2.05.2009

သန်းရွှေရဲ့၂၀၀၉ ကံကြမ္မာ

စာရေးသူသည်ဗေဒင်ဆရာ အဖြစ် အသက်မွေးဝမ်းကျောင်းသူ တစ်ယောက်တော့ မဟုတ်ပါ။ သို့ သော် ဗေဒင် ပညာကို လေ့လာဖူးသူ တစ်ယောက် ဖြစ်ပါသည်။ စစ်အစိုးရတို့ သည် ဗေဒင်ကို အားကိုးကာ အာဏာ တည်မြဲ ရေး ကို ကြိုးစား နေသည်ဟု မြန်မာ့ နိုင်ရေး အသိုင်းအဝန်းများက သတ်မှတ် ပြောဆိုနေကြသလို သူတို့ ၏ အသိုင်း အဝန်း ထဲမှလည်း ပြောဆို နေကြ ပါသည်။ တကယ်တော့ ဗုဒ္ဓဘာသာတွင် ကံကံ၏ အကျိုးကိုသာ ယုံ ကြည် ရေး အဖြစ် ပြောဆို လိုက်နာကြသော် လည်း ဗေဒင် အယူဝါဒသည်ကား ကြီးစိုးနေဆဲသာ ဖြစ်ပါသည်။ ဗုဒ္ဓအလောင်း အလျာကို မွေးဖွားပြီး ချိန်တွင် ဗေဒင်ပညာရှင် ကောဏ္ဍည ပုဏ္ဏားက ဘုရားစင်စစ် ဧကန် ဖြစ်လိမ့် မည်ဟု လက်ညိုးထောင် ဟောခဲ့သည့် စကားကများ ဗုဒ္ဓဘာသာများကို ဗေဒင် ကြီးစိုးစေသလား ဆိုသည် ကို စာရေးသူ စဉ်းစားမိပါသည်။

ပုဂံခေတ်တွင် အနော်ရထာ မင်းကြီးမှ ဗုဒ္ဓဘာသာကို ယုံကြည် ကိုးကွယ်စေခဲ့ပြီး ချိန်မှ စတင်ကာ မြန်မာတို့ ကို ဗေဒင် ကြီးစိုးလာခဲ့သည်ဟု စာရေးသူ ယူဆမိပါသည်။ အဘယ်ကြောင့်ဆိုသော် အနော်ရထာမင်းကြီး၏ ရှေ့တွင် မင်းခန်းသဘင် ကျင်းပရာတို့ ၌ ဗေဒင် အယူဝါဒ ဆိုင်ရာများကို မတွေ့ ရပါ။ သို့ သော် မွန်သထုံ ဘုရင်တို့ နှင့် ရခိုင် ဘုရင်တို့ ၏ ဘိသိုက် မင်္ဂလာ ကျင်းပရာတို့ တွင်တော့ ဗေဒင်အယူများကို အသုံးပြုခဲ့ပုံ များကို တွေ့ ရ ပါသည်။ ထို့ အတူ ယိုးဒယား မင်းများနှင့် အိန္ဒိယဘုရင်များသည်လည်း ဗေဒင်ကို အသုံးပြုခဲ့ကြပါသည်။ မြန်မာ
တို့ ၏ မင်းတိုင်ပင်ခံ ပညာရှိအမတ်တို့ မှာ အထူးသဖြင့် လောကဓါတ်ခေါ် ဗေဒင်ပညာကို တက်သိကြသူများသာ ဖြစ်ပါသည်။

စာရေးသူက သုတေသီ တစ်ဦး မဟုတ်ပါသဖြင့် လွဲမှားပါလျှင် ခွင့်လွတ်စေချင်ပါသည်။ စာရေးသူ လေ့လာမိသမျှကို အကျဉ်းချုံးဖေါ်ပြ ခြင်းသာ ဖြစ်ပါသည်။ ရှေးမြန်မာတို့ က ဗေဒင်ပညာကို ယုံကြည်မူ့ များခဲ့ကြသဖြင့် ရှေး ဆရာတော် များပင်လျှင် ဗေဒင်မတတ်သူ မရှိ ဖြစ်ခဲ့ရ ပါသေးသည်။

