ရန်ကုန်၊ ဂျွန် ၁၁ ။
မြန်မာနိုင်ငံ နိုင်ငံခြားရေးဝန်ကြိးဌာနက နိုင်ငံခြားသတင်းဌာနများက မြန်မာစစ်အစိုးရသည် မြောက်ကိုးရီးယားနှင့် နျူကလီးယား လက်နက်များ ထုတ်လုပ်ရန် ပူးပေါင်းဆောင်ရွက်နေသည်ဟု ဖေါ်ပြနေခြင်းနှင့် ပါတ်သက်၍ ယနေ့ ညနေပိုင်းက သတင်းထုတ်ပြန် ငြင်းဆိုခဲ့ပါသည်။
အစိုးရပိုင် ရုပ်မြင်သံကြားအစီအစဉ်မှ ပြောဆိုရာတွင် နိုင်ငံခြားသတင်းဌာနများ၏ ဖေါ်ထုတ်ရေးသားချက် များသည် လုံးဝမှားယွင်းနေသည်ဟု အဆိုပါ ကြေငြာချက်တွင် ဖေါ်ပြထားပါသည်။
ထိုထုတ်ပြန်ချက်သည် မြန်မာနိုင်ငံကို နိုင်ငံရေးအရ အကျပ်အတည်းတွေ့စေရန်နှင့် သိက္ခာချရန် ၊ အမေရိကန်နိုင်ငံနှင့် အထင်အမြင်လွဲမှားမှုများ ဖြစ်ပေါ်လာစေရန် ဆောင်ရွက်ခြင်းသာ ဖြစ်ကြောင်းလည်း စွပ်စွဲပြောခဲ့ပါသည်။
မြန်မာနိုင်ငံသည် လွန်ခဲ့သောနှစ်ပေါင်းအတော်ကြာက ရုရှားနိုင်ငံနှင့် ပူးတွဲကာ ၁၀ မီဂါဝပ်ပမာဏရှိ နျူကလီးယား ဓါတ်ပေါင်းဖိုတခုကို ဆောက်လုပ်ရန် စီစဉ်ခဲ့သော်လည်း လုံလောက်သော အရင်းအမြစ်များမရှိ၍ ရပ်တန့်ခဲ့သည်ဟုလည်း ဆိ်ိုပါသည်။
ထိုအတူ မြန်မာနိုင်ငံအနေနှင့် နိုင်ငံတိုင်းတွင် ငြိမ်းချမ်းသော ရည်ရွယ်ချက်ဖြင့် နျူကလီးယားပိုင်ဆိုင်ခွင့် ရှိသည်ဟု အခိုင်အမာ ယုံကြည်သည်ဟုလည်း ထိုထုတ်ပြန်ချက်တွင် ထည့်သွင်းပြောဆိုခဲ့ပါသည်။
မြန်မာနိုင်ငံသည် နျူကလီးယား မပြန့်ပွားရေးစာချုပ်ကို လက်မှတ်ရေးထားသော နိုင်ငံဖြစ်သည်ဟု ထိုထုတ်ပြန်ချက်တွင် ထုတ်ဖေါ်ပြောဆိုခဲ့သော်လည်း ၄င်းတို့ဝန်ခံခဲ့သော ၁၀ မီဂါဝပ်ရှိ ဓါတ်ပေါင်းဖိုကို ဆောက်လုပ်ရန် ရုရှားနိုင်ငံနှင့် ပူးပေါင်းဆောင်ရွက်ခဲ့သည်ဆိုသော အချက်ကို ယခင်က ဖေါ်ထုတ်ပြောဆိုခဲ့ဘူးခြင်း မရှိခဲ့ပါ။ ထို့အတူ မြန်မာနိုင်ငံ၏ အချု့နေရာများတွင် နျူကလီးယားဓါတ်ပေါင်းဖို တည်ဆောက်ရန် ရည်ရွယ်ချက်ဖြင့် လုပ်ဆောင်နေသည်ဟု ယူဆရန်ရှိသော အထေက်အထား ဓါတ်ပုံ မြောက်များစွာနှင့် အချက်အလက်များစွာကို သတင်းဌာနများက ထုတ်ဖေါ်တင်ပြခဲ့ကြပါသည်။
ပြည်တွင်းသတင်းထောက် (ရွှေဝါရောင်သတင်းလွှာ)
No comments:
Post a Comment