ရွေးကောက်ပွဲ ဥပဒေကို စောင့်ကြည့်ရန် လိုအပ်ပါသလော

လွတ်မြောက်နယ်မြေသို့ ရောက်ရှိနေကြသော သူအားလုံးနှင့် ပြည်တွင်း ပြည်ပရှိ ဒီမိုကရေစီ အင်အားစု အားလုံး တို့သည် ရွေးကောက်ပွဲ ဥပဒေကို စောင့်ကြည့်ရန် လိုအပ် ပါသလော(သို့) စောင့်ကြည့်ရန်မလိုအပ်ပါ ဆိုသည့် အကြောင်း နှစ်ရပ်အပေါ် စဉ်းစားဆုံးဖြတ်ရန် လိုအပ်ပါသည်။ ကျွန်ုပ်တို့ ၂၀၀၉ CAC အနေဖြင့် စတင် ဖွဲ့စည်း ကတည်းကပင် ရွေးကောက်ပွဲကို လက်မခံ ခြေဖျက် သွားမည်ဟု အတိအလင်း ကြေငြာခဲ့ပြီးဖြစ်သည်။ သို့ဖြစ်ပါ၍ ရွေးကောက်ပွဲဥပဒေကိုစောင့်ကြည့်ရန် လုံးဝ မလိုအပ်ဟု ယုံကြည်သည်။

ဤသို့ ကျွန်ုပ်တို့ မယုံကြည်ရခြင်းမှာ ပြီးခဲ့သော စစ်အာဏာရှင်တို့ရဲ့ လုပ်ရပ်များက သက်သေခံ နေခဲ့ပါသည်။ ၎င်းတို့ရဲ့ တရားမမျှတမှု၊ စာနာမှုကင်းမဲ့ခြင်း လုပ်ရပ် အခြေအနေများကို သုံးသပ်ကြည့်လျှင် အောက်ပါ အချက်များကို ထင်ရှားစွာ တွေ့ရမည် ဖြစ်သည်။

(၁) ၈၈၈၈ ပြည်သူ့အရေးတော်ပုံကြီးကို ရက်စက်မှု ကမ်းကုန်စွာဖြင့် ဖြိုခွဲခဲ့ခြင်း။

(၂) ၁၉၈၈၊ စက်တင်ဘာ ၁၈ ရက်၌ ပြည်သူတရပ်လုံး၏ ဆန္ဒကိုဆန့်ကျင်ပြီး နိုင်ငံတော်အာဏာကို လက်နက် အားကိုးဖြင့် မတရား သိမ်းပိုက်ခဲ့ခြင်း။

(၃) အာဏာသိမ်းပိုက်ပြီးလျှင်ပြီးချင်း သတ်ဖြတ်မှု၊ ဖမ်းဆီးမှုများကိုအစွမ်းကုန်ပြုလုပ်ခဲ့ခြင်း။ (ထိုဖမ်းဆီးမှု များထဲတွင် အချုပ်ကားထဲ၌ မွန်းကြပ်၍ သေဆုံးသူများ၊ ဒါဏ်ရာသာ ရရှိထားပြီး အသက်ရှင် နေသေးသူ များ ကိုပါ သဂြိုလ်ခဲ့ခြင်းကြောင့် သေဆုံးခဲ့ရသူများစွာ ပါဝင်သည်။)

(၄) ၎င်းတို့ ကိုယ်တိုင်ပြုလုပ်ခဲ့ပြီး ထိုစဉ်ကဗိုလ်ချုပ်မှုးကြီးစောမောင်မှ “ လွတ်လပ်ပြီး တရားမျှတတဲ့ ရွေးကောက်ပွဲ ဖြစ်တယ်။ စစ်တပ်က စစ်တမ်းလျားကို ပြန်ပါမယ်” လို့ပြောကြားခဲ့တဲ့ ၁၉၉၀ မေ ၂၇ ရွေးကောက်ပွဲ ရလာဒ်ကို ငြင်းပယ်ခဲ့ပြီး ၁/၉၀ ဥပဒေ ထုတ်ပြန်ခဲ့ခြင်း။

(၅) နိုဘယ်ငြိမ်းချမ်းရေးဆုရှင် ဒေါ်အောင်ဆန်းစုကြည်ကို ထိန်းသိမ်းခဲ့ပြီး(လူထုရွေးကောက်ထားသော) NLD ပါတီရဲ့ လှုပ်ရှားမှုများကို ကန့်သတ်ချုပ်ချယ် ပိတ်ပင်ထားခဲ့ခြင်း။

