သြဂုတ် ၂၀
ထိုင်းဘာသာပြန် ကိုတီး(ရခိုင့်တံခွန်ဂျာနယ်)
ပထမဦးဆုံး ထိုင်းမြန်မာရဲမေများ မူးယစ်ဆေးဝါးတိုက်ဖျက်ရေး ပူးတွဲလေ့ကျင့်ရေးသင်တန်းဆင်းပွဲကို ယမန်နေ့ က ထိုင်းနိုင်ငံမြောက်ပိုင်း ချင်းမိုင်မြို့တွင် ကျင်းပခဲ့ကြောင်း ခုန်ချလစ်(ခေါ်) ကြည်လင်ပြတ်သား သည့် သတင်းစာတွင် ဖေါ်ပြထားသည်။
ချင်းမိုင်မြို့နယ် မယ့်ဒန်မြို့ရှိခိုက် နလေစုန် လေ့ကျင့်ရေးစခန်းတွင် သြဂုတ်လ ၉ရက်မှ ၁၉ရက်နေ့အထိ ထိုင်းရဲမေဆယ်ဦးနှင့် မြန်မာရဲမေဆယ်ဦးတို့ သင်တန်းတက်ရောက်ခဲ့ကြသည့် နှစ်နိုင်ငံရဲမေများ ပထဦးဆုံး အကြိမ် ပူးတွဲလေ့ကျင့်ရေးသင်တန်းဖြစ်သည်။
နယ်စပ်ဒေသ မူးယစ်ဆေးဝါးကာကွယ်တိုက်ဖျက်ရေး အထူးတပ်ဖွဲ့တပ်မဟာ(၅)မှ ထိုင်း၇ဲဗိုလ်ချုပ် နိုင်ကေစန ဖုန်အနန် က “ဒါပထမဦးဆုံး နှစ်နိုင်ငံ ရဲမေတွေကို မူးယစ်ဆေးဝါးတိုက်ဖျက်ရေး အထူး သင်တန်း ပို့ချတာဖြစ်ပါတယ်။ အများကြီးကောင်းပါတယ်။ နောက်ဆိုရင် ဒီထက် တိုးတက်လာမယ်လို့ မျှော်လင့်
ပါတယ် နှစ်နိုင်ငံရင်းနှီးချစ်ကြည်မှုကိုလည်း အထောက်အကူပြုစေပါတယ်။ နယ်စပ်မှာ ဖြစ်ပေါ်နေတဲ့ မူးယစ်ဆေးဝါး ကိစ္စရပ်တွေကိုလည်ူးးတွဲဖေါ်ထုတ်နိုင်မှာဖြစ်ပါတယ်” ဟု သင်တန်းဆင်း မိန့်ခွန်းတွင် ပြောဆိုသွားသည်။
သင်တန်းတွင် သတင်းအချက်အလက် စုဆောင်းနည်း၊ မူးယစ်ဆေးဝါးများ ရှာဖွေပုံရှာဖွေနည်း၊ မြေပြင်နှင့် ကောင်းကင်တို့မှ ရှာဖွေနည်း၊ အဆောက်အဦး တစ်ခုအား အခက်အခဲကြားမှ ထိုးဖေါက်ဝင်ရောက်ပြီး တရားခံများကို ဖမ်းဆီးခြင်း အပြင် ပုံစံအမျိုးမျိုးဖြင့် သေနတ်ပစ်ခတ်နည်းများကို သင်ကြားပို့ ချခဲ့သည်။
ထိုင်းနိုင်ငံမြောက်ပိုင်းမှ ထိုင်းနိုင်ငံတောင်ပိုင်းအထိ ထိုင်း/မြန်မာ နယ်စပ်တလျှောက် သယ်ယူနေသော မူးယစ်ဆေးဝါးများကို အထူး စောင့်ကြပ်သွားမည်ဖြစ်ကြောင်း ရဲဗိုလ်ချုပ်က ပြောသည်။ ထိုင်နိုင်ငံအတွင်း ဖမ်းဆီးရမိသော မူးယစ်ဆေးဝါးဂိုဏ်းများမှာ မြန်မာနိုင်ငံဘက်မှ မူးယစ်ဆေးဝါးဂိုဏ်များနှင့် ဆက်စပ် ပတ်သက်မှု ရှိကြောင်း၊ ယခုပေါ်နေသည့် ချောင်းဆိုးပျောက်ဆေးများကို ထုတ်လုပ်သည့် ဆေးကုန်ကြမ်းများအား ကန့်သတ်မှုများနှင့်သာ ခွင့်ပြုပေးဖို့ အစိုးရအား တင်ပြသွားမည်ဖြစ်ကြောင်း ဆက်လက် ပြောဆိုသွားသည်။
ထိုင်းနိုင်ငံခြားရေး ၀န်ကြီးဌာနမှ မြန်မာနိုင်ငံဆိုင်ရာ အမြဲတန်းအတွင်းဝန် နိုင်အဖိလတ် ၀င်းယတ္ထ၀ီ လည်း သင်တန်းဆင်းပွဲကို တက်ရောက်လာခဲ့သည်။
No comments:
Post a Comment