7.27.2010

ရောင်းစားခံထားရာမှ မြန်မာအလုပ်သမား၎ဦး လွတ်မြောက်လာ

Photobucket
ဇူလိုင်၂၇
ဘန်ကောက်အနီး မဟာချိုင်မြို့ရှိ ပင်လယ်အစားအစာ ထုတ်လုပ်သည့် စက်ရုံတစ်ခုတွင် ရောင်းစား ခံထားရသည့် မြန်မာ အလုပ်သမား၎ဦးတို့အား ဘန်ကောက်အခြေစိုက် ထိုင်းနိုင်ငံရောက် မြန်မာ နိုင်ငံသားများ အသင်းက ကယ်တင်နိုင်ခဲ့သည်။
မြန်မာ အလုပ်သမား ၇၀ ကျော်ခန့် ရောင်းစားခံထားရသည့် မဟာချိုင်မြို့မှ အမည်မသိ ပင်လယ် အစားအစာ အလုပ်ရုံတစ်ရုံတွင် တစ်နေ့လျှင် ၁၈နာရီခန့် နေ့စဉ် အလုပ်လုပ်ရကြောင်း ထွက်ပြေး လွတ်မြောက်လာသည့် မြန်မာအလုပ်သမားများက ပြောပြသည်။
ထွက်ပြေး လွတ်မြောက်လာသူများမှာ ထောက်ကြံ့မြို့မှ အသက်၂၇နှစ်အရွယ် ကိုသက်ဝေနှင့် အသက် ၂၁နှစ်အရွယ် ကိုချစ်ထွန်း၊ ပဲခူးမြို့မှ အသက်၂၆နှစ်အရွယ် မဝေေ၀လွင်နှင့် မော်လမြိုင်မြို့မှ အသက် ၂၃နှစ်အရွယ် မဌေးဌေးဝင်းတို့ ဖြစ်ကြသည်။ ထိုသူတို့မှာ ၄၅ ရက် တိုင်တိုင် အလုပ်လုပ်ကိုင်ခဲ့သော်လည်း လုပ်အားခ တစ်ပြားတစ်ချပ်မှ ရရှိခြင်း မရှိခဲ့ကြပေ။
ထွက်ပြေး လွတ်မြောက်နိုင်ရေးအတွက် ဦးဆောင်စီစဉ်သူဖြစ်သော ကိုချစ်ထွန်းက “ ပြီးခဲ့တဲ့ ၃ ရက်နေ့က မိုးတွေ တော်တော်ကြီး ပါတယ်။ အဲဒီနေ့မှာ ထွက်ပြေးဖို့အတွက် ကျနော်ကြိုတင်ပြင်ဆင်ထားခဲ့တယ်။ ကျနော် ဒီစက်ရုံကို ရောက်ကတည်းက လူတစ်ယောက်လို မလုပ်ခဲ့ရ၊ မစားခဲ့ရ၊ မအိပ်ခဲ့ရဘူး။ ရိုင်းရိုင်းစိုင်းစိုင်း ဆက်ဆံတာ ခံရတယ်။ ကျနော်ဘယ်လို လွတ်နိုင်မလဲလို့ အမြဲလေ့လာနေခဲ့တယ်။ ကျနော် တို့ကို လှောင်ထားတဲ့ အခန်းက သွပ်တွေနဲ့ ကာထားတဲ့ အခန်းဖြစ်တယ်။ ဒါပေမယ့် နောက်ဖက်က အထပ်သားတွေနဲ့ ကာထားတယ်။ ရှေ့က ကျနော်တို့ကို အမြဲ သော့ခတ်ထားတယ်။ အဲဒါကို ကျနော်ဓါးနဲ့ နဲနဲစီ နေ့တိုင်းလှီးထားတယ်။ ထုတ်ချင်းပေါက် နီးနီးဖြစ်အောင်ကို လုပ်ထားတာ၊ မိုးရွာတဲ့နေ့မှာ အခွင့်ကောင်းယူပြီး၊ ပြီးနိုင်သမျှ ကျနော်လုပ်ထားတယ်”ဟု ပြောသည်။
