ယာယီပတ်စပို့ ကိုင်ဆောင်ထားသည့် မြန်မာအလုပ်သမား အချို့ကို ထိုင်းရဲများငွေညှစ်

ဇန္န၀ါရီ ၁၀

ယာယီပတ်စပို့ ကိုင်ဆောင်ထားသည့်မြန်မာအလုပ်သမားထံမှ ငွေညှစ်သည့် ထိုင်းရဲနှစ်ဦးအား နယ်မြေ ပြောင်းရွေ့  ပြစ်ဒဏ် ချမှတ်လိုက်ပြီး၊ ငွေပေးခဲ့ရသည့် အလုပ်သမားတစ်ဦးကို နယ်မြေရဲမှူးကြီးမှ ငွေပြန်လည် ပေးချေ ခဲ့သည်။

ဘန်ကောက်မြို့ နှင့် မဟာချိုင်နယ်မြေ အစပ် အုန်းနွဲ့ ဂုံးကျော်တံတား အောက်တွင်ရှိသော ထိုင်းရဲကင်း တာဝန်ကျ ရဲနှစ်ဦးက ယာယီပတ်စပို့ ကိုင်ဆောင်ထားသော မြန်မာအလုပ်သမား ၂ဦးထံမှ ငွေကြေး တောင်းခံ ခဲ့ခြင်း ဖြစ်သည်။

တောင်းရမ်းခံခဲ့၇သည့် ဘတ်ငွေ တစ်သောင်းကို ပြန်လည်ရရှိခဲ့သူဖြစ်သည့် ကိုကျော်ကျော်က “ ဇန္န၀ါရီ ၆ ရက်နေ့ မနက်ပိုင်းကပါ၊ မြ၀တီကို ပတ်စပို့ သွားလုပ်မယ့် ကရင်ပြည်နယ် ဘားအံက သူငယ်ချင်း သုံးယောက်ပါ၊ သူတို့ကို အဲဒီရဲကင်းက ဖမ်းပါတယ်။ အဲဒါကို ကျနော့်ကို အကူအညီတောင်းတဲ့အတွက် ကျနော်သွားခဲ့ပါတယ်။ ကျနော်သွားလိုက်တော့ ပုလိပ်က ကျနော့်ကိုမေးပါတယ်။ ကျနော်က ယာယီပတ်စပို့ကို ထုတ်ပြပါတယ်။ ပတ်စပို့ ကို ကြည့်ပြီးတော့ ကျနော့်ကို ထိုင်ခိုင်းထားပါတယ်။ သူငယ်ချင်းတွေကို တစ်ယောက်ကို ဘတ်၂၀၀၀စီ တောင်းပြီးတော့ ပြန်လွှတ်လိုက်ပါတယ်။ သူတို့ နယ်စပ်ကို ပတ်စပို့လုပ်ဖို့ သွားနေကြပါပြီ်။ ပြီးတော့မှ ကျနော့်ကို ပုလိပ်က“ဘာလဲ…မင်းက ပတ်စပို့ရှိလို့ မကြောက်ဘူးလားလို့ မေးပါတယ်၊ ကျနော်က ပြန်ပြောပါတယ်၊ သူငယ်ချင်းတွေမို့လို့ အကူအညီ ပေးချင်လို့ လာတာလို့ ပြောပါတယ်။အစတုန်းက ကျနော့်ယာယီပတ်စပို့ကို ကြည့်ပြီးပြီ။ ခုကြည့်တဲ့အချိန်မှာ ပုလိပ်က ကျနော့်ကို ၂ လက္မပတ်လည်လောက်ရှိတဲ့စာရွက်မှာ ရက်စွဲလည်း မပါပဲ ဂဏန်းသုံးလုံး ရေးပြီးတော့ ညှပ်လိုက်ပါတယ်။ ပြီးတော့မှ ကျနော့်ကို ဘတ် ၅၀၀၀ ထောင်ပေးရမယ်လို့ ပြောပြီး လက်ထိပ်လည်း ခတ်လိုက်ပါတယ်”ဟု ပြောသည်။ အဆိုပါနေရာတွင် မြန်မာအလုပ်သမားများကို ပြ၍ ထိုင်းရဲများနှင့် ပူးပေါင်းငွေတောင်းသည့် အလုပ်ကိုလုပ်စား နေသည့် မြန်မာနိုင်ငံသား အသက်သုံးဆယ် ၀န်းကျင် အရွယ် ကုလားတစ်ဦး ရောက်ရှိလာခဲ့သည်။