ဗေဒင်တတ်မှ လူရာဝင်ခဲ့သည်။ ဘုန်းကြီးကျောင်းများတွင် ဗေဒင်သင်ကြသည်။ ယနေ့ လက်ကိုင်ပြု နေကြသော ဗေဒင်ကျမ်းများကို ကြည့်ပါလျှင်လည်း ရှေးဆရာတော်ကြီးများ ရေးခဲ့သည်များကို တွေ့ရသည်။ မြန်မာဘုရင်
တို့ ၏ အထူးအလေးပေး ကြည်ညိုခြင်းကို ခံရသည့် ကျီးသဲဆရာတော်ပင် ဗေဒင်ကျမ်းကို ပြုစုခဲ့သည်ကို တွေ့ ရသည်။ မုန်ရွေးဆရာတော်၊ သဲအင်းဆရာတော် စသူတို့ နှင့် ဗေဒင်ကျမ်းကို ပြုစုသူ အများစုမှာ လူပြန်တော်ကြီး များသာဖြစ်ပါသည်။

မျက်မှောက်ခေတ်တွင် ဗေဒင်ကို ယုံကြည်သူ အများစုကို လေ့လာကြည့်လျှင် အစိုးရဝန်ထမ်းများနှင့် သူဌေးများ ဖြစ်ကြသည်ကို တွေ့ ရပါသည်။ အစိုးရဝန်ထမ်းများက ရာထူးတိုးရေးအတွက် ဗေဒင်ကို ကိုးကွယ်လာကြကာ သူဌေးများကလည်း စီးပွားရေး အောင်မြင်ရေးအတွက် ဗေဒင်ကို အလေးပေးကြပါသည်။ တကယ်တော့ဗေဒင်ပညာဆိုတာ မယုံလည်းခက် ယုံလည်းခက်တဲ့ ပညာရပ်တစ်ခုလို့  အများက သုံးသပ်ခဲ့ကြသော်လည်း ဗေဒင်
နဲ့ တော့ ကင်းခဲ့သူမရှိပါပေ။ ကုသိုလ်အကုသိုလ်ကို အရင်းတည်ပြီး ကံ ကံ၏ အကျိုးသာ အဓိကပါဟု လက်တွေ့ ကျသော ဝိပဿနာကိုသာ ကျင့်တဲ့ ဆရာတော်ကြီးများပင် မကင်းခဲ့ဘဲ ဖြစ်ခဲ့သည်ကိုလည်း တွေ့ ကြရပါသည်။

တကယ်တော့ ဗေဒင်ပညာကိုတဖက်ကမ်းခတ် တတ်မြောက်ခဲ့သူ ကောဏ္ဍညပုဏ္ဏားက ဘုရားလောင်းကို ဧကန် စင်စစ် ဘုရားဖြစ်ပါမည်ဟု လက်ညိုးတစ်ချောင်းကို ထောင်ပြီး တစ်ခွန်းတည်းသော စကားကို ပြောခဲ့ သော် လည်း၊ ဘုရားလောင်း ဒုက္ကရစရိယ အကျင့်ကို ကျင့်နေစဉ်မှာ ဒီတစ်သက် ဘုရားဖြစ်မှာ မဟုတ်ဘူးဆိုပြီး တော့ အလောင်းတော် အနားမှ သူကိုယ်တိုင် ရှောင်ခွာခဲ့သလို၊ ဘုရားဖြစ်ပြီဟု မြတ်ဘုရားက ပြောခဲ့ စဉ်မှာ လည်း သူ မယုံကြည် ဖြစ်ခဲ့ရပါသည်။ ထို့ ကြောင့် ဗေဒင်ပညာသည် တတ်သူကိုယ်တိုင် ယုံကြည်မှု နည်းဘိ သကဲ့ သို့ မသိသူ ကသာ ယုံကြည်သော ပညာရပ်တစ်ခုဟု လို့လည်း ဆိုရပေမည်။