မဝေေ၀လွင်တို့ မောင်နှမ ၃ဦးတို့ မြ၀တီမြို့တွင် လက်သမားနှင့် ပန်းရံအလုပ်ကို လုပ်ကိုင်ပြီး မြန်မာကျပ်ငွေ တစ်သောင်းခွဲသာ ပွဲစားကို ပေးနိုင်ခဲ့သည်။ အလုပ်သမားများအနေဖြင့် အလုပ်ပင်ပန်းသော်လည်း လုပ်ခရရှိပါက ယခုကဲ့သို့ ထွက်ပြေးမည်မဟုတ်ကြောင်း တက်လာသည့် အဖိုးအခ မကျေသေးသည်ကို ကိုယ်ချင်းစာကြောင်း၊ သို့ရာတွင် လူတစ်ယောက်ကဲ့သို့ ဆက်ဆံမခံရခြင်းကို အထူး စိတ်မကောင်းသဖြင့် လွတ်မြောက်အောင် လုပ်ခဲ့ရကြောင်း ထွက်ပြေးလာသူ ကိုသက်ဝေက ပြောပြသည်။
အလုပ်သမားများအား နေ့စဉ်နံနက်၃နာရီမှ ညဥ့်၈နာရီထိ အလုပ်လုပ်ရပြီး အစားအစာများကိုမူ ဖြစ်ကတတ်ဆန်း ကျွေးမွေးကြောင်း၊ အလုပ်သမားများ နေထိုင်သည့် အခန်းမှာ မိုးမလုံသဖြင့် မိုးရွာလျှင် စုဝေးထိုင်နေရကြောင်း အိမ်သာတက်၍ အချိန်ကြာလျှင်လည်း အပြင်မှ အိမ်သာတံခါးကို ရိုက်ပုတ်နေပြီး တစ်တွတ်တွတ် ဆဲဆိုနေကြောင်း၊ ရေချိုးလျှင်လည်း ထိုင်စောင့်နေကြောင်း၊ အိပ်ခါနီး စကား ပြောနေလျှင်လည်း မီးပိတ်ပြီး ဆဲဆိုကာ အိပ်စေကြောင်း အလုပ်သမားများက ပြောပြကြသည်။
ပဲခူးမြို့မှ မဝေေ၀လွင်က“ကျမတို့ ဒီအစ်ကိုတွေ ထွက်ပြေးမယ်ပြောတော့ လိုက်မယ်လို့ ပြောထားတယ်။ ကျမတို့ ငရဲခန်းလောက် ဆိုးဝါးတဲ့ အလုပ်ရုံကနေ ခုန်ဆင်းလိုက်တော့ အခြားအလုပ်ရုံက အစောင့် ရောက်လာတယ်။ မဌေးဌေးဝင်းက ထိုင်းလို ကောင်းကောင်းပြောတတ်တယ်။ သူက အစောင့်ခြေ ထောက်ကို ဖက်ပြီးတော့ ငိုပြီးပြောတယ်။ တောင်းပန်တယ်။ ထိုင်းအစောင့်က သနားသွားပြီးတော့ သူ့ခြံကို ကျော်ခိုင်းတယ်။ ကျမတို့လည်း လွတ်ရင်ပြီးရော ကျိုးချင်လည်း ကျိုးပစေ။ အုတ်နံရံ ခြံစည်းရိုး အမြင့်က ခုန်ဆင်းကြတယ်”ဟု ပြောသည်။
ထိုင်းဘာသာစကားကို ကျွမ်းကျင်သည့် မဟာချိုင်ဒေသ တောရွာတစ်ရွာတွင် မွေးဖွားကြီးပြင်းလာသည့် မဌေးဌေးဝင်းက “ကျမတို့ ဆင်းရဲနွမ်းပါးတာတွေ၊ ရောင်းစားခံရတာတွေ၊ အနှိပ်စက်ခံရတာတွေကို ကျမငိုယိုပြီး ပြောပြတယ်။ ကျမ အမေ မုဆိုးမကို လုပ်ကျွေးချင်လို့ တက်လာတာတွေကို ပြောပြတယ်။ ကျမတို့ကို လွှတ်ပေးတယ်။ ခြံကျော် ခုန်ချပြီး ကျမတို့ တောတစ်ခုထဲကို ၀င်နေခဲ့ကြတယ်။ မနက်မိုးလင်းတော့ အလုပ်ရုံက ၀ဏ္ဏနဲ့ အဲဒီသမီးတို့ကို အမြဲစောင့်ပြီး ဆဲနေတဲ့ ကရင်တို့ လာမေးတယ်။ သမီးတို့ ပုန်းနေကြတယ်။
