6.03.2010

တရုတ်နှင့်မြန်မာ သဘောတူစာချုပ် ၁၅ ခု လက်မှတ်ရေးထိုး

 ဇွန် ၃ ၊ ရန်ကုန် ။
တရုတ်ဝန်ကြီးချုပ် ဝမ်ကြားပေါင်၏ တရုတ်မြန်မာ နှစ်ခြောက်ဆယ်ပြည့် အထိမ်းအမှတ်အဖြစ် မြန်မာနိုင်ငံသို့ လာရောက်ခဲ့သည့် ခရီးစဉ်အတွင်း စစ်အစိုးရ ဝန်ကြီးချုပ် ဦးသိန်းစိန်နှင့် သဘောတူစာချုပ် ၁၅ခုကို ယနေ့ လက်မှတ်ရေးထိုးခဲ့သည်ဟု သိရှိရပါသည်။
ထိုအခမ်းအနားကို တက်ရောက်ခွင့်ရခဲ့ပြီး ကိုယ်တိုင် တွေ့မြင်ခဲ့ရသူ နအဖ အရာရှိတဦးက တရုတ်နှင့် မြန်မာ သဘောတူ လက်မှတ်ရေးထိုးခဲ့သည့် စာချုပ်များတွင် သဘာဝဓါတ်ငွေ့ ပိုက်လိုင်းကိစ္စ၊ ရေအားလျှပ်စစ် လုပ်ငန်းများ ၊ ရထားသယ်ယူပို့ဆောင်ရေး လုပ်ငန်းများ ၊ နယ်စပ်ကုန်သွယ်မှု လုပ်ငန်းများ၊ သတ္တုတူးဖေါ်ရေးလုပ်ငန်းများနှင့်  အခြားအကူအညီပေးရေး ဆိုင်ရာ သဘောတူစာချုပ်များ ပါဝင်သည်ဟု ပြောပြခဲ့ပါသည်။ 
၎င်းအရာရှိကပင် ဆက်လက်ပြောပြရာတွင် တရုတ်ဝန်ကြီးချုပ်သည် ထိုသဘောတူစာချုပ်များ  လက်မှတ် မရေးထိုးမှီ နအဖ ခေါင်းဆောင် ဗိုလ်ချုပ်မှူးကြီးသန်းရွှေ၊ ဝန်ကြီးချုပ် ဦးသိန်းစိန်တို့နှင့် သီးခြား တွေ့ဆုံ ခဲ့ကြသည်ဟု ဆိုပါသည်။ 
တရုတ်ဝန်ကြီးချုပ်၏ မြန်မာနိုင်ငံ ခရီးစဉ်သည် လွန်ခဲ့သော ၁၆နှစ် ၁၉၉၄ခုနှစ် ဒီဇင်ဘာလက ၂၆ရက်မှ ၂၈ရက်နေ့ အထိ ၂ရက်ကြာ ခရီးစဉ်နောက်ပိုင်းတွင် ပထမဆုံး ဝန်ကြီးချုပ် ခရီးစဉ်ဖြစ်ဖြစ်ပါသည်။

တရုတ်ဝန်ကြီးချုပ် ဝမ်ကြားပေါင်နှင့် သူ၏အဖွဲ့သည် ယနေ့ညနေပိုင်းတွင် နေပြည်တော်မှ ရန်ကုန်မြို့သို့ ပြန်လည် ရောက်ရှိလာခဲ့ပြီ ဖြစ်ပါသည်။ တရုတ်ဝန်ကြီးချုပ်သည် မြန်မာပြည် ခရီးစဉ် အပြီးတွင်  တောင်ကိုရီးယား၊ ဂျပန်နှင့် မွန်ဂိုလီးယား  နိုင်ငံတို့သို့ သွားရောက်ရန် ရှိပါသည်။ 
ပြည်တွင်းသတင်းထောက် (ရွှေဝါရောင် သတင်းလွှာ)

No comments:

Post a Comment