ဇူလိုင် ၂၉
ယမန်နေ့ညက ဘန်ကောက်မြို့အနီး မဟာချိုင် မူစီရပ်ကွက် ၀တ်ထစ် ဘုန်းတော်ကြီးကျောင်းဝင်း အတွင်း တရားပွဲ ကျင်းပပြီး ယနေ့ တွင် ဆရာတော်နှင့် အဖွဲ့ မြန်မာပြည်သို့ ပြန်ကြွမည်ဖြစ်သည်။
ဘုန်းကြီးကျောင်းဝင်း အတွင်း ထောင်ပေါင်းများစွာသော မဟာချိုင်အရပ်ရှိ ရွေ့ပြောင်းမြန်မာအလုပ်သမား
များအား “သေလူနှင့် ရှင်လူ” အမည်ရှိသည့် တရားတော်ကို ချီးမြှင့်တော်မူသည်။
ဆရာတော်၏ တရားတော်ထဲတွင် “ထိုင်းနိုင်ငံ တိုးတက်နေခြင်းမှာ စိတ်ဓါတ်ကြောင့် ဖြစ်ကြောင်း၊ စိတ်အဆင့်မြင့် သူတို့ မည်သည်မှာ သူတစ်ပါးကို အထင်သေးခြင်း၊ နှိမ့်ချဆက်ဆံခြင်း မရှိခြင်းများ အပြင် စည်းကမ်းရှိခြင်း တို့ကြောင့် ဖြစ်ကြောင်း၊ မိမိတို့ ရောက်ရှိနေသည့် တိုင်းပြည်ကို ကျေးဇူးတင်သင့်ပြီး၊ ကောင်းသော အကျင့်စားရိုက်များကို အတုယူသင့်ကြောင်း၊ ပြီးခဲ့သည့်နှစ်၂၀ ခန့် က ထိုင်းနှင့် မြန်မာ ဘာမှ မကွာသေးကြောင်း၊ ယနေ့ထိုင်းနိုင်ငံက
အထက်ကို တက်နေပြီး၊ မြန်မာနိုင်ငံက အောက်ကို ထိုးဆင်းနေကြောင်း၊ ဆင်းရဲခြင်း ချမ်းသာခြင်း၊ တိုးတက်ခြင်း နိမ့်ကျခြင်းတို့ အားလုံးမှာ စိတ်ဓါတ်နှင့်သာ ဆိုင်ကြောင်း၊ လောကော၊ လောကကြီးကို စိတ်တေန စိတ်ကသာ ဆောင်ကြောင်း။ ထိုင်းနိုင်ငံမှာ လမ်း၊ အဆောက်အဦးနှင့် လူနေမှု အဆင့်အတန်းများ တိုးတက်နေခြင်းမှာ ထိုင်း လူမျိုးတို့ စိတ်ဓါတ် အဆင့်မြင့်နေသဖြင့် မြင့်လာခြင်း ဖြစ်ကြောင်း။ မြန်မာများထက် စိတ်ဓါတ်မြင့်နေသဖြင့် မြန်မာများထက် တိုးတက်နေကြောင်း” ထောက်ပြ ဟောပြော မိန့်တော်မူသည်။
တိုးတက်နေသည့် တိုင်းပြည်တိုင်း စိတ်ဓါတ်များ အဆင့်မြင့်ခြင်းကြောင့် ဖြစ်ကြောင်း၊ သခင်စိတ်၊ ကျွန်စိတ် ၂ခုအနက် သခင်စိတ်ဖြစ်အောင် ကျင့်ကြံရမည်ဖြစ်ကြောင်း၊ ဖြစ်စေသတည်းဟူ၍ ဖြစ်လာမည်မဟုတ်ပဲ၊ အောက်တမ်းကျသည့် စိတ်ဓါတ်များကို မမွေးမြူပဲ၊ အဆင့်မြင့်သည့် သခင်စိတ်ဓါတ်များရှိအောင် အစဉ်တစ်စိုက် ကြိုးစားမှ မြန်မာလူမျိုး၊ မြန်မာပြည်ကြီး တိုးတက်လာမည်ဖြစ်ကြောင်း၊ စိတ်ပိုင်းဆိုင်ရာ ဆင်ခြင်စရာ၊ လိုက်နာကျင့်ကြံစရာများကို ဟောပြောသွားသည်။