အနီးအပါးမှာနေကြတဲ့ မွန်ဗမာတွေက မတွေ့လိုက်ဘူးလို့ ပြောကြတယ်။ သမီးတို့ကို သူတို့ ခြင်ဆေးခွေတွေ၊ ထမင်းတွေ လာပို့ကြတယ်။ သမီးတို့ အဲဒီဓနိတောထဲမှာ ၂ရက်ပုန်းနေခဲ့ရတယ်။ သူတို့ ဖုန်းတွေနဲ့ ဘန်ကောက်က ဒီအလုပ်သမားအဖွဲ့ကို အဆက်သွယ်ရပြီး ဒီကိုရောက်လာခဲ့တာဖြစ်ပါတယ်” ဟု ပြောသည်။
ထွက်ပြေးလာသူများမှ တစ်ဆင့်ပြီးတစ်ဆင့် စုံစမ်း အကူအညီတောင်းရင်း ဘန်ကောက်အခြေစိုက် ထိုင်းနိုင်ငံရောက် မြန်မာနိုင်ငံသားများအသင်းသို့ ဆက်သွယ်ရရှိခဲ့သည်။ တောထဲတွင် ပုန်းအောင်းနေရသည့် အလုပ်သမားများမှာ မိမိတို့ ရောက်ရှိနေသည့်နေရာကို သေချာစွာ မပြောပြနိုင်သဖြင့် ကယ်ထုတ်ရန် အထူးခက်ခဲနေခဲ့သည်။
ထို့ကြောင့် အဆိုပါအလုပ်သမားများအား ထမင်းထုတ်များ ပေးပို့နေသည့် မွန်အမျိုးသမီးအား တက္ကစီသမား
ကို ငှါးရမ်းခိုင်းပြီး တစ်ဦးအတွက် ဘတ်ငွေ ၅၀၀နုန်းထားဖြင့် လာရောက် ပို့ဆောင်စေခဲ့သည်။ ထိုင်းနိုင်ငံရောက် မြန်မာနိုင်ငံသားများ အသင်းမှ ထိုင်းဘာသာ ကျွမ်းကျင်သူ ကိုနေလင်းအောင်က “ကျနော်နဲ့ ကျနော်တို့ အဖွဲ့ခေါင်းဆောင်တို့ တိုင်ပင်ပြီးလုပ်ကြတယ်။ တစ်ရက်ကုန်သွားတယ်။ နေရာကို အတိအကျ မရနိုင်ခဲ့ဘူး။ နောက်ကျတော့ မထူးတော့ဘူး။ ကိုယ်လက်ထဲကို မြန်မြန်ရောက်ဖို့ အရေးကြီးတယ်လို့ ဆုံးဖြတ်ပြီးတော့ ဒီလိုပဲ ပို့ခိုင်းလိုက်ရတော့တယ်။ ကျနော်တို့ဆီမှာ တစ်ရက်တည်းခို ကျွေးမွေးပြီးတော့ အ၀တ်အထည်တွေ ပေးတယ်။ လောလောဆယ်သုံးဖို့ ပိုက်ဆံတွေ ပေးကြတယ်။ ယောက်ျား၂ယောက်တော့ ဖယောင်းပုံစံလောင်းတဲ့ နေရာမှာ အလုပ်သွင်း ပေးလိုက်ပြီ။ မိန်းကလေး ၂ယောက်ကိုတော့ ဗမာမတစ်ဦး ခေါင်းဆောင်ပြီး အလုပ်လုပ်နေတဲ့ ထမင်းဆိုင်တစ်ဆိုင်မှာ အလုပ် သွင်းပေးလိုက်ပြီး ဖြစ်ပါတယ်”ဟု ပြောသည်။
သူတို့သည် ပြီးခဲ့သည့် ဇွန်လ၂ရက်နေ့က မဲဆောက်မြို့မှ ယောက်ျားအလုပ်သမား ၁၂ဦးနှင့် မိန်းကလေးအလုပ်သမား ၆ဦးတို့ တောလမ်းခရီးမှ တက်လာခဲ့သူများ ဖြစ်ကြသည်။ သူတို့ကို မြ၀တီမြို့၊ ….. ရပ်ကွက် ….လမ်း….မှ အသက်….နှစ်အရွယ် မွန်အမျိုးသမီး တစ်ဦးက လက်ဆင့်ကမ်း သယ်ယူခဲ့ခြင်း ဖြစ်သည်။
မြ၀တီမြို့၌ လူစုစဉ် ပွဲစားမက မဟာချိုင် ငါးသေတ္တာရုံတွင် လုပ်ရမည်ဖြစ်ပြီး စရိတ်ငြိမ်း တစ်လလျှင် ဘတ်
