3.20.2009

ခေါင်းဆောင်မှု စိန်ခေါ်သံနှင့် ဒဏ္ဍာရီ အပြင်က ခေါင်းဆောင်များ


နဂါးနှင့် သန်းမွှား
"ကမ္ဘာသမိုင်းမှာ ဒီနေ့လောက် ခေါင်းဆောင်ရှားပါးတဲ့ကာလမျိုး ရှိခဲ့ဖူးမယ်လို့ ကျွန်တော်မထင်ဘူး" မျက်မှောက်ခေတ် ပြင်သစ်သမိုင်းပညာရှင်များအနက် ထိပ်တန်းကပါဝင်သူ 'ယန်းလာကိုတူး' ၏ စကား ဖြစ်ပါသည်။ သူသည် ကမ္ဘာ့ခေါင်းဆောင်စာရင်းဝင်ဖြစ်သော ပြင်သစ်သမ္မတ ချားလ်စ်ဒီဂေါ၏ အတ္ထုပ္ပတ္တိကို ရေးသားသူလည်းဖြစ်သည်။
"ခေါင်းဆောင်တွေ တကယ်ရှိရက်သားနဲ့ ကျွန်တော်ကိုယ်တိုင် နမော်နမဲ့ဖြစ်ပြီး မတွေ့မိတာလားလို့ ပြန်ဆန်းစစ်ပါတယ်။ ဒီလိုလည်း မဟုတ်ပါဘူး။ ဘာကြောင့်လည်းဆိုတော့ ဒီကနေ့ ကျွန်တော်တို့ ရင်ဆိုင်တိုးနေရတဲ့ အခြေအနေဆိုးတွေကို ဘယ်သူကမှ ဦးဆောင်ဖြေရှင်းပေးတာ မတွေ့ရလို့ပါပဲ။ ကမ္ဘာ့ခေါင်းဆောင်ဆိုသူတွေလည်း ဘယ်သူမှရှေ့ ထွက်ပြီး ဦးမဆောင်ပါဘူး"
ယန်းလာကိုတူးနှင့် အမြင်တူသူ မနည်းပါလှပေ။ ယင်းတို့အနက် ဂျာမနီနိုင်ငံ ကိုလုန်းတက္ကသိုလ်က လူမှုဗေဒပါမောက္ခ အက်ဒွင်ရူးက ဤသို့ပြောသည်။
"ကမ္ဘာ့နိုင်ငံရေးလောကမှာ ရွက်ကြမ်းရေကြိုတွေပဲ ဦးဆောင်နေပုံပေါက်ပါတယ်။ စီးပွားရေး လုပ်ငန်း နယ်ပယ်မှာ ရှိတဲ့ ပီတာနိယာမ (Peter Principle) ဟာ ကမ္ဘာ့နိုင်ငံရေးနယ်ပယ်မှာပါ မှန်ကန်နေပုံပဲ။ ပီတာနိယာမက ဘာပြောသလဲဆိုတော့ လူရည်ထက်တွေကို ရွေးချယ်စရာမရှိရင် ရွက်ကြမ်းရေကြိုတွေပဲ တက်လာမှာပဲတဲ့"
၁၉၉၃ ခုနှစ် သမ္မတကလင်တန် အစိုးရဖွဲ့ပြီး လပိုင်းအကြာတွင် American Enterprise မဂ္ဂဇင်းကြီးက စစ်တမ်း တစ်ခု တင်ပြခဲ့သည်။ ထိုအချိန်မှာ ကမ္ဘာ့ထိပ်သီး စက်မှုနိုင်ငံ ခုနစ်နိုင်ငံ (G7) တို့က တိုကျိုတွင် အစည်းအဝေးလုပ်ရန် စိုင်းပြင်းနေချိန်ဖြစ်၏။ မိမိတို့ နိုင်ငံရေးခေါင်းဆောင်၏ ပဲ့ကိုင်ခေါ်ဆောင်ရာနောက်သို့ လိုက်ပါနေရသည့် မိမိတို့နိုင်ငံ၏ လားရာနှင့်ပတ်သက်ပြီး သက်ဆိုင်ရာ ပြည်သူပြည်သားတို့ထံ ဆန္ဒခံယူရာ အမေရိကန် ၇၁ ရာခိုင်နှုန်း၊ ကနေဒါ ၇၀ ရာခိုင်နှုန်း၊ ဗြိတိန် ၆၃ ရာခိုင်နှုန်း၊ ပြင်သစ် ၆၁ ရာခိုင်နှုန်းက 'သဘောမကျ၊ မလိုလားကြောင်း' တွေ့ရှိခဲ့ရပါသည်။ ထို့ကြောင့်ပင် အမေရိကန်နိုင်ငံခြားရေးဝန်ကြီးဌာနက ကမ်းလှမ်းလာသည့် ထိပ်တန်းရာထူးတစ်ခုကို လက်သင့်မခံ ငြင်းဆန်ခဲ့သူ မိုက်ကယ်မန်ဒယ်ဘောင်းက 'တိုကျိုမှာလုပ်မယ့် အစည်းအဝေးဟာ ကမ္ဘာပေါ်မှာ အားအကြီးဆုံးနိုင်ငံတွေရဲ့ အစည်းအဝေးဖြစ်ပြီး ကမ္ဘာပေါ်မှာ အားအပျော့ဆုံးခေါင်းဆောင်တွေရဲ့ အစည်းအဝေးလည်း ဖြစ်တယ်' ဟု ရက်ရက်စက်စက် ဝေဖန် ပြောဆို ခဲ့ခြင်းဖြစ်သည်။
စစ်တမ်းယူခဲ့သည့် အဆိုပါနိုင်ငံကြီးများတွင် ခေါင်းဆောင်ဖြစ်ဖို့ဆိုသည်မှာ လွယ်ကူလှသည် မဟုတ်ပါ။ နိုင်ငံသား အများစု၏ ရွေးချယ်တင်မြှောက်မှုဖြင့်သာ ခေါင်းဆောင်ဖြစ်ရသော စနစ်အောက်တွင် နိုင်ငံသားအများစု သဘောကျနှစ်သက်နှိုင်သည့် အရည်အသွေးများ မြင်သာထင်သာအောင် ပြသနှိုင်ဖို့ လိုသည်။ အထူးသဖြင့် G7 ၀င်နိုင်ငံမျိုးက နိုင်ငံသားတို့အနေနှင့် ကမ္ဘာကို ၀င်ဆန့်နှိုင်သည့် ပုဂ္ဂိုလ်မျိုးကိုသာ သူတို့ ခေါင်းဆောင်အဖြစ် လိုလားမည် အမှန်ပင်။ ထိုသို့ စိစိစစ်စစ် ရွေးချယ်ခဲ့ပါလျက် ခေါင်းဆောင်အဖြစ်သို့ ရောက်ရှိပြီး ဖင်မနွေးခင်မှာပင် နိုင်ငံသားအများစုတို့က မနှစ်လို့တော့ကြောင်း ပြသပြန်သည်ကား မှန်းချက်နှင့် နှမ်းထွက် မကိုက်မှုကြောင့်ဟုပင် ဆိုရပါလိမ့်မည်။
လန်ဒန်တိုင်းသတင်းစာ၏ ပင်တိုင်ဆောင်းပါးရှင် နောမန်စတုန်းက ယင်းအခြေအနေကို ဂျာမန် ဒဿနဆရာကြီးနီရှေး၏ စကားဖြင့် ဤသို့သရုပ်ဖော်သည်။ 'စိုက်ပျိုးတုန်းက နဂါးများ၊ ရိတ်သိမ်းရတော့ သန်းမွှား' ဟူ၍တည်း။

