သြဂုတ် ၂
ကိုတီး ဘာသာပြန် (ရခိုင့်တံခွန်ဂျာနယ်)
ရနောင်းမြို့အခြေစိုက် လူ့အခွင့်အရေးဆိုင်ရာခေါင်းဆောင် နိုင်စနော့က မြန်မာလူမျိုးများ ဆိုင်ကယ်လိုင်စင်
လုပ်ပြီး အငှါးဆွဲနေသဖြင့် ထိုင်းဆိုင်ကယ်တက္ကစီများ အလုပ်လက်မဲ့ဖြစ်နေသဖြင့် စိုးရိမ်ပူပန်ကြောင်း ပြောဆိုလိုက်သည်။
ရနောင်းအခြေစိုက် လူ့အခွင့်အရေးအဖွဲ့က ယမန်နေ့က မြို့နယ်အာဏာပိုင်များသို့ အချက်ငါးချက်ပါ စာ တစ်စောင်အား ရေးသားပြီး တောင်းဆိုခဲ့သည်။
(၁)ရွေ့ပြောင်းအလုပ်သမားများအား ထုတ်ပေးထားသည့် ယာယီပတ်စပို့ဖြင့် လျှောက်ထားသည့် လိုင်စင်များအား ရုပ်သိမ်းပေးရန်။
(၂)ပတ်စပို့  အနီအား လိုင်စင်ထုတ်မပေးရေး။
(၃)ထုတ်ပေးထားသည့် လိုင်စင်များအား ပြန်လည် ခေါ်ယူစစ်ဆေးပေးရန်။
(၄)သက်ဆိုင်သည့် အလုပ်သမားများအား အစည်းအဝေးခေါ်ယူ၍ ရလဒ်အား တင်ပြပေးရေး။
(၅)စစ်ဆေးရေးအဖွဲ့ များ ဖွဲ့စည်း၍ လိုင်စင်ထုတ်ပေးခြင်း ကိစ္စကို အစအဆုံး သတင်းမီဒီယာများမှ ဖေါ်ပြပေး
ရန်။
ရနောင်းမြို့နယ် မြို့ နယ်မှူး နိုင်ဝန်ချဘုံချိုင်ထနက မြန်မာရွေ့ပြောင်းအလုပ်သမားများအား လိုင်စင်ထုတ် ပေးခြင်းအား ခေတ္တရပ်နားထားရန် ရနောင်းမြို့နယ် ကညန ရုံးများသို့ အမိန့် ထုတ်ပြန်လိုက်သည်။ အကယ်၍ လိုင်စဉ်ထုတ်ပေးမည်ဆိုပါက ကုန်းလမ်း သယ်ယူပို့ဆောင်ရေးဌာနမှ ခွင့်ပြုချက်ပါမှ ၊နိုင်ငံတကာ အဆင့်ပတ်စပို့ များကိုသာ တရားဥပဒေအတိုင်း လုပ်ပေးနိုင်မည်ဖြစ်ကြောင်း ပြောဆိုသွားသည်။
ကညန ရုံးတွင် မြန်မာအလုပ်သမား၂ဦးသာ လိုင်စင်လုပ်ကိုင်ထားသော်လည်း မြန်မာအလုပ်သမားအတော် များများ ဆိုင်ကယ်မောင်းနှင်နေကြကြောင်း ယနေ့ ထုတ် ခေါင်စွတ် အွန်လိုင်းသတင်းစာတွင် ရေးသားဖေါ် ပြထားသည်။ ရနောင်းမြို့တွင် မြန်မာများ မော်တော်ဆိုင်ကယ် စီးနင်းလာမှု များပြားလာနေခြင်းကြောင့် ပြီးခဲ့သည့် လကုန်ပိုင်းက ဆိုင်ကယ်တက္ကစီ မောင်းသူများ ဆန္ဒပြပွဲ ဖြစ်ပေါ်ခဲ့သည်။
ယာယီပတ်စပို့ လုပ်ကိုင်ထားသည့် မြန်မာရွေ့ပြောင်း အလုပ်သမားများ၊ ယာဉ်မောင်းလိုင်စင် လုပ်ကိုင်ခွင့်၊ တစ်နိုင်ငံလုံး သွားလာခွင့်နှင့် ထိုင်းအလုပ်သမားများ နည်းတူ တန်းတူအခွင့်အရေး ရရှိစေရမည်ဟု နှစ်နိုင်ငံအစိုးရ သဘောတူညီချက် လက်မှတ်ရေးထိုးထားခဲ့သည်။ ပြီးခဲ့သည့်လက မြ၀တီမဲဆောက် ရေကြောင်းဆိုင်ရာ ကမ်းပါးမြေပြိုမှု ထိမ်းသိမ်းမှု ပြုလုပ်သည်ကို မြန်မာစစ်အစိုးရက ကန့်ကွက်သည့် အနေဖြင့် ယနေတိုင်အောင် နယ်စပ်ကို မြန်မာဘက်မှ ပိတ်ထားသဖြင့် တစ်နေ့ကို ထိုင်းဘတ်ငွေ သန်းရာချီ ဆုံးရှုံးနေကြောင်း ထိုင်းသတင်းစာများတွင် ရေးသားထားသည်။ အတည်မပြုနိုင်သေးသည့် သတင်း တစ်ပုဒ် အလိုအရ ထိုင်းဘက်မှ အဆင့်မြင့် ကိုယ်စားလှယ်အဖွဲ့တစ်ဖွဲ့ နယ်စပ်ပြဿနာအား ဖြေရှင်းရန် မြန်မာပြည်သို့ သွားရောက်မည့် ခရီးစဉ်ကိုလည်း မြန်မာဘက်မှ လက်မခံသဖြင့် ထိုင်းမြန်မာအနေအထားမှာ အသွင် ထူးခြားနေသဖြင့် လေ့လာသူများသတိထား စောင့်ကြည့်နေကြသည်။
No comments:
Post a Comment