ခြောက်ထောင် ရမည်ဖြစ်ကြောင်း၊ ကယ်ရီခအား တစ်လလျှင် ၃၀၀၀စီ ဖြတ်တောက်မည် ဖြစ်ကြောင်း အကြွေးကြေသည့်အခါ နေထိုင် အလုပ်လုပ်ကိုင်ခွင့် ဘတ်လုပ်ပေးမည်ဖြစ်ကြောင်း ပြောဆိုခဲ့သည်ဟု အလုပ်သမားများက ပြောပြကြသည်။
မဟာချိုင်သို့ ရောက်သည့်အခါ ယောက်ျား၈ဦးအား မဟာချိုင်လှေများတွင် လူတစ်ဦးစီ ဘတ် ခြောက်သောင်းဖြင့် ရောင်းချခဲ့ခြင်းဖြစ်ကြောင်း၊ နောက်ရခိုင်တစ်ဦးနှင့် ရန်ကုန်မှ အလုပ်သမား တစ်ဦးတို့ကိုမူ အင်ဒိုလှေသို့ ရောင်းချခဲ့ကြောင်း အတူတူ တက်လာခဲ့ကြပြီး အစ်ကိုအရင်း ရောင်းစားခံခဲ့ရသူ မဝေေ၀လွင်က ပြောပြသည်။
အဖွဲ့ခေါင်းဆောင် ကိုချစ်ထွန်းက ယောက်ျားများအတွက် မဟာချိုင်တွင် ကုန်းအလုပ်မရှိကြောင်း၊ လှေလိုက်မှ ငွေစုမိကြောင်း ပြောဆိုသော်လည်း ကိုချစ်ထွန်းနှင့် ကိုသက်ဝေတို့က ခေါင်းမာစွာဖြင့် အမြဲ ငြင်းဆိုနေခဲ့သဖြင့် လှေပေါ် ရောင်းစားမခံရပဲ ကျန်နေခဲ့ခြင်းဖြစ်သည်။
အလုပ်ပင်ပန်းလွန်း၍ဖြစ်စေ၊ နေထိုင်မကောင်း၍ဖြစ်စေ အလုပ်မဆင်းပါက မျက်နှာကို လက်ညှိုးထိုးပြီး ပြည့်တန်ဆာရုံတွင် ရောင်းစားမည်ဖြစ်ကြောင်း ယောက်ျားများကိုမူ အင်ဒိုလှေသို့ ရောင်းစားမည် ဖြစ်ကြောင်း မြန်မာ အလုပ်သမားများ၏ လုပ်အားခအား ထုတ်ယူပြီး စောင့်ကြပ်ဆဲဆိုနေသည့် ကရင် ပွဲစားတစ်ဦးက အမြဲကြိမ်းမောင်း ခြိမ်းခြောက် ပြောဆိုလေ့ရှိသည်။ ၄င်းတို့၎ဦး ထွက်ပြေး လွတ်မြောက်လာ သော်လည်း ကျန်နေခဲ့သည့် အလုပ်သမားများ အတွက် အထူးစိုးရိမ်ကြောင်းလည်း ပြောပြကြသည်။
မဟာချိုင်တွင် အလားတူ ရောင်းစားခံနေရမှုများစွာ ရှိကြောင်း မဟာချိုင်မှ အလုပ်သမားများက ပြောပြ၍ သိရှိရသည်။ မဲဆောက်မှ တက်လာရာ လမ်းတစ်လျှောက်တွင်လည်း ထမင်းကို ဖြစ်သလိုစားရ၊ အိပ်ရခြင်းများ၊ တောလမ်းခရီးကို လေးငါးရက် လမ်းလျှောက်လာခဲ့ရသည်။
ကားစီးမည့် နေရာသို့ ရောက်သည့်အခါ ထိုင်းပွဲစားများ ရိုက်နှက်ဆဲဆိုခံရပုံများအပြင် ကားပေါ်တွင် အလေး
အပေါ့ သွားလိုသော်လည်း ကားကို ရပ်နားမပေးပေ။ ရေဆာလျှင် ရေမသောက်ရပဲ လူကို ပြည့်သိပ် တင်ထား သဖြင့် လာရာလမ်းတစ်လျှောက်တွင်လည်း အထူးပင်ပန်းဆင်းရဲကြောင်း၊ သို့ဖြစ်၍ မြ၀တီနှင့် မဲဆောက်တို့မှ ပွဲစားတို့၏ မဲဆွယ်တရားများကို ယုံကြည်၍ တောလမ်းမှ မလာသင့်ကြောင်း မဝေေ၀လွင်က ခရေစေ့တွင်းကျ ရှင်းပြ ပြောဆိုသွားသည်။