ခေါင်းဆောင်မှု စိန်ခေါ်သံ

ပြောင်းလဲမှုအရှိန်အဟုန် မြန်လွန်းထန်လွန်းသော မျက်မှောက်ကမ္ဘာကြီးအတွင်း၌ ခေါင်းဆောင်ရှားပါးမှုသည် ဖြစ်နှိုင်ကောင်းသော ခြင်းရာတစ်ရပ်ဟု ဆိုရမည်။ ပြောင်းလဲမှုနှင့်အတူ စိန်ခေါ်မှုအသစ်များ ပြဿနာ အသစ်များလည်း ဘွားကနဲ ဘွားကနဲ ဒွန်တွဲပေါ်ထွန်းလာသောကြောင့် ဖြစ်သည်။ ထို့ကြောင့် ကမ္ဘာ့ ခေါင်းဆောင်တစ်ယောက်၏အဖြစ်မှာ 'မဗေဒါက တစ်ပင်တည်း' ဆိုသည့်အဖြစ်ထက် ပိုမိုဆိုးဝါးဖွယ်ရှိသည်။ ပန်းပန်ဖို့ဝေးစွ၊ အထောင်အသောင်းသော ပြဿနာဘဲအုပ်တို့၏ အယက်အကန်ကြားဝယ် အပိုင်းပိုင်း ပြတ်တောက်ကြေမွပြီး လွင့်ပျောက်မသွားဖို့ပင် အတော်ကြီး ဘုရားတနေရမည့်ကိန်း။
သို့သော် စိန်ခေါ်နေသောပြဿနာတို့ကို အကောင်းဖက်မှ ရှုမြင်နှိုင်ပါသေးသည်။ စိန်ခေါ်မှုကို အခွင့်အလမ်း ကောင်းအဖြစ် ခံယူပြီး အောင်မြင်မှုကို ရယူနှိုင်ပါသည်။ အကြပ်အတည်းက ခေါင်းဆောင်ကို မွေးဖွား ပေးသည်ဆိုသော စကားသည် ဤသို့သော အလှည့်အပြောင်းကို ရည်ညွှန်းခြင်းမဟုတ်လော။ စိန်ခေါ်မှုတို့ကို ဦးဆောင်ရင်ဆိုင်၍ အောင်မြင်မှုကို ဦးဆောင်ရယူသူကိုပင် ခေါင်းဆောင်ဟု ခေါ်ဝေါ်သမုတ်ခြင်း မဟုတ် ပါလော။ စိန်ခေါ်မှုတို့ကြောင့် ခေါင်းဆောင်များရှိနှိုင်သကဲ့သို့ သစ်ထွန်းလာသော ခေါင်းဆောင်များလည်း ရှိမည် အမှန်ပင်။
စိန်ခေါ်မှုတို့ကား ကမ္ဘာ့နိုင်ငံရေးနယ်ပယ်၌သာ ရှိသည်မဟုတ်ပေ။ နယ်ပယ်အသီးသီးတွင် ရှိနေသည်။ နယ်ပယ်အသီးသီးတွင် ပြဿနာမျိုးစုံနှင့် ရှုပ်ထွေးပွေလီနေသောကြောင့် လက်ရှိကမ္ဘာ့အနေအထားကို ကမ္ဘာ့ပုံစံပျက်အသစ် (The New World Disorder) ဟုပင် ခေါ်ဝေါ်သူများ ရှိနေသည်။ သို့သော် နယ်ပယ်ပေါင်းစုံမှ စိန်ခေါ်သံပေါင်းစုံ ထွက်ပေါ်နေခြင်းကို လူသားတိုင်းအတွက် ခေါင်းဆောင်ဖြစ်ဖို့ အခွင့်အလမ်းများဟု မျှော်လင့်နှိုင်သည်။ လူမှုရေး စီးပွားရေး အိမ်ထောင်ရေးမှသည် ပညာရေး၊ နိုင်ငံရေး၊ ဘာသာရေးအဆုံး နယ်ပယ်အသီးသီးမှ သောသောညံညံ ထွက်ပေါ်နေသော စိန်ခေါ်သံတို့သည် ခေါင်းဆောင်သစ်တို့ကို လက်ယပ်ဖိတ်ခေါ်နေခြင်းပင်တည်း။

ဒဏ္ဍာရီနှင့် အမှန်တရား
ခေါင်းဆောင်မှုအတွက် စိန်ခေါ်သံတို့မည်မျှညံနေသော်လည်း လူများစုသည်ကား ကိုယ်နှင့်မဆိုင်သယောင် ဖာသိဖာသာနေကြသည်။ ဤသည်ပင် 'ခေါင်းဆောင်ရှားကမ္ဘာကြီး' အတွက် အနာဂတ်မဲ့ဖို့ အလားအလာဖြစ်နေသည်။ လူများစုအနေနှင့် ခေါင်းဆောင်မှုကို ရှောင်ရှားခြင်းသည် ဒဏ္ဍာရီတို့ လွှမ်းမိုးမှုကြောင့်ဟု ခေါင်းဆောင်မှုပညာရှင်တို့က ထောက်ပြကြသည်။ သူရသတ္တိကင်းမဲ့ခြင်းကြောင့်မဟုတ်။ စွမ်းဆောင်ရည်ချို့တဲ့သောကြောင့်မဟုတ်။ ခေါင်းဆောင်မှုနှင့် ပတ်သက်၍ လွဲလွဲမှားမှား ဒဏ္ဍာရီစကားတို့ကို ယုံမှတ်လက်ခံထားသောကြောင့်သာဟု ဆိုသည်။ ယုံတမ်းဒဏ္ဍာရီတို့ကား အမှန်တရားကို ဖုံးကွယ် ဖျောက်ဖျက် သည့် ကိရိယာတစ်မျိုး ဖြစ်၏။
ဒဏ္ဍာရီက ခေါင်းဆောင်ဟူသည် တန်ခိုးသိဒ္ဓိနှင့် ပြည့်စုံသော မဟာပါရမီရှင်များဖြစ်သည်ဟု ဆိုသည်။ အမှန်မူကား ခေါင်းဆောင်တို့၏စွမ်းအားသည် တန်ခိုးသိဒ္ဓိမှ လာသည်မဟုတ်။ ရည်မှန်းချက်တစ်ခုအပေါ် ပြင်းထန်စွာ သက်ဝင်ယုံကြည်မှုမှ လည်းကောင်း၊ မိမိ၏ ယုံကြည်ချက်ကို လက်တွေ့ အကောင်အထည် ဖော်လိုသည့် ဆန္ဒမှလည်းကောင်း ပေါ်ထွက်လာခြင်းသာ ဖြစ်သည်။
ဒဏ္ဍာရီက ခေါင်းဆောင်ဟူသည် တမန်တော်ပရောဖက်များကဲ့သို့ လာမည့်အနာဂတ်ကို အတိအကျ ဟောဖော်ညွှန်ပြနှိုင်သူဟု ဆိုသည်။ အမှန်မူကား ခေါင်းဆောင်ထံတွင် အနာဂတ်ရုပ်ပုံတစ်ခုရှိသည်ဆိုရာ၌ ယင်းအနာဂတ်ရုပ်ပုံသည် ထူးခြားဆန်းကြယ်သည့် စိတ်တန်ခိုးမှ ထွက်ပေါ်လာခြင်းမဟုတ်။ နောက်လိုက်တို့၏ ရည်မှန်းချက်နှင့် မိမိ၏ကိုယ်ပိုင်အတွေးအခေါ်တို့မှ ထွက်ပေါ်လာခြင်းသာဖြစ်သည်။
ဒဏ္ဍာရီက ခေါင်းဆောင်ဟူသည် အံ့မခန်းစွန့်စားမှုတို့ဖြင့် နောက်လိုက်တို့ကို ဆွဲဆောင်ကာ သူအလိုရှိရာသို့ ခေါ်သွားတတ်သူဟု ဆိုသည်။ အမှန်မူကား စွန့်စားခန်းတို့ဖြင့် ဆွဲဆောင်ခြင်းမဟုတ်။ နောက်လိုက်တို့၏ ရည်မှန်းချက်များကို လေးလေးစားစား တန်ဖိုးထားသောကြောင့် သူထံပါးသို့ နောက်လိုက်များ ၀န်းရံချဉ်းကပ်လာခြင်းသာ ဖြစ်သည်။
ဒဏ္ဍာရီက ခေါင်းဆောင်ဟူသည် ထိပ်ဆုံးတွင် တစ်ကိုယ်တည်း တည်ရှိသူဟု ဆိုသည်။ အမှန်မူကား ခေါင်းဆောင်တို့သည် နောက်လိုက်များနှင့် ဆွေမျိုးရင်းချာကဲ့သို့ ချစ်ခင်ရင်းနှီးစွာ နေထိုင်သူဖြစ်သည်။
ဒဏ္ဍာရီက ခေါင်းဆောင်ဟူသည် သူတပါးကို ထိမ်းချုပ်သူဖြစ်သည်ဟု ဆိုသည်။ အမှန်မူကား ခေါင်းဆောင် တို့သည် သူတစ်ပါးကို မထိမ်းချုပ်။ သူတစ်ပါးကို အစွမ်းထက်ထက် အလုပ်လုပ်လာနှိုင်အောင် အားပေး ကူညီသူသာ ဖြစ်သည်။
ဒဏ္ဍာရီတို့သည် ခေါင်းဆောင်ကို လူ့လောက၏အထက်သို့ ပို့ဆောင် ထားကြသည်။ ကောင်းကင်ဆန်သော အထွတ်အမြတ်နေရာ၌ တစ်သီးတစ်သန့် ထားကြသည်။ သို့သော် ခေါင်းဆောင်မှုသည် နေရာဌာနတစ်ခုမဟုတ်။ သက်ဝင်လှုပ်ရှားမှုဖြစ်စဉ်တစ်ခုသာ ဖြစ်၏။ ခေါင်းဆောင်၏ အနှစ်သာရကို နေရာဌာနဖြင့် ဖော်ကျူး၍မရ၊ လက်တွေ့အလုပ်တို့ဖြင့်သာ ဖော်ကျူးရပါမည်။