(၆) ၅/၉၆ ဥပဒေကိုထုတ်ပြန်ပြီး ၎င်းတို့ကိုဆန့်ကျင်သူ ဒီမိုကရေစီရေးလှုပ်ရှားသူများအပေါ် ဖိနှိပ်ရန် အနှိမ့်ဆုံး ထောင်ဒါဏ်အဖြစ်(၇ နှစ်) ချမှတ်ခဲ့ခြင်း။ (၁၉၉၆ကျောင်းသားလှုပ်ရှားမှုကို အကြမ်းဖက် နှိမ်နှင်းခဲ့ပြီး ကြမ်းခင်း ထောင်ဒဏ် ၇ နှစ်ချမှတ်ခဲ့ ပါသည်။)

(၇) ၁၉၉၈ ခုနှစ်၌ ပေါ်ပေါက်လာသော CRPP(ပြည်သူ့လွှတ်တော်ကိုယ်စားပြုကောင်စီ) ၀င်များ ရှမ်းတိုင်းရင်းသား ခေါင်းဆောင် ဦးခွန်ထွန်းဦး နှင့် တိုင်းရင်းသား ခေါင်းဆောင်များအပေါ် နှစ်ရှည် ထောင်ဒါဏ်များ ချမှတ်ခဲ့ခြင်း။

(၈) ၂၀၀၃ ခုနှစ်၏ လူထုခေါင်းဆောင်ဒေါ်အောင်ဆန်းစုကြည်ကို ဒီပဲယင်းမြို့နယ်(မန္တလေးတိုင်း)တွင် လုပ်ကြံသတ်ဖြတ်မှုကြီးကို နအဖ ထိပ်တန်း ခေါင်းဆောင်များမှ ကြီးကြပ်၍ စနစ်တကျ ကြိုးပမ်းခဲ့ခြင်း။

(၉) ၂၀၀၇ ခုနှစ်မေလထဲ၌ ၎င်းတို့တဖက်သက်ရေးဆွဲထားသော အခြေခံဥပဒေကိုအတည်ပြုရန် မဲပေးပွဲကို နာဂစ်မုန်တိုင်းမေ ၂ ရက် တိုက်ခိုက်မှုကြောင့် အဓိက ဧရာဝတီတိုင်း အပါအ၀င် တခြားဒေသများ၌ အလုံးစုံ ပျက်စီးမှုများ လူပေါင်းသိန်းချီ သေဆုံးသူများရဲ့ ပူဆွေးဝမ်းနည်းမှုများကို စာနာမှုကင်းမဲ့စွာ သေဆုံးသူများရဲ့ ၇ ရက်ပြည့် ရက်လည်အပြီးတွင် ပြုလုပ်ခဲ့ပြီး အရှက်တရားကင်းမဲ့စွာ မဲလိမ်ပြီး အောင်မြင်ကြောင်း ထုတ်ပြန်ခဲ့ခြင်း။

(၁၀)မုန်တိုင်းဒါဏ်သင့်သူများကို ပေးအပ်လာမည့် နိုင်ငံတကာအကူအညီများကို ငြင်းပယ်ခြင်း ထိုသို့ ငြင်းပယ်မှုကြောင့် နောက်ထပ်ပြည်သူများ သောင်းနှင့် သိန်းနှင့်ချီ၍ သေဆုံးခဲ့ရပါသည်။ နိုင်ငံတကာ အကူအညီ များကို နအဖ နှင့်အပေါင်းအပါများက ကိုယ်ကျိုးအဖြစ် အမြတ်ထုတ် အသုံးပြုခဲ့ခြင်း။

(၁၁)၂၀၀၇ စက်တင်ဘာအတွင်းဖြစ်ပွားခဲ့သော ငြိမ်းချမ်းစွာမေတ္တာပို့ ဆုတောင်း ချီတက် လမ်းလျှောက်လာ ကြသော ရဟန်းသံဃာတော်များ၊ ပြည်သူများကို မိစ္ဆာလုပ်ရပ်များဖြင့် ရက်စက်စွာ ဖြိုခွဲခဲ့ခြင်း။

