲ့ (Human Rights Watch- HRW)ကလည်း ဦးတင်ဦး သည် ဖေဖော်ဝါရီလ ၁၃ ရက်နေ့၌ နေအိမ် အကျယ်ချုပ် သက်တမ်း ကုန်ဆုံးမည် ဖြစ်သည့်အတွက် လွှတ်ပေး ရမည် ဖြစ်ကြောင်း ယမန်နေ့က တောင်းဆို ထားသည်။
အန်အယ်လ်ဒီ ဒု-ဥက္ကဋ္ဌ ဦးတင်ဦး နေအိမ်အကျယ်ချုပ်မှ လွတ်မြောက်
NEJ/ ၁၃ ဖေဖော်ဝါရီ ၂ဝ၁ဝ
အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) ဒု-ဥက္ကဋ္ဌ ဦးတင်ဦးသည် ယနေ့ ည (၈ ) နာရီခွဲကျော်တွင် နေအိမ်အကျယ်ချုပ်မှ လွတ်မြောက်ပြီဖြစ်သည်။
နေအိမ်အကျယ်ချုပ် သက်တမ်း (၆) နှစ်ပြည့်သည့် ဖေဖော်ဝါရီ (၁၃ ) ရက်နေ့တွင်လွတ်မြောက်လာခြင်းဖြစ်သည်။
ဦးတင်ဦး လွတ်မြောက်လာသည်ကို သားဖြစ်သူ ဦးသန့်ဇင်ဦး (ဥက္ကဋ္ဌ၊ အန်အယ်လ်ဒီ လွတ်မြောက်နယ်မြေ -ဂျပန်ဌာနခွဲ) မှ အတည်ပြုပြောကြားသည်။
အန်အယ်လ်ဒီ ထိပ်တန်းခေါင်းဆောင်တဦးဖြစ်သူ ဦးတင်ဦးသည် ဒေါ်အောင်ဆန်းစုကြည်နှင့်အတူ ၂၀၀၃ ခုနှစ် မေလတွင် အထက်မြန်မာပြည်သို့ စည်းရုံးရေးခရီးထွက်နေစဉ် စစ်ကိုင်းတိုင်း ဒီပဲယင်းမြို့အနီး ကျည်ရွာတွင် နအဖစစ်အစိုးရကို အားပေးထောက်ခံသူ လူအုပ်ကြီးက ၀ိုင်းဝန်းရိုက်နှက် တိုက်ခိုက်ခံရပြီးနောက် ဒေါ်အောင်ဆန်းစုကြည်နှင့်အတူ ဖမ်းဆီးခံရခြင်း ဖြစ်သည်။
ထို့နောက် ဒေါ်အောင်ဆန်းစုကြည်အား အင်းစိန်အကျဉ်းထောင်သို့ လည်းကောင်း၊ ဦးတင်ဦးအား စစ်ကိုင်းတိုင်း ကလေးမြို့ အကျဉ်းထောင်သုိ့လည်းကောင်း စစ်အစိုးရ အာဏာပိုင်များက ဖမ်းဆီးပို့ဆောင်ခဲ့ပြီး နောက်ပိုင်းတွင် ၎င်းတို့အား နေအိမ် အသီးသီးသို့ ပြန်လည်ပို့ဆောင်ကာ အကျယ်ချုပ် ချထားခြင်းဖြစ်သည်။
ဦးတင်ဦးသည် ကလေးမြို့အကျဉ်းထောင်တွင် (၁) နှစ်နီးပါး နေခဲ့ရပြီး ၂၀၀၄ ခု ဖေဖော်ဝါရီ (၁၃) ရက်တွင် နေအိမ်သို့ ပြန်လည် ရောက်ရှိကာ အကျယ်ချုပ်ချထားခံခဲ့ရသည်မှာ ယနေ့ (၆) နှစ်ပြည့်မြောက်ပြီ ဖြစ်သည်။
အသက် (၈၃) နှစ်ရှိပြီဖြစ်သည့် အမျိုးသားဒီမိုကရေစီအဖွဲ့ချုပ် ဒုတိယ ဥက္ကဋ္ဌ ဦးတင်ဦးသည် ဗိုလ်ချုပ်ကြီးဟောင်းတဦးလည်း ဖြစ်ပြီး မြန်မာ့တပ်မတော်တွင် ကာကွယ်ရေး ဦးစီးချုပ်အဖြစ် တာဝန်ထမ်းဆောင်ခဲ့ဖူးကာ အများက ချစ်ခင်လေးစားခြင်း ခံရသူဖြစ်သည်။
ယခုလောလောဆယ်တွင် ကျန်းမာရေးအရ စိုးရိမ်ရသည့်အနေအထား မရှိသော်လည်း မကြာသေးမီက မျက်စိခွဲစိတ်ကုသမှု ခံယူခဲ့သည်ဟု သိရသည်။
မြန်မာစစ်အစိုးရ ပြည်ထဲရေးဝန်ကြီး ဗိုလ်ချုပ်မောင်ဦးက ဒေါ်အောင်ဆန်းစုကြည်အား လာမည့်နိုဝင်ဘာလကုန်တွင် နေအိမ်အကျယ်ချုပ် သက်တမ်းစေ့ပါက ပြန်လွှတ်ပေးမည်ဟု ပြောကြားခဲ့ပြီး အန်အယ်လ်ဒီ ဒု-ဥက္ကဋ္ဌ ဦးတင်ဦးအားလည်း ဖေဖော်ဝါရီ (၁၃) ရက်တွင် လွှတ်ပေးမည်ဟု ပြီးခဲ့သည့် ဇန်န၀ါရီလအတွင်း၌ ပြောကြားခဲ့သည်။