ခေါင်းဆောင်တို့၏ မဂ္ဂင်၅ပါး
ဒဏ္ဍာရီမာယာတို့၏ လွှမ်းမိုးဖမ်းစားမှုကို သုတ်သင်ဖယ်ရှားလိုက်မည်ဆိုလျှင် ခေါင်းဆောင်ဟူသည် လူထဲကလူသာဖြစ်ကြောင်း ထင်းထင်းကြီး မြင်သိပါမည်။ ခေါင်းဆောင်ဟူသည် မွေးရာပါ တန်ခိုးရှင်မဟုတ်။ ဗီဇပါသိဒ္ဓိရှင် မဟုတ်။ သို့သော် သူတို့၌ထူးခြားသော စွမ်းဆောင်အောင်မြင်ချက်များ ရှိသည်။ 'ခေါင်းဆောင်မှုစိန်ခေါ်သံ' ဟူသော စာအုပ်ကို ရေးသားသူ ဂျိမ်းကိုဇက်နှင့် ဘာရီပေါ့ဆနာတို့က ခေါင်းဆောင်တို့၏ ထူးကဲသော စွမ်းဆောင်အောင်မြင်ချက်များကို မြစ်ဖျားခံရာတွင် ခေါင်းဆောင်ဟူသမျှ၌ မချွတ်မယွင်းရှိနေသော ကျင့်စဉ်ငါးပါးကို တွေ့ရှိခဲ့ပါသည်။

၁။တည်ဆဲဖြစ်စဉ်ကို စိန်ခေါ်ခြင်း
ခေါင်းဆောင်မှုသည် အသေရပ်နေသော ဖြစ်စဉ်မဟုတ်။ လှုပ်ရှားရှင်သန်နေသော ဖြစ်စဉ်ဖြစ်၏။ ခေါင်းဆောင်အများစုက သူတို့၏ အောင်မြင်မှုသည် 'အချိန်ကိုက်နေရာကိုက်ဖြစ်ခြင်း' 'အခွင့်ကောင်းနှင့် ကြုံကြိုက်ခြင်း' ဟု အကြောင်းပြတတ်သည်။ သို့သော် မည်သည့်ခေါင်းဆောင်မျှ 'ကံကြမ္မာ၏မျက်နှာသာပေးမှု' ကို ငုတ်တုတ်ထိုင်စောင့်ပြီး မျှော်တလင့်လင့် လုပ်မနေကြ။ ဒဏ္ဍာရီထဲကခေါင်းဆောင်သည် အေးဆေး တည်ငြိမ်မှုရှိသော အစုအဖွဲ့ကိုကြည့်ပြီး သာယာကြည်နူးတတ်သူဖြစ်သော်လည်း လက်တွေ့ ခေါင်းဆောင် တို့သည်ကား တည်ဆဲအနေအထားကို ပြောင်းလဲပစ်ရေးအတွက် အစုအဖွဲ့ကို လှုပ်ရမ်းသူများ ဖြစ်နေကြသည်။
ခေါင်းဆောင်တို့သည် လက်ရှိအနေအထားကို တင်းတိမ်ရောင့်ရဲခြင်း မရှိတတ်။ ပိုမိုကောင်းမွန်သော အဆင့်သို့တက်ရန် နည်းလမ်းသစ်များ ရှာဖွေတွေ့ရှိဖို့အတွက် မသိကျွမ်းသော နယ်မြေစိမ်းများဆီသို့ ခြေချလိုသူများ ဖြစ်သည်။ ထို့ကြောင့် စိန်ခေါ်သံကို နားစိုက်သည်။ စိန်ခေါ်ချက်ကို ရှာဖွေသည်။ သို့မဟုတ် သူကိုယ်တိုင်က စိန်ခေါ်သံပေးလေသည်။

၂။ အများကြိုက်အနာဂတ်ရုပ်ပုံကို ဖန်တီးတင်ပြခြင်း

အနာဂတ်သည် မသေချာ မရေရာမှုတို့ပြည့်နေသော နယ်မြေစိမ်းတစ်ခုဖြစ်သည်။ ယင်းနယ်မြေစိမ်းသို့ သက်သာ ချောမောစွာ သွားနှိုင်သော လမ်းမရှိ။ ကန္တာရခရီးကြမ်းနှင့် ခရောင်းတောသာရှိသည်။ ထို့ကြောင့် ခေါင်းဆောင်သည် သူ၏ အမျှော်အမြင်ဖြင့် အနာဂတ်ကို အိပ်မက်မက်ကြည့်သည်။ စိတ်ကူးပုံဖော်ကြည့်သည်။ သို့ဖြင့် ဖြစ်သင့်ဖြစ်ထိုက်သော ဖြစ်နှိုင်ဖွယ်ရှိသော ဖြစ်စေချင်သော အနာဂတ်ရုပ်ပုံလွှာတစ်ခု ပေါ်ထွန်းလာသည်။ ခေါင်းဆောင်မှန်လျှင် ယင်းကဲ့သို့ အနာဂတ်ရုပ်ပုံလွှာတစ်ခုကို ကြည်လင်ပြတ်သားစွာ ပုံဖော်စိတ်ကူးနှိုင်ရမည်။
သို့သော် ကိုယ်တစ်ယောက်တည်း သိမြင်နေရုံနှင့် မလုံလောက်။ သူတစ်ပါးကို တင်ပြနှိုင်ရမည်။ အနာဂတ်ရုပ်ပုံကို ဖန်တီးပြီး အသက်သွင်းရမည်။ သူ၏ စိတ်ကူးအိပ်မက်သည် သူ့အစုအဖွဲ့၏ စိတ်ကူးအိပ်မက်အဖြစ်သို့ ရောက်ရှိရေးအတွက် ကြည်လင်ပြတ်သားသော ဖော်ကျူးတင်ပြမှုကို အားထုတ်ရမည်။ အနာဂတ်နှင့် ပတ်သက်၍ မရေမရာဖြစ်နေသူများ ၀ိုးတ၀ါးဖြစ်နေသူများ သို့မဟုတ် အနာဂတ်ပျောက်နေသူများအတွက် ခေါင်းဆောင်က တင်ပြသော အနာဂတ်ဒီဇိုင်းသည် တကယ့်အားဆေး။ 'အနာဂတ်ရုပ်ပုံမရှိလျှင် ပျက်စီးကြအံ့' ဟူသော ဘိုင်ဘယ်ကျမ်းလာစကားသည် ခေါင်းဆောင်တို့အတွက် လက်စွဲစကားဖြစ်၏။

၃။ အခြားသူတို့ ပါဝင်လုပ်ကိုင်အောင် အားပေးခြင်း

အနာဂတ်ကို အကောင်အထည်ဖော်ရာတွင် ကိုယ်တစ်ဦးတည်းနှင့် မဖြစ်နှိုင်သည်ကို ခေါင်းဆောင်တို့ သိကြသည်။ အစုအဖွဲ့အတွင်း ထူးကဲသော စွမ်းဆောင်အောင်မြင်မှုတို့ကို ရရှိနှိုင်ရေးအတွက် လုပ်ဖော်ကိုင်ဖက်များလိုအပ်သည်ကို သူတို့ မမေ့ကြ။ ထို့ကြောင့်ပင် ခေါင်းဆောင်တို့သည် မိသားစုကဲ့သို့ ရင်းနှီးခိုင်မာသော အစုအဖွဲ့များကို ဖန်တီးကြသည်။
ခေါင်းဆောင်တစ်ယောက်အဖို့ အောင်မြင်မှုဟူသည်မှာ 'မိမိ၏အောင်မြင်မှု' မဟုတ်ပေ။ 'မိမိတို့၏ အောင်မြင်မှု' သာဖြစ်သည်။ ထို့ကြောင့် စွမ်းဆောင်ချက်မှာလည်း 'မိမိ၏စွမ်းဆောင်ချက်' မဟုတ်။ 'မိမိတို့၏ စွမ်းဆောင်ချက်သာ' ဖြစ်၏။ ထို့ကြောင့် ခေါင်းဆောင်သည် မိမိ၏ နောက်လိုက်များ စွမ်းဆောင်ရည်ထက်မြက်ရေးကို အားပေးကူညီသည်။ ခေါင်းဆောင်၏ အားပေးမှုကြောင့်ပင် နောက်လိုက်များ၏ စွမ်းရည်များ တိုးပွားလာခြင်းနှင့်အတူ ထက်မြက်သော လုပ်ကိုင်မှုတို့လည်း ပေါ်ထွန်းလာခဲ့သည်။ နောက်ဆုံးတွင် ယင်းနောက်လိုက်တို့သည် ခေါင်းဆောင်များ ဖြစ်လာကြသတည်း။

