ငါးကျမ်းပြန်ကျောင်းတိုက် ဆရာတော်များရဲ့ နာဂစ်အလွန် မြန်မာကလေးသူငယ်များ စောင့်ရှောက်ရေး အစီအစဉ် လက်ကမ်းစာစောင်ထွက်ရှိ

ငါးကျမ်းပြန်ကျောင်းတိုက် ဆရာတော်များရဲ့ နာဂစ်အလွန် မြန်မာကလေးသူငယ်များ စောင့်ရှောက်ရေး အစီအစဉ် လက်ကမ်းစာစောင်ထွက်ရှိ
မိုးမခ အထောက်တော် ၀၀၃
သြဂုတ် ၁၃၊ ၂၀၀၈

၂၀၀၈ မေလ ၂ ရက် နာဂစ်မုန်တိုင်းသင့်ပြီးနောက် ကယ်ဆယ်စောင့်ရှောက်ရေး လုပ်ငန်းများကို အလှူဒါနပြု စေတနာဝန်ထမ်း ဆောင်ရွက်လျက်ရှိသော မြန်မာဘုန်းတော်ကြီးကျောင်းများ၊ ဘုန်းတော်ကြီးများအနက် သင်္ကန်းကျွန်း ငါးကျမ်းပြန် ကျောင်းတိုက်၏ အစီအစဉ်တခုအဖြစ် နာဂစ်လွန် မြန်မာကလေးသူငယ်များ စောင့်ရှောက်ရေး နှိုးဆော်သည့် လက်ကမ်းစာစောင်တခု ထွက်ရှိလာသည်ကို တွေ့ရသည်။

မိဘမဲ့၊ အုပ်ထိမ်းသူမဲ့နေသည့် ကလေးသူငယ်များကို စာရင်းကောက်ယူခြင်း၊ ခိုလှုံရန် စီစဉ်ခြင်းနှင့် ပညာသင်ကြားပေးခြင်းတို့ ပြုလုပ်ရန်နှင့် အများအကျိုးမဲ့စေသည့် လမ်းမှားများသို့ မရောက်စေရန်တို့ကို ရည်ရွယ်ပြီး ကိုယ့်အားကိုယ်ကိုး ကုသိုလ်ဖြစ် ထူထောင်သော "Child Aid Foundation" - ကလေးသူငယ်များ စောင့်ရှောက်ရေး အဖွဲ့ ဖြစ်သည်ဟု စာစောင်တွင် ပါရှိသည်။

ငါးကျမ်းပြန်ကျောင်းတိုက်ဆရာတော် ဦးဓမ္မပီယက ရှင်းလင်းပြောကြားရာတွင် - နာဂစ်မုန်တိုင်းသင့်ထားသည် မြန်မာပြည်၏ နေရာဒေသတို့သည် မပြီးဆုံးသေးသော ပန်းချီကားကြီးတခုကို ကြည့်ရသည်နှင့်တူကြောင်း၊ အစစအရာရာ ရေရှည် ၀ိုင်းဝန်း ထူထောင်ရေးတို့ကို အများပြည်သူတို့က ဆက်လက်ဆောင်ရွက်နေရမည် ဖြစ်ကြောင်း၊ ကလေးသူငယ်များမှာ လူကြီးများထက် အားနည်းနိမ့်ကျသဖြင့် ကူညီစောင့်ရှောက်မှုများ အထူးလိုအပ်ကြောင်း၊ ကိုယ်တိုင် မွေးစားခြင်း၊ မမွေးနိုင်ပါက ခိုလှုံသည့်ဌာနများ၊ မိသားစုများကို စာရိတ်ထောက်ပံ့ခြင်း သို့မဟုတ် ပညာရေး ဆုံးခမ်းတိုင် သင်ကြားပေးခြင်း စသည့် အလုပ်တာဝန်များကို ခွဲခြမ်းပြီး ယူကြရန် လိုအပ်ကြောင်း၊ သို့ဖြစ်ပါ၍ ယခုလို ကမကထပြု ဆောင်ရွက်ခြင်း ဖြစ်ကြောင်း မိုးမခသို့ ပြောကြားသည်။

ဆရာတော် ဦးဆောင်သော တကာ၊ တကာမများ စေတနာရှင်များအဖွဲ့သည် မေ၊ ဇွန်၊ ဇူလိုင်လများအတွင်းက ကယ်ဆယ်ရေး ခရီးစဉ် ၆ ကြိမ်ထက် မနည်း သွားရောက်ခဲ့သည်။ ပြည်တွင်း ပြည်ပက အလှူခံရရှိသမျှကို စုဆောင်းလက်ခံလျှက် ကုန်းလမ်း၊ ရေလမ်း သာမက ခြေလျင်ခရီးများနှင့် ရွာစွန် ရွာဖျားများအထိ ကိုယ်တိုင် ကိုယ်ကျ သွားရောက် ဆောင်ရွက်ခဲ့ကြသည်ဟု ဆိုသည်။

