သတင်းထိန်ချန်ခြင်းလိမ်ညာခြင်းများ လုပ်လိုပါကပြန်ကြားရေးဝန်ကြီးဌာနသို့ဆက်သွယ်ပါရန်

အစိုးရဌာနများအနေဖြင့် ထိန်ချန်ပိတ်ပင်လိုသော သတင်းများကို ပြန်ကြားရေး ၀န်ကြီးဌာနသို့ ကြိုတင် အကြောင်းကြားလျှင် ပူးပေါင်း ထိန်းချုပ်ပေးမည် ဖြစ်ကြောင်း ၀န်ကြီး ဗိုလ်မှူးချုပ်ကျော်ဆန်းက ဖိတ်ခေါ်ထားသည်။

"မိမိတို့ ဌာနဆိုင်ရာနှင့် ပတ်သက်၍ ဖော်ပြခွင့် မပြုလိုသော၊ ထိန်ချန်လိုသော၊ ထိန်ချန် ပိတ်ပင်ထားလိုသော သတင်း အကြောင်းအရာများ ရှိပါက" "ပြန်ကြားရေးဌာနသို့ စာဖြင့် ကြိုတင်ညှိနှိုင်း ပေးပို့ထားမည် ဆိုပါက သင့်လျော်သလို ထိန်းချုပ် ချပြပေးနိုင်မည် ဖြစ်ပါသည်" ဟု ပြောခဲ့ကြောင်း မဇ္ဇျိမသတင်းတရပ်တွင် ဖေါ်ပြသည်။
"စာပေစိစစ်ရေး လုပ်ငန်းများနှင့် ပတ်သက်၍ ၀န်ကြီးဌာနအလိုက် သတင်းထုတ်ပြန်ရေး စနစ်နှင့် သတင်းညှိနှိုင်းစနစ်များ ထားရှိ ပူးပေါင်း ဆောင်ရွက်ရေးကိစ္စ" စာတွင် ပြန်ကြားရေးဝန်ကြီး လက်အောက်ရှိ စာပေစိစစ်ရေးဌာနအတွက် ကန့်သတ်ရမည့် အသုံးအနှုန်း၊ အကြောင်းအရာနှင့် ပတ်သက်၍ တိတိကျကျ သတ်မှတ်ထားခြင်းမရှိ၍ လုပ်ငန်းဆောင်ရွက်ရာတွင် အခက်အခဲ ရှိနေရာ လိမ်ညာဖေါ်ပြလိုလျှင်၎င်း၊ သတင်းထိမ်ချန်လိုလျှင်၎င်း အတွေ့အကြုံရှိပြီး လုပ်နေကျဖြစ်သော သူ၏ပြန်ကြားရေးဝန်ကြီးဌာနကို ဆက်သွယ်ရန် ပြန်ကြားရေးဝန်ကြီး ကျော်ဆန်းက ဖိတ်ခေါ်လိုက်ခြင်းဖြစ်သည်။

ထို့အပြင် "အထူးသဖြင့် ဌာနဆိုင်ရာများနှင့် ပတ်သက်သည့် သတင်းများ၌ သက်ဆိုင်ရာဌာနနှင့် စာနယ်ဇင်းသမားများအကြား မကြာခဏ အငြင်းပွားဖွယ် အခြေအနေများ ပေါ်ပေါက်လျက်ရှိကြောင်း တွေ့ရှိရပါသည်" ဟု ဆိုထားရာ သူတို့စိတ်တိုင်းကျ
လိမ်ညာဖေါ်ပြခြင်းမရှိသဖြင့် အလိုမကျဖြစ်နေပုံရသည်။

ပြင်သစ်အခြေစိုက် နယ်စည်းမခြား သတင်းထောက်များအဖွဲ့ (RSF) ၏ ၂၀၀၈ ခုနှစ်အတွက် ၁၇၃ နိုင်ငံအား လေ့လာချက်တွင် သတင်းလွတ်လပ်ခွင့် ချိုးဖောက်မှုအဆင့်၌ မြန်မာနိုင်ငံသည် အဆင့် ၁၇၀ တွင် ရှိနေသည်။ သူ့ထက်ဆိုးရွားသော နိုင်ငံ ၃ ခုမှာ တာ့ခ်မေနစ်စတန် (Turkmenistan) ၊ မြောက်ကိုရီးယားနှင့် အီရီထရီးယား (Eritrea) တို့ ဖြစ်ရာ သူတို့ထက်သာသူရှိနေသေးခြင်းကိုလဲ မနာလိုဖြစ်နေပုံရပါသည်။

RSF က မြန်မာနိုင်ငံတွင် "သတင်းသမားများ၊ ပညာတတ်များနှင့် နိုင်ငံခြားသားများကိုပင် စစ်အစိုးရက ရန်သူအဖြစ် ရှုမြင်ကြသည်” ဟု ပြောထားသည်။တကယ်တော့ မြန်မာနိုင်ငံသားအားလုံးကို ဒီမိုကရေစီတောင်းခဲ့ခြင်းကြောင့် ရန်သူ
အဖြစ်ရှုမြင်နေခြင်းသာဖြစ်သည်။

ဗိုလ်မှူးချုပ် ကျော်ဆန်း၏ စာတွင် ၀န်ကြီးဌာနများကို သတင်းထုတ်ပြန်ရေး အဖွဲ့များဖြင့် သတင်းထုတ်ပြန်ရန် တိုက်တွန်းလိုက်ထားသည့်အပြင်.."မိမိတို့၏ သတင်းများကို ထိန်းချုပ်ထားခြင်းထက် မိမိလိုလားသည့်အတိုင်း
ပညာသားပါပါ ကြိုတင်အသိပေးခြင်းဖြင့် (Pre-emptive) လက်ဦးမှု ရယူဆောင်ရွက်ခြင်းက မိမိတို့အတွက်
ပိုမိုကောင်းမွန် အကျိုးရှိကြောင်း သုံးသပ်တွေ့ရှိရပါသည်" ဟု ပြောဆိုခဲ့ရာ သတင်းလိမ် သတင်းညာထုတ်ပြန်
လိုသူများနှင့် သတင်းထိမ်ချန် လိုသူများ ပြန်ကြားရေးဝန်ကြီးဌာနနှင့် ဆက်သွယ်နိုင်ပါကြောင်း တင်ပြလိုက်ရ
ပါသည်။