10.03.2009

ဒေါ်အောင်ဆန်းစုကြည်အား နအဖ ဆက်ဆံရေး ဝန်ကြီးတွေ့ဆုံ

ဒေါ်အောင်ဆန်းစုကြည်ကို ယနေ့ အောက်တိုဘာလ ၃ရက် နေ့လည်တနာရီခန့်က နအဖ ဆက်ဆံရေးဝန်ကြီး ဦးအောင်ကြည်က စ်ီမ်းလဲ့ကန်သာ ဧည့်ဂေဟာတွင် ခေါ်ယူတွေ့ဆုံဆွေးနွေးကြောင်း သတင်းရရှိပါသည်။ ဆွေးနွေးပွဲမှာ ၄၅မိနစ်ခန့် ကြာခဲ့ပြီး ၁နာရီ ၄၅ မိနစ်ခန့်တွင် နေအိမ်သို့ပြန်လည် ခေါ်ဆောင်သွားသည်ဟု သိရပါသည်။
ဆွေးနွေးချက်များကို ထုတ်ပြန်ကြေငြာမည် မကြေငြာမည်ကို မသိရသေးပါ။ နိုင်ငံရေး အသိုင်းအဝိုင်းမှ သုံးသပ် ပြောဆိုချက်များအရ ဒေါ်အောင်ဆန်းစုကြည်၏ ဗိုလ်ချုပ်မှူးကြီး သန်းရွှေထံပေးစာ နှင့် ပတ်သက်၍ တုံ့ပြန်ဆွေးနွေးမှူ တခုလဲဖြစ်နိုင်သလို အမေရိကန်၏ ပေါ်လစီ အပြောင်းအလဲ အတွက် ဒေါ်အောင်ဆန်းစုကြည်နှင့် ဆွေးနွေးညှိနှိုင်း နေသည်ဆိုသော အချက်ကို ပြလိုသည့် ပြယုတ်တခု လည်း ဖြစ်နိုင်ကြောင်း သုံးသပ်မှုများ ရှိနေပါသည်။
ဆက်ဆံရေးဝန်ကြီးဆိုသော ရာထူးတခုကို ဖန်တည်း၍ ဦးအောင်ကြည်အား ဝန်ကြီးခန့်ကာ ဒေါ်အောင်ဆန်းစုကြည်နှင့် တွေ့ဆုံညှိနှိုင်းမှုများကို ၂၀၀၇ ခုနှစ်နှစ်ကလည်း ပြုလုပ်ခဲ့ဘူးသော်လည်း ထူးခြားသော ဖြစ်ပေါ်ပြောင်းလဲမှု တစုံတရာ မရှိပဲ နအဖမှ တဖက်သတ်ရပ်ဆိုင်းခဲ့ပါသည်။
နောက်ပိုင်းတွင် ဂျွန်ယက်တော ဒေါ်အောင်ဆန်းစုကြည်ခြံတွင်းသို့ ဝင်ရောက်သည့် ကိစ္စနှင့်ပါတ်သက်ပြီး ဒေါ်အောင်ဆန်းစုကြည်ကို တောင်ဒဏ်၃ နှစ် ချခဲ့ပြီးမှ ဗိုလ်ချုပ်မှူးကြီး သန်းရွှေ၏ အမိန်ဖြင့် ထောင်ဒဏ် တနှစ်ခွဲ သို့ပြောင်းကာနေအိမ် အကျယ်ချုပ်သို့ ပြောင်းလဲ သတ်မှတ်ခဲ့ပါသည်။ မနေ့ကပင် ထိုအမှုနှင့်ပါတ်သက်သော ဒေါ်အောင်ဆန်းစုကြည်၏ အယူခံလွှာကို ရန်ကုန်တိုင်းတရား ရုံးက ပယ်ချခဲ့ပါသည်။
သုံးသပ်သူများက မည်သို့ပင် ဖြစ်စေကာမှု ဆွေးနွေးမှုသည် စိတ်စေတနာ မှန်ကန်ပါက ကောင်းမွန်သော တိုးတက်ပြောင်းလဲမှုများ ဖြစ်ပေါ်လာနိုင်မည် ဖြစ်သောကြောင့် ကြိုဆိုသင့်သည် ဟုပြောပြသွားပါသည်။
ပြည်တွင်းသတင်းထောက် (ရွှေဝါရောင် သတင်းလွှာ)

No comments:

Post a Comment