များသောအားဖြင့် မျက်မှောက်ခေတ်တွင် ဗေဒင်ပညာကို ဆည်းကပ်သူများမှာ တကယ့်တွေးခေါ်မူ့ နည်းပါး သူများ သာ ဖြစ်သည်ဟု ဆိုရပါမည်။ ကျနော်တခါက တွေ့ ခဲ့ပုံ တစ်ခုကို ပြောပြပါမည် လူတစ်ယောက်က တခြား တစ်ယောက်၏ ကားကိုအငှားမောင်းပြီး သူ့ နာမည်ဖြင့် လိုင်စင်လုပ်ကာ သူပိုင်ဆိုင်ကြောင်း ပြောပြီး ပိုင်ရှင်ကို ပိုင်ရှင်ကြေး မပေးဘဲ တရားရင်ဆိုင် ပါသည်။ ရုံးတော်တွင် တရားနိုင်ရေး အတွက် ဗေဒင်ဆရာကြီး တစ်ဦးကို ငှားပြီး ယတြာဓါတ်ဆင်များ လုပ်ပါလေတော့သည်။ ပိုင်ရှင်စစ်က သူဤသို့  လုပ်တာကို သိပြီး ကျနော့်ကို လာ
ပြော ပါသည် ။ သူရဲ့ကား ဆုံးရူံးမှာကိုလည်း သူကကြောက်နေသည်။ကျနော်က “သူများပစ္စည်းကို ယတြာနဲ့  ကိုယ်ပိုင် ဖြစ်အောင်သာ လုပ်လို့  ရနိုင်ကောင်းတယ် ဆိုရင် လုပ်ပါစေဗျာ ခင်ဗျားမကြောက်ပါနဲ့  ခင်ဗျားပိုင်မှန်း လူတိုင်း သိပါတယ် ”ဟု ပြောပြခဲ့ပါသည်။ ရုံးတော်မှာ တကယ်စစ်တော့ အတုမှာ ရူံးပြီး အစစ်ကသာ နိုင်ခဲ့ပါသည်။

ဆယ်တန်း အောင်မြင်ရေးအတွက် ယတြာချေပြီး အောင်ခဲ့တဲ့သူ မရှိခဲ့ပါဘူး။ စာရပြီးကြိုးစားနေတဲ့ ကျောင်းသား ကို ပန်းတင် မီးထွန်းခိုင်းပြီးသူတို့ ကြောင့်ဘဲ ဂုဏ်ထူးထွက်သလိုလို လုပ်ပြီး နာမည်ကောင်း ယူတတ်တာ ဗေဒင်သမားတွေပါ။ တကယ်တော့ ကောက်ညှင်းပေါင်းမှာ နှမ်းဖြူးပြီး၊ နွားနို့ မှာဆားထည့်တဲ့ သဘောတွေပါဘဲ။

ဗိုလ်ချုပ် ခင်ညွန့် ဟာ သူ့ ရဲ့ သြဇာ တည်မြဲရေး အတွက် ကျောက်တော်ကြီး ဘုရားကို တည်ခဲ့ပါတယ်။ ရန်ကုန်
မြို့ ၊ စော်ဘွားကြီးကုန်းက မင်းဓမ္မကုန်းတော်မှာပါ။ ထိုဘုရားကို ဘာကြောင့် တည်ရသလဲဆိုတာ အရင်းခံကို ဆရာ တော်ကြီး တပါး၏ သုံးသပ်မှုကို အရင်းခံပြီး ကျနော်လေ့လာ ခဲ့ပါတယ်။ ဒီဘုရားကို တည်တာဟာ ဗိုလ် ခင်ညွန့်  ရဲ့ ကိုးကွယ်တဲ့ ဆရာတော်နဲ့ ဗေဒင်ကြောင့်ပါဘဲ။ သူ့ ရဲ့ ဆရာတော် ပြောစကားအရ ခင်ညွန့်  ဟာ တချိန်က ရခိုင် ဘုရင် ဘစောဖြူ မင်း ဖြစ်ခဲ့ပါတယ်တဲ့။ ဘစောဖြူမင်းဟာ ရခိုင် သမိုင်းမှာ တန်ခိုးထွားခဲ့တဲ့ မင်း ပါဘဲ။ ဆင်ဖြူ တောင် ပိုင်ခဲ့ ပါသေးတယ်။