ကိုကျော်ကျော်က ဆက်လက်ပြောပြ ရာတွင် “နာမည်တော့ ကျနော်မသိဘူး၊ ကုလားတစ်ယောက် ရောက်လာတယ်၊ မင်း ချဲစာရွက်နဲ့ ဖမ်းမိတာမလွယ်ဘူး၊ ထောင်ကျနိုင်တယ်၊ သူတို့ တောင်းသလောက် မြန်မြန် ပေးလိုက်၊ ဒီကိစ္စက ဘယ်သူမှကယ်လို့ မရဘူးလို့ ၀င်ပြီးတော့ ခြိမ်းခြောက်ပါတယ်။ ကျနော် သူ့ ဖုန်းနဲ့ အမေ့ကို ဖုန်းဆက်လိုက် ပါတယ်၊၊ ဒီကုလားက လမ်းသွား လမ်းလာ မြန်မာတွေကို ပုလိပ်ရုံးထဲ ကနေပြီးတော့ မြန်မာတွေ လို့ ခန့် မှန်းရသူတွေကို ပုလိပ်ကို လက်ညှိုးထိုးပြတယ်၊ ဖမ်းတဲ့ ဗမာတွေကို ၀င်ပြီးတော့ ခြိမ်းခြောက်ပေးတယ်၊ ဘာသာပြန် ပေးတယ်၊ ဒီလို လုပ်စားနေတာ”ဟု ပြောသည်။

အဆိုပါ ရဲနှစ်ယောက်က တောင်းရမ်းသော ငွေကို ချက်ခြင်း ရောက်မလာသဖြင့် ဘတ်၁၀၀၀၀ ပေးရမည်ဖြစ် ကြောင်း ထပ်မံပြောဆိုလာသဖြင့် နောက်ဆုံးတွင် ဘတ်တစ်သောင်းပေးမှလွတ်မြောက်လာခဲ့သည်။

ကိုကျော်ကျော်သည် ထိုင်းရဲဖမ်းဆီးငွေညှစ်သော နေရာနှင့်အနီးငယ်သာအလှမ်းဝေးသော ကြက်သားကြော် ကုမ္ပဏီ တစ်ခုဖြစ်သည့် Leam Thong food products Co,Ltd တွင် အ လုပ်လုပ်နေသူ ဖြစ်သည်။ ကျော်ကျော်က မိမိငွေကြေးပေးဆောင်ခဲ့ရသည့်အကြောင်းကို အလုပ်သမားအဖွဲ့ တစ်ခုသို့ အကြောင်းကြားခဲ့ သကဲ့သို့  မိမိအလုပ်ရုံမှ အလုပ်သမားခေါင်းဆောင် (၀ဏ္ဏ) ကိုအထွန်းအား တိုင်ပင်ခဲ့သည်။

့ဇန္န၀ါရီလ ၈ ရက်နေ့ က လုပ်ငန်းရှင် သူဌေးကိုယ်တိုင် ဦးဆောင်၍ အလုပ် လက်ထောက်မန်နေဂျာ မြန်မာ အလုပ်သမားခေါင်းဆောင် ကိုအထွန်းနှင့် ငွေညှစ်ခံခဲ့ရသူ ကျော်ကျော်တို့ နံနက်၈နာရီခန့်တွင် နယ်မြေ ရဲစခန်းဖြစ်သော မဟာချိုင်နယ်မြေ ကထုန်ဘန် ရဲစခန်းသို့  အမှုဖွင့်တိုင်ကြားရန် သွားခဲ့ကြ သည်။