ယင်းသို့ ပြောကြားခဲ့ပြီးသည့်နောက် ယခုကဲ့သို့ ဦးတင်ဦး လွတ်မြောက်လာခြင်းဖြစ်သည်။
ဦးတင်ဦး လွတ်မြောက်လာမှုအပေါ် အန်အယ်လ်ဒီ ဗဟိုအလုပ်အမှုဆောင်တဦးဖြစ်သူ ဦးဝင်းတင်က ကြိုဆိုကြောင်း၊ အန်အယ်လ်ဒီအတွက် အင်မတန်ကောင်းမွန်ကြောင်း၊ ထို့ပြင် ဒေါ်အောင်ဆန်းစုကြည် လွတ်မြောက်လာပါက ပိုမိုကောင်းမွန်မည်ဖြစ်ကြောင်း ပြောကြားသည်။
“လွတ်မြောက်ချိန်မှာ လွတ်လာတဲ့ ခေါင်းဆောင်အတွက် ကျနော်တို့က ကြိုဆိုပါတယ်။ ကျနော်တို့အတွက်လည်း အများကြီး အားတွေ တိုးလာမယ်၊ ခေါင်းဆောင်မှုတွေ မြင့်မားလာမယ်၊ နောက် စည်းရုံးလှုပ်ရှားမှုတွေလည်း မြင့်မားလာမယ်လို့ ယူဆပါတယ်” ဟု ဦးဝင်းတင်က ပြောသည်။
ထို့အပြင် ဒေါ်အောင်ဆန်းစုကြည်နှင့် ဦးတင်ဦး လွတ်မြောက်ရေးအတွက်သာ မဟုတ်ဘဲ ကျန်သည့် နိုင်ငံရေးအကျဉ်းသားအားလုံးကို လွှတ်ပေးရန်လည်း လိုအပ်ကြောင်း ဦးဝင်းတင်က ပြောကြားသည်။
ဦးတင်ဦး လွတ်ပြီ
ခြောက်နှစ်ကြာ အချုပ်အနှောင် ခံခဲ့ရသော အမျိုးသား ဒီမိုကရေစီ အဖွဲ့ချုပ် ဒုဥက္ကဌ ဦးတင်ဦးသည် ယနေ့တွင် နေအိမ် အကျယ်ချုပ်မှ ပြန်လည် လွတ်မြောက်ပြီ ဖြစ်သည်။
ဦးတင်ဦး
အခုဘဲ ၈ နာရီခွဲမှာ လွှတ်ပေးလိုက်ပါပြီ၊ သက်ဆိုင်ရာ အာဏာပိုင်တွေက ကားနှစ်စီးနဲ့ ဝင်လာပြီးတော့ အမိန့်တွေ ဖတ်ပြတယ်ထင်ပါတယ်။ ဓါတ်ပုံတွေ ရိုက်ပြီးတော့ သတင်းထောက်တွေနဲ့ အန်ကယ်တို့ကို ဝင်ခွင့်ပြုပါတယ်။ အန်ကယ်တို့လည်း အိမ်ထဲရောက်နေပါပြီ။ နိုင်ငံခြား သတင်းအဖွဲ့ကနေပြီးတော့ မေးမြန်းနေပါတယ်။ ကျနော်တို့ကတော့ စကားမပြောဖြစ်သေးဘူ။ အဝေးကနေဘဲ နားထောင်နေပါတယ်။ သတင်းထောက်က ၃၀ လောက်ရှိတယ်ဆိုတော့၊ အုတ်တွေ ကာထားတော့ အသံဘဲ ကြားနေရတယ်။
သူ့ကို မြင်လိုက်တော့ စိတ်ထဲမှာတော့ စိတ်မကောင်းဘူး။ နည်းနည်းပိန်သွားတယ်။ အသံလည်း မှိန်သွားတယ်။ ကျန်းမာေ၇းအတွက် စိတ်မကောင်းပေမဲ့ ။ သူ့စိတ်ဓါတ်ကိုတော့ အားတက်မိတယ်။ ဝမ်းသာပါတယ်။
(မြန်မာစံတော်ချိန် ၈ နာရီ ၅၅ မိနစ် ဆက်သွယ်မေးမြန်းချက်)
''ခင်ဗျား အခုဖုန်းဆက်နေတဲ့အချိန်မှာ ကျနော်တို့ အိမ်ထဲကို ရောက်နေပါပြီ။ သတင်းထောက်တွေလည်း ဝင်နေပါပြီ။ အိမ်ထဲရောက်နေပါပြီ'' ဟု အန်အယ်ဒီ CEC အဖွဲ့ဝင် ဦးအုန်းကြိုင်က မဇ္ဈိမကို ပြောသည်။
(မြန်မာစံတော်ချိန် ၉ နာရီ ဆက်သွယ်မေးမြန်းချက်)
''သတင်းထောက်တွေ ဝိုင်းမေးနေပါတယ်။ ကျန်းမာရေး အခြေအနေ ကောင်းပါတယ်၊ ကောင်းပါတယ်။ ရွှင်ရွှင်လန်းလန်းပါပဲ။ ပင်နီတိုက်ပုံ ဝတ်ထားတယ်။ အန်အယ်ဒီဝတ်စုံ ဝတ်ထားတယ်။ သတင်းထောက်တွေကို အတွေ့ခံနေတယ်။ အင်တာဗျူး လုပ်နေတယ်။ လူတွေက အုံခဲနေတယ်'' ဟု ဦးအုန်းကြိုင်က ပြောသည်။
No comments:
Post a Comment