7.19.2010

နအဖကျင်းပသည့် အာဇာနည်နေ့ အခမ်းအနားနှင့် NLD ကျင်းပသည့် အာဇာနည်နေ့ အခမ်းအနား

Photobucket
Photobucket
ရန်ကုန်၊ ဇူလိုင် ၁၉။ 
ဗိုန်ချုပ်အောင်ဆန်းနှင့် တကွ အာဇာနည်ခေါင်းဆောင်ကြီးများ ကျဆုံးခဲ့ရသည့် ၆၃ နှစ်မြောက် အာဇာနည်နေ့ အခမ်းအနားကို ရန်ကုန်မြို့ရှိ အာဇာနည်ဗိမန်တွင် ယခင် ၂နှစ်က ကဲ့သို့ပင် ထူးခြားမှုမရှိပဲ နအဖတို့က ကျင်းပပေးခဲ့ပါသည်။
ယနေ့နံနက် စောစောပိုင်းက အာဇာနည်ကုန်းတွင် ကျင်းပခဲ့သော အာဇာနည်နေ့ အခမ်းအနားတွင် ယခင် ၂ နှစ်ကနှင့် မထူးခြားပဲ ရန်ကုန်မြို့တော်ဝန် ဗိုလ်မှူးချုပ် အောင်သိန်းလင်းက နအဖ ခေါင်းဆောင် ဗိုလ်ချုပ်မှူးကြီး သန်းရွှေကိုယ်စား တက်ရောက်ခဲ့သလို လုံခြုံရေးများကိုလည်း တင်းကြပ်စွာ ချထားပါသည်။ ထို့အတူ မြန်မာနိုင်ငံအခြေစိုက် ကုလသမဂ္ဂ အရာရှိများနှင့် နိုင်ငံခြား သံတမန်များကိုလဲ ဖိတ်ကြားခြင်း မရှိခဲ့ပါ။ 
နိုင်ငံရေးအကဲခတ်များက ထိုသို့လုပ်ဆောင်နေမှုများသည် နိုင်ငံတော် အခမ်းအနားဖြင့် ပြုလုပ်ကြရသော အာဇာနည်နေ့ အခမ်းအနားကို သေးသိမ်အောင် ပြုလုပ်နေကြခြင်းသာ ဖြစ်ကြောင်း သုံးသပ်ကြပါသည်။ ဗိုလ်မှူးချုပ်အောင်သိန်းလင်း ထွက်ခွာသွားပြီး မကြာမီတွင် အာဇာနည်ခေါင်းဆောင်ကြီးများကို လေးစားသူ များက လွမ်းသူ့ပန်းခွေများချခြင်း ၊ အလေးပြုခြင်းများ ပြုလုပ်ကြပါသည်။
သို့ရာတွင် မြန်မာ့လွတ်လပ်ရေး ဗိသုကာ ဗိုလ်ချုပ်အောင်ဆန်း၏ သမီးထွေး ဖြစ်သူ ဒေါ်အောင်ဆန်း စုကြည်မှာမူ နေအိမ်အကျယ်ချုပ် ကျခံနေရခြင်းကြောင့် တက်ရောက်နိုင်ခြင်း မရှိခဲ့ပါ။ ဒေါ်အောင်ဆန်း စုကြည်သည် ပုံမှန်အနေအထား ပြင်ပတွင် ရှိနေစဉ်က သူမ၏ ဖခင်နှင့် အာဇာနည် ခေါင်းဆောင်ကြီးများကို အလေးပြုရမည့် အာဇာနည်နေ့ အခမ်းအနားများကို ပျက်ကွက်ခဲ့ဘူးခြင်း မရှိပါ။ 
ဒေါ်အောင်ဆန်းစုကြည်၏ ပါတီဖြစ်သော NLD ပါတီကလဲ အာဇာနည်နေ့ အခမ်းအနားကို ပါတီ ဒုဥက္က ဖြစ်သူ သူရဦးတင်ဦး၏ နေအိမ်တွင် ကျင်းပ ပြုလုပ်ခဲ့ပါသည်။ ထိုအခမ်းအနားသို့ NLD ဗဟိုကော်မတီဝင် ဦးဝင်းတင်နှင့် ပါတီဝင် ၃၀၀ ခန့် တက်ရောက်ကြပြီး အခြားစိတ်ပါဝင်စား သူများလည်း တက်ရောက်ခဲ့ ကြပါ သည်။
အခမ်းအနားကျင်းပ အပြီးတွင် NLD လူငယ်အဖွဲ့ဝင် ၄၀ ကျော်ခန့်က ပန်းခွေများ ကိုင်ဆောင်ကာ အာဇာနည် ဗိမာန်ရှိရာ အာဇာနည်ကုန်းသို့ ချီတက်သွားပြီး ပန်းခွေချ အလေးပြုခဲ့ကြပါသည်။ ထိုသို့ ဆောင်ရွက်မှု အပေါ် အနီးကပ်လိုက်လံ စောင့်ကြည့်မှုများရှိသော်လည်း ပန်းခွေချ အလေးပြု ခွင့်ရရှိ ခဲ့သည်ဟု သိရပါသည်။
ပြည်တွင်းသတင်းထောက်(ရွှေဝါရောင် သတင်းလွှာ)

No comments:

Post a Comment