ညနေ ငါးနာရီကျော်တွင် အောင်မြင်စွာပြီးစီးခဲ့ကြောင်း ပြောပြသည်။ ကိုအထွန်းက “ကျနော် ဘန်ကောက် မြန်မာ သံရုံးက သံအမတ်ကြီးကို ဖုန်းဆက်ပါတယ်၊သူက ထိုင်းရဲချုပ်ကို ဖုန်းဆက်ပါတယ်။ ထိုင်းရဲချုပ်က တစ်ခါ သူ့အောက်က ရဲအရာရှိကြီးတွေကို ဆက်ပါတယ်။ ကျနော်ကိုမေးတော့ ကျနော်ကဖြစ်စဉ်ကို ပြောပြပါတယ်။ ရဲမှူးကြီးက ငါတို့တော့ အရှက်ကွဲပါပြီတဲ့၊ ၀င်ပြီးတော့ ညှိပေးတယ်၊ ကျော်ကျော်ဆီက တောင်းယူထားတဲ့ ငွေတစ်သောင်းကို ပြန်ပေးတယ်၊ အဲဒီရဲ၂ ယောက်ကို ခွင့်လွှတ်ပေးဖို့ ကြားက တောင်းပန်တယ်၊ ငွေညှစ်တဲ့ ပုလိပ်တွေကို အလုပ်ဖြုတ်လိုက်ရင် သူတို့ မိသားစုတွေ ဒုက္ခရောက်နိုင်တယ်၊ လာမယ့် တနင်္လာနေ့ ကျရင် နယ်ပြောင်းပေးမယ်၊ အဲဒီ အုန်းနွဲ့ က ထုန်ဘန်နယ်မြေမှာ ဒါမျိုး နောက်မဖြစ်စေရဘူးလို့  ကျနော်တို့ သူဌေးကို ဂတိပေး ပါတယ်။ ကျနော်က ပြောပြတယ်။ ကျနော်တို့ မြန်မာ ပြည်မှာ အိမ်ရှိတယ်၊ လယ်ရှိတယ်၊ ကိုယ့်တိုင်းပြည်မှာ အလုပ်အကိုင် ရှားပါးလို့ လာလုပ်ကြတာဖြစ်တယ်။ ထိုင်းမှာ တရားဝင်နေထိုင် အလုပ်လုပ်ကိုင်သူတွေ ဖြစ်တယ်။ ခု ချဲ စာရွက်မို့ တော်သေးတယ်၊ မူးယစ်ဆေး (ယာဘ)ကို ညှပ်ပြီး ယာယီ ပတ်စ်ပို့ စာအုပ်ကြားမှာ တွေ့ ပါတယ်လို့  လုပ်ရင် မခက်ဘူးလားလို့ ပြောလိုက်ပါတယ်။ ဘာပဲပြောပြော ကျနော်တို့  အတွက် သတိထားစရာ သင်ခန်းစာတော့ ရလိုက်တာပေါ့” ဟု ပြောဆိုသွားသည်။

အဆိုပါအလုပ်ရုံမှ မြန်မာ အလုပ်သမား လေးရာကျော်မှာ လာမည့် ရက်ပိုင်းအတွင်း ယာယီပတ်စပို့ လုပ်ရန် နယ်စပ်သို့ သွားမည် ဖြစ်သည်။ လက်ရှိ ယာယီပတ်စပို့ လုပ်ပြီးသူ ငါးဆယ်နီးပါး ရှိပြီးဖြစ်ကြောင်း ပြောပြကြ သည်။

ငွေပြန်ရလာသော ကိုကျော်ကျော်က “ အယင်က ဘတ်ရှိရှိ/မရှိရှိ ဖမ်းနေတာ အဲဒါကို လွတ်မယ်ထင်လို့ မဖမ်းတော့ဘူးထင်လို့  ကျနော်ပိုက်ဆံ မတတ်နိုင်ပေမယ့် မဖြစ်ဖြစ်အောင် လုပ်တာပါ။ ခု ချဲပေါင်ချာညှပ်ပြီး ဖမ်းတယ် ဆိုတော့ ပတ်စ်ပို့့ရှိတယ်ဆိုပေမယ့် ကျနော်တော့ လုံခြုံမှုမရှိသလို ခံစားရတယ်။ ခုဟာက ကျနော်တို့ သူဌေး ကိုယ်တိုင် လိုက်ပေးတယ်၊ မြန်မာသံမှူးကြီးက ထိုင်းရဲချုပ်ကို အလေးတယူ ဖုန်းဆက်ပြီးတော့ ကူညီပေး တာတွေကို အထူးကျေးဇူးတင်ပါတယ်ဗျာ။ နောက်တစ်ခုက အယင် ဒီပုလိပ်ရုံးမှာ လုပ်စားနေခဲ့တဲ့ မွန်လူမျိုး ဇာနည် အဖမ်းခံထားရလို့ နဲနဲအေးချမ်းနေတာ ခု ဗမာကုလားတစ်ယောက် လက်ထောက်ချ လုပ်စားနေတယ်၊ ကျနော်ကို ဖမ်းတဲ့နေ့ က သူလည်းရှိတယ်၊ ခု ရဲစခန်းမှာ သူကိုလည်း ကျနော်တို့ တိုင်ခဲ့တယ်”ဟု ပြောသည်။

