နအဖခေါင်းဆောင် ဗိုလ်ချုပ်မှူးကြီး သန်းရွှေသည် အိန္ဒိယနိုင်ငံတော် သမ္မတ Mrs Pratibha Patil ၏ ဖိတ်ကြားချက်အရ အိန္ဒိယ နိုင်ငံသို့ ယခုလ ၂၅ရက်မှ ၂၉ရက်နေ့အထိ အလည်အပတ် လာရောက်ရန် ရှိကြောင်း အိန္ဒိယသံရုံး အသိုင်းအဝန်းမှ ပြောပြပါသည်။
ဗိုလ်ချုပ်မှူးကြီး သန်းရွှေသည် ၂၀၀၄ ခုနှစ် အောက်တိုဘာလ ၂၅ရက်မှ ၂၉ရက်အထိ အိန္ဒိယနိုင်ငံသို့ သွားရောက်ခဲ့ဘူးရာ ယခုတကြိမ်သည် (၇)နှစ်အတွင်း အိန္ဒိယ နိုင်ငံသို့ ဒုတိယ အကြိမ်အလည်အပတ် သွားရောက်ခြင်းလည်းဖြစ်ပါသည်။
မြန်မာနအဖ အသိုင်းအဝိုင်းမှ အတည်ပြု ပြောဆိုချက်များအရ ဗိုလ်ချုပ်မှူးကြီးသန်းရွှေနှင့်အတူ အဆင့်မြင့် အရာရှိများပါ လိုက်ပါသွားမည်ဖြစ်ပြီး ဥရောပ သမဂ္ဂနှင့် အမေရိကန်တို့၏ စီးပွါးရေးပိတ်ဆို့မှု အဝန်းအဝိုင်းကို ချဲ့ထွင်လာသည့် ကိစ္စနှင့် ပါတ်သက်သည်ဟုလည်း ဆိုပါသည်။ ပိုမိုဆိုးရွားလာနေသည့် လူအခွင့်အရေး ချိုးဖေါက်မှုများကြောင့် အမေရိကန်နှင့် ဥရောပသမဂ္ဂတို့၏ ထိရောက်သော စီးပွါးရေး ပိတ်ဆို့မှုများကြောင့် အထိနာမှုများ ရှိလာသဖြင့် မြန်မာနိုင်ငံ၏ အကြီးဆုံး အိမ်နီးချင်း နိုင်ငံများဖြစ်သော တရုတ်နှင့် အိန္ဒိတို့နှင့် ပိုမိုရင်းနှီးစွာ ဆောင်ရွက်နိုင်ရန် ကြိုးစားအားထုတ်ခြင်း ဖြစ်သည်ဟု နအဖ အရာရှိများက ပြောကြပါသည်။
ကမ္ဘာပေါ်တွင် အင်အားကောင်းသော ဒီမိုကရေစီ နိုင်ငံကြီးဖြစ်သော အိန္ဒိယနိုင်ငံသည် လူ့အခွင့်အရေး ချိုးဖောက်မှု များစွာပြုလုပ်လျှက်ရှိသော မြန်မာနိုင်ငံနှင့် ငွေကြေးအထောက်အပံများ၊ စီးပွါးရေး ဆက်ဆံမှုများ၊ စက်မှုလုပ်ငန်းဆိုင်ရာများ၊ နည်းပညာ အကူအညီများ စသည်ဖြင့် ကျယ်ပြန့်စွာ ဆက်စပ်မှု ပြုလုပ်လျှက် ရှိပါသည်။
ဗိုလ်ချုပ်မှူးကြီး သန်းရွှေ၏ ၅ရက်တာ ခရီးစဉ်အတွင်း အိန္ဒိယနိုင်ငံ သမ္မတနှင့် သာမက အိန္ဒိယ ဝန်ကြီးချုပ် Manmohan Singh နှင့်ပါ အဆင့်မြင့်ဆွေးနွေးမှုများ ပြုလုပ်ပြီး ရင်းနှီးမြုပ်နှံမှုများနှင့် ချစ်ကြည်ရင်းနှီးစွာ ဆက်ဆံမှုများ ပိုမိုတိုးမြှင့်သွားရန် ဆွေးနွေးမှုများ ပြုလုပ်လိမ့်မည်ဟု ဆိုပါသည်။
မြန်မာနိုင်ငံနှင့် ကီလိုမီတာ ၁၆၀၀ကျော် နယ်နမိတ်ခြင်း ထိစပ်လျှက်ရှိသော အိန္ဒိယနိုင်ငံသည် နှစ်ပေါင်းကြာရှည်စွာ မြန်မာနိုင်ငံနှင့် စီးပွါးကူးသန်းမှုရှိသည့် နိုင်ငံဖြစ်သလို မြန်မာနိုင်ငံ၏ ဒုတိယ အကြီးမားဆုံး ကုန်ပစ္စည်း တင်ပို့ရာ နိုင်ငံလည်း ဖြစ်ပါသည်။ စီမံကိန်းကြီး ၅ ခုတွင် ရင်းနှီးမြုပ်နှံမှုမမာဏ ဒေါ်လာ ၁၈၉သန်းကို မြုပ်နှံထားသလို ၂၀၀၇-၂၀၀၈ ခုနှစ်တွင် မြန်မာနိုင်ငံက ကုန်ပစ္စည်း တင်ပို့မှု ပမာဏ ဒေါ်လာ ၇၂၈ သန်းကျော်ရှိပြီး အိန္ဒိယနိုင်ငံကမူ ဒေါ်လာ ၁၇၃ သန်းသာ ရှိခဲ့ပါသည်။
ပို့ကုန်ပမာဏနှင့် ပါတ်သက်၍ မြန်မာနိုင်ငံကသာ နှစ်စဉ် ပိုငွေပြလျှက်ရှိပါသည်။
ပြည်တွင်း သတင်းထောက် (ရွှေဝါရောင် သတင်းလွှာ)
No comments:
Post a Comment