အာရှငြိမ်းချမ်းရေး ညီလာခံ ဗမာကိုယ်စားလှယ်များ တက်ရောက်

နီပေါ ဝန်ကြီးချုပ်နှင့် မြန်မာရဟန်းတော်များ

နီပေါနိုင်ငံ ခတ္တမန္ဒူမြို့တွင် ဖေဖော်ဝါရီလ ၂၀-၂၁ ရက်နေ့များက အာရှငြိမ်းချမ်းရေး ညီလာခံကို ကျင်းပခဲ့ပါသည်။ ညီလာခံအား ကမ္ဘာ့ငြိမ်းချမ်းရေးကောင်စီ(World Peace Council)နှင့် နီပေါ ငြိမ်းချမ်းရေးနှင့် သွေးစည်းရေးကောင်စီ (Nepal Peace and Solidarity Council) တို့မှ ပူးတွဲ ဧည့်ခံ ကျင်းပခဲ့ခြင်းဖြစ်သည်။ ညီလာခံသို့ ဗမာအပါအ၀င် နိုင်ငံပေါင်း ( ၂၀ ) မှ ကိုယ်စားလှယ်ပေါင်း(၁၂၂) ဦး တက်ရောက်ခဲ့ကြသည်။ ကမ္ဘာ့ငြိမ်းချမ်းရေးကောင်စီ အဖွဲ့ဝင် အဖွဲ့အစည်းဖြစ်သည့် ဗမာပြည် ဒီမိုကရေစီနှင့် ငြိမ်းချမ်းရေးကောင်စီအား ကိုယ်စား ပြု၍ ရွှေဝါရောင်သံဃာများဖြစ်သည့် ရွှေဝါရောင် ကျောင်းတိုက် (နယူးဒေလီ)မှ ဦးပညာဇော တ၊ ဦးအရုဏနှင့် မြန်မာနိုင်ငံလုံးဆိုင်ရာ ကျောင်းသားများ အဖွဲ့ချုပ်မှ ကိုကျော်သန်းတို့ တက် ရောက်ခဲ့ကြသည်။

ညီလာခံအား နီပေါနိုင်ငံ ၀န်ကြီးချုပ် မစ္စတာ မာဒေဗ့်ကူးမားနီပါး ( Madhav Kumar Nepal)၊ ကမ္ဘာ့ ငြိမ်းချမ်းရေးကောင်စီဥက္ကဋ္ဌ မဒမ်ဆိုကိုရိုဂိုးမက်ဇ် (Madam Socoro Gomez)နှင့် နီပေါ အဓိက နိုင်ငံရေးပါတီများမှ ခေါင်းဆောင်များက အမှာစကားပြောကြား၍ ဖွင့်လှစ်ပေးခဲ့သည်။ ၀န်ကြီးချုပ် မစ္စတာ မာဒေဗ့်ကူးမားနီပါးက စစ်အေးခေတ်ကုန်ဆုံးသွားသော်လည်း အများမျှော် လင့်သလို ကမ္ဘာ တ၀ှမ်း ငြိမ်းချမ်းရေး အခြေအနေများ ဖြစ်ပေါ်တိုးတက်လာခြင်းမရှိ သေး ကြောင်း၊ ကမ္ဘာ့ လူထုအများစုတို့၏ ဘ၀လုံခြုံရေးဟာ အခုထိ တိုးတက်မလာပဲ ပိုလို့ပင် ဆိုးရွားလာကြောင်း၊ ပိုမိုခြိမ်းခြောက်ခံနေရကြောင်း ပြောကြားသွားသည်။ ထို့အပြင် ငြိမ်းချမ်း ရေးနှင့် ဖွံ့ဖြိုးရေးတို့ တိုက်ရိုက်ဆက်စပ်နေပုံကို နီပေါနိုင်ငံအခြေအနေများနှင့် နှိုင်းယှဉ် တင်ပြသွားသည်။ နီပေါနိုင်ငံတွင် နိုင်ငံရေး အင်အားစုများအကြား လက်နက်ကိုင် ပဋိပက္ခများ အနှစ် (၂၀) နီးပါး ဖြစ်ပွားခဲ့ကြောင်း၊ ထိုပဋိပက္ခများကြောင့် နိုင်ငံ၏ စီးပွားရေးလုပ်ငန်းများ၊ ဖွံ့ဖြိုးရေးလုပ်ငန်းများ ကျဆင်းသွားခဲ့ရကြောင်း ယ္ခုအခါ လက်နက်ကိုင် ပဋိပက္ခများ အဆုံးသတ်သွားပြီး နိုင်ငံရေးအဖြေရှာရေးလမ်းကြောင်းပေါ်သို့ ရောက်ရှိလာပြီဖြစ်ကြောင်း အခုခါ နိုင်ငံရဲ့ ဖွံ့ဖြိုးမှုအနှုန်းထားသည် လေးရာခိုင်နှုန်းခန့် ရှိနေပြီ ဖြစ်ကြောင်း၊ ဒါကြောင့် နိုင်ငံဖွံ့ဖြိုးရေးအတွက် ငြိမ်းချမ်းရေးဟာ မရှိမဖြစ်လိုအပ်ကြောင်းနှင့် ကမ္ဘာ့ ငြိမ်းချမ်းရေး ကောင်စီ၏ ကမ္ဘာတ၀ှမ်းငြိမ်းချမ်းလှုပ်ရှားမှုများကို ၎င်း၏ ပုဂ္ဂိုလ်ရေး အနေဖြင့် လည်းကောင်း၊ နီပေါနိုင်ငံ ပြည်သူများအနေဖြင့်လည်းကောင်း အစွမ်းကုန် အားပေးထောက်ခံ သွားမည် ဖြစ်ကြောင်း ပြောကြားံသွားသည်။