၂၀၀၉ ခု နိုဝင်ဘာ၁၈ ရက်နေ့ က အဆိုပါနယ်မြေ ၆ထပ်တွင် မြန်မာကုန်ပစ္စည်းများ ရောင်းချသည့်ဈေးသည် ကိုအောင်ဇော်လင်းလည်း အုန်းနွဲ့ တံတားအောက် ရဲကင်းတွင် ယာယီပတ်စပို့ ကိုင်ဆောင်ထားသော်လည်း ငွေညှစ် ခံခဲ့ဖူးကြောင်း ပြောသည်။

“ကျနော် ဈေးဝယ်ပြီး ပြန်လာတယ်၊ မြန်မာကောင်မလေး ၂ ယောက်ကို ဖမ်းပြီးေ ငွတောင်းနေတာကို ကျနော် လှည့်ကြည့်ခဲ့တယ်၊ ခဏကြာတော့ ကျနော့်နောက်ကို အဲဒီ ပုလိပ် ၂ ယောက် ကျနော့်ရှေ့က ရပ်ပြီး ဘတ်ရှိလားလို့ မေးတယ်၊ ကျနော်က ယာယီပ တ်စပို့ကို ပြတော့ တံတားအောက်က သူတို့ ရဲကင်းကို ခေါ်သွား ပါတယ်၊ ပြီးတော့ ကျနော့်ကို အလုပ် လုပ်လို့မရဘူး။ ဈေးရောင်းလို့ မရဘူး၊ အလည် ပတ်စပို့ လို့ ပြောပါတယ်၊ ကျနော်က သူဌေးဆီမှာ ဈေးရောင်းတဲ့ အလုပ်ကိုလုပ်နေတဲ့ အလုပ်သမားလို့ ပြောပါတယ်။

ဘတ်သံဒေါင့်လုပ်ထားလို့ ၊ လုပ်ငန်းရှင်သူဌေးရှိလို့  ဒီယာယီ ပတ်စပို့ လုပ်လို့ ရတာလို့  ပြောတယ်၊ ကျနော့် ပိုက်ဆံ အိတ်ကို တောင်းကြည့်တယ်၊ ကျနော့်မပေးဘူး၊ ဖွင့်တော့ပြလိုက်တယ်၊၊ သူတို့  မကျေနပ်ဘူး ကျနော် သူဌေးကို ဖုန်းဆက်ပြီးခေါ်လိုက်တယ်၊ သူဌေးရောက်လာတယ်၊ ပုလိပ်ရုံးကို မ၀င်ရဘူး။ ပုလိပ်တွေ ကျနော် ၀ယ်လာတဲ့ ၁၀၀ တန် ဖုန်းကဒ် ၃ခုကို ယူထားလိုက်တယ်။ အခြားဟာတွေတော့ မယူဘူး။ ကျနော့်ကို မဟာချိုင်က ထုန်ဘန်ရဲစခန်းကို ခေါ်သွားပြီးတော့ အ ချုပ်ထဲကို ထည့်လိုက်တယ်၊ ကျနော့်ကို ဘတ် တစ်သောင်း တောင်းတယ်၊ ကျနော့်ပတ်စပို့ ကို ရဲအရာရှိက သိမ်းထား လိုက်ပါတယ်။ သူဌေး ရောက်လာပြီးတော့ ဘတ် ၃၀၀၀ ပေးခဲ့ရတယ်”ဟု ပြောသည်။

ကိုအောင်ဇော်လင်းကို နေထိုင် အလုပ်လုပ်ကိုင်ခွင့် လုပ်ပေးထားသည့် သူဌေးတူဖြစ်သူမှာ ဥပဒေ အကြံပေး အရာရှိ တစ်ဦးဖြစ်သည်။ နံနက် ၇နာရီတွင် စတင်ဖမ်းဆီးခံခဲ့ရသော ကိုအောင်ဇော်လင်းမှာ ညဥ့် ၉နာရီခွဲ တွင် လုပ်ငန်းရှင် ကိုယ်တိုင် ဘတ်သုံးထောင်ပေးပြီး ရွေးထုတ်ခဲ့မှ လွတ်မြောက်လာခဲ့သည်။