၎။စံပြနမူနာဖြစ်ခြင်း
'အလုပ်အကိုင်က လုပ်ပိုင်ခွင့်ကို ပေးပြီး၊ အပြုအမူက လေးစားမှုကို ပေးသည်' ဟူသောစကားရှိ၏။ ခေါင်းဆောင်တို့က နောက်လိုက်တို့ကို အကဲဖြတ်သကဲ့သို့ နောက်လိုက်တို့ကလည်း ခေါင်းဆောင်ကို အကဲဖြတ်နေပါသည်။ နောက်လိုက်တို့အနေနှင့် ခေါင်းဆောင်၏ အပြုအမူသည် ခေါင်းဆောင်၏တန်ဖိုးကို ဖော်ပြချက်ဖြစ်သကဲ့သို့ မိမိတို့ဆောင်ရန်ရှောင်ရန် စံနမူနာများလည်း ဖြစ်နေသည်။ 'ငါတို့ခေါင်းဆောင်ဟာ သူပြောတဲ့အတိုင်း လက်တွေ့လုပ်ရဲ့လား' ဟူသောမေးခွန်းသည် နောက်လိုက်တို့သုံးသည့် မှတ်ကျောက် ပင်ဖြစ်၏။
အစုအဖွဲ့တစ်ခု၏ အောင်မြင်မှုရရှိရေးအတွက် စကားလုံးများ စီမံချက်များနှင့် လုံလောက်ခြင်းမရှိပါ။ ခေါင်းဆောင်တို့သည် မိမိ၏ယုံကြည်ချက်တို့ကို ကိုယ်တိုင် သရုပ်ဖော်ပြကြသည်။ အပြောကို လက်တွေ့လုပ်ပြကြသည်။ အပြောနှင့်အလုပ် တစ်ထပ်တည်းကျခြင်းသည်ပင် ခေါင်းဆောင်၏ ယုံကြည်စိတ်ချရမှု ဖြစ်လေသတည်း။

၅။စိတ်ဓာတ်ခွန်အား တိုးမြှင့်ပေးခြင်း
အောင်မြင်မှုသို့သွားရာလမ်းသည် ခက်ထန်ကြမ်းတမ်းသော တောင်ထွတ်တောင်ထိပ်သို့ တက်ရသည်နှင့် အလားတူသည်။ ပင်ပန်းဆင်းရဲမှုကို ဇွဲရှိရှိနှင့် ဖြတ်ကျော်နှိုင်ဖို့ လိုအပ်သည်။ ခေါင်းဆောင် နောက် လုိက်ပါသူ တို့မှာ လမ်းခုလပ်တွင်ပင် အားအင်ကုန်ခမ်းသွားတတ်သည်။ လက်လျှော့သွားတတ်သည်။ ထို့ကြောင့် နောက်လိုက်များ ရှေ့သို့ ဆက်လက်လိုက်ပါလာအောင် ခေါင်းဆောင်တို့သည် စိတ်ဓာတ်ခွန်အား သွင်းပေး ကြသည်။
ကုမ္ပဏီကြီးတစ်ခု၏ အမှုဆောင်အရာရှိချုပ်ဖြစ်သူ ဇဖီရိုပိုလိုက သူ၏၀န်ထမ်း ၂၀၀၀ ကျော်ကို နှစ်ပတ်လည် ဆုကြေးပေးအပ်ရာတွင် တကယ့်အခန်းအနားကြီးလုပ်ပြီး ပေးသည်။ 'ဆုကြေးပေးလျှင် စာတိုက်ကပို့ပြီး ပေးတာမျိုး မလုပ်ပါနှင့်။ အခန်းအနားနှင့် ပေးပါ' ဟူသော စကားကို သူလက်ကိုင်ထားသည့် စိတ်ဓာတ် ခွန်အားသွင်းနည်း တစ်မျိုးဖြစ်ပါ၏။
နောက်လိုက်တို့အနေနှင့် မိမိတို့လုပ်ခဲ့ပြီးသမျှအပေါ် ခေါင်းဆောင်တို့က အသိအမှတ်ပြု တန်ဖိုးထား ခြင်းလောက် စိတ်အားတတ်စရာ မရှိ။ ဤအချက်ကို ခေါင်းဆောင်တို့ သိကြသည်။ ကိုယ့်ကိုကိုယ် အောင်ပွဲနှင့် ထိုက်တန်သူများအဖြစ် သဘောပေါက်လာကြသည်။ ယင်းသို့ သဘောပေါက်သွားသူတို့အဖို့ ခေါင်းဆောင်၏ နောက်သို့ ဆက်မလိုက်ဘဲ လက်လျှော့ကျန်ရစ်ခြင်းလောက် ရှက်စရာအလုပ်မျိုးမရှိပြီ။ စိတ်ဓာတ် ခွန်အားသွင်းပေးနှိုင်သော ခေါင်းဆောင်နောက်က လိုက်ပါရခြင်းသည် စိတ်ပျက်စရာမကောင်းဘဲ ပျော်ရွှင်ဖွယ် ကောင်း နေသည်။ ထပ်ရောက်မှ ပျော်ရွှင်မှုကို ရရှိသည်မဟုတ်။ တောင်တက်ရင်းနှင့်ပင် ပျော်ရွှင်မှု ရနေသည်။ စင်စစ် ယင်းသည်ပင် အောင်မြင်မှုပေတည်း။

နောက်လိုက်တို့၏မျှော်လင့်ချက်
အစုအဖွဲ့တို့အတွင်း၌ ထူးကဲသော အောင်မြင်မှုကို ရရှိစေနှိုင်ခဲ့သော ခေါင်းဆောင်မှန်သမျှ၏ အကျင့်အကြံ ငါးမျိုးကား 'ခေါင်းဆောင်မှု' ဟူသော ဇတ်ထုပ်၏ တစ်ဝက်မျှသာဖြစ်ပါ၏။ စင်စစ် 'ခေါင်းဆောင်မှု' သည် ခေါင်းဆောင်တို့၏ အကြောင်းအရာသက်သက် မဟုတ်ပါ။ ခေါင်းဆောင်မှုတွင် နောက်လိုက်တို့၏ အကြောင်းအရာလည်း ပါဝင်ပါသည်။ တစ်စုံတစ်ယောက်ထံတွင် ခေါင်းဆောင်မှုဂုဏ်ရည်များ ရှိမရှိကို ဆုံးဖြတ်သူကား နောက်လိုက်တို့ပင် ဖြစ်ပေ၏။ မည်သူခေါင်းဆောင်ဖြစ်သင့်သည် မည်သူ ခေါင်းဆောင် ဖြစ်ထိုက်သည်ကို နောက်ဆုံး ဆုံးဖြတ်ပြဌာန်းပေးမည့်သူကား နောက်လိုက်တို့သာဖြစ်၏။ ခေါင်းဆောင်မှု ဟူသည် နောက်လိုက်တို့၏ မြင်ကွင်းထဲ၌သာ ရှိသောအရာဖြစ်ပါသည်။
အမေရိကန် စီမံခန့်ခွဲမှုအသင်းကြီးက ကြီးမှူး၍ မန်နေဂျာ ၁၅၀၀ ကို စစ်တမ်းထုတ်ခဲ့သည်။ 'မိမိ၏ အထက် ခေါင်းဆောင်ထံတွင် မည်သည့်ဂုဏ်ရည်တို့ကို အနှစ်သက်ဆုံးဖြစ်သနည်း' ဟူသောမေးခွန်းဖြင့် စစ်တမ်း ကောက်ယူခဲ့သည်။ ယင်းမေးခွန်းနှင့်အတူ ဂုဏ်ရည်ပေါင်း ၂၂၅ မျိုးကိုလည်း ဖော်ပြခဲ့သည်။ ရိုးသားမှု၊ ကျွမ်းကျင်မှု၊ ဦးဆောင်နှိုင်မှု၊ သဘောထားကြီးမှု စသည်ဖြင့်။
တစ်ဖန် ပြည်ထောင်စု စီမံခန့်ခွဲရေးတက္ကသိုလ် ကျောင်းသားဟောင်းများအဖွဲ့ကလည်း အလားတူ မေးခွန်းမျိုးနှင့်ပင် ပြည်ထောင်စု အစိုးရအတွင်းရှိ အကြီးတန်းအမှုဆောင်အရာရှိပေါင်း ၈၀၀ ကို စစ်တမ်း ကောက်ခဲ့သည်။ စင်တာကလာရာတက္ကသိုလ်နှင့် တခြားနေရာများတွင် ပြုလုပ်သော စီမံခန့်ခွဲရေး နှီးနှော ဖလှယ်ပွဲ များတွင် တက်ရောက်လာသည့် ထပ်တန်းမန်နေဂျာပေါင်း ၂၆၁၅ ယောက်ကိုလည်း အလားတူ စစ်တမ်း ကောက်ယူကြည့်သည်။ နောက်ဆုံးစစ်တမ်း၌ ရရှိသောအဖြေကား အောက်ပါအတိုင်းဖြစ်၏။
၁။ ရိုးသားမှု ၈၃%
၂။ ကျွမ်းကျင်မှု ၆၇%
၃။ ရှေ့ရေးမျှော်တွေးပြင်ဆင်မှု၆၂%
၎။ အားပေးလှုံ့ဆော်တတ်မှု
၅။ အသိပညာရှိမှု၄၃%
၆။ မျှတမှု၄၀%
၇။ သဘောထားကြီးမှု၃၇%
၈။ ပွင့်လင်းမှု၃၄%
၉။ စိတ်ကူးစိတ်သန်းကောင်းမှု၃၄%
၁၀။ မှီခိုအားထားနှိုင်မှု ၃၃%

