သြဂုတ် ၆
ထိုင်းဘာသာပြန် ကိုတီး(ရခိုင့်တံခွန်ဂျာနယ်)
မြန်မာနိုင်ငံသဘာဝဓါတ်ငွေ့လုပ်ကွက်ဖြစ်သည့် M9 Block အတွက် ဇောတိကကုမ္ပဏီလီမီတက်တို့ ထံမှ ထိုင်းပုဂ္ဂလိက ကုမ္ပဏီ PTT က နှစ်ပေါင်း၃၀အတွက် သဘာဝဓါတ်ငွေ့ဝယ်ယူလိုက်ပြီးဖြစ်ကြောင်း၊ ထိုင်း နိုင်ငံအတွက် သတင်းကောင်းဖြစ်ကြောင်း ထိုင်းဘာသာထုတ် ခေါင်စွတ်သတင်းစာတွင် ရေးသားထားသည်။
မြန်မာ့ရေနံနှင့် သဘာဝဓါတ်ငွေ့ကော်ပိုရေးရှင်း MOGE နှင့် စာချုပ်ချုပ်ဆိုရန် စွမ်းအင်ဝန်ကြီးဦးလွန်းတင် ထံသို့ ထိုင်းနိုင်ငံဘက်မှ Dr. Chan Wannarat Nukul နှင့်PTT ကုမ္ပဏီတာဝန်ရှိသူ အနိုလတ်ဆာနုပိုတို့ ယမန်နေ့က အရောင်းဝယ်စာချုပ် ချုပ်ဆိုလိုက်နိုင်သဖြင့် ထိုင်းနိုင်ငံစွမ်းအင် ကိစ္စအတွက် သတင်းကောင်း တစ်ပုဒ်ဖြစ်ကြောင်း ထိုင်းနိုင်ငံထုတ်သတင်းစာတိုင်းလိုလိုတွင်ယနေ့ ဖေါ်ထုတ်ရေးသားထားကြသည်။
ဒေါက်တာ Chan Wannarat Nukul က“M9လုပ်ကွက်မှ ၁ဒဿမ၄ ထရီလီယံ ကုဗပေ ၀ယ်ယူလိုက်တာ ကြောင့် ထိုင်းနိုင်ငံအတွက်လာမယ့် နှစ်ပေါင်း၃၀အတွက် လိုအပ်တဲ့စွမ်းအင်ကိစ္စအတွ ဘာမှ ထည့်တွက် စရာမလိုဘူး”ဟု သတင်းစာသို့ ပြောဆိုသွားသည်။
တစ်နေ့လျှင် သဘာဝဓါတ်ငွေ့ ကုဗပေ ၃၀၀ မီလီယံစီတင်သွင်မည်းဖြစ်သည်။ ထိုင်းသက္ကရာဇ်၂၅၅၆ ခုနှစ်စတင်၍ နေ့စဉ် ထိုင်းဘက်သို့ ၂၄၀ မီလီယံ ကုဗပေစီ တင်သွင်းမည်ဖြစ်သည်။ ကုဗပေ ၆၀မီလီယံကိုမူ မြန်မာနိုင်ငံ၏ လျှပ်စစ်နှင့်စွမ်းအင်ကိစ္စများအတွက် အသုံးပြုသွားမည် ဖြစ်သည်။ ထိုသဘဝဓါတ်ငွေ့များကို ထိုင်းနိုင်ငံရှိ လျှပ်စစ်ဓါတ်အားလုပ်ငန်းများတွင် အသုံးပြုသွားမည် ဖြစ်သလို သယ်ယူပို့ဆောင်ရေး ယာဉ်များ အတွက်လည်း အသုံးပြုသွားမည် ဖြစ်သည်။ ထိုသဘောတူညီချက်အရ နှစ်စဉ် ဓါတ်ဆီ လီတာ သန်း၂၄၀၀ ပြည်ပမှ တင်သွင်းရမှုကို သက်သာစေမည်ဖြစ်ပြီး ထိုသဘောတူညီချက် သက်တမ်းအတွင်း အမေရိကန် ဒေါ်လာ သန်းပေါင်း လေးသိန်းခန့်ကို သက်သာစေလိမ့်မည်ဟု ပြောပြသွားသည်ဟု သိရပါသည်။
အာစီယံဒေသအတွင်း တည်ဆောက်နေသော ကီလိုမီတာ ၂၈၀၀မှ ၃၀၂၀ အထိ ရှည်လျှားသော ဓါတ်ငွေ့ ပိုက်လိုင်း စီမံကိန်း၏ သွယ်တန်းမှုများ ပြီးစီးသွားလျှင်မူ လောင်စာအရင်းအမြစ်များသည် ပိုမို မြန်ဆန် လုံခြုံစွာဖြင့် ရောက်ရှိလာနိုင်မည်ဟု Dr. Wannarat ကဖြည့်စွက် ပြောပြသွားခဲ့သည်ဟု ထိုင်း သတင်းစာ များက ရေးသားကြပါသည်။
No comments:
Post a Comment