ထိုင်းရဲများ ဖမ်းဆီး ငွေညှစ်ခြင်းကို ခံခဲ့ရသော်လည်း ဤအဖြစ်အပျက်ကို လူအများအား မပြောကြားခဲ့ကြောင်း ခု နိုဝင်ဘာ၁၉ ရက်နေ့ က ဘန်ကောက်မြို့ စာထွန်လမ်းမကြီးတွင် ရှိသော မြန်မာ သံရုံးသို့ သွားရောက်တိုင် ကြားခဲ့သည်။ သံရုံးဝန်ထမ်း အမျိုးသားတစ်ဦးက အဖြစ်အပျက်များကို ရေးသားဖြည့်စွက်ပြီ တင်ပြ ပြောဆိုခဲ့ သော်လည်း ယနေ့တိုင် မည်သို့သော အရေးယူ ဆောင်ရွက်မှုမျိုး မရှိခဲ့ကြောင်း ကိုအောင်ဇော်လင်း က ပြောသည်။

၂၀၀၉ အကုန်ရက်ပိုင်းတွင် မြန်မာသံရုံးသို့ တယ်လီဖုန်းဖြင့် အခြေအနေကို ဖုန်းဆက်မေးမြန်းခဲ့ရာ ထိုင်း ပြည်ထဲရေး ၀န်ကြီးဌာနနှင့် ဆက်သွယ်ကူညီပေးရန် စီစဉ်ထားကြောင်း ပြန်လည်ပြောဆိုခဲ့သည်။

သူယာယီ ပတ်စပို့ လုပ်စဉ်က ဘတ်ငွေ ၇၃၀၀ ကုန်ကျခဲ့ပြီး အလုပ်လုပ်ကိုင်ခွင့် ပါမစ်အတွက် ၃၇၀၀ဘတ် ပေးရပြီး အသက် အာမခံအတွက် ဘတ် ၆၀၀ ပေးသွင်းထားရပြီး သွေးစစ်ခအတွက် မပါဝင်သေးကြောင်း ပြောဆို သွားသည်။

ယာယီ ပတ်စပို့ လုပ်ကိုင်သဖြင့် ထိုင်းအလုပ်သမားများ နည်းတူ အခွင့်အရေး တန်းတူ ရရှိမည်ဖြစ်ပြီး နေရာ တိုင်းသို့ လွတ်လပ်စွာ သွားလာခွင့်ရရှိမည် ဖြစ်ကြောင်း၊ ထိုင်း အစိုးရ၊ မြန်မာအစိုးရ အပြင် ထိုင်းကုမ္ပဏီနှင့် မြန်မာ ပတ်စပို့ ပွဲစားများက ပြောဆိုခဲ့သော်လည်း ယာယီပတ်စပို့ လုပ်ကိုင်ပြီး လပိုင်းသာရှိသေးသော မြန်မာ အလုပ်သမားများအား ထိုင်းရဲများက မတရားအနိုင်ကျင့်နေသဖြင့် အထူးစိတ်ညစ်နေကြရသည်။

နှစ်နိုင်ငံအစိုးရတို့ သဘောတူ ဆောင်ရွက်နေသော တရားဝင်အလုပ်သမား ခန့်ထားရေး လုပ်ငန်းစဉ်အတွင်း ထိုင်းအစိုးရက ထိုင်းလုပ်ငန်းရှင်များကို ပြင်ထန်သောဖိ အားပေးမှုတို့ကြောင့် မြန်မာ အလုပ်သမားများက ငွေအမြောက်အများ အကုန်အကျခံပြီး ယာယီပတ်စပို့ကို လုပ်ကိုင်နေကြဆဲ ဖြစ်သည်။ ယခုကဲ့သို့ ထိုင်းရဲများ အနိုင်အထက် ပြုကျင်နေခြင်းကို ခံနေရသဖြင့် ယာယီပတ်စပို့ကို ကိုင်ဆောင်ထား သော်လည်း အကာအကွယ်မဲ့ သလို ခံစားနေရကြောင်း ငွေညှစ်ခံခဲ့ရသူနှစ်ဦးတို့က ပြောပြသည်။
ကိုကျော်သောင်းမှ ပေးပို့ပါသည်။