ညီလာခံ ပထမနေ့တွင် ကမ္ဘာ့ငြိမ်းချမ်းရေးကောင်စီ၏ ကမ္ဘာတ၀ှမ်းငြိမ်းချမ်းရေးလှုပ်ရှားမှု များနှင့် ပဋိပက္ခအခြေအနေများကို တင်ပြထားသည့် အစီအရင်ခံစာနှင့် ကမ္ဘာ့ငြိမ်းချမ်းရေး ကောင်စီ၏ လုပ်ငန်းဆောင်ရွက်မှု အခြေအနေများနှင့် ရှေ့လုပ်ငန်းစဉ်များကို ကောင်စီအတွင်း ရေးမှူး မစ္စတာ အီရတ်ကလစ် ( Mr Iraklis) က တင်ပြသွားသည်။ အစီအရင်ခံစာတွင် အာရှနှင့် ပစိဖိတ်ဒေသ အတွင်းနိုင်ငံများYနယ်ချဲ့စံနစ်၏ ဆိုမွေများဖြစ်သည့် အလုပ်လက်မဲ့ ပြဿနာ၊ ဆင်းရဲမွဲတေမှု ပြဿနာ၊ ရောဂါဘယနှင့် သတ္တန္တရ ကပ်ရောဂါများ၊ ခေတ်နောက် ကျကျန်မှုနှင့် လူများစုတို့ ဖယ်ကြဉ်ခံထားရမှု စသည့် လူမှုအနိဋ္ဌာရုံများ ဆက်လက် တည်ရှိနေဆဲဖြစ်သည်။