ယုံကြည်မှု ပဓာန
စစ်တမ်းမှန်သမျှတို့တွင် နောက်လိုက်တို့ အလိုလားအနှစ်သက်ဆုံး ခေါင်းဆောင်ဂုဏ်ရည်သည် 'ရိုးသားမှု' ဖြစ်ပါသည်။ ထိုနောက်မှာ 'ကျွမ်းကျင်မှု' လိုက်သည်။ ထိုက်နောက်မှာမှ 'အမျှော်အမြင်' လိုက်သည်။ ထို့နောက်မှာမှ 'အားပေးလှုံ့ဆော်မှု' လိုက်သည်။ ထိပ်ဆုံးဂုဏ်ရည်လေးချက်ကို ပူးပေါင်းလိုက်သော် 'ယုံကြည်စိတ်ချရမှု' ဟူ၍ အဖြေထွက်လာပါတော့သည်။
နောက်လိုက်မှန်သမျှသည် ခေါင်းဆောင်တစ်ယောက်၏နောက်သို့ ယုံကြည်စိတ်ချရမှုဖြင့် လိုက်ပါနေ ခြင်းဖြစ်သည်။ ငွေကြေးသက်သက်ကြောင့် လိုက်နေခြင်းမဟုတ်။ မန်နေဂျာနှင့် ခေါင်းဆောင်တို့၏ ခြားနားချက် သည် ဤနေရာတွင် ထင်ရှားသည်။ မန်နေဂျာတစ်ယောက်သည် သူလက်အောက်ဝန်ထမ်းကို ဆုပေး ဒဏ်ပေး စနစ်ဖြင့် ခိုင်းစေပေလိမ့်မည်။ သူခိုင်းသည့်အတိုင်း လုပ်အောင် လစာတိုးပေးခြင်း၊ ရာထူးတိုးခြင်း၊ ဆုကြေး ပေးခြင်း စသည့်ဆုလာဘ်တို့ဖြင့် ဖျားယောင်းပါမည်။ လစာဖြတ်ခြင်း၊ ရာထူးလျှော့ခြင်း၊ အလုပ်ဖြုတ်ခြင်း စသည့် ပြစ်ဒဏ်တို့ဖြင့် ခြိမ်းခြောက်ပါမည်။
ခေါင်းဆောင်ကား ထိုသို့လုပ်မည်မဟုတ်။ ခေါင်းဆောင်မှု၏ အနှစ်သာရသည် လုပ်သင့် သည်ဟု သဘောပေါက် ထားသော အလုပ်တစ်ခုကို နောက်လိုက်တို့ လိုက်ပါလုပ်ဆောင်ချင်စိတ် ပေါ်လာအောင် လုပ်သည့် အတတ်ပညာ ဖြစ်၏။ ထို့ကြောင့် နောက်လိုက်တို့ကို သူနှင့်အတူ လိုက်ပါချင်စိတ်ပေါ်လာအောင် လုပ်သည့် အတတ်ပညာဖြစ်၏။ ထို့ကြောင့် နောက်လိုက်တို့ကို သူနှင့်အတူ လိုက်ပါချင်စိတ်ပေါ်လာအောင် ခေါင်းဆောင်တို့ ဦးဆုံးလုပ်သည့်အလုပ်မှာ 'နောက်လိုက်တို့၏ ယုံကြည်စိတ်ချမှု' ခံယူရရှိရေး ဖြစ်ပေသည်။ ခေါင်းဆောင်သည် 'ယုံကြည်စိတ်ချရသူ' ဖြစ်ကြောင်း အလုပ်ဖြင့် သက်သေပြသည်။ ယင်းအလုပ်တို့ကား တည်ဆဲဖြစ်စဉ်ကို စိန်ခေါ်ခြင်း၊ အများလက်ခံနှိုင်မည့် အနာဂတ်ရုပ်ပုံကို ဖန်တီးတင်ပြခြင်း၊ အခြားသူတို့ကို ပါဝင်လုပ်ကိုင်အောင် အားပေးခြင်း၊ စံနမူနာပြဖြစ်ခြင်း၊ စိတ်ဓာတ်ခွန်အား တိုးမြှင့်ပေးခြင်း စသည့် မဂ္ဂင်ငါးပါးပင် ဖြစ်ပေသတည်း။

အဇ္ဈတ္တမှသည် အနာဂတ်ကမ္ဘာသို့
ခေါင်းဆောင်လိုစိတ်ရှိခြင်းနှင့် ခေါင်းဆောင်နှိုင်မည်ဟု ယုံကြည်ချင်းတို့သည် ခေါင်းဆောင်မှုသို့ သွားရာလမ်း၏ တာထွက်အစ ဖြစ်ပါ၏။ ခေါင်းဆောင်မှုသည် အနုပညာတစ်ရပ်ဖြစ်သည်။ ယင်းအနုပညာကား ကိုယ်တိုင်သရုပ်ဆောင်ရသော အနုပညာ။ အနုပညာရှင်တို့၌ သူ၏အနုပညာကို ဖော်ကျူးရန် ကိရိယာကိုယ်စီ ရှိကြသည်။ ဂီတပညာရှင်၌ တူရိယာများရှိသည်။ ပန်းချီပညာရှင်၌ စုတ်တံနှင့် ဆေးများရှိသည်။ ခေါင်းဆောင်မှုအနုပညာရှင်၌ကား သူကိုယ်တိုင်သည် သူ၏ကိရိယာ ဖြစ်ပေတော့၏။ ခေါင်းဆောင်မှု အနုပညာကို ကျွမ်းကျင်ပိုင်နိုင်ခြင်းဟူသည် မိမိကိုယ်ကို ကျွမ်းကျင်ပိုင်နိုင်ခြင်းပင် ဖြစ်သည်။ အဆုံးစွန်အားဖြင့် ခေါင်းဆောင်မှု ဖွံ့ဖြိုးခြင်းသည် မိမိအတ္တ တိုးတက်ဖွံ့ဖြိုးမှုပင် ဖြစ်ပေ၏။
လေ့လာချက်တို့အရ ခေါင်းဆောင်တို့တွင် ထူးခြားသော အကျင့်အကြံနှင့် ထူးခြားသော ဂုဏ်ရည်တို့ရှိကြောင်း ထင်ရှားသည်။ ထူးခြားသောအကျင့်အကြံနှင့် ထူးခြားသောဂုဏ်ရည်ဟုဆိုရသော်လည်း သာမန် လူတိုင်း စွမ်းဆောင်နှိုင်သော အကျင့်အကြံများချည်းသာ ဖြစ်၏။ သာမန်လူတိုင်း ပိုင်ဆိုင်ရရှိနှိုင်သော ဂုဏ်ရည်များသာ ဖြစ်၏။ လူထက်လွန်သော အကျင့်အကြံနှင့် ဂုဏ်ရည်များ မဟုတ်ကြ။
သို့သော် ယင်းအကျင့်အကြံနှင့် ဂုဏ်ရည်များမရှိဘဲလျက်နှင့် ခေါင်းဆောင်ဖြစ်ချင်၍ကား မရ။ မိမိကိုယ်ကိုသာ အားကိုးရမည်ဖြစ်၏။ ဤသည်ပင် ဗုဒ္ဓဘာသာဝင်များအတွက်ကား အခွင့်ကောင်းဟုဆိုရပေမည်။ အဘယ်ကြောင့် ဆိုသော် ဗုဒ္ဓဘာသာဝင်တို့၏ အခြေခံခံယူချက်သည် 'မိမိမှတစ်ပါး အားထားကိုးကွယ်ရာမရှိ' ဟူ၍ဖြစ်ပြီး ဗုဒ္ဓဘာသာဝင်တို့၏ နောက်ဆုံးပန်းတိုင်သည် 'မိမိကိုယ်ကို ပိုင်နိုင်ရေး' ပင်ဖြစ်သောကြောင့်တည်း။
မျက်မှောက်ကမ္ဘာကြီးကား အရှိန်အဟုန်ကြီးစွာပြောင်းလဲနေသည်။ ယင်းပြောင်းလဲမှုသည် နယ်ပယ်အသီးသီးကို ရိုက်ခတ်နေသည်။ ပုဂ္ဂလိက တစ်ဦးချင်းမှအစ အိမ်ထောင်ရေး၊ နိုင်ငံရေး၊ ကမ္ဘာရေးအစုအဖွဲ့တို့အဆုံး ပြောင်းလဲမှုဒဏ်ကြောင့် သိမ့်သိမ့်တုန်နေသည်။ ယင်းကို 'အနာဂတ်သွေးလန့်မှု' ရောဂါအမည်တပ်သူက တပ်သည်။ သို့သော် ခေါင်းဆောင်တို့သည် အနာဂတ်ကို မထိတ်လန့်။ အဘယ်ကြောင့် ထိတ်လန့်မည်နည်း။ အနာဂတ်သည် ခေါင်းဆောင်တို့၏ ကြီးစိုးရာနယ်ပယ်ဖြစ်သည် မဟုတ်ပါလော။
'ကျွန်ုပ်သည် တောင်တန်းကြီးကို အောင်နိုင်သည်မဟုတ်။ ကိုယ့်ကိုယ်ကိုယ် အောင်နိုင်ခြင်းသာ ဖြစ်သည်။ ကိုယ့်ကြောက်ရွံ့စိတ်၊ ကိုယ့်သံသယစိတ်များကို အောင်နိုင်ခြင်းသာဖြစ်သည်' ဟု ဧ၀ရက်တောင်ကို ဦးဆုံး တက်ခဲ့သူ ဂျင်ဝှစ်တိတ်ကားက ပြောသည်။
ကျွန်တော်တို့လူသားများသည်လည်း မိမိကိုယ်ကို အောင်နိုင်ခြင်းဖြင့် အနာဂတ်ကမ္ဘာကြီးကို ဦးဆောင်နှိုင်ရမည် ဖြစ်ပါ သတည်း။
မောင်သာမည