ဆရာတော်နှင့်တကွ အခြား မြန်မာပြည်အသီးသီးက သာသနာပြု ဆရာတော်များ အချင်းချင်း တိုင်ပင်အသိပေးကြလျက် အလှူရှင်များ၊ စေတနာဝန်ထမ်း လုပ်အားပေးများ၊ ဒေသခံ ပြည်သူ့ အင်အားများနှင့် ထိရောက်သော အလှူဒါန လုပ်ငန်း၊ ကယ်ဆယ်ရေးနှင့် စောင့်ရှောက်ရေး လုပ်ငန်းတို့ ဆောင်ရွက်နိုင်ခဲ့သည်ဟု မျက်မြင်တို့က မှတ်ချက်ပေးသည်။

ဆရာတော်ကို ဆက်လက်ဆောင်ရွက်စရာရှိသည့် ကူညီစောင့်ရှောက်ရေး ကဏ္ဍများအကြောင်းကို မေးမြန်းကြည့်ရာတွင် -

စံပြ ကျေးရွာများ တည်ဆောက်ပေးခြင်း၊ ထိုကျေးရွာများတွင် ဘေးရန်များကို ကာကွယ်နိုင်မည့် ခိုင်ခန့်သည့် အရေးပေါ်အဆောက်အဦ ဆောက်လုပ်ပေးခြင်း၊ ဥပမာ ၂ ထပ် ကျောင်းဆောင်များ ဆောက်လုပ်ထားပြီး အောက်ထပ်ကို စာသင်ကျောင်းများအဖြစ် သာမန်အချိန်တွင် သုံးစွဲခြင်း၊ စားရေ ရိက္ခာများ ထောက်ပံ့ လှူဒါန်းခြင်း၊ ဆေးကုသ ပြုစုမှု ကာကွယ်မှုများ ဆောင်ရွက်ခြင်း၊ လူမှုဘ၀များ ပြန်လည်ထူထောင်နိုင်အောင် ထောက်ကူခြင်းနှင့် ယခုအစီအစဉ်ကဲ့သို့ ကလေးသူငယ်များ စောင့်ရှောက်ခြင်း တို့ကို ဆောင်ရွက်နိုင်ပါက မုန်တိုင်းသင့် ဒေသများနှင့် ပြည်သူတို့ အကျိုးရှိမည်ဟု ဖြေကြားသည်။

"ဆရာတော်ကြီးတွေဆိုရင် ပထမ ၀တ္ထု (ငွေကြေး) နဲ့ အမိုးအကာတွေ ရွာခံတွေကို ပေးလှူလိုက်တယ်။ ဒုတိယ ကွင်းဆင်းကြည့်ပြီး တကယ်ဆောင်ရွက်နိုင်သလား၊ တခြား အခက်အခဲတွေ ရှိသလားဆိုတာကို ကြည့်ပြီးတော့မှ နောက်ထပ် ဆက်ပြီး ထောက်ပံ့တယ်။ အဲသည်တော့ နှစ်ဦး နှစ်ဖက် အလုပ်လုပ်ရတာ အကျိူးရှိတယ်။ တိုးတက်မှုတွေကိုလည်း မြင်ရတယ်။ …" ဟု ဆရာတော်က အမိန့်ရှိသည်။

ကျေးရွာများတွင် အရေးပေါ် အဆောက်အဦများကို ဆောက်လုပ်ရာတွင် ကုလနှင့် နိုင်ငံတကာ ထောက်ပံ့ရေးအဖွဲ့များ၏ သတ်မှတ်သည့် စာရိတ်ထက် သက်သာအောင်၊ စာတွေ့ထက် လက်တွေ့ကျအောင် ဆောက်လုပ်နိုင်ကြလျင် ကျေးရွာ အမြောက်အများကို သဘာဝဘေးဒဏ်ကာကွယ်ရေး ဆောင်ရွက်နိုင်မည် ဖြစ်သည်ဟု ဆရာတော်က မိန့်ကြားသည်။ ကမ္ဘာတွင် သဘာဝဘေးအန္တရာယ်တို့ တောက်လျောက် နှောက်ယှက်နေကြပြီ ဖြစ်ရာ နာဂစ်မုန်တိုင်း တခါဝင်ပြီးနောက်ပိုင်း နောက် မလာနိုင်တော့ဘူးဟု မပြောနိုင်ကြတော့ကြောင်း၊ ယခုဆိုလျင် ဂေဟစနစ်တို့ကို မုန်တိုင်းဖျက်ဆီးလိုက်ပြီးနောက်ပိုင်း သဘာဝဘေးတို့ ပို ရင်ဆိုင်ရဖွယ်ရှိသည်ဟု မှတ်ချက်ပေးသည်။

မိုးမခဘလော့မှကုးယူဖေါ်ပြပါသည်။