နိုင်ငံစုံ ကော်ပရေးရှင်းများနှင့် နိုင်ငံတကာ ကုမ္ပဏီိများသည် အာရှဒေသကြီးအား ဈေးပေါ သည့် ကုန်ကြမ်းနှင့် လုပ်အား ဈေးကွက်တခုအဖြစ် သဘောထားကာ ဒေသခံ လက်တဆုပ်စာ အာဏာရ ဖောက်ပြန်ရေးသမားများနှင့် ပေါင်း၍ ထိန်းချုပ်ထားဆဲဖြစ်ကြောင်း၊ ၎င်းဈေးကွက် ထိန်းချုပ်ရေးအတွက် အာရှနိုင်ငံများမှ သုံးစွဲခဲ့သည့် စစ်ရေးအသုံးစရိတ်များသည် လက်ရှိ ဒေသတွင်းပြည်သူများ ခံစား နေရသည့် ဆင်းရဲဒုက္ခများ၊ ပြဿများကို ဖြေရှင်းရန် လိုအပ်သည့် ငွေကြေးပမာဏထက် အဆပေါင်းများစွာ သာလွန်နေကြောင်း၊ တဖန် နိုင်ငံစုံ ကော်ပရေး ရှင်းများ အခြေစိုက်ရာ နိုင်ငံများဖြစ်သည့် ဥရောပ သမဂ္ဂ၏ ပင်လယ်ရပ်ခြား အခြေစိုက်သည့် ၎င်း၏ စစ်တပ်များအတွက် အသုံးစရိတ်သည် သက်ဆိုင်ရာနိုင်ငံများအလိုက်ကျခံသည့် အသုံးစရိတ်မပါဘဲ ၂၀၀၂ခုနှစ်တွင် ယူရိုငွေ သန်း ၃၀ ရှိရာမှ ၂၀၀၉ခုနှစ်တွင် သန်း ၃၀၀ ကျော်သို့ တိုးတက်သွားခဲ့သည်။ အမေရိကန် နိုင်ငံမှ ကျခံ သုံးစွဲမှုသည် ၎င်းပမာဏထက် အဆပေါင်းများစွာ သာလွန်သုံးစွဲခဲ့သည်။

ထို့အပြင် အစီအရင်ခံစာနှိုက် ဒေသတွင်းရှိနိုင်ငံအလိုက် ပြည်သူလူထု၏ လူမှုဘ၀လုံခြုံရေး အခြေအနေ များနှင့် ပြင်ပပယောဂ စွက်ဖက်မှု၊ အမြတ်ထုတ်သွေးစုတ်မှုများကို ဖွင့်ချ ထားသည်။ မြန်မာနိုင်ငံနှင့် ပတ်သက်၍ စစ်အာဏာရှင်စံနစ်၏ ဖောက်ပြန်မှုများ၊ ယ္ခုနှစ် အတွင်း ကျင်းပမည့် ၂၀၁၀ ရွေးကောက်ပွဲတွင် တရားမျှတမှု ဖြစ်ပေါ်ရန် ကင်းမဲ့သည့် အခြေအနေများနှင့် ဒေါ်အောင်ဆန်းစုကြည် အပါအ၀င် နိုင်ငံရေးအကျဉ်းသား၏ အခြေ အနေများကို တင်ပြထားသည်။ ချွင်းချက်မရှိ လွှတ်ပေးရန်လည်း တောင်းဆိုထားသည်။ 

ကမ္ဘာ့ငြိမ်းချမ်းရေးကောင်စီသည် အရောင်တော်လှန်ရေးများ (Colour Revolutions) နှင့် အုပ်စိုးသူပြောင်း (Regine Change) ဟူသည့် ခေါင်းစဉ်များဖြင့် ဒေသတွင်း နိုင်ငံများ၏ ပြည်တွင်းရေးအား ၀င်ရောက်စွက်ဖက်မှုများနှင့် ချိမ်းခြောက်မှုများကို ရှုတ်ချလိုက်ပြီး၊ ဆန့်ကျင် တိုက်ပွဲဝင်သွားရန် နှိုးဆော်ခဲ့ပြီး ဒေသခံပြည်သူများ၏ အချုပ်အခြာအာဏာကို အသိအမှတ်ပြု လေးစားရေးနှင့် ပြည်သူများ၏ လွတ်လပ်ပြီး ဒီမိုကရေစီနည်းလမ်းတကျ ရွေးချယ်ဆုံးဖြတ်ချက်များ၊ တိုက်ပွဲဝင်မှုများကို အားပေးထောက်ခံကြောင်း အစီအရင်ခံစာ၌ ဖော်ပြထားသည်။