(၁၂)သြဂုတ်လနှင့် စက်တင်ဘာလတွင် ဖြစ်ပွားခဲ့သော ငြိမ်းချမ်းစွာဆန္ဒပြခဲ့သူများ၊ လောင်စာဆီ ဈေးနှုန်း ကျဆင်းရေးကို ဆောင်ရွက်ခဲ့သူများဖြစ်သော အရှင်ဂမ္ဘီရ အပါအ၀င် ရဟန်းသံဃာတော်များ၊ ၈၈ မျိုးဆက် ကျောင်းသား ခေါင်းဆောင်များ ကိုမင်းကိုနိုင် အပါအ၀င် နိုင်ငံရေး တက်ကြွ လှုပ်ရှားသူများကို ကြီးလေးသော ထောင်ဒါဏ်များ ချမှတ်ပြီး သွားလာရန် ခက်ခဲသည့် နေရာများသို့ အငြိုးကြီးစွာ ပို့ဆောင်ခဲ့ခြင်း။

(၁၃)မြန်မာနိုင်ငံတစ်ဝှမ်း တိုင်းရင်းသားလုမျိုးစုများအပေါ် အဓမ္မ စစ်ပေါ်တာလုပ်အားပေး လုပ်ခိုင်းခြင်း၊ အပြစ်မဲ့ တိုင်းရင်းသား/သူများကို အဓမ္မပြုကျင့်ခြင်း၊ အဓမ္မရွှေ့ပြောင်းခြင်း၊ ဥပဒေမဲ့ သတ်ဖြတ်ခြင်း၊ စစ်ပွဲများဖြစ်ခြင်းကြောင့် အိုးအိမ်စွန့်ခွာထွက်သွားအောင်ပြုလုပ်ခြင်း စသော လူ့အခွင့်အရေး ချိုးဖောက်မှု များကို မရေတွက်နိုင်အောင် ပြုလုပ်ခဲ့ခြင်း။

(၁၄)လူထုခေါင်းဆောင်ဒေါ်အောင်ဆန်းစုကြည်ကို ဒီပဲယင်း၌ လုပ်ကြံသတ်ဖြတ် ကြိုးပမ်းမှုအပြီး ၂၀၀၄ ခုနှစ်၌ ဗိုလ်ချုပ်ကြီးခင်ညွှန့်မှ ထုတ်ပြန်ခဲ့သောလမ်းညွှန်မြေပုံခုနှစ်ရပ်တွင် စစ်တပ်မှ ကျွန်ုပ်တို့မြန်မာနိုင်ငံတော်ကြီးကို စစ်ကျွန်ဖြစ်ထားရှိပြီုး ရာသက်ပန်အုပ်ချုပ် သွားမည်ဟု အတိအလင်းကြေငြာခဲ့ခြင်း သာဖြစ်၍ ပြည်သူလူထု အကျိုးကို ရှေးရှုသည့် အချက်အလက် တစုံတရာ မပါရှိခဲ့ခြင်း။

- စသည့် အခြေအနေများက ကျွန်ုပ်တို့တော်လှန်ရေးအင်အားစုများအနေဖြင့် ရွေးကောက်ပွဲ ဥပဒေကို စောင့်ကြည့်ရန် မလိုအပ်ကြောင်း သက်သေပြုခဲ့ပြီးဖြစ်၍ ပြည်သူလူထုကို ရာသက်ပန် စစ်ကျွန်ပြုမည့် ၂၀၁၀ ရွေးကောက်ပွဲကို ဖျက်ဆီးပစ်ရန် အပြင်းအထန် ကြိုးစားကြ သင့်ကြောင်းနှင့် ထိုရွေးကောက်ပွဲကို အထောက်အပံ့ ပြုမည့် ရွေးကောက်ပွဲ ဥပဒေဆိုသည့် သူတို့စိတ်တိုင်းကျ ရေးဆွဲထားသည့် အလိမ်အညာ ဥပဒေကို စောင့်ကြည့်နေရန် မလိုဟု ကျွန်ုပ်တို့ ၂၀၀၉ CAC မှ အလေးအနက် ယုံကြည်ပေသည်။

အလုပ်အမှုဆောင် အဖွဲ့ဝင်တဦး

၂၀၀၉ စုစည်းလှုပ်ရှားမှုကော်မတီ
http://cacburma.blogspot.com