ကိုကျော်သောင်းမှ ပေးပို့ပါသည်။

မြန်မာအလုပ်သမားများ စုပေါင်းလှူဒါန်းသည့် ဗုဒ္ဓဘာသာ မြန်မာဘုန်းတော်ကြီးကျောင်း ရေစက်ချပွဲကျင်းပ

ဇူလိုင် ၂၇
ထိုင်းနိုင်ငံတောင်ပိုင်း ဖန်ငခရိုင် တကွန်ပါမြို့နယ်နမ့်ခင်း ကျေးရွာ ထိုင်းဘုန်းတော်ကြီးကျောင်းအတွင်း မြန်မာအလုပ်သမားများ စုပေါင်းဆောက်လုပ် လှူဒါန်းသည့် မြန်မာဗုဒ္ဓဘာသာ ဘုန်းတော်ကြီးကျောင်း ရေစက်ချပွဲနှင့်အတူ ၀ါဆိုသင်္ကန်း ဆက်ကပ်လှူဒါန်းပွဲကို စည်ကားသိုက်မြိုက်စွာ ကျင်းပခဲ့ကြောင်း သိရှိရသည်။
မြန်မာအလုပ်သမား တစ်ထောင့်ငါးရာခန့်ရှိသည့် နမ့်ခင်းကျေးရွာတွင် မြန်မာအလုပ်သမားများ စုပေါင်း ဖွဲ့စည်းထားသည့် လူမှုကူညီရေးအသင်းကြီးမှ ဦးဆောင်ဦးရွက်ပြု၍ အဆိုပါ ဘုန်းတော်ကြီးကျောင်းကို တည်ဆောက်ခဲ့ခြင်း ဖြစ်သည်။ အလှူဖြစ်မြောက်ရေး အကျိုးတော်ဆောင် ကိုဖိုးဇော်က “ကျနော် အရမ်း ၀မ်းသာနေတယ်ဗျာ၊ ဘာပြောလို့ ပြောရမှန်း မသိအောင်ပဲ၊ လူပေါင်း၅၀၀ ကျော်လောက်ရှိမယ် ထင်တယ်။ ပုလိပ်လည်းမဖမ်းဘူး၊ အားလုံးပျော်ပျော်ရွှင်ရွှင်ပဲ၊ အမှတ်တရ ဗမာအစားအစာ မုန့်ဟင်းခါး ချက်ကျွေး ပါတယ်။ ထမင်းက နေ့တိုင်းအိမ်မှာ စားနေတာပဲ။ ကျနော်တို့ မြန်မာ အလုပ်သမား လူငယ်တွေက၊ ကျနော်တို့ ဘာလုပ်ရမလဲဆိုပြီး နေ့တိုင်းလာပြီး လုပ်အားပေး တာဝန်တွေ ကိုယ်စီခွဲပြီးတော့ လုပ်အားဒါန ပြီးစီးအောင် ပြုခဲ့ကြတာဖြစ်လို့ မရှိမဖြစ်လိုအပ်တဲ့ ဆောက်လုပ်ရေး ပစ္စည်းတွေလောက်ပဲ ၀ယ်ရပါတယ်။ ဒီနေ့ ကုန်ကျစားရိတ် မပါပဲ မနေ့က ပေါင်းထားတဲ့ စါရင်းအရ အပြီးအစီးထိ ရှစ်သောင်းရှစ်ထောင် ရှစ်ရာသုံးဆယ် ခုနစ်ဘတ် ကုန်ကျခဲ့ပါတယ်၊ ဘာပြောချင်လဲ ဆိုတော့ ကျောင်းဆောက်လုပ်ခွင့်ပေးတဲ့ ထိုင်းကျောင်းထိုင် ဆရာတော်ကြီးနဲ့ ထိုင်းအာဏာပိုင်အားလုံးကို အထူးကျေးဇူးတင်ပါတယ်”ဟု ကြည်နူး ၀မ်းမြောက်စွာ ပြောဆိုသွားသည်။