ခင်ညွန့် ဟာလည်းတန်ခိုးကထွားလာတယ်။အသက်ကလည်း လေးဆယ်ကျော်ပြီး ငါးဆယ်ပြည့်တော့မှာ ဆိုတော့ ဗေဒင်သဘောအရ တနင်္လာသား ခင်ညွန့် ဟာ စနေဂြိုလ်က ထွက်ခါနီးပြီး ကြာသပတေးသို့  ဝင်တော့ မှာ မို့ ရာဇဂုဏ် အပျက်ကို ရောက်လာတယ်။ ဒီတော့ သူ့ ဆရာကသူ့ ကို သောကကင်းဖို့  ရန်ကုန်မြို့ ရဲ့ သောကြာ အရပ် ဖြစ်တဲ့ မြောက်ဘက် စော်ဘွားကြီးကုန်းကို၊ သမိုင်းကို ပြောင်းပြန် လုပ်ကာ မင်းဓမ္မကုန်းအဖြစ် ပြောင်းကာ ဘုရားတည် ပါလေတော့သည်။ ဗေဒင်အလို စနေကို နိုင်ဖို့  စနေကို ထိုင်ရန်အတွက် (မင်းဓမ္မကုန်း) တဲ့ ဒီမှာ ဗေဒင်အရ (မင်း+ကုန်း) (၅+၂) ဆိုတော့(၇) ခုနှစ် ဆိုတာ စနေပါဘဲ။ ရာဇဂုဏ် ထွားရေးကို အဓိက ထားပြီး ရုပ်ပွားတော် ထုလုပ်ရန် အတွက် ကျောက်ကို တနင်္ဂနွေ အရပ်စစ်ကိုင်းမှာ ကျောက်တစ်လုံးဖြူ ကို ရှာခဲ့ ပါသည်။ ကျောက်တစ်လုံးဖြူ (ကျောက်+ဖြူ) (၂+၅) ဆိုတော့လည်း ခုနှစ်ဖြစ်နေတာက သူ့ ကို သောက ပေးမဲ့ စနေကို လူအများ ကိုးကွယ်ပြီး သြဇာ လွမ်းမိုးစေခြင်း သဘောပါဘဲ။ တနင်္ဂနွေအရပ် စစ်ကိုင်းမှာ ကျောက်ကို ယူတာက တနင်္လာရဲ့ ရန်သူ သောကြာနံကို မိတ်လုပ် တာပါ။ (တနင်္ဂနွေ+စစ်+ကိုင်း) (၁+၃+၂) ဆိုတော့ သောကြာ လေ။ ဘုရား ကိုလည်း တနင်္လာအရပ် အရှေ့ ဘက်ကို မျက်နှာမူစေပြီး မျက်လုံးကို ပိတ်ထား လိုက်ပါ သည်။

တနင်္လာအရပ် အရှေ့ ကို မျက်နှာမူစေသည်မှာ သူမှတပါး အခြားမရှိဆိုသော အယူကို အခြေခံပြီး မျက်စိ မှိတ်ထား သည်မှာ သူ့ ရဲ့ လုပ်ရပ်များအပေါ် ဘယ်သူမှ မသိမမြင်စေရေး ဝါဒကို ယူပြီး မြန်မာတမျိုးလုံးကို ကျွန်ပြုခြင်းသာ ဖြစ်ပါသည်။ ပြီးလျှင် သူ့ ဆရာ မြောက်ပေးတဲ့ ဘိသိက်ကို သူကျင်းပနိုင်ဖို့  ဆင်ဖြူ လိုလာသဖြင့် လိုက်ရှာတဲ့ အခါ အိန္ဒိယတွင် သစ်ဆွဲနေသည့် ရှမ်းပြည်က ကျွဲလောက်မှ မဖြူသော ဆင်ကိုပိုင်ရှင်ဆီမှ မဝယ်ဘဲ ခိုးယူလာ ပါတော့သည်။