မြန်မာ့သတင်း ကမ္ဘာ့သတင်း

President Obama speaks in videtaped message to Iran, 19 Mar 2009

အမေရိကန်ပြည်ထောင်စုနဲ့ အီရန်နိုင်ငံအကြား ဆက်ဆံရေးကို အသစ်ကနေ ပြန်စကြဖို့ ကြိုးစားနေတယ်လို့ သမ္မတ အိုဘားမား က ပြောဆိုလိုက်ပါတယ်။



more


more


more


more


more


more


more


more
စစ်တပ်ဝန်ထမ်းမဵားကို လစာတိုးပေးဖိုႛ စီစဉ်နေ
ဖမ်းထားသည့် ထောက်လှမ်းရေး အရာရှိများကို ထောင်နှစ်မစေ့မီ ပြန်လွတ်
အဓမ္မအသိမ်းခံရသည့် စိုက်ပျိုးမြေ ILO ကူညီမှုကြောင့် ပြန်ရ
အဝၝရောင်ဆိုးဆေးသတင်း ပလောင် လက်ဖက်တောင်သူမဵား အခက်အခဲဖြစ်
နိုင်ငံရေးအကျဉ်းသားလွတ်မြောက်ရေး လက်မှတ် တသိန်းနီးပၝး ရရှိနေ
လူႛအခွင့်အရေးလှုပ်ရှားသူမဵားကို ထောင်ဒဏ် ထပ်တိုး ရပ်ဝေးထောင်ပိုႛ


NEJ / မတ်လ(၂၀) ရက်၊ ၂၀၀၉

အမေရိကန်အစိုးရသည် ထိုင်းနိုင်ငံ၏ စစ်ရေးမဟာမိတ်ဖြစ်သည့် အားလျော်စွာ မြန်မာနှင့်ဖြစ်နေသည့် ပြဿနာများအပေါ် စိတ်ဝင်စားမှုအပြည့်ရှိသကဲ့သို့ ထိုင်း-မြန်မာနယ်စပ်တွင် စစ်ပွဲများဖြစ်လာပြီဆိုပါက ၁၉၅၄ ခုနှစ် မနီလာ စာချုပ်အရ အမေရိကန်အစိုးရ၏ တာဝန်ရှိမှုအပေါ် မေးခွန်းထုတ်စရာ ဖြစ်လာနိုင်သည်ဟု အမေရိကန် ကွန်ဂရက်ကို ...အပြည့်အစုံသို့

နာဂစ်သောင်တင် ဂျပန်သင်္ဘော
ကြယ်ငါးပွင့် အလကားရ

NEJ / မတ်လ(၂၀) ရက်၊ ၂၀၀၉
နာဂစ်ကြောင့် ပုသိမ်မြို့အနီးက သမီးလှကျွန်း ကျောက်ဆောင်ပေါ် တွင် ကိုယ်ထည်အားလုံးတင်နေ ခဲ့သော ဂျပန် ECM ကုမ္ပဏီပိုင် သင်္ဘောကို ကြယ်ငါးပွင့်က အလကားရခဲ့ကြောင်း ကြယ်ငါးပွင့်အရာထမ်းတဦးက ပြောသည်။ ..အပြည့်အစုံသို့
ရန်ကုန် ၀န်ထမ်းသက်သာဆိုင်များအား ဖျက်ခိုင်း
ငှားရမ်း ၀ယ်ယူထားသူများ နစ်နာ

အောင်ထက် / မတ်လ(၂၀) ရက်၊ ၂၀၀၉
ပြည်ထဲရေးလက်အောက်ခံမြို့နယ်အသီးသီး၏ ရဲစခန်း ပတ်လည်ရှိ ၀န်ထမ်းသက်သာဆိုင်ခန်းများအား မတ်လ ကုန် အပြီး ဖျက်သိမ်းပေးရမည်ဆိုသော ညွှန်ကြားချက် ကြောင့် ဆိုင်ခန်းပိုင်ရှင်များ နစ်နာကြေး တစုံတရာမရရှိဘဲ ဆိုင်ခန်းသုံးပစ္စည်းများကို မတ်လ တတိယပတ်မတိုင်မီ စတင်ရွှေ့ပြောင်းနေကြကြောင်း သိရသည်။..အပြည့်အစုံသို့

အပါယ်ရတနာ စစ်အစိုးရသတင်းစာ
ဂုဏ၀ိသိဋ္ဌ ဂုဏ်ပြုပူဇော်ပွဲ ကြော်ငြာထည့်ခွင့်ပိတ်

မင်းနိုင်သူ / မတ်လ(၂၀) ရက်၊ ၂၀၀၉
ဥပ္ပါတသန္တိစေတေီ ထီးတင်ပွဲအပြီးတွင် ဘွဲ့တံဆိပ်တော် ဆက်ကပ်ခြင်းခံခဲ့ရသော သံဃာတော်များ၏ ဂုဏ၀ိသိဋ္ဌ ဂုဏ်ပြုပူဇော်ပွဲ အခမ်းအနား ဖိတ်ကြားလွှာ ကြော်ငြာများကို အစိုးရပိုင်သတင်းစာများက ဖော်ပြခွင့်မပြုကြောင်း ရန်ကုန် သံဃာတော်တပါးက မိန့်ကြားသည်။ “ဦးဇင်းတို့ ကျောင်းက ဆရာတော်တပါးက.....အပြည့်အစုံသို့
မြန်မာမင်းများ လက်ထက်တော်က
တောင်တော် ရွှေပုပ္ပား

တိုးလှ / မတ်လ(၂၀) ရက်၊ ၂၀၀၉
ဘူမိဗေဒပညာရှင်တို့အဆိုအရ ပုပ္ပားတောင်သည် လွန်ခဲ့ သောအနှစ် (၁၅) သန်းလောက်က ပေါ်ထွန်း လာကြောင်း သိရှိရပါသည် (Dr. Nyi Nyi, “Burma One Million Years Ago”, The Working People’s Daily, March 15, 1964 Sunday Supplement)။ မြန်မာရာဇဝင်ဆရာတို့ကလည်း ပုပ္ပားတောင် ပေါ်ပေါက်ခဲ့ပုံကို ..အပြည့်အစုံသို့

တွံတေးတွင် အိုးအိမ်ဆောက်ပေးရေး ဆန္ဒပြ

(နောက်ဆက်တွဲ) ညနေ ၄ နာရီတွင် မဇ္ဈိမသတင်းထောက်က ဆက်သွယ် မေးမြန်းထားချက်အရ ရန်ကုန်တိုင်း တွံတေးမြို့မှ အိုးအိမ် ပြန်ဆောက်ပေးရေး ဆန္ဒပြနေသူများသည် မြို့နယ် ကြက်ခြေနီရုံးရှေ့တွင် ဆက်လက်...

ခြံစည်းရိုးကာခြင်းသည် ရိုဟင်ဂျာများ၏ လှုပ်ရှားမှုကို ထိန်းချုပ်ရန် ဖြစ်သည်ဟု အကဲခတ်များပြော

အဆိုပြုထားသော မြန်မာ-ဘင်္ဂလားဒေ့ရှ် နယ်စပ်တလျှောက် ခြံစည်းရိုး ကာရံရေးသည် ဒေသတွင်းရှိ ရိုဟင်ဂျာ လူနည်းစုများ၏ လှုပ်ရှားသွားလာမှုကို ထိန်းချုပ်ရန် စစ်အစိုးရ၏...

တရုတ်စစ်ဦးစီးချုပ် မြန်မာနိုင်ငံ အလည်အပတ် ရောက်ရှိ

မြန်မာနိုင်ငံ၏ တရားဝင် ထုတ်ဝေဖြန့်ချိသော သတင်းစာ၏ ရေးသား ဖော်ပြချက်အရ တရုတ်နိုင်ငံ တပ်မတော် စစ်ဦးစီးချုပ် ဗိုလ်ချုပ်ကြီး ချင်ပင်းတဲ့...