အဆိုပါ တစ်ထပ် မြန်မာဘုန်းတော်ကြီးကျောင်းမှာ ပေ ၆၀ကျော် ပတ်လည်ခန့်ရှိပြီး သက်တော် ၃၄နှစ်အရွယ် မြန်မာသံဃာတော် တစ်ပါး သာသနာ ပြုတော်မူမည်ဖြစ်သည်။ သက်ဆိုင်ရာတို့မှ ခွင့်ပြုမိန့် ကျပြီးနောက် မြန်မာအလုပ်သမားများ နေ့ရောညပါ လက်သမား၊ ပန်းရံလုပ်အားပေး တည်ဆောက်ခဲ့ကြခြင်း ဖြစ်သည်။
ဤဒေသသို့ နောက်ရောက်လာမည့် မြန်မာအလုပ်သမားနှင့် နောင်လာနောက်သားများ မြန်မာ ဘုန်းတော်ကြီး ကျောင်းကို ကိုးကွယ်ခွင့်ရရန်နှင့် တွေ့ဆုံခွင့်ရရန်၊ အစဉ်အလာကောင်းများ ဖြစ်ထွန်းစေရန် အပြင် ထိုင်းနှင့် မြန်မာများ အကြား နားလည်မှု ပိုမိုရရှိစေရန်ရည်ရွယ်ပြီး တည်ဆောက်ခဲ့ခြင်းဖြစ်ကြောင်း ကိုဖိုးဇော်က ပြောပြသည်။
ဒေသအခြေစိုက် GHRE အခြေခံ လူထု လူ့အခွင့်အရေး ပညာပေးအဖွဲ့မှ အလုပ်သမားရေးရာ တာဝန်ခံ ကိုမိုးဝေက “ကျနော်တို့လည်း ဒေသတွင်းက လူတွေကို ၀ိုင်းဝန်းစည်းရုံးပေးတယ်။ ပြီးတော့ ကျောင်းတစ်ခုလုံးမှာ ခင်းမယ့်
ကြွေပြားတွေကို ကျနော်တို့အဖွဲ့က လှူပါတယ်။ ကျနော်တို့ ထိုင်းတောင်ပိုင်း ဖန်ငခရိုင် နန်းထ၀ီရော်ဘာကုမ္ပဏီ ခြံဝင်းအတွင်းမှာ မြန်မာတွေစုပေါင်းပြီးတော့ မနှစ်က ဘုန်းတော်ကြီးကျောင်း တစ်ဆောင် ဆောက်လုပ် လှူဒါန်းခဲ့တယ်၊ နောက်နေရာတွေမှာလည်း မြန်မာဘုန်းတော်ကြီးကျောင်းတွေ ပေါ်ပေါက်လာမယ်ဆ်ိုရင် ကျနော်တို့ တတ်နိုင်သလောက် ကူညီပေးမယ်။ ပြီးတော့ နေရာတိုင်းမှာ ဒီလို သာရေးနာရေး အသင်းလေးတွေ တည်ထောင်နိုင်အောင် လုပ်ကြပါလို့ တိုက်တွန်းချင်ပါတယ်”ဟု ပြောသည်။
ထိုင်းနိုင်ငံအတွင်း နေရာတိုင်းတွင် မြန်မာအလုပ်သမားများ ရှိနေသော်လည်း စုစုစည်းစည်း သာရေးနာရေး
အသင်းငယ်များ စတင်ဖွဲ့စည်းခြင်းသည် အခြားရွေ့ပြောင်း အလုပ်သမားရေး ဆိုင်ရာ ကိစ္စရပ်များတို့ကို လည်း ဆက်လက် ဆောင်ရွက်သွားနိုင်ကြောင်း ရောက်လေရာ အရပ်တွင် ဖွဲ့စည်းထားသင့်ကြောင်း GHRE မှ အလုပ်သမားရေးရာ တာဝန်ခံ ကိုမိုးဝေက တိုက်တွန်းပြောဆိုသွားသည်။
ရေစက်ချ အလှူမင်္ဂလာပွဲသို့ အခြားမြို့ရွာများတွင်လည်း ၀ါဆိုပွဲတော်ရှိနေသဖြင့် ကျောင်းထိုင်မည့် မြန်မာ သံဃာတော်တစ်ပါးနှင့် ကျောင်းရှိ ထိုင်းသံင်္ဃာတော်ဆယ်ပါးတို့ ပရိတ်တရားတော်များကို ချီးမြှင့်တော်မူ ခဲ့ကြသည်။