တရားပွဲတော် စီစဉ်သူတစ်ဦး အပါအ၀င်ဖြစ်သူ ဦးအောင်ကျော်က “မြန်မာ လူငယ်များအနေဖြင့် ဘာသာ တရားနှင့် နီးစပ်မှုရှိစေရန် စီစဉ်ခြင်းဖြစ်ကြောင်း၊ ဦးသုမင်္ဂလာ တရားခွေများကို လူငယ်တိုင်း နားထောင်ပြီး သဘောကျတယ်၊ လူငယ်တွေနားလည်အောင် ဘွင်းဘွင်းရှင်းရှင်း ဟောတယ်၊ ဒါကြောင့် လူငယ်တွေ ဒီလောက်အထိ တရားလာနာကြတယ်လို့ ကျနော်ထင်တယ်”ဟု ပြောသည်။
တရားပွဲ မစမီနှင့် တရားပွဲ အစပိုင်းတွင် မိုးရွာသွန်းခဲ့သော်လည်း တရားနာ ကြွရောက်လာသည့် မြန်မာ ပရိတ်သတ်များမှာ ကြည်ညိုသဒ္ဒါတရား ပြင်းပြစွာဖြင့် မိုးရေစိုးခံပြီး တရားပွဲ ပြီးဆုံးသည်အထိ တရားတော်ကို နာယူကြသည်။
ဆယ်ကျော်သက်အရွယ် မြန်မာအလုပ်သမား မောင်မောင်က “ကျနော်တို့ ဆင်ခြင်စရာ တရားတွေကို ဟောတဲ့ ပုဂ္ဂိုလ်ဖြစ်ပါတယ်၊ လိုက်နာ ကျင့်သုံးရမယ်လို့ လည်း လူငယ်တစ်ယောက်အနေနဲ့ ခံယူပါတယ်။
ဦးသုမင်္ဂလ ကိုယ်တော်သည် ၂၇ ရက်နေ့ ညနေပိုင်းက မဟာချိုင် ထိုင်းယူနီယံ ဘောလုံးကွင်းတွင် ည တရားပွဲ ကျင်းပခဲ့ပြီးနောက် ထိုင်းနိုင်ငံတောင်ပိုင်း ရနောင်းမြို့မှ မြန်မာအလုပ်သမားများ ပင့်ဖိတ် လျှောက်ထားချက် အရ ကားလမ်းဖြင့်ကြွရောက်ခဲ့ပြီး ၂၈ ရက်နေ့ မနက်ပိုင်းတွင် တရားသဘင် ဆင်ယင်ကျင်းပခဲ့သည်။ တရားပွဲပြီးစီးပြီး ချက်ခြင်း ကားဖြင့် မဟာချိုင်သို့ ကြွရောက်ခဲ့သည်။
နောက် လူငယ် အောင်ကို ဆိုသည့် အလုပ်သမားငယ် တစ်ဦးက “ကျနော်တို့ အလုပ်ထဲမှာပဲ အချိန်ပြည့်နေရတဲ့ လူတွေဖြစ်ပါတယ်။ ဒီလိုတရားပွဲတွေ ကျင်းပပေးတာ ကျေးဇူးတင်ပါတယ်”ဟု ပြောဆိုသွားသည်။ အဆင့်အတန်း နိမ့်ကျနေသော၊ မြန်မာနိုင်ငံ၊ မြန်မာလူမျိုး၊ နိမ့်ကျနေသော ဗုဒ္ဓဘာသာနှင့် အစစ ပျက်စီးနေသည့် မြန်မာနိုင်ငံ အကြောင်းအရာများကို မည်သူ့မျက်နှာမှ မထောက်ပဲ ပြတ်ပြတ်သားသား ဟောကြောခြင်းဖြင့် နိုင်ငံကျော်လာသည့် ဓမ္မကထိကဆရာတော် ဦးသုမင်္ဂလ ခေါ် ဒယ်အိုး ဆရာတော်အား ဤတရားပွဲမှ ဘတ်ငွေ တစ်သိန်းကိုးရာတိတိကို အလုပ်သမား စုပေါင်း ဒါနပြုနိုင်ခဲ့ကြသည်။
No comments:
Post a Comment