ဆက်ဖတ်ရန် ...

ပုခုံးလမ်း ခင်းပေးနေသူများ

ပုခုံးလမ်း ခင်းပေးနေသူများ တောင်ပေါ်က ဘုရားကို စိတ်မှန်းဖြင့် ကန်တော့လိုက်ပြီးမှ အထုပ်အပိုးတို့ဖြင့် တင်းကားနေသော ၀ါးခြင်းကြီးကို စွေ့ခနဲမလိုက်ပြီး ခြင်းမှာတပ်ထားသော လက်ကိုင်ကွင်း ၂ ခုကို ပုခုံးပေါ်သို့
ဆက်ဖတ်ရန် ...
မစုစုနွေး ကလေးထောင်တွင် ကျန်းမာရေးဆိုးဝါးနေ

မစုစုနွေး ကလေးထောင်တွင် ကျန်းမာရေးဆိုးဝါးနေ

စစ်အာဏာ ပိုင်များက ထောင်ဒဏ် နှစ်ရှည်ချမှတ် ထားပြီး ဝေးလံသည့် ကလေးမြို့ အကျဉ်းထောင်သို့ ပြောင်းရွှေ့ ခံထားရသော လူ့အခွင့်အရေး လှုပ်ရှားသူ မစုစုနွေး၏ ကျန်းမာရေး

ခွန်ဆာ၏တပည့် ၃ ဦး ထိုင်းတွင် အဖမ်းခံရ

ကွယ်လွန်သူ ဘိန်းဘုရင်ခွန်ဆာ၏ နောက်လိုက်ဟု ယူဆရသူ သုံးဦးကို ဘတ်ငွေ ၁၁၇ သန်း (ဒေါ်လာ ၃.၃သန်း) တန် ပိုင်ဆိုင်မှုများနှင့် အတူ ထိုင်းနိုင်ငံတွင် ဖမ်းဆီးလိုက်ကြောင်း

နယ်စပ်မှာ သံဆူးကြိုး ဘာကြောင့်ကာ

မြန်မာ - ဘင်္ဂလားဒေ့ရှ် နှစ်နိုင်ငံ နယ်စပ်ပြဿနာ တင်းမာမှု မရှင်းလင်း သေးခင်တွင်ပင် မြန်မာစစ်အစိုးရက ဘင်္ဂလားဒေ့ရှ် နယ်စပ် ရခိုင်ပြည်နယ် အတွင်း သံဆူးကြိုးများ ကာရန်လိုက်

တွံတေးရှိ နာဂစ် ဒုက္ခသည်များ ဆန္ဒပြ

နာဂစ်မုန်တိုင်း တိုက်ခတ်မှုကြောင့် ဆုံးရှုံးပျက်စီးခဲ့ရသော အိုးအိမ်များ ပြန်လည် တည်ဆောက်ပေးရန် တွံတေး မြို့နယ်ရှိ ကျေးရွာသား ၂၂ ဦးခန့် က ယနေ့ နေ့လယ်ပိုင်းတွင် အစာငတ်ခံ



မြန်မာမင်းများ လက်ထက်တော်က တောင်တော် ရွှေပုပ္ပား new
တိုးလှ / မတ်လ(၂၀) ရက်၊ ၂၀၀၉
ဘူမိဗေဒပညာရှင်တို့အဆိုအရ ပုပ္ပားတောင်သည် လွန်ခဲ့ သောအနှစ် (၁၅) သန်းလောက်က ပေါ်ထွန်း လာကြောင်း သိရှိရပါသည် ....အပြည့်အစုံသို့


----------------------------------------------------------------------------------------------------------------------

ဗိုလ်သိန်းစိန်ရဲ့အင်ဒိုနီးရှားခရီးနဲ့ စဉ်းစားစရာများ new
ရဲဘော်ဖိုးသံချောင်း / မတ်လ(၁၇) ရက်၊ ၂၀၀၉
ဗိုလ်သိန်းစိန် အင်ဒိုနီးရှားကို ဆိုင်းမဆင့်ဗုံမဆင့်သွားတာကို သတိပြုမိပါသလား။ အချိန်အခါ၊ ...အပြည့်အစုံသို့

Burma's News World's News

Mother-in-law of Aung San Suu Kyi dies

Mar 20, 2009 (DVB)–The mother-in-law of imprisoned opposition leader Aung San Suu Kyi died at her house in London earlier this week from natural causes, according to a family member. - more


Singapore protestors give Thein Sein a message for Daw Suu

Mar 20, 2009 (DVB)–Three protestors who tried to hand flowers to the Burmese Prime Minister for imprisoned opposition leader Aung San Suu Kyi during a ceremony to honour his visit to Singapore have labeled the ceremony an “insult”. - more


Campaigner urges Japan to cease support for Burmese regime

Mar 20, 2009 (DVB)–The director of the US Campaign for Burma met with Japanese MPs in Tokyo this week to raise concerns about Japan's perceived support for the Burmese regime in the lead-up to the 2010 elections. - more


Food shortages force Chin locals to sell opium

Mar 20, 2009 (DVB)–Chin state locals who suffered food shortages last year due to mass flowering of bamboo have been forced to grow and sell opium to generate income, said a researcher who visited the region recently. - more


Market vendors in Bago assaulted and sued by butchers

Mar 20, 2009 (DVB)–Two female stall holders at a market in Bago were assaulted by local butchers earlier this month, and one then sued by police for insulting and obstructing officials on duty, said a stall holder. - more


Beware the Ides of March: Burma's culture of violence

Pascal Khoo-Thwe

Mar 20, 2009 (DVB)–Historically, March is the month of violence in Burma. Over the course of almost half a century, March has repeatedly stood out as a bloody mark on the political calendar. - more


Chinese Ex-Spy Speaks Out

2009-03-19

A former member of China's highly secretive intelligence community calls on other countries to take Beijing to task for its abysmal human rights record.

U.S. Could Shoot Down Missile

2009-03-19

Top brass in the U.S. military say they can probably shoot down any North Korean missile. But will they?

China Stops Blogger From Leaving

2009-03-19

Authorities again stop online writer Zan Aizong from flying to Hong Kong.


Cyclone victims protest over unfair reconstruction

At least 20 victims of Cyclone Nargis in Twante Township in Rangoon on Friday staged a protest march demanding reconstruction of their homes ravaged by the devastating cyclone in May...

Reward to informants may increase corruption

Activists feel that the Thai official’s announcement to reward informants leading to the arrest of illegal migrant workers will not solve the problem of illegal migration to the country.

Thai PM Faces No-confidence Debate

By AMBIKA AHUJA
Thailand's main opposition party opened a no-confidence debate Thursday against the prime minister and five key Cabinet ministers.

Drinking Water Crisis in Delta

By AUNG THET WINE
Villagers in the Irrawaddy delta struggle to find safe drinking water, as aid groups struggle to meet the area’s needs.

Junta Allows UN to Continue Aid to Rohingya

By MARWAAN MACAN-MARKAR
For now, the United Nations’ refugee agency has been given breathing room to operate in a western corner of military-ruled Burma, where humanitarian programs offer some comfort to the persecuted Rohingya Muslim minority.

Weekly Business Roundup (March 20, 2009)

By WILLIAM BOOT
Amid reports swirling that Burma’s precious stones industry is contracting sharply because of US economic sanctions, China has pumped US $850 million into Burmese mining operations in 2008.

US-China Policy Group Calls for Mutual Respect

By BARRY SCHWEID
To relieve tensions, ease up on mistrust and develop more respect. That's a leading policy think tank's prescription for the leaders of the United States and China.
NEWS ANALYSIS

Burma Steps Up Bangladesh Border Tension, but Why?

By WAI MOE
Burmese military preparedness along the country’s land and sea borders with Bangladesh has been stepped up, although the reason for the latest increase in tension is not clear.

The Irrawaddy News Magazine - Chiang Mai,Thailand
By WAI MOE Burmese military preparedness along the country’s land and sea borders with Bangladesh was stepped up this week, although the reason for the ...
Burma Road repairs underway; on-site work to begin shortly
AntiguaSun - St' John's,Antigua and Barbuda
by Brian Ho Work has begun to reopen the Burma Road, which was made impassable in the rainy days following Hurricane Omar, according to the Public Works ...
Free Burma’s Political Prisoners’ Now! Campaign
Reporters without borders (press release) - France
The Assistance Association of Political Prisoners (AAPP) and Forum for Democracy in Burma (FDB) have launched the Free Burma’s Political Prisoners Now! ...
Burma Monks’ Leader Urges Resistance
自由亞洲電臺 - Washington DC,USA
A leader of the 2007 Saffron Revolution is still fighting back from a remote prison in northern Burma. U Gambira's family, including (L to R) his elder ...