ညီလာခံတွင် ဒေသတွင်း နိုင်ငံများအလိုက် လက်ရှိအခြေအနေများကို အပြန်အလှန် ဆွေးနွေး နှီးနှောဖလှယ်ကြပြီး ဗမာပြည်လက်ရှိအခြေအနေနှင့် ပတ်သက်၍ ဦးကျော်သန်းမှ ဦးဆောင်၍ ဆွေးနွေး တင်ပြသွားခဲ့သည်။ ထို့အပြင် လက်ရှိတကမ္ဘာလုံး ရင်ဆိုင်နေရသည့် ပြဿများ ဖြစ်သည့် (၁) ကမ္ဘာ့ ငြိမ်းချမ်းရေးနှင့် သွေးစည်းညီညွတ်မှု တည်ဆောက်ရေးအခြေအနေ (၂) ကမ္ဘာ့စီးပွားပျက်ကပ် ဆိုက်ရောက်မှုနှင့် ဆင်းရဲမွဲတေမှု ဆက်စပ်ချက် (၃) ကမ္ဘာကြီး ပူနွေးလာမှုနှင့် ဖွံ့ဖြိုးဆဲ နိုင်ငံများအပေါ် အကျိုးသက်ရောက်မှု (၄) နိုင်ငံခြားစစ်စခန်းများနှင့် ဒေသတွင်းလုံခြုံရေး (၅) ခေါင်းထောင်လာသည့် လူမျိုးရေး၊ ဘာသာရေး အစွန်းရောက် လှုပ်ရှားမှုများ၊ အကြမ်းဖက်ဝါဒနှင့် ဒေသတွင်း ပဋိပက္ခများနှင့် (၆) နီပေါနိုင်ငံအတွင်း ငြိမ်းချမ်းရေးတည်ဆောက်မှုလုပ်ငန်းစဉ်များနှင့် ပတ်သက်၍ ညီလာခံတွင် နှီးနှောခဲ့ကြသည်။

ညီလာခံအပြီးတွင် ညီလာခံ ဆုံးဖြတ်ချက် မှတ်တမ်းတစောင် ထုတ်ပြန်ခဲ့သည်။ ၎င်းထုတ်ပြန် ချက်တွင် ဗမာပြည်နှင့် ပတ်သက်၍ ဒေါ်အောင်ဆန်းစုကြည်နှင့် နိုင်ငံရေးအကျဉ်းသားများ အမြန်ဆုံး လွှတ်ပေးရေးနှင့် ဗမာပြည်သူများ၏ ဒီမိုကရေစီအရေး တိုက်ပွဲအား အပြည့်အ၀ ထောက်ခံကြောင်း ဆုံးဖြတ်ခဲ့ကြသည်။

ထို့အပြင် အာရှငြိမ်းချမ်းရေး ညီလာခံသို့ တက်ရောက်ခဲ့သည့် မြန်မာကိုယ်စားလှယ်များသည် (၂၀)ရက်နေ့တွင် ပြုလုပ်ခဲ့သည့် ၀န်ကြီးချုပ်၏ နိုင်ငံတော် ဧည့်ခံပွဲတွင် ၀န်ကြီးချုပ်နှင့် တွေ့ဆုံ စကားပြောခွင့် ရခဲ့ပြီး ဗမာပြည်အခြေအနေများကို ဆွေးနွေးတင်ပြနိုင်ခဲ့သည်။ ၀န်ကြီးချုပ် မှလည်း ဗမာပြည်သူများ၏ ဒီမိုကရေစီအရေးကို ထောက်ခံကြောင်းနှင့် ဒေါ်အောင်ဆန်း စုကြည် လွတ်မြောက်ရေးကို ၎င်းအနေဖြင့် တတ်စွမ်းသမျှ ဆောင်ရွက်သွားမည်ဖြစ်ကြောင်း ကတိပေး ပြောကြား သွားသည်။
ကိုကျော်သန်းမှ 8888 People Power တွင် ဖြန့်ဝေသော သတင်းကို ပြန်လည်ဖေါ်ပြပေးခြင်း ဖြစ်ပါသည်။