အိန္ဒိယမှ ဆင်ကို ရခိုင်ပြည် ရသေ့တောင်မြို့ ကို အရောက် မောင်းပြီး ဆင်ဖြူတော် ပေါ်လာကြောင်း ကြေငြာ ပါလေတော့သည်။ မသိရင်တော့ သိကြား ဖန်ဆင်းသလိုပေါ့။ သူလိုတာက ဆင်ဖြူကို မင်းဓမ္မကုန်းမှာ ဘုရားနဲ့  အတူထားပြီး ဘိသိုက်ခံရေး သာဖြစ်သည် ရာဟု အရပ်မှ ဆင်ဝင်သဖြင့် တစ်ပူပေါ်တစ်ပူဆင့်ကာ ရာထူးပြုတ် ဒုက္ခရောက်မည်ကို မတွက်နိုင်ခဲ့ခြင်းသာ ဖြစ်သည်။ ရာဟုဂြိုလ်၏ သင်္ကေတမှာ ဟိုင်းဆင် ဖြစ်သဖြင့် ဆင်ဆို သည်မှာ ဗုဒ္ဓဟူးကို ညွန်းသလို ရာဟုလည်း ဖြစ်ပါသည်။ ရခိုင်သည် ရန်ကုန်မှ ကြည့်လျှင် ရာဟုအရပ် ဖြစ်သဖြင့် ဆင်ကို သယ်လိုက်ခြင်းမှာ ရာဟုနှစ်ခါထပ် ဖြစ်သွားပြီး တစ်ပူပေါ် နှစ်ပူဆင့်ကာလုပ်သမျှပျက် ကြံသမျှပျောက် ဖြစ်ရပါသည်။နောက်ဆုံးတွင် ခင်ညွန့် မှာလည်း ဘိသိုက်မသွန်းနိုင်ဘဲ ဖိသိပ်ခံရကာ ဗေဒင်အကျိုး တန်ခိုးက တစစီဖြစ်ကာ အကျဉ်းစံခဲ့ ရသည်။

ခုလည်း သန်းရွှေနှင့် မောင်အေး လုပ်လာသည်မှာ နေပြည်တော်တွင် ဥပ္ပါတသန္တိစေတီကို တည်ပါတော့သည်။ စေတီကို မပြောခင် လောလောလတ်လတ်သန်းရွှေနဲ့  မောင်အေးတို့ ၏ နှစ်မြွှာ တစ်ရွက်မြို့ တည်တာလေးကို ပြောချင်ပါတယ်။ "ရွှေပြည်အေး" မြို့ ကို တည်တာလေ သန်းရွှေရဲ့ ရွှေနဲ့ မောင်အေးရဲ့ အေးကို ပေါင်းပြီး တည်တာ ပါ။ ဟုမ္မလင်းမြို့ မှာ တည်တာဆိုတော့ ဗေဒင်က ပြောတဲ့ စကားပါ ဘဲလေ။ ၂၀၀၈ က ရွေးကောက်ပွဲကို ပြန်ကြည့် လျှင်လည်း သိနိုင်ပါတယ်။ သန်းရွှေကိုဂဏန်းဖွဲ့ လျှင် (သန်း+ရွှေ) (၆+၄)=၁၀ ဖြစ်သလို ၊ ၂၀၀၈ ကလည်း တစ် ဆယ်။ မေလ(၁၀)ရက်မှာ သန်းရွှေက ဆယ်သုံးလုံးနဲ့  ဝိုက်သွားတာပါဘဲ။ တကယ်တော့ ရှေးလူကြီးများ ပြော ခဲ့ တဲ့ "အောင်မြင်လိုက ဆယ်ရှောင်ကြ" ဆိုတာကို သန်းရွှေက ကက်ကင်းရိုက်ပြီး တစ်ဆယ်ကိုထပ် ပေါင်း ပြီး တစ်ယူ သွားတာ ပါဘဲ။

