8.19.2010

ရက်ပိုင်းအတွင်း ထိုင်းမြန်မာချစ်ကြည်ရေးတံတား ပြန်လည်ဖွင့်နိုင်တော့မည်ဟု တာ့(ခ်ခရိုင် ဒုမြို့နယ်မှူးပြောဆို


သြဂုတ်၁၉
ထိုင်းမြန်မာနယ်စပ်၊ တာ့ခရိုင် ဒုမြို့နယ်မှူး နိုင်ဝတ်စစ်ထိစူလရ်ှက ယမန်နေ့က ထိုင်းမြန်မာ ချစ်ကြည်ရေးတံတား ပြန်ဖွင့်တော့မည်ဟု ပြောဆိုလိုက်ကြောင်း ထိုင်းဘာသဖြင့်ထုတ် ဝေသည့်INN အွန်လိုင်း စာမျက်နှာတွင် ယနေ့ ရေးသားဖေါ်ပြထားသည်။
မြန်မာဘက်မှ လူသိများထင်ရှားသည့် မြန်မာကုန်သည်ကြီးတစ်ဦးနှင့် မြန်မာစစ်အစိုးရ ကုန်သွယ်ရေး ဆိုင်ရာ လူကြီးများနှင့်တွေ့ဆုံခဲ့ပြီး ဖြစ်သဖြင့် လာမည့် ၁ ရက် ၂ ရက်အတွင်း ထိုင်းမြန်မာ ချစ်ကြည်ရေးတံတား ဖွင့်လှစ်နိုင်လိမ့်မည်ဖြစ်ကြောင်း ဒုမြို့နယ်မှူးကို ကိုးကား၍သတင်းတွင် ရေးသား ထားသည်။
မဲဆောက်မြို့ရှိ ရွှေဆိုင်များတွင် ၀ယ်နေသည့် ရွှေဝယ်သူ ၃၀ ရာခိုင်နုန်းမှာ မြန်မာဘက်မှ ကုန်သည်များ ဖြစ်ကြောင်း။ ချစ်ကြည်ရေးတံတား ပိတ်လိုက်ပြီးနောက်ပိုင်း နယ်စပ်အရောင်းအ၀ယ်များ ရပ်ဆိုင်းခဲ့ရပြီး နယ်စပ် ကုန်သွယ်ရေး လုပ်ငန်းများတွင် လုပ်ကိုင်နေကြသည့် မြန်မာအလုပ်သမားများလည်း အလုပ်လက်မဲ့ ဖြစ်ခဲ့ကြရသည်။
ပြီးခဲ့သည့် ဇူလိုင်လ ၁၇ ရက်နေ့ မှ စ၍ ထိုင်းအစိုးရဘက်မှ ရေကမ်းပါးထိမ်းနံရံတည်ဆောက်မှုကို မြန်မာ အစိုးရဘက်မှ မကျေနပ်သဖြင့် နှစ်နိုင်ငံကုန်သွယ်ရေး တံတားကို မြန်မာဘက်မှ ပိတ်ပစ်ခဲ့သည်။
ထိုသို့ ပိတ်လိုက်ခြင်းကြောင့် ထိုင်းနိုင်ငံဘက်မှ တစ်နေလျှင် ဘတ်သန်းတစ်ရာ ၀န်းကျင် နစ်နာ ဆုံးရှုံးကြောင်း ထိုင်းသတင်းစာများက ဖေါ်ပြကြသည်။
မြန်မာဘက်မှထိုင်းသို့ တင်ပို့သည့် ကုန်ပစ္စည်းတန်ဘိုးများမှာ တစ်လလျှင် ဘတ်ဆယ်ဂဏန်း (ကျပ်သန်း၃၀၀) ဖိုးခန့်သာ ရှိသော်လည်း ထိုင်းနိုင်ငံဘက်ကြ မန်မာနိုင်ငံဘက်သို့ တင်ပို့သည့် ကုန်ပစ္စည်းများ တန်ဖိုးမှာ ဘတ်သန်း၁၀၀၀(ကျပ်သန်း ၃၀၀၀၀) ခန့် ရှိကြောင်း သိရှိရသည်။
ထိုင်းနိုင်ငံသည် တရုတ်အန္ဒိယတို့ အပြိုင် မြန်မာပြည်တွင် ဈေးကွက်တွင်အပြိုင် ရောင်းဝယ်ဖေါက်ကားသည့် နိုင်ငံတစ်ခုဖြစ်သည်။ ထိုင်းကုန်ပစ္စည်းများကို တရုတ်ပစ္စည်းနှင့် အိန္ဒိယပစ္စည်းတို့ထက် မြန်မာများက အရည်သွေးမြင့် ပစ္စည်းအဖြစ် လက်ခံသုံးစွဲကြသည်သည်။

No comments:

Post a Comment