အလုပ်လုပ်ကိုင်ခွင့် ပတ်စပို့စာအုပ် လုပ်ရန်ကြောင်းပြပြီး လုပ်ငန်းရှင်က မြန်မာအလုပ်သမားများ ထံမှ ငွေတောင်းခံ

ထိုင်း/မြန်မာ နှစ်နိုင်ငံအစိုးရသဘောတူညီထားသော တ၇ားဝင် အလုပ်လုပ်ကိုင်နေထိုင်ခွင့် ပတ်စပို့ စာအုပ် လုပ်ပေးမည့် ကိစ္စရပ်အပေါ် အကြောင်းပြ၍ ထိုင်းလုပ်ငန်းရှင်က မြန်မာအလုပ်သမား လင်မယားနှစ်ဦးထံမှ ငွေကြေး တောင်းခံထားကြောင်း ပြောသည်။
ထိုင်းနိုင်ငံတောင်ပိုင်း ခြုံဘူလ အပိုင် ဖတရာမြို့ စုဝါလီလီ ပန်းခြံအနီးတွင် နေထိုင်ပြီး ထိုင်းတရုတ်လူမျိုး တစ်ဦး ပိုင် ပလောပီနံ စိုက်ပျိုးရေး လုပ်ငန်းကို လုပ်ကိုင်နေသော မြန်မာအလုပ်သမား ကိုအောင်စိုးနှင့် မလုံးတို့ထံမှ ၃နှစ်စာ ပတ်စပို့အတွက် ဘတ်၉၆၀၀ ပေးရမည်ဟု တောင်းသဖြင့် မတ်လ၁၈ ရက်နေ့က ဘတ်ငွေ ၈၀၀၀ ပေးခဲ့ရသည်။ မတ်လ၂၁ ရက်နေ့တွင် ကျန်ဘတ်ငွေ ၁၆၀၀ ပေးရမည်ဖြစ်ကြောင်းလုပ်ငန်းရှင်က ပြောသည် ဟုဆိုသည်။
“ကျနော်တို့ ဒီစိုက်ပျိုးရေးလုပ်ငန်းမှာ မြန်မာအလုပ်သမား ၇ ယောက်ရှိပါတယ်၊ ကျနော်တို့ လင်မယား၂ ယောက်က ထိုင်းစကားမတတ်ဘူး၊ အခြားလူတွေကို မလုပ်ခိုင်းပဲ ကျနော်တို့ကို လုပ်ခိုင်းပါတယ်။ ကျနော်တို့ကလည်း သူဌေးပြောတယ် ဆိုတော့ လုပ်ပေးမယ်ထင်လို့ ငွေပေးလိုက်တာပေါ့။ မနေ့ကပဲ ကျနော်တို့ ဘတ်၈၀၀၀ ပေးလိုက်သေးတယ် နောက်တစ်ရက်ဆိုရင် ဘတ်၁၆၀၀ ပေးရအုံးမယ်လို့ပြောပါတယ်။ ဒါတင်မကဘူး ကျနော့်မှာ ၃လပိုင်း ဘတ်လည်း ရှေ့လ ဆိုရင် သက်တန်း ကုန်ပြီးဖြစ်တာကြောင့် အဲဒီ ဘတ်ကို လည်း ဆက်ရအုံးမယ်လို့ ပြောပါတယ်၊ ဘာမှန်းလည်း မသိဘူးဗျာ။ ကျနော်က တစ်ရက်ကို ဘတ်၁၆၀ ရပြီး ကျနော့်မိန်းမက ဘတ်၁၄၀ ပဲရတယ်၊ ကိုယ်စရိတ်နဲ့ နေထိုင်စားသောက် ရတာပါ။ ကျနော်တို့မှာ ဘယ်မှာ တတ်နိုင်မလဲ။ တ၇ားဝင် စာအုပ်လည်းလုပ်။ ဘတ်လည်း လုပ်ရမယ်ဆိုရင် တစ်သက်လုံး လုပ်ဆပ်တောင် ကိုယ့်တိုင်းပြည်ကို ပြန်နိုင်မှာမဟုတ်ဘူး။ ပတ်စပို့လုပ်ပေးမယ်လို့ ငွေကိုသာတောင်းတာ ကျနော်တိုိ့ကို ခုထိ ဘာမှ မလုပ်ပေးသေးဘူး” ဟုပြောသည်။
၂၀၀၃ ခုနှစ်ဝန်းကျင်မှ စ၍ ထိုင်းအစိုးရနှင့် မြန်မာအစိုးရတို့ နှစ်နိုင်ငံသဘောတူညီချက်အရ တရားဝင် အလုပ် လုပ်ကိုင်ခွင့် ပါမစ် ပတ်စပို့စာအုပ် လုပ်ရန်စီစဉ်ခဲ့သော်လည်း ဖြစ်မြောက်အောင် အကောင်အထည် ပေါ်ခဲ့ခြင်း မရှိပါ။
မြန်မာအစိုးရက မြ၀တီ၊ ကော့သောင်း၊ တာချီလိတ် တို့တွင် တစ်နေရာစီတွင် တစ်နေ့၊ အလုပ် သမား ၂၀၀ဦးကျ ပတ်စပို့ စာအုပ် လုပ်ပေးမည်ဟု ကြေညာထားသည်။
အလုပ်သမားအရေး ဆောင်ရွက်သူများနှင့် လေ့လာသူများက သန်းချီရှိသော ထိုင်းနိုင်ငံအတွင်းရှိ မြန်မာ ရွှေ့ပြောင်း အလုပ်သမားများကို အဆိုပါ နှုန်းထားအတိုင်း လုပ်မည်ဆိုပါက ဆယ်နှစ်ဝန်းကျင် လုပ်မှ ပြီးစီး နိုင်ကြောင်း၊ အထူးသဖြင့် ထိုင်းအစိုးရတွင် စါရင်းဇယားများကို ကွန်ပျူတာစံနစ်နှင့် ကျင့်သုံးနေသော်လည်း မြန်မာ အစိုးရတွင် စာရွက် စာတမ်း မှတ်တမ်းအဖြစ်သာ ရှိသဖြင့် မည်သို့မှ ဖြစ်နိုင်ခြေ မရှိကြောင်း သုံးသပ် ပြောဆို နေကြသည်။
ထိုင်းနိုင်ငံအတွင်း လာရောက် အလုပ်လုပ်ကိုင်နေသော ကမ္ဘောဒီးယားနှင့် လာအိုနိုင်ငံသားအလုပ်သမားတို့ကို သက်ဆိုင်ရာ သံရုံးများက ထိုင်းနိုင်ငံအခြေစိုက် သံရုံးများတွင် တရားဝင်နေထိုင် အလုပ်လုပ်ကိုင်ခွင့် ပတ်စပို့ စာအုပ် လာရောက် လုပ်ကိုင်ပေး သဖြင့် အလုပ်သမားများအနေဖြင့် အချိန်ကုန် လူပမ်းမဖြစ်သည့် အပြင် မလိုအပ်သော စားရိတ်ကုန်ကျမှု မရှိခဲ့ချေ။
ထိုင်းနိုင်ငံအတွင်း နေရာအနှံ့အပြားတွင် အလုပ်လုပ်ကိုင်နေကြသော မြန်မာအလုပ်သမားများက မြန်မာအစိုးရ သတ်မှတ်ထားရာ နေရာသုံးခုသို့ စာအုပ်လုပ်ရန် သွားမည့် အစီအစဉ်တွင် အဓိက လိုအပ်ချက်ဖြစ်သော လုံခြုံရေး၊ နေထိုင်ရေး၊ စားစရိတ်၊ အချိန်ကုန်ကျမှု အပါအ၀င် တာဝန်ခံမှု တာဝန်သူမှု မည့်သို့မှ မရှိသဖြင့် မြန်မာ အလုပ်သမားများ အနေဖြင့် အလုပ်လုပ်ကိုင် နေထိုင်ခွင့် ပတ်စပို့စာအုပ် လုပ်ငန်းစဉ်ကို ပူးပေါင်း ဆောင်ရွက်မှု မရှိသဖြင့် ယခုအထိ အကောင်အထည် ဖေါ်နိုင်ခြင်း မရှိကြောင်းသိရသည်။
သို့ရာတွင် ထိုင်းအစိုးရက ထိုင်းနိုင်ငံအတွင်းရှိ မြန်မာရွေ့ပြောင်း အလုပ်သမားများ ကိုင်ဆောင် ထားသော (သံဒေါက်ဘတ်) တရားဝင်နေထိုင် အလုပ်လုပ်ကိုင်ခွင့် ဘတ်များကိုမူ ၂၀၀၉ ခုနှစ်ဖေဖေါ်ဝါရီလ အထိသာ သက်တမ်းတိုး ပေးတော့မည် ဖြစ်ကြောင်း တရားဝင် ထုတ်ပြန် ကြေညာထားသဖြင့် မြန်မာ အလုပ်သမားများ အထူးစိုးရိမ် နေကြသည်။
ကိုကျော်သောင်းမှ ပေးပို့ပါသည်။