သန်းရွှေရဲ့ ဆရာများ တော်ပါတယ်။ ခုလည်း သူ့ ဆရာများက ၂၀၀၈ ကအောင်ပွဲကို သဘောကျပြီး ဟုမ္မလင်း(ဟုမ်း+လင်း) (၆+၄)=၁၀ မှာ ရွှေပြည်အေးကို တည်တာပါ။ ရွှေပြည်အေးမှာ သန်းရွှေကို ဦးစားပေးပြီး ရှေ့ က ထားသလို (ရွှေပြည်အေး)ကို ပေါင်းပါလျှင် (၄+၅+၁) ဆိုတော့လည်း တစ်ဆယ်ပါဘဲလေ။ သန်းရွှေဟာ သူ့ အ တွက် စနေဂြိုလ်အထွက်ကို နေပြည်တော်ကို ပြောင်းပြီး ရန်ကုန်မှ သောကြာအရပ် မြောက်ဘက် ကို ဦးတည်
ရွေ့  လိုက် တာပါဘဲ။ ဒါတောင်မှ စနေကဒုက္ခပေးလို့ ဆေးရုံ တက်လိုက်ရ သေးတာကို။ နေပြည်တော်ကို ပေါင်း ကြည့် လျှင် လည်း(နေ+ပြည်+တော်) ဆိုတော့ (၇+၅+၇)=၁၉ ဖြစ်သည့် အတွက် (၁၉)ကို ထပ်ပေါင်းသော် (၁+၉) =၁၀ ဆိုတာ ကို တွေ့ ရသည့် အတွက် သန်းရွှေဟာ ဓါတ်တူနံတူ ဆေးဖက်ယူ ဆိုသည့် မြန်မာ့နည်းကို သုံး ပြီး စီမံ နေတာပါဘဲ

ဒါပေမဲ့ သန်းရွှေရဲ့ ဆရာများ ဘယ်လောက်ဘဲ စီမံမှု ကောင်းကောင်း သူတို့ မသိနိုင်တဲ့ လျှို့ဝှက်သော ဗေဒင်ပညာရပ်ရဲ့ အတိတ်နိမိတ်ဆိုတာက သန်းရွှေနဲ့  သူဆရာများကို ပညာပေး နေပါတော့သည်။ ၂၀၀၈ မှာ သန်းရွှေ က တစ်ဆယ်ကို သုံးပြီးအောင်ပွဲခံမယ် လုပ်တော့ "နာဂစ်" (နာ+ဂစ်) (၇+၂)=၉ က ဝင်မွေတော့ သန်းရွှေတို့  ထင် သလောက် မဖြစ်ခဲ့သလို အရှက်တောင် ရခဲ့ရပါသေးတယ်။ ဒါပေမဲ့ နာဂစ်ကို သူတို့  သတိ ထားပုံ မပေါ် ပါဘူး" ရွှေပြည်အေး" မြို့ သစ်ကို တည်ပြီး နေပြည်တော်မှာ ဥပ္ပါတသန္တိ စေတီတော်ကို လာမည့် တပေါင်း လ ပြည့် နေ့ မှာ ထီးတင်တော့မယ် ဆိုပါလား။ ဘုရား တည်တာက ကုသိုလ်ပါ ထီးတင်တော့ ကောင်းမှု ဖြစ်တယ် ဆို ပေမဲ့ သန်းရွှေအတွက်တော့ " ၂၀၀၉ "မှာ အသက်ဆုံးလို့ သေဆုံး ကိန်းကို ဆိုက်ရောက် နေပါပြီပေါ့။ ၂၀၀၉ ခုနှစ် ရဲ့ ၁၀ လ ပိုင်းကို သာ ကျော်လွန်ပြီး အသက်ရှည်ရင် သန်းရွှေကို ဘုရားလုပ်ပြီးတောင် ကိုးကွယ်ပါ့မယ်ဟု ပြောချင် ပါသေးတယ်။
( ပညာကျော် )
(ယခုဖြစ်လာနိုင်မဲ့ ပုံစံကို မရေးဘဲ ချန်ထားခဲ့ခြင်းမှာ သူခိုးကို ဓါးရိုး မကမ်းလို၍ ဖြစ်ပါသည်။ တကယ်သိလိုသူများ ရှိပါက စာရေးသူကို ဆက်သွယ်ပြီး မေးမြန်းနိုင်ပါသည်။)

1 comment:

  1. (၂၀၀၉ ခုနှစ် ရဲ့ ၁၀ လ ပိုင်းကို သာ ကျော်လွန်ပြီး အသက်ရှည်ရင် သန်းရွှေကို ဘုရားလုပ်ပြီးတောင် ကိုးကွယ်ပါ့မယ်ဟု ပြောချင် ပါသေးတယ်။)
    ဆိုတဲ့ ဆရာသမားရေ....ခုကျ ဘာလို့ အမြီးကုပ်နေရတာလဲ..

    ReplyDelete